功德林上海素食 (北京道一號)

營業中

休息中

吾食素達人之選(一)：小弟出世以來都是跟隨父母食素，已經18年了；而功德林由尖沙咀舊鋪到現在於北京道都一幫襯開！今次係媽咪生日，所以又再選來了功德林！今次老爸仲訂埋個佛跳牆！簡直係開胃之選！今次既餐單如下：　四川擔擔麵($4x)：小弟最喜歡就係食醬汁，呢以呢個麵既素肉醬完全係岩我既口味！加埋麵質彈牙，值得推介　冷麵($6x)：呢個冷麵係每次去功德林既必然之選，配合七種既醬料（又係我最喜歡既）撈埋一齊食，喜歡自己溝出唔同味道創作既朋友！岩哂　炒牛肝菌($98)：呢味菜媽咪就話咸左d，不過對於我呢個「咸蟲」黎講呢，完全係岩我口味，不過如果有豌飯係度既話就更加好！　素佛跳牆($238)：非常足料，呢個價錢係六位用，不過我地一家人已經可以食哂成碗！材料有：素翅，素鮑魚，牛肝菌．．．．等等總之足料！！　鍋貼($28)：呢個雖然平平凡凡，不過勝在即整！　小籠包($28/4件)：咬落去非常多汁！雖然小弟未食過真個隻，但已經覺得素食係好好味！　豆莎鍋餅：呢個係爸爸好鍾意食既菜式，唔會好甜！總括黎講，小準依然ｋｅｅｐ得住，加上當日有幻彩詠香江睇，餐廳仲會調暗燈光，非常有ｆｅｅｌ，情侶黎的話都可以！下次帶

15-9-2008自問唔食肉會死, 加上幾年前幫襯過一次 (http://www.openrice.com/restaurant/commentdetail.htm?commentid=80291) 印象十分麻麻, 一直都對呢度無好感... 今日同屋企人0黎食, 主要因為想清清腸胃, 加上夜晚有事要去文化中心, 跟埋0黎夠方便. 記得上次豆腐餃子食到我嘴都歪埋, 今次唔叫了, 要了幾款「穩陣」一點的, 果然唔同 d, 仲幾好食:- 油雞崧菌炒豆苗: 雲南來的油雞崧菌味道賣相都十足 XO 醬 d「渣」, 辣辣地好惹味, 好食; 豆苗係翡翠苗, 係其中一樣我最喜愛的菜, 呢度的爽爽甜甜, 味道清新, 食唔停口!- 小食拼盤 (細): 以前可自選 5 款0野, 而家就無得揀, 呢日的就係脆鱔, 雞絲粉皮, 烤夫, 素鵝及馬蘭頭. 一條條脆鱔夠脆, 不過可能 d 汁太黏 (仲好甜...), 搞到黐埋一餅0野; 烤夫係手撕的, 蠔油汁 (?) 帶甜味, 加埋毛豆及好入味的冬菇, 都幾好食; 素鵝炸得好脆, 無乜油, 餡料就較少, 可惜; 雞絲粉皮的「雞絲」雖然只係豆乾, 但佢個麻醬味道

日期：2008年9月11日人物：A.，M.， Sylvia今晚出黎周Sylvia簡單咁食一個生日飯，要清清地，所以就揀左哩一度喇！見幾年都無食，再黎亦都無防．食客都唔係太多，一半人數到，部長介紹埋ｄ好貴既野俾我地，我地都唔想理佢．１．酸辣湯：酸得黎麻麻地．２．煎鍋貼：裡面有ｄ爽口既野，ok．３．小籠包：一ｄ都唔知咩餡料，一pat pat，怪怪地味道．４．蛋雞卷：哩個好香，好好味．真係對唔住壽星女要食ｄ咁難食既野，唉！Hang Seng Visa card, HSBC Visa Card have 10% discount......

9月1日天氣酷熱, 我同3個朋友想食d清清地, 所以試吓TST間功德林。功德林呢個名聽咗好耐, 仲以為OK, 點知食物唔好味唔值嘅價錢, 而且侍應服務態度差!!!我地叫咗”竹笙扒時蔬”, 一向時蔬都係指大路蔬菜, 如菜芯, 白菜, 點知煮咗一碟菜苗, 我地4個都唔食, 因為菜苗有草味腥腥地, 所以要求換Sleeper: 我地叫竹笙扒時蔬, 但我地唔食菜苗, 可唔可以換其他菜侍應: 你地叫竹笙扒時蔬嘛, 廚房出乜菜就出乜菜Sleeper: 但我地唔食呢隻菜, 有無其他揀侍應: 你地order時都無講, 無得換Sleeper: 我地都估唔到你地煮菜苗, 而且我地唔食菜苗wor侍應: 碟菜都煮咗出嚟, 無得換sleeper: 唔係嘛, 你即係迫我地要轉個頭侍應問完部長侍應: 如果你地要求指定一種菜, 要加20蚊Sleeper: 唔係嘛, 我地淨係唔食呢隻菜, 你地個廚房仲有乜其他菜侍應: 白菜同小唐菜Sleeper: 你地咪換呢d菜囉侍應: 要加20蚊Sleeper: 你地個餐牌無寫指定菜要加錢, 你地叫廚房煮其他菜果碟竹笙時蔬都成50幾60蚊…仲要我地加20蚊….有無搞錯最後我地嬲到火都嚟

我地今次幾個女仔又係尖沙咀搵飯食，今次係食上海齋菜。功德林我好鐘意去，因為上海齋味道係比廣東齋係清d又少d油，我地叫左幾個招牌餸 – 豆腐餃子、混醬冷麵、冬瓜盅同埋一個冬菇毛豆素雞。豆腐餃子主要就係食刀功啦，師傅可以將豆腐“片”到厚度適中，然後加入餡料，夾都有難度何況仲要去包! 冬瓜盅初初一上檯個陣有朋友話太清，食到瓜菜既菜青味，不過之後食埋其他餸就味道剛剛好，不過真係好大個盅，個部長又話每人兩／三碗就飲完，最後我地個個都飲左四碗以上！真係人多先好叫啦～冬菇毛豆素雞係一個上海家常餸，我好鐘意食素雞，有時煮湯麵／烏冬／炒麵，我都會加入去，最好就係用濃味既汁去煮，索晒味就好正架啦～個添醬冷麵係一個好好玩既餸，你睇下，淨係醬都有咁多種　－　有麻醬、甜麵醬、花生碎、南乳醬、鎮江醋、辣椒油、醬瓜、芽菜絲同青椒絲，你可以每一撮都用唔同既組合去撈個麵、不知幾好玩。每次帶新朋友去功德林食飯我都會點呢個麵，有人生日又會點，次次大家都玩得好開心架～

今年情人節與女友在此用膳。功德林豆腐：味道類似麻婆豆腐，對我而言幾辣，不過惹味，下飯一流。芙蓉温室豆苗：白灼温室豆苗配上蛋白與木耳做成的獻汁，清清地食得健康。菠蘿古魯肉：用猴頭菇代替排骨口感不俗，唯酸甜汁醬略為過酸。在此要多謝靚女服務員，讓我們這個情人節可以在海景位用膳。謝謝您!! ^_^

我上次同個朋友去食飯, 因為有d唔舒服,諗住清清地去食齋啦,結果去咗功德林食。我地一上到去就有位,覺得環境都唔錯, 坐近窗位置仲有海景睇添。其實d食物都唔錯嘅,不過最奇怪嘅係d餸係逐個逐個黎, 未食完一碟第二碟係唔會上嘅, 我唔知只係我地張枱係咁吖定係所有人都係咁, 但就個感覺就係超好奇怪。我最推介嘅係露筍炒雜菇, 清清地, 但又好好味;最失望嘅係個南瓜飯,好似食緊南瓜西炒飯咁,唔係咁好味。雖然d食物味道唔錯,但係有d貴,個menu上有某d餸你係一定唔會叫嘅,因為實在太貴啦。

一位與佛有緣的朋友囍事, 給了一個很號外的擺酒場地, 功德林.當日已經包場, 惟地方有限, 檯要擺得密一些, Reception 要放在電梯口.等開席時大家看看餐牌, 相信沒有食客知道這是什麼東東. 可惜事隔多月, 已經唔記得餐牌寫乜. 不然, 呢篇野有排都寫唔完.其中有一道叫豆腐餃(當然正式酒菜牌上名字不同), 上菜時, 台上MC特別推介. 薄片豆腐, 對摺, 內包有函. 果然精緻. 仿魚翅, 果然仿得真, 與大酒樓, 酒店無別. 總結一句, 菜色精緻, 但未至於特別好食. 自己食價錢很貴, 正常來說, 不會自來. 至於場地, 始終不是一間正式用黎做Funtion的餐館, 設備外租, 不夠齊全. 問過伴郎, 一檯要7千幾後事: 果晚有位北京朋友來賀(女性), 難得在素食館讓我們開酒. 3男1女開了6支紅酒, 之後再去Bar, 劈了兩打啤酒. 結果, 3男倒下, 女仔大勝!!! 同朋友夾的士返屋企, 醒後回憶不起是否付半數車資給朋友. 原來我斷了片.......

一行七個人去叫左個六人餐再加個飯六人餐碟碟好似四人份量,唔好食都算la,九百幾蚊個餐實在唔值!芋頭魚無芋頭味, 個冷麵似食汁多過食麵,個南瓜飯仲有d 怪味! 到最後上甜品...等左起碼半個鐘先到~ 有d 唔好食o既齋襯托之下, 個甜品芝麻湯圓係全個餐最好食o既野....

一行六人同朋友慶祝生日,呢度都宜6個人去食,因為d餸多數都係6件:五福臨門- 叫左素鵝,烤夫,茄子,脆鱔,素火腿, 素鵝同烤夫都唔錯,茄子普普通通,素火腿我冇食到,脆鱔就最失望,唔脆囉!上海冷麵- 之前見食評唔係幾好,不過有朋友以前食過話唔錯,所以試下... 都幾得意,咁多醬混埋一齊食,不過我落得太多豉油,鹹左少少... ^^"唔知咩雞卷- 幾香口清新,係唔錯既選擇!雞油菌雜錦煲仔飯- 全晚最好食呢個菜,不過有少少辣!琵琶豆腐- 味道一般,同其他地方食既無異!露筍炒雜菇- 露筍唔係太嫩,不過都幾好食...豆沙鍋餅- 個皮好諗,不過味道ok! 原來有綠豆餡,綠得有d怪...綠豆酥餅- 個皮超硬,食唔過!高力豆沙香蕉- 一上枱就扁左,味道略淡! 本來想叫壽包,點知要預訂,有d失望!有個女侍應太勤快,換碟收碟都好快,但是晚唔滿座,又冇人等位,都唔知佢趕黎為咩? 部長就幾好笑容,仲同我地計用HSBC discount抵d,定係用$50 cash coupon抵d!不過我都係鍾意食雅蘭o個間齋舖多d!

姪女生日，在11月28日，我們一家人去了尖沙咀北京道一號七樓的功德林上海齋菜館晚飯，結果十分掃興。首先，我們外出吃飯一向都有帶酒往餐廳酒樓的習慣，現時一般普通酒樓都不會收開瓶費，有些會收約$50，一般酒店的收約$100,，功德林卻收取$150 (他們的餐酒賣$220)。飯後我取出自家焗的蛋糕出來，叫侍應生取來甜品叉碟，也沒問題。正在拍照之際，有個個子頗肥大、國子口臉的部長忽然衝到我們的邊說："你唔係唸住到食個蛋糕呀嗎?”我們錯愕地回答："係呀，梗係啦！" 他跟說："影相就ok。到食我就要收切餅費。" (又沒說要收多少) 我們情不自禁地說："又要收錢！？" 他說："唔係又，係公司規矩，外來食物要收費！" 嘩！！這是什待客的對話！！！就像是我們犯了法，被捉到要罰錢一樣。而他由始至終都沒有說切餅費收多少，就是預算了我們不給，要趕我們出外吃那樣。(後查証切餅費是$50，除此部長，其他女侍應都微笑有禮。)老實說，我們與很多香港人一樣，一家人生日都外出吃飯，而也都帶同自己焗的蛋糕，從沒有餐廳酒樓要收切餅費。就算你功德林要收的話，可否客氣一點！說什麼，我們也己幫襯了成千元，又不是只喝他們的茶。另

以前曾食過這間功德林, 但覺得一般, 沒想過再試。由於昨晚與客人食齋菜, 所以再重臨此店。今次卻有新發現。叫了4人套餐, 包括拼盆、四餸、羹和八寶飯。令人驚喜是葡汁雞, 太似雞了, 與平時食的雞肉沒有分別, 好好味! 葡汁還可以送飯。雜菇炒溫室菜也很好味。後來再加咕嚕肉, 蠻像肥肉, 但食落會發現有菇味。選最不似的餸是炒生魚片, 一點魚的質感也沒有。至於川椒雞一般, 一點也不辣。經過今次後, 對功德林改觀。不過, 食齋菜也不便宜, 信用咭折扣(85折)後每人也要$180。

要請客食飯，去北京道一號夠哂高級喇掛。一行三人，總共叫左︰素鱔(味道有少少酸，唔覺得似真鱔)、豆腐餃子(質感幾特別、味道清清地)、炒飯(普通)，餸菜既份量唔算多，如果唔係太大食，食下素菜清下腸胃都幾好。食物就冇咩特別，但係佢大大塊玻璃幕牆可以睇到尖沙咀夜景，如果放煙花肯定睇得好清楚! 而且客人唔多，坐係傾成晚都幾舒服。

媽媽生日,佢好鍾意食素,所以就選o左功德林。我們一行7人,叫了一個6人餐。HK$900的6人餐只有5碟4人份量的炒雜菜, 又無特色, 魚翅匙只是難吃的"豆粉水"。說老實的,4個人也不夠吃,因為太細碟(我們全部人也很細食, 所以甚少吃自助餐)。其實味道也ok(炒雜菜也很難整得難食), 只是太油, 又無特別。奉勸各位,其他又平又好吃的素食餐廳四圍都有,千祈唔好去。

第一次去試食，約了五個同事，看過食評好嘅菜我們全部都有叫，最難吃就係果個木瓜燉翅，真係不知其味，又淡又冇味只知自己食緊一個熱嘅木瓜裡面放咗Ｄ水，豆腐餃重難吃，四成熱兼茨汁大厚，裡面包嘅是馬蘭頭，不過係凍嘅，其他菜都不值一提，六個菜埋單儿百元，不會再考慮去下次！