勝面 (已結業)

平價嘢食先貼近平民百姓，亦可最常幫襯，今日分享一則朗豪坊尋寶記，因為原先我都以為朗豪坊食店除左food count外都比較貴，今次發掘左間又抵食又好味嘅台式餐廳👉🏻麻辣牛三寶 $58呢個對中意食辣同食牛嘅朋友去講，一定系至愛，一碟牛3個種體驗，一款系炆得非常夠淋嘅厚切牛塊、牛筋位置嘅牛肉較爽口、仲有個較實肉嘅牛肉，而且辣度唔系一般嘅辣，唔好睇少個香而辣嘅辣油🔥👉🏻涼拌手撕冇骨鹽水雞配刀削麵 $62呢道菜唔系常見於店式店，所以一於試下，手撕雞撕得夠絲唔會一塊塊咁，食得出麻油/胡椒粉/芝麻個類嘅味，凍食非常開胃🧐原以為刀削麵配青湯就冇乜特別，清湯裡有牛湯味唔油膩，且只系淡淡嘅，加上蔥粒湯底好香，刀削麵質感亦唔錯👉🏻滷肉飯（細） $35台式店多數都會叫碗滷肉飯，今次唔例外，除左飯身較軟身，味道、滷肉、滷蛋、比例都掌握得唔錯👉🏻芝士肉鬆雞蛋手工手抓餅 $38最值得期待絕對系呢款手抓餅，超多嘅肉鬆同芝士都藏左系中間，配合熱辣辣煎脆左同加左蛋醬嘅手抓餅一齊食，好味到停唔到口😍👉🏻桂花烏龍🥤、白桃烏龍🥤飲品同冷泡茶型式一樣，使用左茶包，而白桃味就稍加上桃肉系底，桂花烏龍茶味教重些，白桃烏龍教清淡些，

已經有好一段日子冇行旺角了，今日難得有心情同時間行下商場，朗豪坊係一個不錯的選擇原來近期好似開左好多新店鋪行過勝面，見到餐牌嘅價錢不錯，而且入面都坐滿客人，就試下啦餐牌都係以簡約為主貴精不貴多首先先來兩杯飲品，果樣繽紛茶 （$35）同紅葡萄柚茶（$33）要同大家高度推介！！雖然真係不便宜，要三十幾蚊但味道真係好飲過我係出面飲嘅其他果茶涼拌手撕無骨鹽水雞 （$65）係佢地店鋪嘅限定！手撕雞好滑，不過就咁食就有d多，如果可以多d青瓜就好了（我是青瓜控）招牌麻辣。牛三寶 （$82）一碗集結曬不同嘅小食！包括牛𦟌，牛頸脊肉，牛腱心同滷豆腐，岩曬鐘意乜都試d嘅人不過溫馨提示一下，因為佢係冇得簡辣度，所以唔太食得辣嘅就要自己衡量下了，其實佢都有碗唔錯嘅蛋花湯可以清下口人氣清燉。牛頸脊刀削麵 （$65）唔好以為係菜單冇，其實係可以簡佢唔同嘅湯底，鐘意清清地嘅人，可以簡清燉湯底，濃味d嘅就可以簡紅燒湯底我自己好鐘意牛頸脊嘅口感再黎應該會encore!最後我都差不多飲曬d湯了不太昂貴，但地方方便，味道唔差嘅選擇

不少香港人愛食台灣菜，我都不例外。中午黎到朗豪坊呢間勝面!第一樣當然要嗌小食啦～麻辣滷鴨血鴨血非常滑，濃濃辣汁 令舌頭麻痹爽!接住要來主食了~銷魂紅燒牛腱心刀削麵厚切牛展是我最愛之一，厚而軟既牛展確係銷魂!刀削麵質地軟滑，配牛展是定律來吧。而台灣菜怎能沒有滷肉飯!甜不辣花枝丸滷肉飯就係台灣街頭常見!花枝丸外脆內彈，滷蛋則香而濃。食台灣菜當然不少得台式飲品。我叫的是愛荔絲之夢，荔枝味濃而甜度剛好加上小片檸檬，夏秋之選。而另一杯則係夏日桃桃，白桃配搭烏龍茶，清新而解渴。最後當然是甜品!招牌仙草凍!有齊清涼仙草，香濃芋泥，滑溜芋圓同彈牙珍珠!!一次過滿足晒四種口感，四種願望。非常滿足

拉麵店過江，今次終於到台灣牛肉麵喇！見到有Post話親民價錢高質水準台灣過江龍【勝面】係旺角朗豪坊開業，今日特登抽個時間去品嚐下，因為我都幾喜歡食台灣野架！但知道有新野開一定好多人去潮聖，所以今日我好晏先去到，減低排隊既時間！出發既時候心想呢一間麵條應該很不錯，因為 「吃 的 是 手 工 吧」.門面乾乾淨淨，店內店外既裝潢行簡約風，灰白色為主調感覺幾乾淨企理又清新，環境寬敞，樓底夠高，充滿空間感，坐得舒服自在。牆頂隱約既壁畫都幾有心思。總結為簡約環境 台灣風味🇹🇼，而店員服務都好熱情。睇睇Menu，一直知佢呢度主打菜式為「麻辣牛三寶湯麵、精燉牛骨清湯以及流心麻糬芋泥雞蛋手工手抓餅最受歡迎」所以點了其二再加個飯。🔹招牌麻辣牛三寶小辣-要關廟麵 $82雖然可轉「選湯麵、拌飯、湯飯」，全部都係台灣入貨，但還是認為關廟麵最特別喔。牛三寶「為牛頸脊肉、牛頰肉、牛腱心」牛頸脊係指牛頸至牛膊中間嘅一段肉，亦係牛活動最多嘅部位，所以肉質食落相對結實爽嫩，肉味香濃且脂肪較少。 而我就大愛牛頰肉，因為肉質非常爽滑細緻，裏面遍佈透明的筋絡望落好似有豐厚的膠原蛋白，肉質很有彈性，比牛頸脊肉軟嫩許多。牛腱心肉質

簡潔裝修被吸‪引，‬店員都是說普通話, 分外感受到地道風味。人氣蒸燉牛腱心 $58可選湯飯或湯麵，如果選麵會有三款麵條供選擇。餐牌話湯底用牛肉&牛骨慢火燉出黎，味道係前所未有的清香。牛腱煮剛剛好，肉嫩易咬口。御廚滷肉飯(小) $35鹵水肉汁唔太鹹，入口有花椒八角香氣，肉碎又很多，飯用珍珠米，非常有口感。鹵水蛋非常入味，越雖然是細碗份量，都女仔黎講都剛剛好。台式酥炸三寶$48包括鹽酥雞、地瓜條和甜不辣。 鹽酥雞係外脆香口，內裡的雞肉滑嫩，不會因為炸過而唔左水份。 地瓜條係厚切，味道香甜。甜不辣是花枝餅，同樣都是煎炸的，外面金黄，切開一條條食，口感不錯。招牌仙草凍 有芋圓、仙草、珍珠、芋泥和奶茶。奶茶分開上，芋泥濃郁 芋圓&珍珠夠QQ，仙草滿滿鋪底，$35 可吃到如此高質的芋圓仙草，正！芋見鮮奶茶好香濃芋頭味，杯底是滿滿芋泥，飲管吸一口，全口都是芋泥！留意用餐時間只有一個鐘。

最近發現咗間台式餐廳，喺朗豪坊入面，坐位舒適闊落，裝修設計簡約年青，但價錢竟然係街坊價！我同朋友叫咗一大堆食物，但都只係三百幾蚊咋，真係食到飽到唔郁得牛腱心，即係牛展，好大塊，好厚麵底有得揀關廟麵、米粉、刀削麵，未食過關廟麵所以試下，都唔錯，另外湯底都好清鹽酥雞滷肉飯，味道好正，不過肉太多有越食越膩嘅感覺😂老闆太有良心啦，可唔可以放多啲菜，放少啲肉？花枝丸，椒鹽味道，ok芝士肉鬆雞蛋手抓餅，一開始食有少少甜甜地，但食食下係咸嘅，同樣餡料太多，肉鬆可以放少啲😂老闆肉鬆唔洗錢咩？手撕鹽水雞，唔錯成餐飯我最最最滿意係哩兩杯，左邊脆脆布丁歐蕾奶茶，超～好飲；右邊鴉片黑糖波波鮮奶，都好正！總括來講，所有野食都唔錯，不過就有少少偏咸同偏多肉，適合肉食性同重口味嘅朋友，另外飲品超正，我下次仲要試埋其他先得！

早陣子逛朗豪坊，發現開了一間新的台式料理 - 勝面。店面不算太大，還好座位也未至於很迫。烈日桃桃 $25其實是白桃烏龍茶，加了幾顆罐頭桃，算有桃味又未算很甜，但茶味不算太明顯。麻辣滷豆腐 $18聞著很香，唸下去味道不算太辣。涼拌手撕無骨鹽水雞拌麵 $62其實可選湯麵、拌麵或湯飯，而拌麵是小辣刀削麵，且會配蛋花湯一碗。蛋花湯很美，味道清淡不會太味精。無骨鹽水雞帶麻油香，雞皮口感爽脆，雞肉也不會太粗糙。而我選了拌麵，就這樣看不會覺得辣。其實辣油辣椒都在最底，拌勻後辣度算可接受，麻感較香不會太鹹，麵條煮得軟硬剛好，口感煙韌有彈性。台式甜不辣拼花枝丸滷肉飯 $62滷肉飯算頗大碗，而且滷肉很足且肥瘦肉都有，口感味道都不錯，不會太鹹，滷蛋也好吃。甜不辣和花枝丸大大粒，口感彈牙好咬。招牌仙草凍 $35內有仙草、珍珠、芋泥和芋圓，仙草吃下去涼涼的很舒服，芋泥很香，珍珠很好咬，芋圓不過不失。甜度恰到好處，加上淡奶更好吃。百香果透心涼愛玉 $28酸酸甜甜的百香果，加上口感滑嘟嘟的愛玉，飯後吃也一樣清爽。整體來說不錯，價錢也算合理，可以再去。

朗豪坊十一樓有間隱秘既台灣餐廳，裝修格局相當有台灣小店既感覺，侍應仲用普通話幫我地落單，真係好有親切感！叫左「台式酥炸三寶」做小食，裡面有甜不辣、鹹酥雞及地瓜條，整體黎講都炸得好脆，粉唔算厚，甜不辣爽口彈牙，蕃薯都好甜，但略嫌有少少鹹。主食方面，order左「涼拌手撕無骨鹽水雞伴麵」同「台式甜不辣拼花枝丸滷肉飯」，伴麵採用刀削麵，麵質口感唔錯，雖然只係叫左少辣，但同行唔食得辣既朋友辣到流晒鼻水，食得辣既我覺得好過癮；滷肉飯絕對推薦，滷肉偏肥，口感豐富，豬油香味撲鼻。飲品方面，嗌左「鴉片黑糖波波奶茶」同「鴉片黑糖波波鮮奶」，黑糖偏甜，混合鮮奶就岩岩好，但配奶茶就有少少甜。「流心麻糬芋泥雞蛋手工手抓餅」作為飯後甜品，芋泥多到爆晒出黎，麻糬口感煙韌，加埋油而不膩既雞蛋手抓餅一齊食，真係超滿足！

不嬲都好鍾意食台灣野😍😍今日就去咗朗豪坊食晚餐，唔係講笑，裝修格局、食品質素都幾唔錯😎我哋首先叫咗芝士肉鬆雞蛋手工手抓餅😍睇個名好似好簡單，但其實好考功夫。個餅要煎得香脆一啲都唔容易，芝士係半融嘅狀態😆每一啖都有三重享受💞令人食過返尋味!!!主食方面，我哋就叫咗招牌麻辣牛頸脊肉伴麵🔥🔥鍾意食辣嘅朋友一定要試呀！面又有咬口，醬汁又辣得過癮，正啊！不過就算我哋帶咗小辣都係偏辣，所以唔食得辣嘅朋友未必接受到🤣飲品方面，我同朋友各自嗌咗鴉片黑糖波波奶茶同埋黑糖波波鮮奶🙌珍珠好煙韌，口感唔錯。但整體來講就有啲偏甜，不完美可改善。食飯點可以唔叫甜品啊？我哋就叫咗招牌仙草凍，完全係為我地既晚餐畫上一個完美句號😻 完全係台灣嘅原汁原味😻又唔會太甜，食多啲都唔會有罪惡感！😽

朗豪坊11樓新開左一間台灣餐廳，裝修簡潔純樸，環境清潔，枱與枱之間都算有私人空間，幾好坐。台式風味價錢合理，選擇也很豐富，野飲都很吸引。我揀左杯「愛麗絲之夢」荔枝果茶，清清爽爽，荔枝果香好出。朋友揀左杯黑糖珍珠鮮奶，黑糖同鮮奶的配搭系絕配，糖香四溢，奶味香滑。涼拌手撕無骨鹽水雞滷肉飯，手撕雞分開裝，份量滿足，涼拌的口感很爽，突顯麻油香，鹽水雞啖啖肉，滷肉飯賣相靚仔，滷肉大塊，不會太油膩。銷魂紅燒·牛腱心配手工刀削麵，牛肉好冧吖，入味又軟嫰，肉質新鮮。手工刀削麵，非常Q彈，一定要試，口感非常好。九層塔手工手抓餅，九層塔香很誘人，餅香脆，突顯台灣特色。

今晚行經朗豪坊既11樓，發現呢度開左間新既台灣麵店，上網一check，先知原來佢係台灣既國民食店，arm arm首度登陸香港。佢進駐左係朗豪坊11樓既角落位，地方唔大，所以座位有限，人齊先可以入座，用餐時間亦都限左60分鐘。Menu上網介紹話呢度主打既包括有麻辣牛肉麵、滷肉飯、芝士肉鬆雞蛋手抓餅、芋圓仙草等等...而香港限定店仲有涼拌手撕無骨鹽水雞tim。涼拌手撕無骨鹽水雞$45呢個係香港限定，仲要係限量供應架，可以額外加配料，都係$5起。手撕雞肉味道帶有蒜香，肉質嫩滑，醬汁濃郁，食落都幾有台灣夜市風味炸花枝丸$38呢個炸花枝丸惹味可口，又唔會太油膩，仲好有嚼口tim鮮熬豚骨豚白肉湯新竹米粉$62呢個豚骨湯底清甜唔膩，新竹米粉都係由台灣直送過黎既，所以口感q彈，感覺容易消化唔「銀」胃，至於個豚白肉，肉質軟淋又入味人氣精燉牛腱心湯手工刀削麵$58呢個係精燉牛骨湯底，味道清香濃郁，刀削麵爽口彈牙，有口感；至於個牛腱心望落紋理比較粗糙，結實，但係食落滋味鮮美，多汁嫩筋肉

岩岩去完台中番黎，話咁快我又想食台灣野，近近地就去左朗豪食勝面台灣著名既食品呢度好多都有，最起碼我想食既係呢度都搵得到雨後玉露 ($20)冷泡茶比較健康，無糖又有淡淡茶味，走冰就岩曬我心水涼拌青瓜 ($20)青瓜有濃濃既芝麻油香，令人一口接一口咁食唔停招牌麻辣牛三寶 ($82)麻辣揀左小辣，係比較小學雞既辣度，相信大部分人都HANDLE到，牛三寶最好味係牛展，同係台灣食到既一樣咁淋咁好味，大大碗男人食都夠飽涼拌手撕無骨鹽水雞滷肉飯 ($70)呢款係香港限定食品，滷肉飯俾左好多滷肉，每一啖飯都可以食得到，無骨鹽水雞鹹鹹地又幾好味招牌仙草凍 ($35)呢款係我最愛食既台式甜品，有仙草、芋圓、珍珠、蕃薯圓，口感豐富，呢碗最特別之處就係有另上既一小杯奶茶，食完真係好滿足呀

勝面低調的門面，在偌大的豪華朗豪坊中，令我差點忽略掉了他的存在。半開放式的設計，光猛的燈飾，感覺非常醒神。得獎作品：無骨鹽水雞滷肉飯雞肉咸得來不油膩，口感十分爽脆，非常下飯！滷肉飯以瘦肉為主，特意滲入少量肥肉，還有極爽不韌的軟骨，滷肉份量滿多，跟飯1:1 意外地好吃！麻辣牛三寶拌麵的麵聽說是手作的？非常好吃啊！彈牙得來不太韌，辣味不重。牛頸脊 鍵心 面頰面頰非常軟稔，骨膠原部分入口即化，但味道不算濃鍵心即牛展，厚度十足，比面頰濃味一點，足有四大塊頸脊像是肥牛，是牛味最重的部位超推介！芝士雞蛋肉鬆手抓餅芝士可以牽絲，肉鬆超飽滿又不韌，甜，香，爽，彈，$38超大兩塊、好好吃！百香果檸檬愛玉非常健康又低升糖的愛玉跟檸檬超夾！百香果口感脆脆的，吃起來超解膩！跟一般甜品很大分別！

朋友話要食台灣麵，就去了這間勝面。有幾款面食、飯及小食等等。先叫了杯抹茶歐蕾熔岩，奶味濃郁又不會太甜。這個麻辣牛頸脊拌刀削麵，牛頸脊很腍又有肉香，刀削麵用乾麵煮成，少了點新鮮麵的韌性，麻辣味道都幾惹味，另外還配上碗蛋花湯。涼拌手撕無骨鹽水雞湯刀削麵就分開了雞肉及麵，湯底用牛骨熬製，湯底較清，手撕雞都很嫩滑。去台灣必食的手抓餅，這裏都有，芝士肉鬆雞蛋手抓餅，直情爆餡，手抓餅新鮮即叫即做，煎得香脆又夠酥。最後食埋個招牌仙草凍，煙煙韌韌的芋圓，香甜的芋泥及爽滑的仙草凍，配上奶茶，香甜好味。

朗豪坊新開左一間台灣餐廳叫做勝面，想在呢一帶搵台灣風味的朋友可以考慮下呢間，佢開在朗豪坊11樓，環境舒適。台式風格突出，麵類同滷肉飯選擇繁多，台式野飲都相當吸引。我地叫左台式甜不辣拼花枝丸滷肉飯，大大碗勁豐富，花枝丸外脆內彈，金黃色的外表很吸引，仲有勁大塊甜不辣餅，加上滷肉同滷蛋，賣相很出眾。滷肉醬非常惹味，肥瘦適中，不油膩，拌飯食一流！流心麻糬芋泥雞蛋手工手抓餅，現叫現做，格外新鮮，餅皮香脆，蛋味十足，一咬落去，芋泥爆漿流心超正，仲有麻糬餡，很特別的口感，一定要食！