北京樓 (星光行)

營業中

休息中

年前在此吃過一頓拍案叫絕的"Made to order"晚宴之後,事別數年,再度前往,不過今次,就是飲喜酒.在中式飲宴流於公式化的今日,在北京樓,一樣可以吃到點點京味的菜式,馳名的北京填鴨,京爆蝦球,一樣在名單之內.整體水準,係小弟近年在飲宴中,吃得最好的一次.乳豬燒得很靚,入口即化,填鴨保持到水準,皮脆,肉鮮.雖然同鹿鳴春,還是有少少不及.火瞳菜膽大排翅,排翅一梳梳,真係吃落啖啖翅.僅祝一對新人,白頭到老,永結同心.

環境靚但較逼。北京填鴨確實出色，主要系為呢隻鴨而來。可惜其它菜式普普通通。太好生意但人手不足。服務員好有禮貌但兼顧唔到甘多客人。要食鴨而系請客的話呢度算系好地方。但同自已人食的話我會選擇鹿嗚春。

不是甚麼連鎖式的崇拜，只不過這間北京樓是我唯一自小光顧而又未關門大吉的茶樓。看著它的蛻變，實在覺得唏噓：由紅彤彤、長廊廂房、大宅門式的設計，到今日淡黃、木色、開揚的設計；昔日與北京酒家的差異只是一個字和大小之差，至今日兩者不但用餐、服務，以致氣派都迥異，不知是前者過於前衛，抑或後者停滯不前。在我而言，不喜歡現在北京樓的格局；四個字- 格格不入的「拘謹焗促」。吃的，仍是多年來一直支持的蔥油餅、叉子燒餅、雞煨麵等東西...可是用盅上的牛肉湯不見了，蔥油餅的蔥油又跟風咁「去o左邊」，又少又唔均勻。新的菜式，如棗泥包、叉子燒伴食的推介特色肉末，只好嘆句新不如舊。當然，多年來價格飆升，不在話下。同意KC 兄曾道，對食物的情感分是最重的。

老闆和日本同事到香港, 於是全公司到北京樓食晚飯. 今次是我第二次在裡食飯, 基本上覺得呢間餐廳係for 外國人, 餐廳內有差不多有一半是外國人. 老闆請食飯, 當然食得豪爽一點.== 醉雞==洽到好處, 酒味沒有蓋過雞味== 北京填鴨== 算係指定菜色啦, 都幾好食, 不過食得多會覺得好油膩, 同埋凍左冇咁好食== 蔥油餅== 很鬆化而且不太油膩, 但個人覺得口感不太好== 宮爆蝦球==絕讚!! 很開胃, 大蝦爽口彈牙, 十分有口感== 小籠包==幾好, 皮薄, 趁熱食好正== 花素蒸餃==一般, 不太差也不太好== 嫩雞煨麵==不是很好吃, 麵太"林"而且油膩== 魚翅羹==好多料, 十足分量== 西蘭花配搖柱==個獻汁洽到好處, 西蘭花很爽== 糖醋魚塊==同甜酸蝦一樣很開胃== 紫米露==比較甜, 如果冇咁甜就perfect不過餐廳態度略嫌不夠殷勤, 上菜後段慢且漏單, 一待應說所有菜已上, 但問另一個竟說還有西蘭花和糖醋魚塊還未上. 服務仍雖改善. 不過食物很好! 12人埋單差不多$6000, 如果不是公司食飯, 我未必會自己來.

在香港吃過許多上海菜, 一般麻婆豆腐的味道都很麻麻, 只是辣並不正宗! 而北京樓的麻婆豆腐賣相跟外面的上海菜館一樣, 都不怎麼起眼, 但吃入口有確是辣而麻, 真的非常好吃.

母親節慶祝大餐！好好味呀，又唔貴，因為一隻片皮鴨可以幾食，四個人份量好夠，食到飽飽，哈哈！片皮鴨好腍，有種「入口即溶」既感覺，唔經唔覺食o左好多，又唔覺膩喎，我o地仲有叫o左奶油津白、蔥油餅、小龍包，好滿意o既一餐。席間仲有人表演拉麵，雖然有o的呃鬼佬Feel，但志在開心o者，幾好氣氛呀，下次試吓個「富貴雞」先，見o的人好起勁咁「盅」爛個殼，仲有得影寶麗萊添，幾好玩喎，不過好唔好食就唔知喇！不過北京樓o的質數一時時o架，上次食又冇咩特別，飲茶又麻麻，但今次食晚餐又幾好，要睇彩數。

可能我係北方人所以對北方o野情有獨鍾啦，只從松竹樓離我以去後，我為有轉移陣地，去左北京樓啦! 但我保證呢度d同松竹樓一樣咁好食o架!必試小菜推介包括：沙鍋雲吞雞(個湯超正呀，勁香金華火腿味，d大白菜索硒d湯汁加上d菜本身甜喎，嘩超正!)；山東手撕雞(勁多生蒜容o既汁極度惹味，又少少spicy)；叉子燒餅+榨菜肉末(我由細到大既只愛!!!)；涼拌茄子(好開胃，不過有少少spicy因為有生蒜)；生煎包(超級juicy!!! 一個人食一碟都唔夠喉!!!)甜品至尊推介：豆沙窩餅(煎得夠香口，落足豆沙，甜度適中，一個字-掂!) 另外佢送o既高力豆沙都好正，但一定要襯熱食，試過因為太包食唔落諗著打包返屋企做消夜，但係返到去發現隻o野縮左水，唔鬆化，一d都唔好食!!!

年前友人在星光行北京樓吹雞,原來此店的北京填鴨,比其他分店更加好吃.仲有隻乞兒雞,唔係呃老外咁簡單.再加埋其他菜式,已經對呢間美心旗下之一的number有點改觀.事後搞手講,因為本身熟客之關係,先可以做到咁.其他街客,未必食得到.咁又有點道理,一圍十味有鴨有雞,仲包埋房,每人平均都係$140........

星期五晚約0左一共十個朋友去食dinner, 一坐低就發現外國人多過中國人, 我0地叫0左北京填鴨, 又真係幾好味, 0的皮好正!! 之後有一個人推0左張石檯去其中一圍外國人旁邊, 表演拉麵, 0的食客就拍哂手掌...之不過最後0的麵竟然會變返一舊粉餅, 只係用0黎做表演啊!! 我0地叫0左一個抄麵, 但係非常之軟淋淋, 食0左少少就無食到!! 反而甜品係ok囉, 豆沙鍋餅, 高力豆沙, 仲有一樣我未食過0既...用焦糖包住香蕉, 之後上檯前再用忌薕汽水過冷河...食落口0的焦糖好脆, 又好香, 如果去呢度食就一定要叫喇!!

山東燒雞($75), 成隻雞, 醬汁調得好正, 好特別, 唔會太鹹, 推介. 雪菜肉絲麵($35)太少雪菜肉絲, 唔抵食. 銀絲卷($10), 正常水準, 清清地幾好. 炸醬麵($35)係冇湯的, 用炸醬, 青瓜絲, 花生醬加麵, 食的是拉麵的原味, 青瓜的新鮮味, 好正. 最推介的是羅白絲酥餅, 皮勁正, 口感一流. 反而幾個湯都一般, 又細又貴, 酸辣湯酸而不辣.

地點就腳, 成班舊同學聚會一流, 交通方便(可惜冇Free-parking). 乾淨又光猛, 早booking有海景位(但俾文化中心擋左大半), 服務生有禮貌, 有幾個女仔仲幾靚女潻. 碗碟時常幫我地更換. 其他食客大多中產, 唔似得d中式酒樓d食客說話大大聲, 嘈住晒又冇禮貌. 綜合以上, 環境服務乾淨我給5分.食物水準是比以前差了, 北京填鴨太行貨, 小籠包有d穿了, 炒飯唔得. 只宮爆蝦球有驚喜, 醉雞仍有水準. 希望有改善.

細個己間中來食飯. 多年來, 食物質素無乜進步,亦無乜退步, 以近日新開的多間上海,京川菜食店來比較, 現在的北京樓相對是退步了, 北京填鴨上桌時己冇乜鴨味, 亦唔係太脆皮,其他菜式亦很普通, 只有宮爆蝦球, 富貴雞, 油餅同花素蒸餃仍能保持水準

竟然高力豆沙入面係無會豆沙o既....咁我仲有咩野好講ar...唉...北京樓...都叫做有名o既食肆ar.....點解可以咁離譜o架?

同事很喜歡在這酒樓接待外國客人, 其中是因為酒樓環境不錯, 近窗的位置可以看到對岸的夜景, 另外這間酒樓的口味比較容易受西人接受.先來了一個鍋貼, 味道不錯用油適中討好; 宮爆蝦球酸甜味道調教適當, 蝦肉爽口彈牙; 北京鴨似乎已成了公司接待客人的指定菜式, 肉質和味道表現不過不失, 餅皮有點過軟, 很容易弄破; 二度選擇了生菜包, 餡料味道中庸討好; 再來四季豆炒肉碎, 四季豆味道新鮮, 而且小油討好; 最後甜品點了拔絲香蕉, 似乎廚房和餐桌有一點距離, 上桌時已半凝結狀態沒有拔絲的效果, 幸好侍應手法純熟, 拔絲香蕉仍然可安全的放進了冰水. 客人滿意的一餐, 侍應雖然禮貌但似乎人手尚有點不足.(ps. AE咭有拆扣)

奇哥哥媽咪生日個晚,黎左呢度慶祝,北京田鴨真係好好食呀!真係貴得有道理!皮脆肉嫩,片得又好,食完仲俾番剩餘既部分我地打包(因為左成大隻鴨,好多肉),第二日用隻鴨黎煲粥,咁又一餐,而且都仲好好味個喎!