北京人家 (已結業)

心血來潮想食中菜 星期當日幾七點半去到 雖然只有兩三組人等位 但因為店內部分位置被租用作宴會之用 所以無預先訂位既我地都等左超過一個鐘直到八點幾九點先成功入座泡菜 ($16/位)一坐低店員就會先送上泡菜小食 按人頭收費 呢款泡菜當然唔係韓國果款泡菜 而係涼拌花生青瓜海蜇木耳 口感爽脆 酸酸地辣辣地 作為前菜最適合不過 非常醒胃 注意除左加一服務費仲會分別按人頭另收泡菜費及茶位費家鄉咕嚕肉 ($88)咕嚕肉炸得外脆內軟 以炸米網籃盛載 無骨之餘肉質夠腍完全唔韌 即使點菜後我走左出商場買野飲 返到黎咕嚕肉早已上碟 仍絲毫沒有變腍 份量亦都好多 仲有唔少青紅椒同菠蘿 醬汁酸甜 餸飯一流 底下既炸米網籃吸收左咕嚕肉既醬汁仍然香脆 食完咕嚕肉都忍唔住食埋「咱家」剁椒鯿魚 ($188)鯿魚切開撒開成花狀 灑上剁椒蔥花及辣油 同餐牌上既照片100%相同 賣相相當吸引 未食過鯿魚起初唔知鯿魚多骨 食落先發現啖啖細骨 食得有啲辛苦 店員如果提醒下客人會好啲 不過魚肉的確好滑 而剁椒味道好重好辣 但係魚味夠濃無比辣味遮蓋魚味白飯食咕嚕肉必定要餸大大碗飯 再加上蒸魚既油同汁真係特別開胃 不過飯粒頗為乾硬 但

諗住飲茶去間好d, 特登黎間貴既食，咁就中伏首先個蝦餃d蝦好似冰左十年咁，又粉又泥，d咸味又調到不知所謂... 之後燒賣一食更加係「冷鮮燒賣」，內𥚃一d味都無 淨係呢兩味香港人最愛吃點心佢都搞成咁，已經唔數其他野...其他簡略:灌湯小籠包無湯、煎三寶外油內水（又係急凍/解凍的問題）、鮑汁鳯爪普普通通咸味俱多但要價$55...上點心速度慢。服裝員既口面差到好似你殺左佢屋企人咁... 真係去佢呀爸美心酒樓仲好過...

家有囍事，今日一家人book左枱到"北京人家"共聚晚飯……水煮牛，夠入味，牛肉都算滑北京填鴨，不夠脆，肉不算滑，失望黄金蝦球，好大隻蝦，彈牙，滿口咸蛋黄每味炸羊腩，一般韮王炒鱔餬，炒得都香，不過味道淡左啲豆沙鍋餅，不會過甜，炸得香脆芝麻煎餅，表面好香芝麻味，內面鬆軟葱油大餅，啲葱生左少少，不過個餅都夠脆

四人用膳，訂座了，在門口等內裏食客結帳後即可入內，不用甚麼一半人數報到方可入座。 醉雞。不錯，但不夠凍。雖然雞的酒味夠濃，雞肉味道吸了點酒味，但不溫不冷般又是尷尬，要麽熱食要麼冷凍，在中間就兩頭不到岸。 海蜇頭，小小一碟， 有點兒酸咸，但完全不夠嚼勁，吃兩件便吃完。 砂窩羊肉湯，店員一端來經已聞到很香的羊肉羶香，羊腩不太多，但足夠每碗湯都可以獲得一件。羊腩羶香而半肥瘦，瘦的部份亦不太痴牙。砂鍋上台枱氣派十足，亦可保溫。 宮爆蝦球，有點兒過了起，但其實蝦肉挺新鮮，爽身大隻，蝦球大隻而爽口，是吃蝦的美事，唯一不足之處就是不夠熱。北京烤鴨用來包鴨子的外皮實在太厚，後對一個人不可能吃太多，否則吃四五件便會飽肚。用鴨子彎身型碟子盛著，優雅但殘酷。 鴨肉其實很新鮮，和以前吃片皮鴨非常不同，不知道是否時代不同，現今的北京填鴨竟然切成厚厚的。往日的片皮鴨，真的只有薄薄一片鴨皮；現在除了鴨皮外，連着的那層肉，比鴨皮足足厚兩倍。北京填鴨如果太瘦又不好吃， 這兒的外皮有點肥，但加上少許鴨肉，又中和了肥膩感。鴨香相當不錯，配點配料加醬，成絕配。可惜麵皮太厚，年紀大了胃口小了，不能每片鴨肉都

恆生卡正在做優惠, 人均二百多元, 就可以一口氣品嚐餐廳招牌菜式及其他精美小菜, 好像酒席圍菜般豐富:兩小碟:紫竹園小蔥海蜇海蜇比一般酒樓吃到的肥厚, 表面上有細細粒的黑點, 口感比一般的Q彈, 感覺此海蜇為非”池中物”也!加上蔥粒, 麻油調味, 令我一個人掃了半碟!茉莉茶燻龍華素鴨完全吃不到有茉莉茶及煙燻的味道, 而素鴨沒有包餡, 跟齋鋪買到的沒兩樣! 做不到外皮香脆, 內裡煙韌.蒜香蝦球玉帶被騙了! 分明不是”蒜香”, 而是”辣味” 蝦球玉帶, 吃了半顆蝦球, 已經受不了了, 要狂灌水, 不過蝦肉還是頗Q彈的, 至於帶子, 因為太辣, 所以沒吃.花膠干貝海皇羹花膠, 干貝, 蝦仁下得不少, 令湯羹香濃鮮味, 另加入了豆腐, 蛋白, 再來勾芡, 入口綿綿的.烤北京填鴨主題之作, 沒有吃北京填鴨, 就等如沒有吃過北京菜吧!侍應先把烤鴨拿來給我們”過目”, 再拿到另一邊即席切片, 不怕中途被人偷龍轉鳳啊!一隻填鴨的份量很多, 附上薄餅, 京蔥, 青瓜條, 甜醬. 六個人吃都足夠有餘, 何況我們只有四個人, 所以我們要拼命的吃才可以把它幹掉.填鴨的精粹, 莫過於它香脆的外皮, 但這只烤鴨的

同細妹慶祝生日，同屋企人就揀左去北京人家食中菜。之前曾經有段時間黎得好密，隔左一排，水準都仲keep到喎！恆生信用卡有優惠，四人餐都係HK$579，但五個人食都夠晒飽，而且味道不錯！頭盤有海蜇同素鴨，海蜇份量比想像中多。素鴨我未食過有醃料味，幾好食，有驚喜！跟住黎個大蝦元貝，醬汁辣辣地，幾惹味！黎個元貝瑤柱豆腐羮，清清地，我鍾意。侍應見到我地五個人主動問要唔要加一粒小籠包，都係HK$9，尚可接受。皮唔太厚，但又不至於會穿，蒸得剛好，不錯！金針草肉絲魚方，唔知係咩魚，但係好滑彈牙，配料味道都好好，係個樣唔係咁靚啫。重頭戲係片皮鴨，不過佢個名叫北京烤鴨，好肥美，肉配餡餅係幾好食，不過就真係油膩左Ｄ！炒時蔬皇帝菜，清淡解下膩。最後甜品酒釀丸子，唔太甜，幾好味，啲丸子仲有芝蔴餡，似人手造，幾有誠意！細妹為食，想食蘋果拔絲另外再叫，係幾特別，不過就略貴左啲，幾舊炸蘋果HK$58，試過就算了。綜觀黎講，的確保持到水準，同屋企人食飯，最緊要地方闊落，坐得舒服，傾偈自然，所以茶介前菜分別各收HK$15同HK$36我都覺得可以接受。可能我地八點入坐，唔駛交枱，唔駛食得咁有壓力。下次再有家庭晚飯，都會再考

屋企樓下一直有間叫北京人家既餐廳，應該系食北京菜，但係自己從來都未試過，咁今次就同朋友去試下好唔好食，其實叫咗好多餸，但系個名太難記，凈系記得片皮鴨。。。。。，全部餸其實都好食，但系片皮鴨系最好食，唔洗去北京都食到片皮鴨，真系好開心，片皮鴨既食法系夾起一塊片皮鴨，用麵皮包起，加入青瓜紅蘿蔔同埋甜醬，最緊要系呢到既片皮鴨層皮夠脆，鴨肉多汁，攞上黎個陣系熱既！！真系好食！

呢間食肆，都係第二次嚟...上次食物份量少，又唔抵，但味道都還可以。。。但都一年多前了！今次生日食飯，又有朋友推介呢度啲甜品，上次無試，今次試吓心態...因訂位時已問要不要訂出名既北京填鴨，既然係名菜，訂來試吓也好。當時服務員話一隻填鴨$290.-，到步時睇餐牌時才發現一隻填鴨$320.-！ 點解同電話訂既時候唔同？！心諗：唔通訂位可有優惠價？當然係我哋諗多咗，但實在有點被騙感覺！！！算，好食就得！整體上味道一般，又無驚喜，好似酒樓小炒... 咁點算係北京嘢？正餐完結，係時候期待的甜品啦！ 朋友推介 + 穩陣甜品 = 嗚~~~~~(點解可以做到咁難食？)先來，朋友推介「釀沙芋餅」>>> 天堂、地獄之別！見到「今次」的沙芋餅，不禁即call經理：這是什麼？是之前相片的同一食物嗎？他的答案...居然「係吖，只係少咗啲糖粉啫，叫廚房俾返啲你哋啦。」我話有燶味喎，佢支吾以對，又唔肯換過俾我哋，問佢又唔識答，即係點？？？大集團係咁既咩？之前既曱甴新聞都見晒報，唔係應該做返好啲咩？美心吖，美心，請檢討一下好嗎？下一個甜品......更嚇人。。。「拔絲蘋果」蘋果用

5月1日出開荃灣行街，在荃新天地睇完高達展覽經過北京人家就想食北京填鴨，留低電話佢話等4張，有位就會call我，咁我地再周圍行下先，大概20分鐘電話響話有位了。門口拎左枱號，行入去，無人主動理你，坐低左想點野食（由於被安排坐在自成一角的桌，雖然會方便傾計，但確實就無咩人會理我地）叫左第一次話轉頭到，幾分鐘叫第二次都係轉頭再幾分鐘第三次先有人寫野。見到旁邊桌有前菜（而單上有一項叫泡菜）心想岩啦，我鍾意食呢類涼拌青瓜，問侍應係咪會比一兜我地，佢話係呀，拎比你，等到第一碟菜上桌都未泥，再問另一位女侍應，佢極不耐煩極不禮貌：得架啦，我同事幫你取消左，你地唔要丫嗎😡我話，咁算啦，因為本身其實我地係想食，佢再話：咁你要定唔要丫？要咪比返你囉。我都唔想再同佢講野，因為我知道自己快要爆粗。但我真係覺得咁既態度我已經唔會再返泥食！！食物方面叫左雞絲拉皮（好味，份量算多，夠凍），片皮鴨（無上次咁好食，唔知係心情影響定咩啦）但都係比一般酒家出色！咕嚕肉（呢個好好味，外脆內軟，正）炒土豆絲（味道酸酸，我自己就麻麻地）上海炒年糕（淡口左小小）仲有個二食係爆鴨架（呢個好野味）但我覺得服務真係要改善下，兩大兩小埋單

今日同一家人食飯因為有BB嘅關係所以我哋去咗荃灣荃新天地北京人家食飯因為幾好坐。因為6個人，就叫左個中銀信用卡的四人餐，再加二人翅餐。頭盤海蜇，素鵝。海蜇都幾大碟。好味。翅針好粗好食。最正係片皮鴨，好大隻，好食但後尾上的茶樹菇豆苗就唔好食啲豆苗好多渣。怕怕，但冇計，豆苗就係咁-_-#。員工d服務都幾好。見到有bb就主動俾入d的台我地。價錢不貴，千三四元左右。

香港化的北京菜 - 北京人家 (評級：一般)香港化的北京菜 (評級：一般)北京人家 (荃灣荃新天地分店)2015年3月6日晚飯味道：6分環境：7分服務：7分價格：每人約＄200北京人家這個名字看似十分地道正宗，但原來名字不能決定作準。要在香港這個獨特的城市生存，就不得不作出融合。可是要平衡及取捨確實不容易。我曾經到過北京工作及旅遊，吃過不少地道菜式。依然記得那種獨特的香料與食材之間的化學作用。在北京人家我只感受到香港。北京酸辣湯 － ＄85不酸不辣的口味叫人百思不得其解。份量只足夠二人。不論質量亦不合格。小籠包－ ＄38小籠包的精髓是把內裡熱的湯慢慢吸啜，然後一口把整個小籠包放入口中品嚐。但一看見小籠包已經穿了，所有夢想中的美味情節已經立刻消失。榨菜肉末跟叉子燒餅 – ＄78食法是將炒香的榨菜肉末放進叉子燒餅內一起吃。榨菜肉末雖然偏咸，但是味道很好。最大的問題是叉子燒餅。燒餅皮脆而且薄，但一開二的時候燒餅已經破了，之後又怎能把肉末放進去？霸王雞 - $78看見時覺得是十分中國北方的煮法，吃的時候卻不像北方的那般麻辣。看見時以為雞件做得太乾，吃的時候卻發現仍保留著肉料在中間。真估不到！基

好少去荃灣既我真係有眼無珠，荃灣咁多野唔揀，揀左入呢間野。真係好難食首先等位都等左一陣， 我同老公2個人等到位，未食就講定個半鍾交台，入左去，叫左3個餸:1， 食到你糖尿既糖醋菊花魚佢叫菊花咩？只係一pat糖漿炸龍利柳! 難食到要撩開哂啲汁先放得入口2，銀絲溫室小豆苗芽菜多過一切，保證冇添加，因為真係冇味3，醬爆腰果雞丁唯一入得口，餸白飯勉強食飽一定冇下次，不知所謂！

It was our first time here and will definately be our last one as well!Firstly, the food (dim sum) taste terribly bad......Oily, salty, you name it.  Worst prawn dumplings (har gow) and rice flour rolls (prawn) we've ever tasted before!  Not to mention, the steam chicken feet, sticky rice, etc, etc!  Super oily and salty.... Secondly, waitresses were rude and impolite!  Not knowing when and where their hands will suddenly pop up from behind you to grab those empty plates, etc!  No response from

晌荃灣荃新天地嘅北京人家都唔喺第一次到訪，曾經嚟過幫襯晚市，慶祝老婆生日，不過都已經喺幾年前嘅事。嗰次嘅感覺喺菜名特別，但味道普通，定性為平淡嘅一餐，今次與另一對教會夫婦再訪，無乜特別原因，只喺貪其環境好，適合慢慢傾，慢慢食 。一向都幾鍾意美心嘅中餐館，尤其又一城八月花、尖沙咀潮庭……等等，裝潢、服務做得非常到位。以依間北京人家嚟講，大堂一字長形夠通透，通花吊燈有中國特色，布梳化椅貼背好挨，環境稱得優雅舒適。不過，午市人手明顯不足 ，望落好似一個侍應要應付十多張枱，見佢哋成日四圍張羅。我哋一行4人，雖然有啲4人用嘅「午市自選小菜套餐」（$388，另收茶位費、前菜費及加一服務費），包點心、冷盤、湯羹、小菜，如果有心嚟試佢小菜其實都幾抵食 ，因為都有好多款風味小菜可揀，如宮爆明蝦球、糟溜魚片……等等，不過，我哋就只喺想食吓點心啫。點心紙就一小張睇晒，京川滬粵美點、生滾粥品、精美廚點、現拉腸粉、各式飯麵、特色甜品共70多款，無話分大中小點咁煩，每款食物下都標明價錢，明碼實價。另外，茗茶$9位，收加一，但睇番張單，兜前菜就無收過錢 ，唔知喺免收定打漏！ 前菜 小小一兜蒜泥青瓜豆腐

朋友生日，她想食片皮鴨，最終由她自己訂了這家店，之前經常行過見到個招牌很久，始終未有機會一試，今次終於可以試到，點知試完就失望。當晚七點幾入到去見都有八成人，坐位不算闊落，坐下看清楚是美心集團屬下，心中想大集團出品，應該可以吧，誰知竟然應驗了早些時候一位朋友所講的一句話，美心集團除了極貴價的幾家高級食府外，其餘的店都越來越不像樣了。糖醋小排骨，外貌已有點怪，好像用醋浸排骨般，夾起排骨時，汁液甚稀，入口非常硬，咬落非常乾，毫無肉汁，口感有如放一片浸透醋的木頭在口中嘴噬。榨菜肉未跟叉子燒餅，肉末炒得太乾，榨菜只有爽口感覺，但就完全無味，唯一可取之處是叉子夠鬆軟香口，將饀料放入叉子後一齊進食，却變得異常古怪。小籠包，皮有點厚，頂部甚至有點硬的感覺，包內湯汁小，湯味非常重味精，肉饀起粉粒，是記憶中食過最差的小籠包。金腿津白，津白有揀過，條條都十分幼嫩，入口無渣，也煮得夠火喉，咬落香淋，而金腿也整片整片的鋪於菜面，可惜味道頗咸，入口只可以用很少夾著菜一齊食，變成只可嚐其味，無法食到其口感。雜菌燒海參，菌菇扣得夠淋夠入味，口感不錯，有咬口的同時又夠淋軟，但再加上茨汁就令味道過咸，海參大小與菇菌比例