功德林上海素食 (北京道一號)

營業中

休息中

今年情人節與女友在此用膳。功德林豆腐：味道類似麻婆豆腐，對我而言幾辣，不過惹味，下飯一流。芙蓉温室豆苗：白灼温室豆苗配上蛋白與木耳做成的獻汁，清清地食得健康。菠蘿古魯肉：用猴頭菇代替排骨口感不俗，唯酸甜汁醬略為過酸。在此要多謝靚女服務員，讓我們這個情人節可以在海景位用膳。謝謝您!! ^_^

我上次同個朋友去食飯, 因為有d唔舒服,諗住清清地去食齋啦,結果去咗功德林食。我地一上到去就有位,覺得環境都唔錯, 坐近窗位置仲有海景睇添。其實d食物都唔錯嘅,不過最奇怪嘅係d餸係逐個逐個黎, 未食完一碟第二碟係唔會上嘅, 我唔知只係我地張枱係咁吖定係所有人都係咁, 但就個感覺就係超好奇怪。我最推介嘅係露筍炒雜菇, 清清地, 但又好好味;最失望嘅係個南瓜飯,好似食緊南瓜西炒飯咁,唔係咁好味。雖然d食物味道唔錯,但係有d貴,個menu上有某d餸你係一定唔會叫嘅,因為實在太貴啦。

一位與佛有緣的朋友囍事, 給了一個很號外的擺酒場地, 功德林.當日已經包場, 惟地方有限, 檯要擺得密一些, Reception 要放在電梯口.等開席時大家看看餐牌, 相信沒有食客知道這是什麼東東. 可惜事隔多月, 已經唔記得餐牌寫乜. 不然, 呢篇野有排都寫唔完.其中有一道叫豆腐餃(當然正式酒菜牌上名字不同), 上菜時, 台上MC特別推介. 薄片豆腐, 對摺, 內包有函. 果然精緻. 仿魚翅, 果然仿得真, 與大酒樓, 酒店無別. 總結一句, 菜色精緻, 但未至於特別好食. 自己食價錢很貴, 正常來說, 不會自來. 至於場地, 始終不是一間正式用黎做Funtion的餐館, 設備外租, 不夠齊全. 問過伴郎, 一檯要7千幾後事: 果晚有位北京朋友來賀(女性), 難得在素食館讓我們開酒. 3男1女開了6支紅酒, 之後再去Bar, 劈了兩打啤酒. 結果, 3男倒下, 女仔大勝!!! 同朋友夾的士返屋企, 醒後回憶不起是否付半數車資給朋友. 原來我斷了片.......

一行七個人去叫左個六人餐再加個飯六人餐碟碟好似四人份量,唔好食都算la,九百幾蚊個餐實在唔值!芋頭魚無芋頭味, 個冷麵似食汁多過食麵,個南瓜飯仲有d 怪味! 到最後上甜品...等左起碼半個鐘先到~ 有d 唔好食o既齋襯托之下, 個甜品芝麻湯圓係全個餐最好食o既野....

一行六人同朋友慶祝生日,呢度都宜6個人去食,因為d餸多數都係6件:五福臨門- 叫左素鵝,烤夫,茄子,脆鱔,素火腿, 素鵝同烤夫都唔錯,茄子普普通通,素火腿我冇食到,脆鱔就最失望,唔脆囉!上海冷麵- 之前見食評唔係幾好,不過有朋友以前食過話唔錯,所以試下... 都幾得意,咁多醬混埋一齊食,不過我落得太多豉油,鹹左少少... ^^"唔知咩雞卷- 幾香口清新,係唔錯既選擇!雞油菌雜錦煲仔飯- 全晚最好食呢個菜,不過有少少辣!琵琶豆腐- 味道一般,同其他地方食既無異!露筍炒雜菇- 露筍唔係太嫩,不過都幾好食...豆沙鍋餅- 個皮好諗,不過味道ok! 原來有綠豆餡,綠得有d怪...綠豆酥餅- 個皮超硬,食唔過!高力豆沙香蕉- 一上枱就扁左,味道略淡! 本來想叫壽包,點知要預訂,有d失望!有個女侍應太勤快,換碟收碟都好快,但是晚唔滿座,又冇人等位,都唔知佢趕黎為咩? 部長就幾好笑容,仲同我地計用HSBC discount抵d,定係用$50 cash coupon抵d!不過我都係鍾意食雅蘭o個間齋舖多d!

姪女生日，在11月28日，我們一家人去了尖沙咀北京道一號七樓的功德林上海齋菜館晚飯，結果十分掃興。首先，我們外出吃飯一向都有帶酒往餐廳酒樓的習慣，現時一般普通酒樓都不會收開瓶費，有些會收約$50，一般酒店的收約$100,，功德林卻收取$150 (他們的餐酒賣$220)。飯後我取出自家焗的蛋糕出來，叫侍應生取來甜品叉碟，也沒問題。正在拍照之際，有個個子頗肥大、國子口臉的部長忽然衝到我們的邊說："你唔係唸住到食個蛋糕呀嗎?”我們錯愕地回答："係呀，梗係啦！" 他跟說："影相就ok。到食我就要收切餅費。" (又沒說要收多少) 我們情不自禁地說："又要收錢！？" 他說："唔係又，係公司規矩，外來食物要收費！" 嘩！！這是什待客的對話！！！就像是我們犯了法，被捉到要罰錢一樣。而他由始至終都沒有說切餅費收多少，就是預算了我們不給，要趕我們出外吃那樣。(後查証切餅費是$50，除此部長，其他女侍應都微笑有禮。)老實說，我們與很多香港人一樣，一家人生日都外出吃飯，而也都帶同自己焗的蛋糕，從沒有餐廳酒樓要收切餅費。就算你功德林要收的話，可否客氣一點！說什麼，我們也己幫襯了成千元，又不是只喝他們的茶。另

以前曾食過這間功德林, 但覺得一般, 沒想過再試。由於昨晚與客人食齋菜, 所以再重臨此店。今次卻有新發現。叫了4人套餐, 包括拼盆、四餸、羹和八寶飯。令人驚喜是葡汁雞, 太似雞了, 與平時食的雞肉沒有分別, 好好味! 葡汁還可以送飯。雜菇炒溫室菜也很好味。後來再加咕嚕肉, 蠻像肥肉, 但食落會發現有菇味。選最不似的餸是炒生魚片, 一點魚的質感也沒有。至於川椒雞一般, 一點也不辣。經過今次後, 對功德林改觀。不過, 食齋菜也不便宜, 信用咭折扣(85折)後每人也要$180。

要請客食飯，去北京道一號夠哂高級喇掛。一行三人，總共叫左︰素鱔(味道有少少酸，唔覺得似真鱔)、豆腐餃子(質感幾特別、味道清清地)、炒飯(普通)，餸菜既份量唔算多，如果唔係太大食，食下素菜清下腸胃都幾好。食物就冇咩特別，但係佢大大塊玻璃幕牆可以睇到尖沙咀夜景，如果放煙花肯定睇得好清楚! 而且客人唔多，坐係傾成晚都幾舒服。

媽媽生日,佢好鍾意食素,所以就選o左功德林。我們一行7人,叫了一個6人餐。HK$900的6人餐只有5碟4人份量的炒雜菜, 又無特色, 魚翅匙只是難吃的"豆粉水"。說老實的,4個人也不夠吃,因為太細碟(我們全部人也很細食, 所以甚少吃自助餐)。其實味道也ok(炒雜菜也很難整得難食), 只是太油, 又無特別。奉勸各位,其他又平又好吃的素食餐廳四圍都有,千祈唔好去。

第一次去試食，約了五個同事，看過食評好嘅菜我們全部都有叫，最難吃就係果個木瓜燉翅，真係不知其味，又淡又冇味只知自己食緊一個熱嘅木瓜裡面放咗Ｄ水，豆腐餃重難吃，四成熱兼茨汁大厚，裡面包嘅是馬蘭頭，不過係凍嘅，其他菜都不值一提，六個菜埋單儿百元，不會再考慮去下次！

唔系第一次來，但今日才發覺，以後可以試其他餐廳。服務都唔錯，而且安排到窗口位野食一般，是日我都最中意糯米雞，汁料唔錯。其他的都無特別。埋單四百幾，素材來講都算收得貴。

2007年9月21日，功德林。很久以前聽過朋友說這裏又貴又唔好吃，現在才第一次來。朋友等共7人。芝麻豆漿：芝麻味OK，無乜豆漿味。偏稀。春卷：熱的但不太脆。凍茄子：一般。豆腐餃子：餡是菇菌碎，用豆腐皮包著，味道挺好。但68元，頗貴。拼盤（腐皮卷、脆鱔、馬蘭頭、涼伴粉皮、烤夫）：最好還是脆鱔，夠香口。醬爆雞丁：腰果不脆，麻麻地。五柳炸魚：是芋頭魚，魚皮是腐皮，幾好味。西蘭花炒大蝦：賣相幾吸引，西蘭花夠脆，蝦肉唔使期望啦，粉團一舊。炒上海年糕：淡茂茂，不喜歡。高力豆沙：高力麵包，硬挺挺的，一點不輕鬆軟。雖然我不覺得這晚點的菜很好味道，但其實也不是說的那麼差。下次有機會會點一些其他的試試看。這晚的服務也不賴，環境也挺舒服。OK啦。

各職員都很有禮貌，再加上親切的笑容；值得一讚。食物方面其實只屬一般，不太特別，試了八道菜，有一道有些驚喜，《雞油雜錦煲仔飯》的確不錯，不過注意味道是有點濃的。環境相比其他素食店比較坐得舒適，裝修相對好，又有全落地玻璃窗，有風景睇。

半個月前6人7:15pm朋友仔話環境ok,食物可以,咁就試下啦,因為我好少食齋,不過每樣餸大約$78就唔係平,我地叫左3個煲仔菜,但樣樣味道都係差冇幾,所以應該唔會再去lu,可能齋菜係咁掛..

我的大日子，男友一心諗住同我去食自助餐，點知前幾日生咗粒眼瘡，海鮮炸辣鹵水等要戒，唯有改食齋啦，原來齋都可以整得咁好味同多花樣．．．１）上海冷麵～除主角冷麵外，醬連配料共９小碟，攞放有心思，味道唔錯２）西蘭花炒蝦～賣相不錯連味道也不錯３）冬菇毛豆生根煲～好好味，但生根黏底４）木瓜魚翅盅～想像不到既好味，木瓜係用生果甜熟木瓜，再配合所謂魚翅加冬菇肉絲，正（聽說出面食唔到）下次會再幫襯　^.^