北京樓 (星光行)

營業中

休息中

由於今天忘記了帶高科技產品因此這次沒法提供相片，請見諒是晚原本想在又一城中用餐於八月花，誰知真的十分多人唯有轉戰往海港城的八月居誰不知又給婚宴包場，兩次都是這樣然後朋友便推介此北京樓進入餐廳後，發現很多外籍遊客，感到十分意外先說說食物的質素與友人點了一個什麼2人做世界套餐當中頭盤是海哲配一個類似春卷的東西海哲和普通東西一樣，然而第2樣東西味道頗佳與特別，因為是凍物其後，則是風沙雞這個是我認為最好吃的東西外皮脆，肉質滑，簡直是雞之極物!!第3樣則是蟹肉翅可能撞上大型婚宴，導致魚翅未能完全發開有待改善其後的是蝦排和瓜配瑤柱，由於本人對這兩樣東西食物敏感，所以不能介紹囉總括而言，食物的賣相和味道不錯看，能夠保持美心較高檔次食府的質素小記:在openrice中常看見人批評服務態度不好旦我不發見服務有什麼不妥當在我而言，雖然我光顧了這間食店，但未必代表你給了錢便是大爺讀書也有教落，服務是不可分割性的，顧客和服務員兩者也參與當中若果平常能夠以禮待人，例如服務員沏茶時能以"唔該"來道謝相信對方也不會對你太差吧?ps:充滿外籍遊客的中菜館，感覺十分與別不同

有朋友中左六合彩, 中六合者當然要請食飯我地大伙兒決定豪一豪去北京樓食北京填鴨原來北京樓都有好多遊客, 雖然係平日都超多人, 一定要訂位當見到自己隻鴨片緊皮既時候已經流哂口水, 等緊之際有師夫表演拉麵, 三兩下已經拉好, 獲得全場掌聲期待已久既北京填鴨終於上枱, 一隻鴨可以切兩碟皮, 我覺得有少少失望, 味道係好味, 但d肉稍為厚左少少, 個醬我就超鍾意, 一定要搽醬先好食炒拉麵 – 有少少肉絲, 個麵唔油不過麵質就林左d, 似係焗多過炒餃子 – 同普通上海店既差唔多, 個涵入面係成舊豬肉冇菜既黃花魚 – 賣相睇落唔係好靚但個汁無得彈, 好醒胃雲吞雞 – 個湯冇味精, 好正, 我地六個人, 每人分到一碗蔥油餅 – 超多蔥, 食到一口都係蔥味味道係ok, 並非超水準個人認為如果有錢可以去試下, 雖然有view 但人太多食唔到環境同氣氛名氣大過食物質素及服務

In celebration of my friend's birthday, the whole group decided to head to Peking Garden @ TST before heading to Salon de Ning for a further celebration. Booked a week in advance and pre-ordered a few special items just in case they are sold out. This particular outlet of Peking Garden is one of the busiest in Hong Kong (especially with tourists) and it was almost full house on this Friday night.(1) Steamed Pork Dumpling with Supreme Soup (aka Xiao Long Bao)Xiao Long Bao is like a standard item

是日帶來從美國來港旅遊的外國人(一家大細共5個)食飯, 想比佢留下最好印象, 所以先揀呢間咁貴, 但有豐富經驗做遊客生意, 享負盛名的高級餐廳。首先, 訂枱時我地已經問左佢會唔會0係客人面前片隻北京填鴨, 佢話會。但當日佢攞隻鴨去我地枱邊, 叫我地望一望, 跟住佢就想走返去幾張枱以外(我諗有7,8米, 而且問題係中間隔左幾張枱擋住我地視線嘛)的車仔上面準備片。呢一刻, 我即刻叫住佢, 叫佢推架車仔到我地枱邊片, 佢先不情願咁照做。(我唔明點解唔自動自覺推埋黎片囉, 我地張枱係窗邊, 根本左右兩邊都有足夠空間比佢架車仔。)好, 到第二樣。我地專登訂左隻"乞兒雞", 因為睇左呢度d人寫話會比個金鎚你做紀念, 又可以自己親手"卜"開個殼, 所以唔理3xx一隻, 我地都照訂左。(剛才比佢片鴨架車仔已經比佢推翻去原位, 即係幾張枱以外。)又係咁, 佢走黎話隻雞ready, 叫我地可以搵一個人出去佢架車度開殼。喂, 大佬呀, 我咁貴食隻雞, 係貪佢可以做表演比d外國人睇嘛, 你叫一個人出去, 其他人點呀??? (成枱有5個都係外國人!)於是我又叫佢推架車埋黎, 佢今次更黑口面。頭先講左, 我地張枱

生日飯book位,但只可book8點半後,可以book早d會更好啊等左一陣,點了幾樣菜叫了白飯,仲遲過d主菜上-價錢很低,7個人食了約$900連片皮鴨

好朋友仔AE卡50% off 所以黎試下兩個人叫:脆爆鱔球- 有紅青椒同炒, d鱔好滑, 不過細碟賽螃蟹- 蛋白滑,瑤柱多, 但冇好似出面酒樓有西lan花圍住,又冇左隻生雞蛋喎, 不過加埋d醋又好好味 什錦炒飯- 好普通既配料, 不過炒得好乾身, 大碟五香牛展- 每塊都切得好薄, d醬入曬味, 又唔會蓋過牛肉味拔絲香蕉- 好正!!!, waiter將炸左既香蕉(有糖漿係面)dup落有冰既玉泉忌廉度look下, 嘩!用叉吉佢外脆內熱, 又唔太甜, 我食左5舊ar (total有8舊)我覺得呢度係食地方, 價格偏貴, 原本要 $46x, 折左就 $26x

一行八人到北京樓, 先留了一隻鴨, 三百多元一吃的鴨, 真的不便宜, 雖然朋友不停說北京的味道不是這樣, 但我也不理可否, 味道好便行!這個片皮鴨都不錯, 可能全皮對今時健康至上的概念不太合時宜吧, 每片都有一半肉一半皮, 片小小脆, 肉很鬆化, 吃落的肥膩感都減少了.冷盤的海蜇頭太硬而且味太淡, 涼拌粉皮不錯, 粉皮可以保持到不硬不淋, 因為很多店都太淋的. 酒漕魚塊採用的大片cod fish, 吃落味道太西洋吧, 酒糟不是酒糟味, 但味道都算ok, 窩貼熱辣好味,小籠包水準不好, 東坡肉點了2件, 但似乎大家都不太想吃它, 肥了點吧!服務一般, 可能太多客人, 人手不足, 但環境比想像中好得多, 感覺新穎又不造作, 難怪這麼多遊客來吧

多得老表「發夢王啦啦」的一張「北京樓」贈券，今天有機會到北京樓品嚐一頓豐富的「免費大午餐」。自己並非首次光顧，但前兩次給我的感覺是有點失望，可能上兩次所點的食物多以濃油醬赤為主，開席不久已感到油膩。雖然今次的菜式是指定，反而在清淡與濃烈之間取得平衡。北京樓的裝潢不錯，只是樓底較矮一點，如坐近窗邊，景色更加是無敵。是次飯局是六人份量(半圍)，但由於人數不齊，最後只有五人能出席。指定的菜色如下︰冷菜三小碟︰「帥府雞絲大拉皮」、「茉莉茶燻素鵝」、「紫竹院小蔥海蜇」「豆板泡椒蝦仁」「鮮蟹肉粟米羹」「烤北京填鴨」「聯軍鳳梨魚柳」「清炒小棠菜」「鮮肉窩貼」「暢春園核桃酪」先來「冷菜三小碟」，三款的水準同樣高。「帥府雞絲大拉皮」的麻醬夠香濃，粉皮及雞絲同樣夠滑，與青瓜絲的清新配合起來，十分不錯。「茉莉茶燻素鵝」的外皮香脆薄身，甘荀絲與其他餡料十分清甜，淡淡的味道，才是這道菜的精髓。三小碟中最後的「紫竹院小蔥海蜇」，是我最欣賞的。其香味撲鼻的麻油香，彈牙爽口的海蜇，入口後還會感覺到有輕輕的醋酸，十分出色。由於時間尚早，店內客人不多，所以很多菜色也同時送上。再來便是「豆板泡椒蝦仁」，河蝦新鮮彈牙，跟蠶豆

北京樓…名就聽得多，去就未去過。今晚終於可以一試，一行三人，叫了一隻鴨，片出兩碟皮同肉，包住蔥同青瓜同鴨肉，點些醬，包好後，一咬，鴨皮好脆，少肥， 鴨肉唔un，食後唔會有渣，正。菜包肉，少辣，都可以。小籠包，四隻，皮薄，內裡湯滿，點少少醋，人間美味。雖然客人爆滿，但環境不嘈，以旅客居多，員工笑容滿臉，值得一讚，埋單五百幾元。

宴會場地雖不算大，屬長方型設計，但佈置大體，又有維港景，算不錯。唯一不足之處是樓底較矮及視像設施太細。金豬大紅袍：夠熱，皮脆肉嫩，肥瘦適中，good福祿鮮玉帶：帶子size大大隻，份量多，肉質鮮甜，good宮爆明蝦球：酸辣汁很惹味；蝦球大大隻，份量多，肉質爽口，但略嫌炸漿外皮不夠脆火膧菜膽大排翅：湯底略杰，但翅夠多，ok蠔皇遼參鮑脯：中規中矩清蒸大海斑：以大海斑來說，肉質算滑，味道ok烤北京田鴨：北京樓招牌菜之一，依舊美味瑤柱鴛鴦蔬：普普通通龍鳳手拉麵：拉麵不夠彈牙，配料不算多，ok呈祥炒絲苗：無試過，no comment百年諧好合：超唔得，太甜太杰，不起「沙」美點映雙輝(豆沙鍋餅/慈禧碗豆黃)：質素一般總括來說，除了甜品唔ok外，其他食物味道不錯，菜式亦較其他婚宴特別。

昨晚幫長輩慶賀生日, 一枱十三人....地方窄, 枱亦唔夠大, 但在星光行既酒樓, 歷史悠久, 都值得黎見識下!為了讓老人家歡喜, 家人預定了富貴雞, 還有金鎚仔一隻, 個人覺得隻雞都幾嚡, 汁料濃味, 可送飯, 片皮鴨, 麵包皮略硬, 唔夠熱, 醬汁頗濃, 松子黃魚, 細細條, 幾鮮味, 不過, 炸漿略厚, 炒鱔糊無咩味, 清炒西蘭花, 夠清, 唔多油, 我諗一般人唔鍾意, 素鴨, 似春卷, 料足, 唔錯, 咕嚕肉, 酸甜度剛好, 但如果脆漿薄身少少就好啦, 值得一提係叫了個京燒羊肉, 居然來了個半炒燴羊肉, 經理話要注明係窩燒先啱, 真係唔識分, 佢又唔講....???......其實無咩特別好食既菜式, 只係呢間多花招, 又片皮鴨, 富貴雞, 拉麵等表演....論食物, 價錢, 下次真係唔需要考慮!R12

食物質素高,午市套餐更加好一行10人,叫了個6人餐,再加飽點.涼拌小吃二款 - 要了雞絲粉皮 - 例牌好味. 辣椒蝦仁 - 爽口.素鵝 - 好香煙燻味. 上湯浸脆肉瓜 - 清甜,唔油.咕嚕斑片 - 酸甜開胃,仲好脆呀.蘿蔔絲酥餅 - 一般,麻麻地.9不理 - 熱辣辣鍋貼 - 一般. 小龍包 - 個個無穿底, 仲好多湯汁係入邊.北京填鴨 - 當住你前去切片,熱辣辣. 份量都成二碟. 不過鴨架無得拎番. 高力豆沙 - 食過咁多間,仲好味係呢間,唔油又唔太甜. 蛋白發得好鬆. total 990, 仲叫咗好多其他飽點,環境靚,服務好,計落都好扺.

午後和H君在國際金融中心看電影, 看畢電影走出商場外, 見到的盡是維多利亞港華燈初上的都市夜色.H君: “大生兄, 有沒有興趣坐輪船渡海呢?”大生: "這個主意真不錯!”人在慢慢行走的渡輪上, 看著維港兩岸如貴婦人身上的珍珠鑽石般亮麗耀眼的燈飾, 雖然已時值深秋了, 不過維港吹來的仍然是醉人的和暖海風.下船走在廣東道上, 肚子餓了, 該是尋找晚餐的地方了.到處張望, 首先看到的就是星光行的北京樓. 我們二話不說就走進升降機前往.一進酒家就聞到很香的烤鴨味道, 我的心中已計畫如何遊說朋友叫可能二人沒法吃完的北京烤鴨來吃! 腦袋裡只填滿了北京烤鴨的形象和味道!看看菜牌, 北京烤鴨只有一隻隻這樣點的, 沒有半份, 而且價錢要三百多瑰! 只好作罷.我們最後點了香茜魚肉羹, 芙蓉炒蝦仁, 古法滷牛肉和京式炸醬面.香茜魚肉羹很鮮味. 古月粉和香茜放在湯羹中使魚肉羹倍兒惹味. 芙蓉炒蝦仁的蝦仁又爽口又鮮甜, 炒蛋白更是好吃得不得了, 沒有一點油膩的感覺,. 愈簡單的菜色愈考帥傅的工夫.充滿古早味的滷牛肉口味較濃, 牛展肉削成很薄很薄的一片片, 把醬汁全吸進去.京式炸醬面算是較弱的一環, 京式炸醬

大大話話都有十幾年無去!尋晚本來想去日本吉列專門店試個炸豬扒,但係打去訂位又無,要Walk-In. 去到又勁多人,所以就轉去十幾年無去嘅北京樓.一去到就勾起兒時一家嚟食嘅回憶!仲記得兒時經常喺電梯上追逐!(小朋友千其唔好學!)講返食物,當然叫隻填鴨,醉三鮮翅群窩巴湯,糖醩桂花魚,同上湯浸莧菜. 因為得三個人,所以無叫富貴雞( 乞丐雞),無得玩個鎚 下次啦! 不過都有真人拉麵表演!填鴨 - 唔需要多講!一個字'正"!醉三鮮翅群窩巴湯 - 差唔多二百蚊得三碗,有啲貴。不過好多料!湯味濃!有少少過鹹.似羹多過湯糖醩桂花魚 - 炸得非常好!炸漿夠薄!唔會太酸!味道好!皮脆肉滑!上湯浸莧菜 - 一般,唔算特出。大致上都Okay. 而且有信用卡優惠! Okay 扺食!用AE 二人50% off, 三人33% off, 四人以上 20% off.下次同女友去會再試富貴雞( 乞丐雞)同拔絲! 50% 應該扺食!

最初打算食黃油蟹，經過擾攘後，最終我們決定--北京樓北京樓在星光行三樓，乘電梯或乘升降機都可直達，但reception設在電梯那邊，如果乘升降機到達，就好像走入了側門，没有被關注真的是間很旺的食肆，坐無虛設，外國食客都唔少，八時多到達，相信是第二輪了，絶對不能說招呼一流，算是還可以罷… 我們點了:淆肉-真的是晶瑩剔透，混了淆肉上僅有的薑及加上一點的醋，味道更特出 素鵝 – 一般，不突出XXXX忘記名字) – 白肉加上醬油一起吃的，還有類此粉皮的在白肉下，OK好味鹵水鴨舌 – 賣相排得相當整齊，但欠光澤，好像是放了很欠，味道是有點甜甜的，去了骨好像連質感也去掉，不是不好吃但欠了點風味，和吃過的台灣鴨舌不同干燒明蝦球 – 蝦大大隻的，挺爽口，有少少辣味富貴雞(乞丐雞) – 需要預定的，這是一道卓頭菜，特別是帶外國遊客來真是一流，完全有做SHOW的感覺，酒樓還會給你拍照及送上一個迷李的金色小鎚作留念，雖然没有點拉麵，但在席間都可以看到拉麵表演講番隻雞：用荷葉包，但吃不到荷葉香，雞胸比較“鞋”其他部位都可以，還放了冬菇一起煮，冬菇都煮得淋及入味，味道OK，但有朋友食到洋蔥甜甜地???烤北京填鴨