北京人家 (已結業)

平時最愛佢嘅填鴨餐，但由於新年將至，驚食滞，加上人少，唯有散叫。話晒團年飯，梗要有雞，有蝦（笑哈哈），有魚啦。於是叫了砂鍋雲吞雞，黃金蝦球，松子魚，鍋塌豆腐，再加一個北京拉麵。砂鍋雲吞雞個湯好味，啲雲吞唔會好漏. 雞都唔算太“鞋“，都有雞味。Good.黄金蝦球同鍋塌豆腐正。一個好香蛋黃味，另一個啲豆腐好滑，個汁又好味。北京拉麵同松子魚不過不失。不過條魚個賣相就差咗啲，瘦身咁。但整體嚟講都ok.

周六中午時間，我們原先計劃到荃新天地翠園午餐，但見門口已有一大班人等位，於是轉軚去北京人家，見到有不少吉枱。後來，我就知曉為何在旺市時間尚有枱，六隻字：又貴又唔好食。最差勁的是鮑汁鳯爪，等了四十分鐘才上枱，一見到已唔想食!廖廖五，六隻鳯爪，又細又無肉，又因烹煮過度，開始有點爛。所謂鮑汁，不知所謂，似豉油汁加點豆粉獻。仲有好離奇的灑上葱花。吃了兩隻就胃口全失!本來應向酒樓退回，但因時間關係，算啦!另外，醉豬手，有豬手七，八件，但多骨肉少，皮太硬，肉無味，欠紹興或花雕酒香。其他點心及麵點普普通通。服務機械式。而且以地區，格局，食物水準而論，收費甚高!

今日試了北京人家，點了： 霸王雞，雪菜毛豆百葉，麻醬雞絲粉皮，椒絲炒土豆絲，清炒蝦仁。  霸王雞味道不錯只是得太大件；雪菜毛豆百頁跟椒絲炒土豆絲味道好但刀功一般。清炒蝦仁太小但考慮到成本問題味道還。麻醬雞絲粉皮味道是好但是雞明顯是切出來不是手絲是唯一美中不足。   下次會試北京鴨。

星期日中午，喺荃灣諗住同老婆兩個人飲杯茶、食個飽☺，搵咗好多間酒家攞咗飛都要等好耐😒，搵到呢間＂北京人家＂，咁耐以來都未試過，見門口唔係咁多人等，諗住攞張飛等一陣都ok，點知向門口知客小姐攞飛時，佢話兩位即時有位入座😳，心諗仲唔係行大運😄，誰不知原來係行衰運至真😫！A）論環境，呢度算幾好，枱與枱之間距離唔會太近，坐落幾舒服☺。B）一睇張點心紙，當堂嚇一跳😳😳😳！D點心款式都算多選擇，但價錢居然拍得住/貴過某d出名嘅酒樓😓😓😓！C）雖然之前睇過食評，評論呢間d食物質素都係讚多過彈，但係我同老婆始終都係第一次光顧嘅關係，決定先試以下3樣嘢先；1）叉燒腸粉 $36😫👎👎👎👎👎最先到，一見到個樣就知唔係即拉，夾上去硬磞磞，一食落口，同老婆同一時間一齊話唔得！腸粉皮厚硬兼鞋，叉燒好啐，咁嘅價錢居然衰過喺街邊粥店食嗰d，唉......2）揚州蘿蔔絲酥餅 $30😒過咗兩分鐘左右嚟嘅，望外觀ok，食落去酥皮表面一般，但裏面嘅餡料居然係濕到有少少湯汁咁，並唔係蘿蔔絲一條條嘅感覺。我食過其他好多間食店嘅都無試過好似呢種咁，可能我未去過＂揚州＂當地，所以唔知道所謂嘅＂揚州蘿蔔絲酥餅＂係點啦😶？3）灌湯小籠包

前晚為了兩位朋友慶祝生日,揀左哩間,點了幾款小菜.宮保雞丁：酸酸味味，雞肉肉質幾滑都不錯，但碟好大，份量好少！炒四季豆：豆好似拉過油，過了火，唔夠香口什菜煲：夠料，有菜有蝦乾有粉絲，食落幾香但略嚴普通口水雞：夠辣味，亦有濃濃蒜香味，十分不錯小籠包：蒸得個皮乾身少少，但都好味，夠肉汁凍醉雞、齊鵝: 唔好食,又唔夠正宗之餘仲要無乜味炒年糕：炒得好味，配上雪菜肉絲，味道好夾且夠煙’UN’.服務都算OK,但野食食落唔夠有特色.

依晚我好想食中菜~所以揀左去"北京人家"食京菜酒樓本身唔算大~依晚仲有人擺酒..變左感覺上仲細好在有book檯~如果唔係walk in應該都無檯比我地安坐後..先送上前菜"鍋貼"第一感..不太討好~低部明顯煎得唔夠金黃脆身我同另一半邊食邊討論~係咪京菜同上海菜既分別因為食開果間上海菜~無論小籠包/鍋貼都好出色餡料有汁+有肉香又香脆可口~依個相對整得ma ma"宋嫂魚羹"(每人有2碗份量)材料有..鮮魚肉,冬菇,金華火腿,筍絲,蛋白味道偏濃帶鹹~但糊羹既濃稠度好靚好幼滑鮮魚肉肉質好滑~絲絲金華火腿食到有鹹腿香味冬菇同筍絲味道都好實在~整體可以淡口一點更好"剁椒鳊魚"(實物同菜譜相片完全一樣..讚)order時服務員細心提醒我地~依個小菜會有好多細骨當時真係再三考慮~食完上面二個小菜..最終都決定試下除左賣相吸引~其二係依款魚未食過..唔想揀食桂花魚呢魚身真係好多好多細骨~但肉質好滑+鮮一定要夾埋剁椒一齊食..味道更加提升夠惹味依個小菜算微辣+辣椒味好香~調味好平均..超正整體食物最欣賞依條魚~個羹其實都ok..淡返d就正晒另外見其他檯有d小菜都整得好靚~服務方面都好好+有禮貌

今日提早同老豆做節，成日都係深水埗食，今次轉吓地方。我地早一星期訂都話滿哂，跟住三日後佢打嚟話臨時有人取消，我地真係好期待。我地去到吾駛等位，可能早（1830），不過入便已經有幾檯人坐響到。我地5大3小，佢俾咗間房仔我地，吾錯。我地一早預留北京填鴨（4斤重）(片片都一樣，熱噴噴，好味)，片之前俾我地睇咗先，見到都口水流。我地仲叫咗糖醋菊花魚(味道啱啱好不太油)，西蘭花帶子(食食)，金沙豆腐(d豆腐好滑)，家煮咕嚕肉(甜酸味啱啱好)，小籠包x2(皮薄餡靚)，炸銀絲卷(無咩油，正)同埋吾知咩鍋豆腐。我老豆話d豆腐超ok.

早上10:30am 已到，原以為父親節前一日會好多人，所以早d黎攞位，點知得3台入座，服務員告知烤填鴨的師傅要12noon先上班，我地又唔想入去齋座成粒半鐘，所以就o係個商場逛陣先，服務員承諾師傅一返到即刻幫我地落單起爐烤鴨。好! 未夠12點，接到電話話師傅返黎喇，咁我地入去開定茶等食~我地叫左個4人餐，好餸到不得了。推介的有 :- Beijing 烤鴨，起肉得夠均勻，全件厚簿均一，皮脆加少少肥，附上的京蔥又夠多，10個正!- 黃金蝦，蝦碌好大隻，拉長佢應該有兩隻手指尾咁長，超爽脆，唔會太咸，個黃金獻又掛得住隻蝦。-涼拌紅燒肉(唔記得exactly 個名)及海哲，夠入味，份量唔孤寒-魚肉羹 - 勁多料，清清淡淡，平衡一下~ 其他的正正常常: 炒菜苗，炒面、南瓜羹湯丸等服務員周不時會過來望下我地有咩需要，恰到好處，起碼你唔覺得煩。環境清幽，有 view夠舒服~絕對有下次!

和家人外出晚膳，選擇了這家裝修雅致的菜館，枱布雪白，座位寛闊，一室光潔明亮。餐牌印刷精美，食物選擇多，我們點了以下菜餚 – 嫰雞燴麵(大家太餓了，忘了拍照) 清湯香氣四溢，幾乎沒有油份，清澈可口；大量嫰綠色的小堂菜粒浮在湯上，爽口清甜；雞肉粒不肥膩，肉汁香濃；麵條幼身嫰滑。糖醋菊花魚 (圖上)魚柳是完整一大件，十分巨型，外表薄薄的，炸得金黃香脆，吃的時候不會感到有太多炸粉；內裡魚柳嫰滑，糖醋汁酸甜度適中，有洋蔥粒，開胃提神。蟹肉莧菜 (圖右下)蟹肉一梳梳整齊地排列好，蟹肉絲質地幼細，肉味鮮甜；莧菜浸在蟹汁中，吸收了蟹肉的味道，莧菜亦新鮮爽滑。炒年糕 (圖左下)炒年糕一放上桌，我們便嗅到酸甜的筍香味。年糕渾合瘦肉絲、雪菜和筍一起炒，吸收了材料和茨汁的味道，而且質地軟腍，不難咀嚼。份量極多，令我們十分飽肚。瑤柱雲吞雞最後上桌的是雲吞雞，用砂鍋盛載，熱騰騰，用料包括8粒雲吞、約1/3隻雞和娃娃菜。服務員會在旁邊把湯分配好，又用碟子盛好雞肉。喝第一口，感到雞湯十分清淡，未免過於乏味，如加入金華火腿，湯的味道會更香濃；雲吞表皮滑溜，但內裡只是豬肉，並非菜肉雲吞；雞肉不帶肥膏，肉質鮮甜；娃娃菜厚身

已經唔係第一次去...之前食都幾好食...但今日去到真係勁勁勁差....隻片皮鴨好似收左水咁....好似燒完好耐放埋左一邊咁....仲要成隻碟放得個一半就算..我用$250一隻既價錢食一碟得一半既片皮鴨..真係勁勁勁離譜....條桂花魚仲衰....得個一半再放個頭向前面就當一條魚...唔好當的人睇唔到啦~~..個經理仲搞笑...叫佢沖茶佢竟然將個茶壺個蓋"CUP"返埋就當沖左....仲要唔止一次.....完全無理過人.....我之後都唔會再去呢間野食飯...今次係我第一次寫食評....就因為呢間食店.....

我心目中的北京人家價錢會相當嚇人,因為環境坐得舒服.並相當優靜.服務也有效率.心想至少100位.食完仲要溝貸..柴魚花生粥:相中看好似無料水汪汪.事實上材料十足.粥底綿.粥的味道也鮮甜...紫米露:我媽媽見到第一句罵.做乜叫碗水?事實上材料配撘得相當好.味道完全唔甜,入口好滑.相當好食...蝦餃細細粒.有很多摺.蝦肉爽口.鮮甜.皮薄而不會穿....仲有前菜同一碟炒麵.食到飽埋單只係70元一位,相當抵食...

這天，相約好跟E先生家人吃個晚飯，因為他們喜歡吃中菜，所以一行四人到了荃灣的北京人家，本來興高彩列烈的，卻被等位置掃了大半的興。我見識少，這次在北京人家才第一次聽到預定了位置，店方不是在那個預定了的時間給你留好了位置，而是要你們到了以後再等下一張，或是下兩張枱埋單，然後才輪到你入座，不湊巧的話可能要等上一小時以上，誰告訴我那預定來做什麼 !?前菜小食－青瓜素雞粒 銀絲溫室小豆苗 $58很普通的一碟炒豆苗。碎炒羊肉 $68羊肉香嫩惹味，配叉子燒餅，好吃。 叉子燒餅 $20烘得香口，不過不失。小籠包 $28小籠包皮薄，趁熱吃味道不錯。咕嚕肉 $72咕嚕肉香脆，味道酸酸甜甜，非常開胃。北京人家炒拉麵 $72拉麵煙韌彈牙，而且味道很不錯。

這個氣溫高達二十多度的星期日早上, 倆父子衣衫單薄出門, 帶公子一起上3小時的課, 誰知坐了不夠兩個小時…… 嘩! 整個Course Centre的冷氣真是凍得很, 三番四次要求調較高溫些, 不果!! 每次職員的回覆理由都是中央冷氣不能調較! 好吧! 為免雪凍出病, 今早只能提早離開!方便就腳來到荃新天地的北京人家, 想起第一次和老婆來這家是某年的7月7日, 其後也來光顧過好幾次, 每次來到見全店幾乎每台也會叫北京烤填鴨, 想必是好食吧也想試. 只可惜每次約老婆在外頭吃飯, 不好吃肉的她每次收工不是遲晒大到, 就是趕頭趕命快快吃完就要開車快回家, 每次都是叫不用傷腦而點菜的套餐, 根本沒心情與我分享這道填鴨! 午市時段都是飲茶叫點心, 今午我們倆父子給冷氣雪凍後, 突然很想好多油多脂食物以暖身多過叫點心! 就要一隻北京烤填鴨吧! 據歷史記載由於北京烤鴨其肥瘦分明, 鮮嫩適度, 成為元、明、清歷代宮廷御膳珍品! 北京烤鴨是在山東烤鴨的基礎上發展而來, 而據考證, 烤鴨的前身是出現在南北朝時期的「灸鴨」!採用傳統的燜爐方式烤制的便宜坊烤鴨始於明朝永樂十四年（1416年）稱為米市胡同老便宜

是日用膳是平日，人都不算少，因有訂位，一去到便有枱。侍應服務良好，環境不錯，可惜食物不像下面食評所言，我一面食，一面同老公講: 點解好似無鑊氣，樣樣野都好似緊熱，同埋感覺唔似即炒。老公回應: 應該係預先煮定，再炒幾炒 。我都有同感，食得無引，連映相都無興趣。知道此店屬美心集團，大概集團式經營都是這樣的了。十分失望

好久沒有為了什麼節日而特別出外食飯慶祝,今日是元旦剛好表弟們又有空,所以便相約一齊吃飯,由於沒有一早訂枱,弟弟6點左右先去拿位,雖然不用等就有位,但8點鍾就要交枱,好在我們差不多到齊人,食物方面也很快選定了,上菜也頗快.清炒萵苣荀~~簡單清爽四川成都口水雞~~自己不太吃辣,只食少少雞肉,覺得唔夠嫩滑,又沒雞味,而妹妹他們就話麻辣度欠佳蔥油蟶子~~蟶子欠缺鮮味道,有些老,可能蒸過頭酸辣湯~~湯稀稠適中,飲少少都覺好辣,但今次連食得辣的人都說辣了些蔥油大餅~~顏色煎得好靚,而且同以前食的蔥油餅有些不同,今次在餅面加上蛋漿及好多蔥花,都好香口,餅邊部份香脆糖醋菊花魚~~已被鮮艷奪目的顏色所吸引,估唔到食落還更驚喜,魚肉嫩滑,醬汁酸酸甜甜好醒胃,而且還熱騰騰,放入口中好燙口小籠包~~好多湯汁,味道唔錯北京填鴨~~今晚的精髓,皮薄香膩,油脂豐腴,滿足口感,好久沒吃到這麼美味的北京填鴨南瓜湯圓~~南瓜湯夠幼滑,湯圓細細粒,芝麻味也夠香梨園釀沙芋餅~~淡淡的芋香,面上的黃豆粉,食落唔會太甜,芋餅夠粉糯,絕對好味食完個甜品之後,滿足之餘卻有些兒不夠喉,不過大家今晚都好滿意這餐飯,又食得開心,再加上結帳