功德林上海素食 (北京道一號)

營業中

休息中

我只係去過銅鑼灣o個間，間中會見到一D應該係和尚o既人...環境都幾乾淨，D service普通，價錢唔係普通學生付擔得起（所以次次都跟媽咪去囉！）。我最鍾意佢o地個菜包，好好味道！仲試過佢o地o既”魚”，”菜肉飯”同”炒蝦仁”，好似呀，唔講都唔知係假o野！但有D唔明囉，表面上唔食肉但又要將D素菜整到咁似肉，what's the point?

如果好食, 八十蚊一位都唔算過份, 依家佢跌watt 未呀?

其實好多平素食店會造菜造得頗粗，不過夠平( $38任食)，又好似食得過‧呢間就要成八十蚊先食得飽，都幾好味o架，不過上海風格一向都油，素就仲要加多兩分油，綜觀嘛我還都覺得值o既，坐得舒服又食得好味嘛‧

話說屋企個耆英戲迷, 係呢度初初開個陣, 八到功德林事頭婆係以前既大明星王丹鳳, 就捉我去幫襯…. 我都好有興趣試下上海齋, 好彩! 呢度個七彩冷麵夏天好受歡迎, 我覺得賣相盞但食落唔多盞, 不過個炸脆鱔就幾好味幾得意, 無耐好多齋鋪都抄左呢個菜; 如果季節個陣, 佢地有個百頁潺菜好味得不得了, D菜嫩滑鮮味, 配埋百頁既味道, 真係夢幻組合! 可惜, 我都係踫岩食過兩次咁多多………後尾銅鑼灣開左分店就嫌呢度唔夠企理, 之不過, 銅鑼灣個邊好似貴D, 閒閒地都要七八十蚊一位架, 而我阿婆就放棄囉…..[ 去咁多次都無明星睇, 食貴齋!]

行過尖咀食，見到間食肆樓下有個招牌好吸引，寫明<br>‘碟碟２８元’款式又多，於就做老襯。點知上到去就<br>乜都冇，餐牌冇２８蚊個菜，整係得Ｄ貴價套餐，樣樣<br>幾舊水，就試個兩舊幾的套餐，好鬼肉痛用這個價錢食<br>普通到唔普通，仲有企堂好鬼忙，唔得閒招呼你，攪<br>到好鬼冇癮，總之就冇下次。

食飯可以食到一肚氣，你都咪話唔慘！夜晚十時十五分左右諗住去德林食飯，上去睇睇會唔會阻收舖，但侍應繼續叫我地一班人入去，所以諗住冇咁快關門啦！入o 左去就面口都唔同晒，侍應催我地叫野食啦！樓下寫明( 碟碟)$28 蚊的特價菜又唔比我地睇啦，要我地問先比張乜名都冇的菜牌我地，重有字寫明──每檯只限叫一碟！ 所有食物都涼浸浸，冷盤又係凍，熱食又係凍，唉！一路食到十時五十分左右，侍應們開始關冷氣，後來重關燈，咁你話點食呢？ 其實侍應應該在我們入舖前告訴我們將要關舖，而不好哄我們入舖後又趕我們走，雖然賺多少少，但已經得失了客人。