勝香園

營業中

休息中

是日終於有空到訪遠近馳名的勝香園, 平日下午三時正, 不用等候便有座位. 點選了蕃茄牛肉麵(HK$23), 檸蜜脆脆(HK$10).不消三分鐘侍應先送上蕃茄牛肉麵. 賣相對板, 分量也適中. 試一口湯底, 果然足料, 真的很像蕃茄湯呢! 麵上放著差不多一整個的鮮蕃茄, 麵沒有過淋, 牛肉則屬普通貨式, 整體是可以的, 尤其欣賞它的湯底. 之後送上檸蜜脆脆, 果然是名物. 脆脆鬆化無比, 每咬一口也是非常香脆, 麵包的香, 再加上塗上的檸檬汁和蜜糖, 這個配撘非常新鮮醒胃, 很好吃! 但脆脆一定要熱吃, 放涼了便會變硬, 那時便會非常難咬.

一向都好鐘意蕃茄..不論係蕃茄炒蛋, 蕃茄煲粥,蕃茄薯仔湯定鮮炸蕃茄汁!!見到同學post左一碗有一碗蕃茄麵出黎咁鐘意蕃茄既我 一定要去試試!!其實 好怕出街所謂既蕃茄湯底係由蕃茄醬開出黎 帶甜.. 好彩依間真係冇令我失望而且重有好多蕃茄肉再試埋佢個脆脆..唔錯唔錯不過就一定要熱食 因為到佢放多一陣 就會唔脆喇大家不防一試 但係就要有耐性排下隊喇!!

碎牛炒蛋鮮牛茄通粉($2x)鮮茄湯底係重點，好重蕃茄味，色亦很濃，鮮牛夠滑，碎牛炒蛋普通，可以不試鹹檸七($1x)懷舊飲品，其實冇咩特別，同飲普通七起無咩分別。混醬提子多($10)之前試過普通方包，今次試下提子包，分別係多佐d提子，個包同樣夠脆，醬亦夠多，塗得均勻最後外帶佐件芝蛋多個包烘得勁脆，加埋熔佐的芝士和滑滑的炒蛋，簡直人間美味

天時暑熱, 從地鐵站走過來已經不停在流汗了, 奈何晚上是已經關門的了一坐下就馬上落單 番茄炒蛋雞翼麵 番茄湯底很香,很多茄肉, 公仔麵不會煮過淋, 其實每一樣食材都是很普通的材料,加起上來又出奇地配合, 而且份量十足檸蜜脆脆其實一個麵已經夠飽的了, 可是難得一場到來怎可以不試試另一名物呢即烘的豬仔包搽上蜜糖, 吃得出是用心制作的東西好吃是沒錯, 可是炎熱天氣難免影響了進食心情,有機會再來的話, 應該是秋冬天吧

近來在中上環返工,今日食lunch便去左中上環比較出名的"勝香園"一試,因為早左到的關係,十二點一到已經不用排隊了(不過位都不是很多), 不過比較有趣既係"九記牛腩"十二點半先開十二點已大排長龍了(如果要食九記牛腩要排咁耐我就有點兒卻步了),"勝香園"好有大排檔feel, 今日雖然三十幾度咁熱,佢地有大風扇,所以都坐得無咁辛苦.我點了$26 既茄牛蛋麵,$13鹹檸7, $10 奶油脆脆,茄牛蛋麵, 普通煎蛋但有蛋汁,有幾多既蕃茄肉,牛肉都幾好味幾"林"而麵身都ok不是太"林". 整體黎講偏酸.鹹檸7真係好"正"超多鹹檸絕無"偷工減料".而奶油脆脆真的不錯,熱辣辣脆卜卜 超好味.一共$49.下次會試下檸密脆脆.

前一排同事提議去勝香園話好耐無食過佢嘅番茄麵。其實我一直無試過，又唔感到可以做得有幾好食。十一點幾已經去到都重要排隊，非常誇張。大家一齊叫番茄牛肉麵加杯凍檸茶。雖然大家都知道哩類型大排檔食物一定要好快來到食完急急腳走人，但係我地叫嘅野都差唔多要成三個字先來齊，搞到有啲人要食先同有啲人要等未食完個啲人。有小小唔似一齊食午飯。講返食物，都ok嘅，麵煮得唔太淋可是湯底撈埋啲番茄醬就有啲太傑。牛肉有食到有啲好韌。同我預料差唔多，食品水平一般，好似對面九記同埋其他出名嘅老字號餐廳如澳洲牛奶公司，華姐清湯腩等等，都有小小名過於實. 題外話，唔知係唯一得我地係這樣或點，我地啲碗好多都崩晒，禁啱我地又講緊公司啲是非野，今似確實係崩口人忌崩口碗啦哈哈。

星期六中午，大汗答細汗在排隊的人龍不絕。這邊箱是勝香園，另一邊是九記牛腩！大約等了二十分鐘便可入座，可以接受啦！一坐下，高效率的靚姐便給我們落單。天時暑熱，人人都點了凍飲呢茄牛通 - 茄味香濃，大愛！牛肉夠淋，帶點根，似是鮮牛肉！連一向不愛番茄的小鬼雞都口不停口檸蜜脆脆 - 香脆可口，檸味很濃，可惜的是蓋過了蜜味，有點酸。如果淨蜜味就更好了！大汗答細汗的快快吃完便讓出位子給下家 價格相宜，製作用心，吃的是靚姐們+大叔的香港拼搏精神。

呢間野都食過好幾次喇，大熱天時行到身水身汗咁又無冷氣仲要食湯面，係得呢一間令我咁有恆心再去食。不過要食到都唔係咁易，因為佢好早就關門，好似我呢啲唔係係中環做野既人，要等閒日放假仲要三四點個時先好去，因為要排好長龍架lunch time。位置係九記牛腩對面，係香港站出行上去會舒服啲同近啲。每次去到都覺得啲落單姐姐好勁，記性好好。同埋佢地都好nice，見我地揀到十五十六個時會建議我地食咩。檸蜜脆脆係每次都必叫既，另外叫左凍奶茶，咸檸七同蕃茄牛肉面。呢個非一般既茄牛面($25)令我呢個唔食蕃茄既人都愛上左。佢既湯底雖然係用罐頭蕃茄醬加新鮮蕃茄整既，但完全係用面好夾！啲面吸哂鮮甜既蕃茄味，又唔會太甜。啲牛肉不得不提，完全無泎，又唔重味精味，配合埋鮮茄既鮮味簡直無得彈！至於必食既檸蜜脆脆($8)，其實係焗脆左既豬仔包查左自制既檸檬加蜜糖醬，簡直係 perfect match！即叫即整，再砌到好似個米奇老鼠頭咁，香噴噴，一見到流哂口水！淡淡既檸檬味隨住呀姐拎住檸蜜脆脆行過黎就知道有野食喇！一咬落去卡一聲，焗得岩岩好，個邊同個面係脆既，中間啲面包暖暖地，之後係檸檬既味到先出現，感覺好fresh，小小

第一次寫食評 希望各位支搭我同我男朋友最鐘意食野，之前睇open rice勝香園經常為居榜中想試好久了^_^上個月的一個星期六 我地就由北邊黎左啦好多人呀 差不多排到去agnes b cafe那邊@0@但其實人流去得很多 大概10分鐘左右我地就有位啦姨姨好好人 雖然天氣好熱 人好多 佢地好忙 但都好nice 真係好難得我食左個茄蛋牛肉通 特登要的太陽蛋但最後食到個蛋黃散左>_< 失敗也d牛肉好"林" 好味好味 蕃茄味都好濃好香但略嫌無咩蕃茄肉囉 可惜的是個咸檸7我不懂得欣賞呀上台時的咸檸已經是督到爛了 味道都已經出來了再倒進用玻璃樽盛載的雪碧 那種咸咸的汽水 確實是可以解渴男朋友都喜歡 但我就真是寧願飲可樂呢 >_<"之後就到檸蜜脆脆啦等得最耐就是這個 我見同台的人吃完了還未到我們的卻在食的中途就有了真好彩也好味呀好味呀!!你地去到一定要叫呢個!!酸酸甜甜 又脆卜卜 真係唔捨得同我男朋友share呀 哈哈食完之後我地都要快快讓位啦仲有好多人等緊;)

久仰大名，遺憾小妹是新界人，很少機會到港島舊區覓食。近期在中環這邊上班，午飯時間不長，況且熱辣辣，要在三十幾度高溫下步走到上環用餐？咪搞我！適逢下雨天，下了風球兩天，天氣轉涼，下着毛毛細雨，便與同事Sylvia到上環碰碰運氣，希望不會有太多人排隊。哈哈，雖然那天較大霧，但其實是天氣潮濕，令鏡頭變得朦朧，幾有feel小店賣的食品很簡單，有聞名的蕃茄粉麵系列、港式常餐、多士等食品。我和Sylvia的胃納有限，但又貪吃想試試有名的蕃茄湯底和脆豬，最後點了蕃茄碎牛炒雞蛋鮮牛肉通粉（$29）和檸檬蜜糖牛油脆脆（$10）一同分吃。蕃茄碎牛炒雞蛋鮮牛肉通粉很大碗，有一大份牛蛋，說是炒蛋，其實是煎蛋餅，大大件很厚身，談不上嫩滑，但有蛋香。牛肉片有很多，有嚼頭，比澳洲牛奶公司的有口感。湯底蕃茄味濃重，有不少蕃茄粒在內，幸好選了通粉，吸盡了香甜的湯汁，真的不錯。檸蜜脆豬仔，樣子似足米奇 沒有外脆內鬆，但原來一整件都很酥脆，有蜜糖獨有的甜美和檸檬的微酸，很特別的味道。終於嘗了這家名店，我倆蕃茄發燒友都相當滿足，下次要再戰九記的滋味。

早陣子趁著天氣還沒有轉到很熱前來過勝香園吃個午餐。其實來得勝香園都已經做好心理準備要排隊，不過到達時人龍竟不算太長，不過等了不久回頭一看已發現人龍排到街尾，還好到早了一步呢！等了約20分鐘終於有位。座位逼和需要搭枱，不過對於能坐在風扇底已滿足了。店員阿姐們都眼明手快，服務態度算不錯。這裡的餐牌很簡單。主要分湯粉麵類和多士三文治類，當然還有飲品。湯粉麵類中以番茄湯底的最為有名，亦是我今日來勝香園的目標。點了一碗番茄鮮牛肉通粉，$23。飲品方面，點了杯熱檸蜜，$12。我的番茄鮮牛肉通粉很快就到了。鮮紅的番茄湯喝得到濃濃的番茄香，味道清新微酸，裡面還有些番茄肉呢。鮮牛肉也肉質嫩滑。通粉煮得軟硬剛好。不過份量頗多，吃不下脆脆多士了。難怪餐牌上有一個半麵／粉選擇(減$2)。這次只能看著脆脆的製作了。熱檸蜜雖然沒有看到檸檬片，但喝起來每一口都是濃烈的檸檬香，蜜糖甜濃度剛好。因為店方已用人手預先用鮮檸檬壓好檸檬汁。這真材實料的檸蜜讓人喝得很舒服。相宜的價值，食物和飲品都用料用心製作，交足功課，這大概就是勝香園成功的主要原因之一吧。

在一個星期六炎熱的下午, 我和友人由於久仰勝香園的大名,無懼眼前的人龍,一邊撐傘一邊排著等候了半個多小時才能入座, 沒有冷氣,沒有舒適的位子,卻用最樸實的食物打動食客的心名物蕃茄牛肉通 湯底濃郁, 牛肉味道甚好, 連一向不喜歡吃牛肉的我也和友人搶著吃。至於檸檬脆脆 可能看食評期望太高了 有點落空, 但還是很好吃的熱騰騰的脆脆配上檸檬跟蜜糖,配搭新鮮,也給人耳目一新的感覺第一次嘗咸檸7, 是用一大樽七喜的, 很好喝, 在炎熱的夏天是消暑的好選擇會再來的, 不需要美麗的裝潢, 只需要用心的食物, 這就是我願意在三十多度的高溫下再排半個小時的原因。

4月21日號一心諗住同老公仔去試吓啦，行到身水身汗，仲要排長龍，等咗成20分鐘先有位座，我哋叫咗"茄牛雞翼麵"、"檸蜜脆脆"、"雜麥多"、"咸檸七"、"凍奶茶"，啲嘢黎得都算快，但係食落同想像中有好大距離呀，個湯唔夠濃，茄味唔夠，個包同多士唔夠脆，凍奶茶冇咩特別，係咸凍七好少少啦。可能係因為人太多，所以湯煲嘅時間唔夠、麵包未夠乾啦-->無咁脆，又可能係睇得太多食評，我哋有太大期望，所以失望啦.......

主人與奴隸獸途經『勝香園』時，竟然發現有座位，（機不可失呀！）即時決定食個 Brunch 也不錯1. 凍鹹檸七（HK$12）：很久沒有飲這款飲品了，點來回味一下，現在已用『雪碧』代替了『七喜』，不過味道依舊。2. 蕃茄蛋鮮牛肉麵（HK$25）：蕃茄味濃郁，牛肉又腍又滑，一碗百吃不厭的湯麵。3. 鮮油脆脆（HK$8）：香脆的豬仔包夾著厚厚的牛油，簡單，卻美味無窮。4. 牛油檸檬蜜糖脆脆（HK$8）：清新的檸檬汁，淡淡香甜的蜜糖，配合牛油脆脆，難以想像的好味，成為『勝香園』的超人氣食品，實至名歸。

幾年前食過一次之後，成日都想再去過。一個人嚟又唔太餓， 只好食這個蕃茄菜通。超濃茄湯勁好味，通粉份量極多。下次可以叫扣底。當然這𥚃不會有什麽的服務啦！ 但還是會再來！