功德林上海素食 (北京道一號)

先看看一年一度圍內情人節齋團,召集人的前序:宗旨1.於這個有異性無人性之節日,為所有慘遭遺棄的可憐朋友提供點點溫暖.2.為所有不想無緣無故於情人節吃情侶套餐的單身朋友提供另類選擇.3.記念情人節創辦人,卻早已被世人遺忘了的瓦倫丁修士(St. Valentine).信念我們堅持於情人節吃齋,因為吃齋代表了我們孤家寡人的崇高和尊嚴.齋宴可能不好吃,好吃的,是吃齋以後本身的意義.言歸正傳,上年齋團在普光齋,今年升格,升上去北京道一號七樓"功德林".之前未去過,係在志雲飯局,黃秋生的那一集,見到似乎不錯.我今年不如去呢間啦.)召集人好,邊個話北京道一號係只適合情侶去?!)於是者,一行九人,情人節召集在北京道一號.連有線球彩台主持大力兄也來趁熱鬧.真的高興.套餐不必了,(幸好沒有什麼情侶套餐.)散叫靈活性更大.召集人拋個波比我點菜,全無意見,係一定要個咕魯肉.頭盤,就要個五福臨門.五福有腐皮卷,馬蘭頭,涼伴粉皮,烤夫同脆鱔.個人最愛係個脆鱔,夠脆又惹味,馬蘭頭也切得很幼細.其他的腐皮,外層也香脆.咕魯肉像真度也高,松子黃魚,其實是腐皮包芋頭,沒有月前在雲泉吃過的那麼寡.多一重口感,回想之前一役,如跑大爛地,同泥漿摔角無異.三絲炒麵好一般,功德林羅漢齋,例牌羅漢齋材料,做得好入味.咸肉白頁面頭的咸肉,其實是齋火腿.去到這個時候,以野竹笙草菇湯,去清一清喉嚨.上桌時已分成一人一碗.味道夠清甜.蜜汁雙舫,所謂的火肪,其實是"午餐肉",無論外型,食味,也似到十足十.最後豆打窩餅作謝幕,眾人舉杯希望下年見唔到你!)回到街上,見到一片花海,心想咁快就去拜山?)召集人二月十四,同七月十四,都係紀念先人的節日.有咩分別?)有情人終成眷屬,無情人亦能保持單身的自由,樂趣.PS:用HSBC埋單,有85折.引伸閱讀:http://good-times.webshots.com/album/557655764CJjhWF…查看更多

昨夜6人來食飯1)烤"夫":必吃,夠惹味,暖serve,以前好食d,但仍最鍾意這家2)火腿炒飯:普通3)翅:普通4)咕嚕肉:質感有d似,外形都幾可亂真,不俗5) 炸芋頭魚:魚尾用冬菇做到好似,芋蓉好軟,外被腐皮包住炸,蓋甜酸汁。順便將個汁"霖"飯食,good6)鍋貼:內主要是菇餡,可以7)烤餅:一般8)香蕉高力豆沙:細細粒,不俗9)青豆沙鍋餅:青色豆沙比較少見,味道同普通豆沙一樣10)壽包:無人生日的情況下叫。外形都認真,用染了綠色的麵團做了2條幼葉。麵包皮好軟"熟",豆沙餡滑,有少少估佢唔到,不俗還可看埋激光香江,另當晚有婚宴!…查看更多

真好彩!公司的中秋大抽獎抽中了功德林的$200禮劵，又有食神了。$200去功德林當然唔足夠，但當是墊底費也算不錯。趁假期就請爸媽去食番餐。十二點半到埗，不是太多客，還有窗口位坐。在清雅的環境悠閒地食個lunch，真係好耐未試過。亦要強調，本人對素食毫無硏究，只就自己的感覺提出點點意見。點菜這動作當然是由我的媽媽去做，她選了燻魚、津白栗子煲、鮮竹卷、芋蓉飽和待應介紹的什麼翅(忘記了菜名)。燻魚賣相完全像豆腐，但就有點點燻魚的香味，都幾特別；鮮竹卷個皮幾脆，口感也不錯；翅和其他材料一併炒，熱熱的，確實是最好。之後的芋蓉飽，芋蓉好香，又是燙口的。栗子煲反而是最遜色的一味，好多筍，像是筍炒栗子，但栗子也不好味，亦略嫌"寡"了點。服務都唔錯，個個笑容滿面，不像之前食評寫得那樣差，或許是已作出了改善吧！埋單$330，即只貼百零蚊，正!…查看更多

野食都唔係差,但係服務態度真係有待改善.佢地可以係你未食完d野前已經收咗你隻碟,重要係一兩分鐘就嚟收拾一次.收野絕對快過大家樂.未試過食齋食到咁有壓力,下次咪搞!…查看更多

我們試了:「雞絲粉皮」：粉皮好厚，整道菜唔夠香「竹笙扒時蔬」：真係好淸，冇味，竹笙唔知經咩處理過，好透明，成個都冇水準。「火腿菜粒炒飯」普通貨色「ｘｘｘ雞卷」：以好薄的旦白包入素菜料，好香，係成晚唯一一道令我覺得值回票價的菜式。…查看更多

功德林班員工真係好用心做野。但礙於人手不足問題，或有時欠缺溝通，因此會令大家覺得Service唔係咁好。至於價錢方面，其實要考慮返成個香港個物價通漲日益嚴重既問題，而尖沙咀既租金相對來講亦比較高，所以以尖沙咀來計佢個價錢唔算好貴。"everything has become worse and worse, especially the service" 只要反映返D員工知道，相信短時間內都會有所改善! 餐廳最重要就係顧客，大家肯俾多D意見佢地，相信佢地會做得更好!…查看更多

外姓女滿月媽媽話食素,就去左這間嘢擺幾圍,點知差到爆又貴,在尖沙咀仲有咁差質素的食肆,勸各位去食都要三思!…查看更多

上個禮拜同d老友聚會,諗住食齋便約了在此店.叫個素鵝,覺得很油.雲吞皮厚餡味怪怪,豆腐餃子普普通通,炒碟麵又難食,d菜食落不新鮮,見到黑色菜邊,老友annie叫了碗上海湯麵又係油淋淋!話比個waitress聽,佢聽完就行去.笑@ 講真之前來都差不多,現在更退步…查看更多

同媽咪去行街,因為媽咪食素所以要就下佢,差幾分鐘就有下午茶但又末收午餐牌,叫咗一個午餐宮保雞丁跟菜飯,一個下午茶餐蝦餃,上海粗炒,午餐有湯送,下午茶有豆漿送,Ｄ蝦餃同酒樓好相似,不過上海粗炒唔夠熱,總括都OK,環境好,如果唔大霧可望到香港島,服務很有禮…查看更多

I was a regular customer, 2 to 3 times a week. Well, for some reasons, everything has become worse and worse, especially the service, I went there last week with my friends and family, I was approached by an old lady in Black suit whose attitude and product knowledge was quite poor. And she didn't even say sorry when 2 of my dishes didn't arrive due to the fact that she forgot to ring in the order onto the computer or the kitchen staff misplaced the slip. Anyway, I will never go back there again. I think I have seen this old lady before in the HK branch. I was wondering did they change the Management, it seems like it because everything is just not the same as last year. …查看更多

冬至那晚，預定了２人枱同男朋友做冬。他們的服務慇勤，有禮貌，就算我不幫他們買年糕卷，都不會黑面。只是食物比較清淡一點，不太合適我們的口味。２人餐份量很多，剩了少許食物。如果喜歡清淡食物的朋友，可以一試。…查看更多

昨日係辣椒女母親大人生日，一家人約了出來晚飯；母親大人現在轉食全素，所以辣椒女就提議來這裏食。一行十一人，想了很久，最後還是決定叫套餐，免麻煩。經理見我們得十一人，就話可以平，減一個人錢；這樣的服務態度，真係唔話得。套餐真係好多食，包括有七彩大拼盤、千頭菇蜜豆百合、醬爆猴頭菇、發財三絲魚翅羹、青椒茭白肉絲、糖醋松子黃魚、竹笙扒時菜、火腿菜粒炒飯、功德林冷麵和酒釀桂花丸子。七彩大拼盤- 拼盤中我最喜歡脆鱔-口感好似,好脆味道都唔算、烤夫-很入味,也值得一試、雞絲粉皮-粉皮沒有什麼味道,主要是花生醬,可能因我幾喜歡花生醬的味道吧,素鵝-比較熱一點菜式,外皮炸得好脆，味道都很好。千頭菇蜜豆百合- 千頭菇相信係日本叫的本菇，很有咬口，味道幾好；蜜豆和百合都好新鮮，味道都唔錯。醬爆猴頭菇- 切粒再加上很多其它料來炒，味道過濃過咸，加上濃濃的獻汁，自已就唔多喜歡了，但相信送白飯會好好多。發財三絲魚翅羹- 口感都幾似，但過咸，而且過杰，真係一碗就夠了。青椒茭白肉絲- 一看到有這麼多青椒和紅椒，心想一定係好辣的，但都試少少，但原來係唔辣，味道都幾好喎。糖醋松子黃魚- 黃魚係用腐皮包芋頭做成的，味道也不錯；糖醋汁酸酸甜甜，送飯一流。竹笙扒豆苗- 豆苗係溫室豆苗，比較上有咬口，味道很好，竹笙也不錯；但味道明顯比較淡了。火腿菜粒炒飯- 炒得都幾香，但好像沒有落鹽一樣，好淡無味。功德林冷麵- 比較有特式的一道菜，冷麵加上七種唔同的小兜醬，隨自已喜歡用唔同的醬汁，又真係幾好喎，我自已當然又係落花生醬加花生粒啦酒釀桂花丸子- 酒味過濃，桂花味唔多覺，小丸子煙煙韌韌，但味道一般。食物總括來說，只是一般，價錢就唔算好貴；但奇怪的是，點解味道係由濃轉淡，到尾段時，真係越來越無味，奇怪！經理服務態度幾好，值得一讚；主動提出減一個人錢，見我們已經很飽，又自動問我們好唔好減一個菜，這樣才是好的服務態度！…查看更多

噚晚係第一次全素宴, 但係都食到好飽, D整得好靚仲好好食, 有D比較清淡, 可能會唔一D要味濃人.脆鱔好正, 好香好脆好食!豆腐餃好清, 汁底撈西蘭花碎(我至愛), 好香好清!酒釀桂花湯丸, 好食好濃桂花味, 唔錯!黑椒素豬扒, 口感勁似真肉, 好食!服務唔錯, 尤其是個waiter分桂花湯丸時, 我問有冇酒入面, 佢好有耐性又詳細咁解釋用料俾我聽, 又講佢點樣處理D桂花.…查看更多

其實我都有去過功德林食飯～講真丫～去食野～野食就一定要好食～其次就係一定要有招呼～我覺得呢間公司ｄ招呼唔錯～你地大家又點睇～有無邊個係特別好～又有無邊個係招呼好差呢？大家拿出黎傾下丫～…查看更多

好開心見到焚仔o既留言, 雖然唔知有冇見過你. 不過我相信你一定係一個好人. 一個普通侍應竟然都咁肯幫公司真係唔話得. 阿...唔知你會唔會係阿Nick呢? 我上個禮拜去功德林食飯終於俾我知道我上次留言講果個Waiter原來叫Nick. 哈哈, 千祈唔好話俾我聽你就係..... 今次去功德林感覺同以前都係差唔多, Sor ar焚仔, 我都係有果句講果句. 果日我同D朋友去食飯, Ordero左Do野好耐都未o黎於是搵o左個肥哥哥幫我o地跟, 但係過o左十幾分鐘都係未o黎不過由於見到肥哥哥好似發晒脾氣咁所以又唔好意思再追. 好喇, D餸終於到o左, 不過樣樣都好似咸左D. 特別係津白年糕我o地食o左少少就冇食喇. 最後咁o岩又係Nick幫我o地收o野(呢個時候我先睇到佢個牌知佢叫阿Nick), 佢好主動咁問我o地Do野o岩唔o岩食, 我o地同佢話Do野咸o左少少. 之後佢好有禮貌咁同我o地講Sorry, 又話會將問題反映返俾經理同師傅聽從而改善返個出品. 呢樣o野我同朋友都覺得好值得欣賞. 不過講真我覺得D waitress o既質素真係好差. 有個年齡大少少o既冇乜禮貌, 另外一個後生少少o既都幾粗魯.=.=+ 希望下次去o既時候食物唔會咁咸同埋唔使等咁耐喇! …查看更多