勝香園

營業中

休息中

知道好多遊客會嚟食，所以通常都係午飯時間後先過去食，通常都唔洗點等位。呢度有我最鐘意食嘅蕃茄牛肉麵，睇落好似好普通，但係佢話哂都係用鮮蕃茄去煮，出面好多餐廳都只係用茄醬，而且牛肉份量都不少。另外叫咗杯鹹檸七，都好正！

星期一要由豐富早餐開始🌞，是日早餐去左勝香園，蕃茄湯太陽蛋麵好多人都識叫，今次試吓其他嘢，天時地利人和之下，歎左公司三文治($39)，同友人介紹嘅凍mocha($16)，再來一個鮮油奶提子麥多($18)。・・・・・・・・・・・・・公司三文治做得漂亮、工整，連三文治的邊緣都食到餡料，有蛋🍳、雞肉🐔、蕃茄🍅、火腿🥓、沙拉醬同鬆脆多士，三文治多層次，美味極了🤤。・・・・・・・・・・・・・自從有一次見到鄰座客人點了鮮油提子麥多🍞，每一次來都忍唔住要點上一份，兩片提子麥多夾着一片薄薄的鮮牛油，吃下去有種滿滿的幸福感🤗，係人生一大享受😋兩個人開心share仲更加正正子😏。

因為看了「愛我請留言」才知道這間食店，決定要來試一試這裡的茄牛通。跟朋人兩個人來吃，一個空的座位也沒有，我們不知道是怎樣排隊的，觀察到其他在等候的客人也不知道，但店員太忙了，完全沒有人能夠空出來招呼一下，告訴我們是怎樣排隊的。幾經觀察才發現排隊的方法原來是直接站在桌子旁邊等位，好像在快餐店一樣。我點了茄牛通，朋友點了茄牛餐蛋麵，另外點了一份檸蜜脆脆。茄牛通的蕃茄湯底超級香濃，與牛肉和通粉很match，因為隔離飯香，偷吃了朋友的茄牛餐蛋麵，茄湯底被煮麵的湯混浠了，蕃茄的味道淡了，沒有那麼好吃。檸蜜脆脆是一個驚喜，它脆得不得了，酸酸甜甜的超好吃。難怪會有那麼多遊客來吃。

連續返咗10日工，真係好攰，所以一放假，忍不住去中環食好野，勝香園係我喜愛的地方，中午時段，勁多寫字樓文員係到食，又有不同國家的遊客，今日還落雨添！不過…大家完全唔介意落雨排隊等位，好欣賞中環的藝術，見到牆身有好靚的繪畫，終於等到位，當然要食我最鍾意食的番茄湯底豬排腸仔蛋麵啦！最正之一蛋係半生熟，仲要飲埋咸檸七添！朋友就食番茄湯餐肉牛肉麵，我地仲叫多份招牌脆脆，就係牛油檸檬汁蜜糖脆脆，脆脆真係好脆🤣但放係到無咁熱食時，檸檬汁真係好出味好yummy呀😍😍

上次在香港惦记着胜香园，因为没时间所以一直未去成，所以这次来香港，第一天一大早就去了，地铁上环出来兜兜转转好半天，铁皮屋关门，再查开饭喇，确实是营业时间，所以在门口转了一回，看到贴的告示，13日正常营业，可我13日已经走了

今日打算到中環捐血站捐血，需要先吃午餐，想一想，來勝香園吃個蕃茄通補補先第一次來，中午時份頗多人，幸好不用等候便有位。店面姐姐不停來回穿梭服務客人。點了蕃茄碎牛蛋鮮牛通，和招牌食品檸蜜脆脆蕃茄湯底很足料，淡淡鮮蕃茄味，煎蛋內含碎牛，不會太咸，驚喜的是鮮牛肉爽嫩有口感，份量也很多檸蜜脆脆甜度剛好，脆卜卜不愧是招牌菜這裡所有飲品都會幫你篤定檸檬，餐牌也寫明如果不用篤檸檬請早揚聲。來這種舊式茶檔很有風味，但炎炎夏日定必汗流浹背，你要好味還是舒服?

步過迂迴曲折的港鐵站，走過裝修地盤影響而由闊變成窄的樓梯，爬過蓮香樓附近的小斜路，微喘著氣地踏進弄巷之中，對面就是有名的九記牛腩，上回吃過了，遲點補回食後感，這次的選擇是很久以前來過一次，以蕃茄乜乜乜馳名的她。買少見少的鐵皮檔食店，每個時刻也是高朋滿座的。餐牌選擇除了粉麵就是麵包類，而粉麵當中，這裡有名的是蕃茄系列，而且非常明細地列出有什麼食材可配搭。點了蕃茄蛋鮮牛肉，粉麵方面本來想點較淡口的通粉或米粉，可惜太晚售罄了，剩下唯一的佳麗-麵。先喝口湯，蕃味不重，喝到的反而是哪些醃製牛肉的調味料味道呢，蕃茄肉大大件，份量也算多，帶著天然的酸香很醒胃。雞蛋在沒有要求是如何烹調的情況下，以荷包蛋奉客，一口咬下，蛋汁如泉湧，是在下非常喜歡的溏心蛋。牛肉味道很足，而且仍保持應有的質地。麵條處理也到位，爽滑富彈性。

星期六，人多車多是定律。等了只是十分鐘，比預期要快！天氣太熱，平日不飲凍飲的我破例點了凍朱古力少甜。少點後感覺朱古力味更濃，就是喜歡大排檔話點，飲品往往都很有水準。依舊點了檸檬脆脆，好味不在話下，上桌只是用了5分鐘，檸蜜甜酸度得宜，烘得香脆，夏日必點開胃小食😇👍🏻👍🏻

好耐冇嚟食, 上次食已經是一年前的事, 今日行經附近, 當然順便來一碗我最愛的番茄蛋通及奶茶。不過大熱天時係度食, 飲埋熱野……可能食到大汗+細汗出晒黎咁啦, 食過好幾次, 我都幾LIKE 佢啲出品, 唔介意無冷氣。凍奶茶 ($14) 茶味依然香濃, 不過好似冇以前咁順滑。番茄蛋湯通 ($26)佢哋番茄湯真係濃到不得之了, 誠意之作, 用新鮮番茄烠制而成, 內有粒粒番茄肉, 最鍾意佢個番茄湯底唔落太多調味, 保留番茄嘅微酸, 而不是勁下糖調到變甜, 啖啖蕃茄肉, 健康又好味, 佢地個脆猪都好食架。

今次純屬訪友，無做任何旅程安排，打算行到邊食到邊，於是就揀咗老字號勝香園作為開胃第一站。即使上班時段都係爆棚不過好彩啱好有一圍食客用餐完畢，可以入座搭檯坐。一場嚟到，緊係先嚟一碗勝香園招牌——茄牛通！成晚紅湯好搶眼，用匙羹攪動吓，原來都幾有內涵，足料！湯底係由番茄熬製而成，每飲一啖都有絲絲番茄肉，牛肉片夠厚身，唔韌。酸甜開胃，對於愛食番茄朋友簡直福音。同時都嗌咗人氣脆脆之咖央脆脆！烘過嘅豬仔包底好脆身，咖央醬外擦咗一層蜜糖，雖然如此，甜度較淡，鐘意甜d可以選擇蜜糖脆脆。飲品就凍鴦一杯咁樣加起身先$59，好抵！下次再嚟過！

今日返工早左去食lunch, 同事提議去食勝香園！我們12點去到，無人排隊！心諗，正呀！雖然唔駛排隊，但整個大排擋都塞滿人！我們點左：檸檬脆脆—好脆，但檸檬味有點少重有，茄牛通—味道偏酸，但我都幾喜歡再配飲品：咸檸七我最喜歡咸檸七！因為在大排擋午餐，的確需要一杯凍飲！

大熱天時..排隊真係一個耐力賽..每次行過都一定大排長龍.所以排就排啦！想食就要付出嘛💪🏻💪🏻個個都讚好更有佢吸引力.等左大約20分鐘..終於到我地了.同朋友叫左一個檸蜜脆脆、蕃茄牛通加蛋同咸檸七枝裝汽水係特別好飲既.加埋咸檸檬.又夠凍..正..蕃茄牛通加蛋 - 同朋友share食..份糧都幾多.蕃茄湯底勁濃重有蕃茄係裡面.真材實料.最想試既主角出場了..檸蜜脆脆 - 好好味呀😋😋個豬仔包係烘得好好.內外都係脆既..再加上檸蜜汁.又少少酸又甜..成件事好match👍🏻👍🏻👍🏻👍🏻👍🏻

太掛住依到既蕃茄湯,閒日唔係食飯時間無咁多人排隊,但都等左一陣就搵到位叫左個蕃茄腸仔餐肉雞翼通粉,3餸都只係30幾蚊,飲品再加錢,黎到緊係飲咸檸7、凍奶茶解解渴啦!!基本上依到只有蕃茄湯底,但用蕃茄蓉多到每啖都食到，啖啖通粉都充滿特別濃郁既蕃茄,,雞翼滷水都非常入味,腸仔餐肉微微煎香;必食既一定係奶油脆豬,外脆內鬆軟,超脆既豬仔包加上牛油,煉奶,風味食舊每次都要叫黎食!!上環黎講20-30蚊既麵真係超值，希望能一直保存

以前係呢頭番工成日都會尼呢到成班同事食LUNCH,講真中環真係愈尼愈少呢種茶記,好地道好正宗既香港大排擋,坐就惡坐左D,但係味道就真係幾唔錯,而且好抵食,中環食個LUNCH 閒a閒地都$60以上啦,呢到真係推下

行完山中午過左黎食，撞正lunch hour好彩唔洗等就有位，坐就唔好坐架啦，所以都拿舞聲食完快d走。呢到既茄牛通咁出名，一於就試下，蕃茄味好濃郁，仲有原隻蕃茄，好足料！平靚正之選。另外，仲叫左個檸檬蜜糖脆脆，呢個可以share食，一個人食有d多，食落去酸酸甜甜，同個脆包好夾👍🏻野飲叫左醎檸七，大熱天時，飲呢個真係好爽！中環平令正之選，見到有d上班族都有黎食，當然仲有好多遊客啦，雖然環境唔太舒服，但排檔既格局都係香港舊時既風貌，體驗下都唔錯既，我依家都好想再食多次！