北京樓 (星光行)

營業中

休息中

前2日有外國客人到訪, 指明想食北京鴨, 所以又係例牌黍呢間酒樓, 因為似乎外國客人都幾滿意呢間餐廳, 可能係個景幾好, 同埋近附近既酒店.每次點菜都好例牌咁, 北京鴨, 宮爆蝦球, 蜜汁火腿等等既重味食品, 其實都做得唔錯. 只係醬料可能太重味, 反而食唔到原有既肉味. 今次明顯人手多左, 服務亦幾有禮貌.

星期六嚮度食晚飯；話時話，冇幫襯呢間北京樓都已經有好幾年。今次再o黎，裝修明顯靚o左，門面功夫亦做多o左，睇o下入門口果陣D侍應列晒隊咁講「歡迎你」就可見一斑。我地叫o左個匯豐信用咭特價4人套餐，$600，有海蜇，素鵝，香糟鳳尾蝦，花膠瑤柱羹，北京填鴨(一大隻！)，鵝掌飽片，蒸素餃同糖水。因為唔止4個人，另外仲散叫多個嫩雞煨麵，兩籠小籠包，京蔥牛肉配叉子燒餅；埋單承為$1000大元。老實講，呢度D碟頭好細，以呢個價錢，嚮鹿鳴春一定會飽好多。不過若果有外國o黎o既guest，小妹都會suggest同佢o黎呢度，原因有二：(1) 呢度serve乞兒雞會俾客人拿起個錘卜第一錘落隻雞度，侍應仲會幫客人映即映即有相片添！睇到個鬼婆玩得非常高興，似乎呢D「橋」嚮遊客心目中的確幾受落。(2) 一到8點半就有拉麵表演。至於service，當晚雖然全場爆滿，不過service依然唔錯。其實呢度D野都算好妹；烤鴨鮮嫩，個香糟鳳尾蝦亦整得非常唔錯！若果碟頭大D就當然最好啦，不過若果下次有guest都或者會考慮o黎呢度。

白飯最能反映一間飯館既水準! 但佢碗飯, 乾身外帶粗糙, 幾難下...$1x !

嘈喧巴閉同食到趕頭趕命

公司請客食飯, 又係例牌北京樓, BBQ DUCK.....食物方面其實都OK, 環境亦唔差, 服務態度亦可以, 不過相信佢地要一個人睇十張台咁濟, 想搵一個事應生都唔易, 而且上菜極慢......好似分2餐食咁......

各位:今晚在美心旗下的尖東帝國中心北京樓晚飯,嘗到所謂優質食府的差劣質素,無論從服務到食品都令人反感,入門很久無人招呼,坐下後很久無人亦無人開茶擺位,幾張大枱,只有一位員工連加開水也要人客自己來,簡直不如大排檔,我們是在買美心月餅附上優惠套餐之$488套餐,標明原價九百多(開大價),食品質素奇差,各位若有心想試千祈三思,因不值此圖有虛名之優質食府作風令人反感而將之公佈天下!

曾經在尖東的北京樓吃過一餐十分叫人失望的晚飯, 真係冇樣好食. 後來試過星光行這間, 卻有驚喜. 但已很久沒幫襯了, 昨晚與朋友一起去食, 發覺裝修變得很高級, 頗舒服. 整晚的sever也ok, 只是客人很多, 侍應似乎不大夠. 食物卻沒上次好吃, 因朋友買了美心月餅有coupon, 四人套餐全包才$488. 但每樣食物份量都不太大, 味道也只一般, 清炒蝦仁是比較好的, 而出名的北京填鴨卻太廋, 皮亦不脆. 糖水核桃露更差, 一點核桃味都冇, 開水核桃露也比它好. 總之以食物質素而言, $488也覺不值, 更勿論原價. (好似係$988) 如果食環境既話, 另作別論.

Just famous, no quality!!!

每年返黎香港,都一定同父母、bf黎呢度食dinner,因為呢度環境好好,食物好好味,仲要係好耐都無好好享受港式京菜--高尚衛生。不過,今次好冷清,可能sars啦!今次黎呢度,我自備茶葉,呢度d茶貴,但無乜好飲,以前有八寶茶,而家無啦!今次食左:一)小籠包-----------夠熱,味道同手勢ok;二)蔥燒遼蔘---------鍋氣太大,味道ok,咬口都ok;三)蝦子豆腐---------個菜雖然平凡,但真係好好味;四)蜜汁火腿---------味道好好,但太唔新鮮,令咬口好差,浪費d汁醬同塊麵包;五)白飯-------------難食到不得了,又乾又硬>0<六)拔絲香蕉---------個waiter「拔」爛晒,其實我地都見到個香蕉好似好硬,好想話換過,但見到個waiter個樣好委屈,俾個女captain不停追住鬧,就算數!最後,我覺得蠢左,叫套?仲抵, 我bf埋單無比tips,佢話呢度比其他同級食吏貴,d waiter & waitress淨識開茶同落order,d 食物就得過且過。其實我覺得係氣氛有d死氣,d 食物水準都ok啦,但就無以前甘有風味,不過,而家真係多左

I + my family member=6ps<br />我地久唔久就會嚮度飲茶食飯,因為阿爺中意,果度有時會逼爆人,無招呼,好混亂,d sever 好殷勤,但真係唔夠人手,出菜亂晒,久又成日換一批新人,serve 始終差d~ 雖然d 野食係好好味,但服務都好緊要,唔該d manager 檢討下d 人手同服務啦,我地要比加一服務費ga~

星期六, 十二點幾, 我一家8 口去果度食午餐, 食左隻北京填鴨, 咪要返隻鴨既骨幹law, 追左兩次都無,轉頭去完toilet 出黎,聽到個四眼女侍應好惡甘鬧一個細路侍應:「hey　ya! 去垃圾桶執ｄ鴨殼（？）上黎沖下?，再包返好佢咪得law, 死蠢！」返埋位我見到果然有一袋鴨骨，死未？！之後我地將袋野　．．．　

片皮鴨extremely frozen one,tough, rough, hard, poor tasteother so-called Peking cuisine not authentic and portion extremely small,quality is too low.why still many ones buy this so-called famous restaurant---------------------------onle environment quite ok,food and service very poorNever Try

昨晚我同屋企去左呢度食飯, 可能近排HSBC 做緊promotion,所以d 侍應做到手不停.唔夠人serve 同漏單的情況都有. <br />另一方面, 食味真係幾不俗, 推介如下:<br />1. 賽螃蟹(無得頂呀!)<br />2. 清炒蝦仁<br />3. 魚蓉羹<br />4. 填鴨(肥瘦適中)<br />

對上一次造訪「北京樓」是十六年前的事，記得當年是跟家人去吃，還吃了附送金色鎚子的「乞兒雞」。那可是我第一次光顧貴價京菜哩！之後的十六年，每每吃京菜必定會到「鹿鳴春」、「美利堅飯店」或者「燕京樓」，肯定不會到太漂亮的「北京樓」。花旗銀行在今個十二月跟美心集團推出優惠，其中「北京樓」的《精選四人套餐》由$1,080 降至$498，見難得能以半價吃到，便訂了聖誕節晚上跟老爺奶奶一起去試這個半價餐。陳設不錯，侍應不足，粗略估計，一個侍應生負責十四張飯桌。第一道上的菜是「紫竹院小蔥海蜇」和「雞絲拌粉皮」：老實講，這兩碟食物的質素跟超市所賣的可謂—不相佰仲。第二道菜是盛有超過四十枚蝦仁的「水晶鮮蝦仁」：據老爺奶奶講，食味比賣相好得多，蝦仁鮮香脆嫩，色澤潔白，油光透亮。(註：因為我不吃海產類食物，故沒有試這道菜。)第三道菜是「金腿扒津白」：八片滑如奶油的白菜被四片面積約一吋乘兩吋的超薄金華火腿?著，味道合格，但量少。第四道菜是「雍和雞茸燕液」跟「灌湯小籠」：前者雖然有頗多燕窩在碗裡，但因為師傅打獻打得實在太輕手和調味不足，故飲完這個湯羹跟未飲分別不太！至於後者，乃合格之作。吃過四道菜，發現，我們四人

裝修後佈局不錯, 予人高格調的感覺.食物味道不俗, 服務幾好, 有很多名人和外籍人士光顧.