影片
更多
2013-05-21
1975 瀏覽
星期日中午，喺荃灣諗住同老婆兩個人飲杯茶、食個飽☺，搵咗好多間酒家攞咗飛都要等好耐😒，搵到呢間＂北京人家＂，咁耐以來都未試過，見門口唔係咁多人等，諗住攞張飛等一陣都ok，點知向門口知客小姐攞飛時，佢話兩位即時有位入座😳，心諗仲唔係行大運😄，誰不知原來係行衰運至真😫！A）論環境，呢度算幾好，枱與枱之間距離唔會太近，坐落幾舒服☺。B）一睇張點心紙，當堂嚇一跳😳😳😳！D點心款式都算多選擇，但價錢居然拍得住/貴過某d出名嘅酒樓😓😓😓！C）雖然之前睇過食評，評論呢間d食物質素都係讚多過彈，但係我同老婆始終都係第一次光顧嘅關係，決定先試以下3樣嘢先；1）叉燒腸粉 $36😫👎👎👎👎👎最先到，一見到個樣就知唔係即拉，夾上去硬磞磞，一食落口，同老婆同一時間一齊話唔得！腸粉皮厚硬兼鞋，叉燒好啐，咁嘅價錢居然衰過喺街邊粥店食嗰d，唉......2）揚州蘿蔔絲酥餅 $30😒過咗兩分鐘左右嚟嘅，望外觀ok，食落去酥皮表面一般，但裏面嘅餡料居然係濕到有少少湯汁咁，並唔係蘿蔔絲一條條嘅感覺。我食過其他好多間食店嘅都無試過好似呢種咁，可能我未去過＂揚州＂當地，所以唔知道所謂嘅＂揚州蘿蔔絲酥餅＂係點啦😶？3）灌湯小籠包
A）論環境，呢度算幾好，枱與枱之間距離唔會太近，坐落幾舒服☺。
B）一睇張點心紙，當堂嚇一跳😳😳😳！D點心款式都算多選擇，但價錢居然拍得住/貴過某d出名嘅酒樓😓😓😓！
C）雖然之前睇過食評，評論呢間d食物質素都係讚多過彈，但係我同老婆始終都係第一次光顧嘅關係，決定先試以下3樣嘢先；
1）叉燒腸粉 $36😫👎👎👎👎👎
最先到，一見到個樣就知唔係即拉，夾上去硬磞磞，一食落口，同老婆同一時間一齊話唔得！腸粉皮厚硬兼鞋，叉燒好啐，咁嘅價錢居然衰過喺街邊粥店食嗰d，唉......
2）揚州蘿蔔絲酥餅 $30😒
過咗兩分鐘左右嚟嘅，望外觀ok，食落去酥皮表面一般，但裏面嘅餡料居然係濕到有少少湯汁咁，並唔係蘿蔔絲一條條嘅感覺。我食過其他好多間食店嘅都無試過好似呢種咁，可能我未去過＂揚州＂當地，所以唔知道所謂嘅＂揚州蘿蔔絲酥餅＂係點啦😶？
3）灌湯小籠包 $32😩👎👎👎👎👎
嚟到嘅時候表面睇d皮已經乾乾哋，跟埋碟薑絲醋嚟，但d薑絲少得離譜！唔係，應該係叫薑茸更貼切至啱😠😠😠！！！可能我本人平時食小籠包時點醋之餘，比較喜歡加d薑絲一齊食至覺好食啦☺，我便叫第一位女侍應幫我攞多少少薑絲，記住，係第一位😡！點知佢第一時間同我講＂d醋裏面咪有囉！＂，😠我就喺d醋裏面夾起佢所講嘅啲啲薑絲俾佢睇之餘再同佢講＂我想要多d＂，佢睇到之後話轉頭攞俾我，咁我就等。而我老婆因為好鍾意食小籠包同想趁熱食嘅關係，佢點咗d醋就急不及待先食，點知佢一食，眉頭深鎖😟，到食完就話好難食😣，一來小籠包裏係無湯汁好乾，二來d肉嘅味道有d so so哋嘅味。我心諗唔係嘛😒？！但我都希望等有多少少薑絲到至食☺。之後等咗大概8分鐘左右，😠我仲未見有侍應攞d薑絲到嚟，我便叫第二位女侍應幫我攞，記住，係第二位😡！佢又係話轉頭攞俾我，但我見d小籠包皮已經乾，便點d醋加埋嗰啲啲薑絲食，一食落口，真係如我老婆所講，真係唔好食😖！裏面乾、無湯汁、肉味so so哋仲好粉下添😩！但我都諗住點唔好食都好，都唔好浪費d食物，繼續等埋d薑絲嚟食晒d嘢就算。點知再等咗大概6-7分鐘左右，都仲未有侍應攞d薑絲嚟，😡😡😡我真係🔥🔥🔥都嚟，即時叫就近侍應叫個經理嚟，投訴佢哋嘅服務態度，並且話俾佢哋知足足等咗d薑絲大概15分鐘都無侍應攞到嚟，而且d小籠包已經凍晒。個經理雖然係咁say sorry，並且話送返兩個甜品作補償，但係我同老婆真係無晒心情同俾d咁嘅食物質素嚇親😖😖😖，決定嗰兩個食剩嘅小籠包同其他嘢都唔要，只需要埋單走人😡😡😡😡😡！
最後雖然個經理好識做地將個小籠包取消咗連茶位無計，但今次嘅飲食經歷已經令到我哋兩個人對呢間食店完全失去信心😔😔😔，同時亦令到我哋對呢間食店嘅集團其他食店失去信心並有所保留😞。作為消費者嘅我，當然希望食店嘅環境、服務、食品嘅質素都能夠同價錢成正比，唔得唔緊要，但係都唔好差成咁囉，希望有關食店日後能夠作也改善啦😒！
張貼