北京樓 (星光行)

營業中

休息中

講真呢度d 出品都吾錯，成班朋友食飯要左1.賽螃蟹(幾滑)2.酸辣湯(酸左少少)3.東山手撕雞(好味!)4.奶油津白(中規中矩!)5.香蕉拔絲(好正!!!非試不可)

上星期六(26.1.2002)請了兩位朋友一同去食飯, 坦白說又貴又唔好食。我ｏ地點左乞兒雞（無ｄ雞味，又鞋），宮爆蝦球（蝦夠大，不過冇味，ｄ汁又唔夠酸甜），糖醋魚塊（ｄ皮好厚呀），鍋貼（ｏｋ咁啦）同埋火腿津白（呢樣最好味）。三個人埋單九百五十幾元，我覺得又貴又唔好食。尢其那隻雞，要三百多元（雖然有一份紀念品同可能影一張相留念）不過真係唔抵又唔好食。食完覺得食裝修多過食食物，不過服務ｏｋ啦，因為我ｏ地order 錯左佢ｏ地都肯同我ｏ地換！

其實不是偏幫這兒，我覺得這兒實在不錯！上星期我朋友在這兒餐酒，我有份做姊妹，無論環境，服務及食物真的不錯！禮堂佈置得很美麗，用很多心型汽球和迷你汽球及乾花佈置(是酒樓包的) 比我在其他飲宴的環境佈置得靚很多！部長又識做，我們要的工具有求必應，最值得欣賞的是當玩新娘新郎時我和另一個朋友也離席了，那人我們一個人也不認識，那個女待應竟主動幫我們分別用碗碟盛起食物,連片皮鴨也幫我們包好，很細心！值得一讚！

我常會看這兒的食評,今天剛看完cat 小黑貓的評語我真的不可以相信,我不禁懷疑她是去錯了地方.我也是那兒的常客,就算質素最差那間(我指尖東)也不可能發生此現象吧！(一地垃圾)再者,就算客人再多,也不會要客人到剛埋單的身旁等侯執拾吧!每次也必定是先收拾妥當,重新擺放餐具才邀客人進席的,而且更是經常替客人把髒了的碟子更換!到那兒吃飯的非富則貴或是遊客,若真的掃到一地垃圾,就算你不投訴,其他客人也會投訴,就算客人不投訴,部長也不會坐視不理吧!

無可否認那兒是請多了新移民，我上一次去都發現有頗多生手。但若將垃圾掃在地上未免有點過份，那兒話晒是高級食肆，還是香港十好食店之一添喎！我去咁多次也沒試過這麼離普的事，妳為何不即時投訴呢！？我想他們的員工真的要再培訓一下了！

Friday, 七個人book o左8:30pm, 上到去爭D爆, 好旺~張檯D人o岩o岩走, 個waiter執緊檯~ 點知.....佢一揚, 將檯布上o既垃圾揚晒落地就算, 成地垃圾, 搞到D袋都唔敢放o係地~我o地order o左:北京填鴨(一隻) -- 幾脆, 幾好味~醉雞-- 都幾厚肉, 幾好味~北京宮爆蝦球-- 蝦好大隻, 但係幾油, 又無蝦味~金華火腿扒津白醬爆鱔片-- 鱔片幾爽~鮮魚羹-- 好多魚蓉, 不過加大size先可以分到七碗~賽旁蟹-- 幾滑~拔絲香蕉/蘋果各一客-- 點知佢撈埋另一檯客D香蕉一齊炸, 搞到我o地兩碟加埋先得4舊蘋果~ 個waitress又生手, 搞到沉完甩皮甩骨~ 唉.......本來order o左兩碗清湯麵, 點知遲遲都未o黎, 問佢又話整緊, 但係食晒D"食送"都未到, cancel!Service oK啦, 不過唔係殷勤o個種o羅~埋單$1300~ 總結: 有D失望, esp. 衛生!!!

全港數間北京樓要數這間是最好吃的，價錢也是最貴的，特別是片皮鴨，尖東o個間賣二百幾，呢間要賣三百幾，但確實是好吃點，因為她的鴨是由天津直接進口的，所以較大隻亦較好吃。而久不又有一些特別的瓜菜進口，上次吃(由四川來的名字不知會否記錯了，因餐牌無的)翠肉瓜炒蝦仁，瓜肉清甜，蝦仁爽口彈牙又鮮味，真想不到雖然用雪藏蝦仁但仍能做出如此鮮味的佳餚，大廚功架可見一斑﹗這兒有很多日本遊客及外國人慕名來光顧，因此服務亦非常好，據聞這裡新裝修時用了二千多萬，真重本呀！加上尖東海景及鐘樓景，吃得非常舒服及豪華呀！所以我只會光顧這一間的﹗