功德林上海素食 (北京道一號)

營業中

休息中

我同老公都是第一次食，見食評講就麻麻地，但我都想去試吓所以一早訂左位，十二點半到已經有七成人坐，比我想像多我就點左 1 豆腐皮餃子（味道有點失望可以再好，如果食刀功值得一試）2 咕嚕肉（感覺幾可亂真好食）3 上海冷麵（好多配汁可以自由選擇有新意）服務滿意，如果下次再有時間會再去

我地總共7個人去食,因為我大表哥係食素之人,佢係外國返黎,我地想同佢食D香港素棻,叫左都好多唔同既野,但係食到最後幾唔開心,因為果個侍應(男,年輕,西裝有綠邊)落甜品果陣落錯單,仲要聲大夾惡咁話係我地叫錯,佢冇熟讀MENU的號碼,仲要講錯我地oder既號碼,但係我地咁多人都聽到我地叫既野,呢樣野係令到我地好失望,呢間算係0係香港數一數二既素食館,就算當時係我地既錯,但都唔可以咁樣對客人,隔離2,3張台都望曬過黎,我地俾成千蚊食餐飯,居然換黎D咁既服務,真係實在太令人失望!

最近實在太忙 , 朋友的生日飯又吃過不停 , 遲了差不多一個月才找到這一天.生日者不想吃太多炸物而且她吃的又不多 , 我就建議吃素菜 , 油尖旺地帶的選擇已經好少 , 又要坐得舒服 , 當然要去 openrice 找找 , 本來選了去 JD Mall 的三德 , 但最後改了地點去尖咀 , 有人建議去功得林 , 之前聽過口碑也是一般 , 但畢竟也是在北京道一號 , 不好吃也可以欣賞一下景致迷人的香港景色 , 多一個選擇 . 知道素菜是比較多油 , 所以也沒有叫太多 , 先點 3 個菜 , 不夠的話再點 . 我們先點了一個雪菜冬筍炒年糕 , 一個川椒雞和一個竹生翡翠苗 , 等了不知多久 , 終於來了 . 先品嚐最愛的川椒雞 , 味道和做法也不錯 , 和平時吃的分別不大 , 只是口感沒有太重 , 可能不是真正的雞 , 當然沒有雞味. 雪菜冬筍炒年糕 , 感覺好多油 , 味道好淡 . 竹生翡翠苗 , 普通一個炒菜 , 味道也是不過不失 . 甜品我們叫了一個豆沙鍋餅和鍋貼 , 第一次吃綠豆的豆沙鍋餅 , 賣相不錯 , 味道可以媲美紅豆做豆沙鍋餅 , 服務員告知是用 “毛豆” 做 , 這個

昨晚早收工, 約了女友跟家人出外食餐飯呢餐想食清D, 想都不用想, 就黎左呢間.....(聽過很多朋友說過好MA!)8點左右到達, 好在有BOOK位, 全場都爆滿了個VIEW真係一流, 對正維港景~個MENU都好多選擇, 仲有好多食物相真係唔似素食呢!!仲有D SET DINNER, 媽媽就建議叫個4人SET, 同埋叫多另外兩個餸同埋甜品^^食物很快就到了, 先來的是素鳥巢, 味道不是濃, 但很香很清, 又不會很油, 但那隻鳥巢底就差了點, 沒味的....之後其餘的菜也差不多同時間上. 雞絲粉皮幾好, 那些花生醬的東西配粉皮味道剛剛好, 粉皮又不會太軟/太硬, 又夠健康!另外那個忘記了是什麼豆的炒飯就普通吧.....真的是沒什麼味道.....自己加了份量不小的調味也好像不太夠味似的....不合格.....羅漢炒面就好食, 夠足料又夠味道, 加上那個面底外圍的是脆脆的, 又不會有"油益味", 又不會太咸, GOOD!!!仲有那個雲吞, 味道都OK, 不過略嫌份量小左D.....其他的不太記得是什麼菜了.....記得甜品是湯圓和豆沙鍋餅, 兩個都唔錯, 前者清清淡淡的, 後者就值得推介,

與靚女女友做生日，由於她是素食人士，所以到了尖沙咀功德林吃上海素食。本身座落廣東道一樓七樓，面向文化中心及維港景色，十分有氣派，樓面比起銅鑼灣及沙田分店為寬敞和舒適。我們兩個人點了上海冷麵、三絲雞卷和八寶辣醬。上海冷麵分別配上七款醬油 (花生醬、黑醋、辣油、生抽、南乳醬、甜醬 及 碎花生粉)，再配銀芽、青椒絲及雲南大頭菜絲。上菜後，由食客自己配搭醬料和口味，再撈起撈起。冷麵不覺油膩又不會黏成一團，味道要看自己功夫，用碗仔混咗幾次後都掌握如何配搭最好味。三絲雞卷內有青椒絲、冬菇絲、素火腿、腐皮絲、紅蘿蔔絲及西芹絲，用雞蛋白煎成薄片捲起，再沾上粉漿炸成。製作功夫多，加上調配過的茄汁醬，熱食一流。八寶辣醬用上猴頭菇、冬菇、馬蹄、青椒、冬筍、豆腐乾、毛豆、紅椒切粒，用黑糖和豆瓣醬炒成。可惜豆瓣醬落重手咗，唔太辣但味道偏咸，青椒太熟 。同經理講咗他們接受了意見，還送咗個椰汁紅豆糕($24)比我們。不過，紅豆唔夠甜略為硬咗。消費略貴，小食免費(以前要收$15碟)，茶錢$10位。但女友有會員八折咭，所以算抵食，。部分VISA咭都有九折。現在直至2010年7月31日(11:00-2:30) ，早、午市

是日想吃些貴少少的晚飯，去了北京道的功德林，不平宜的一餐，2個人人仔細細，花了400大元!朋友乃昔日公司同事，當時的老闆是信仰佛教的，他尤喜該店，所以時時因工作需要到訪此店，大家再來這裡，都有「想當年」的感覺!老實說，是次第一次自己掏銀包於這裡吃飯，點了幾個菜︰1. 火腿津白 - 味道雖然淡了一點，但尚算ok啦!2. 咕嚕肉 - 要不是這間是打正堂號叫「上海素食」，我以為這真是肉’3. 酸辣湯 - 我最喜愛的湯，酸是有的，但辣度不足。4. 上海冷麵 - 這個很有趣，有得玩又有得食。但如果配料多點選擇，而麵的份量少一點點，那就更好!雖說這是素菜，但我認為存心向佛的人不應行茹素但心不茹素，因為這裡很多菜色都會以「肉」來命名，是扮薰菜的素菜，並不是「齋」。食物質素其實ok，地點又是北京道，服務態度尚可啦，唯他們竟然因為準備打烊而把我們頭上的燈關了，即是迫我們結賬，但當時好像10時也不夠! $400/2位，不算平宜囉!

妹妹揀左呢間餐廳慶祝母親節~~~因為佢知我近排要keep fit~~但略為失望~~因為食物味道真係好普通~~~~但勝在有靚景同good service~~侍應好細心~~識得主動走埋黎問需唔需要幫我地影相~~服務好好~~~而且節日黎講~~都只係100蚊度一位~~都算okay

今日一行10大1小. 我地首先叫了一個八人套餐 (女侍應猛叫我地叫套餐, 散叫好細碟喎~ )八人餐有 ($898):併盤: 炸脆鱔 / 粉皮都 ok. 不過類似牛展一片片的就好似紙咁薄咯.三絲素翅: 冇味, 好似浸完冬菇的水 + 生粉. ”傑達達”, 又唔熱. 侍應之前仲叫我不如加兩碗… 我食完一啖都即刻唔想再食, 好彩冇加咋.露筍炒雞肉: 味道 ok. 不過啲素肉就好淋好油, 好似食緊炸肥豬肉咁.五柳炸魚: 即是芋頭魚，魚皮是腐皮，啲汁ok. 不過食到入面的芋頭呢, 太林喇, 又太甜, 我以為自己食緊甜品??!!牛肝菌炒翡翠苗: 依個普普通通, 算係正常. (因為啲菜苗根本唔駛點煮)蛋雞卷: 雖然賣相 ok, 不過都係冇味既. 琵琶豆腐: 算係正常. 海苔炒飯: 啲味好怪囉, 好腥. 食完一啖就唔想再食.芝麻湯圓: 依個最離譜. 入面的所謂芝麻餡, 唔知有冇一粒綠豆咁少… 真係未食過咁少咁少餡的湯圓啊~雖然阿姐介紹我地叫套餐, 其實啲野都仍然係好細碟架~另我地再加了:豆腐餃子($78+52): 搵笨, 阿姐話例牌$78唔夠食. 不如加多四隻, 我 fd 冇為意就話是旦啦, 於是4隻

We went there for good food, but got lured into their 58 dollar dim sum 任叫. All the dim sum is lukewarm, when it got to your month, it's pretty much cold. There's nothing more disgusting then food that's not hot while served.Their regular menu is fine, we've been there quite a few times, but the dim sum really is bad beyond redemption. You think with a famous restaurant like this, there's a standard to maintain, but don't be fool, they honestly don't care. We told the waiters the dim sum is not

18-10-2009屋企人又食初一十五齋, 訂了檯重溫呢間上海店. 由於印象不錯 (e.g. http://www.openrice.com/restaurant/commentdetail.htm?commentid=1936950), 作為食肉獸的我亦忍唔住跟埋嚟 冬瓜盅: 內有黃耳, 竹笙, 唔鬆化的蓮子, 紅蘿蔔, 冬菇, 素蝦, 素火腿 etc, 當然仲有冬瓜, 湯底清香, 味就較淡, 始終都係豬肉好. 油雞菌扒春菊: 「春菊」其實即「茼蒿」(或「唐蒿」), 鮮嫩清甜無渣, 好食 油雞崧菌以前食過, 呢度的仲落了點辣椒炒, 完全係「齋 XO 醬」, 辣辣哋好惹味呢.五色併盤: 最好食係素鵝, 好香, 炸得極酥脆, 仲完全無油, 正 凍豆腐都不錯,「片」得好薄, 配上面頭的疑似 truffle 油 (!!), 食落又香又滑; 馬蘭頭及雞絲粉皮就係一貫水準; 深啡色的應該係素煙豬肝 (還是素燻魚?), smoked 味強勁, 感覺幾特別.上海冷麵: 每次必叫, 一樣奉上醬瓜, 青椒/芽菜, 辣油, 花生, 豉油, 麻醬, 海鮮醬, 南乳醬及淅醋, 麵煙韌帶嚼勁,

仲放緊假, 和阿婆到功德林食齋.功德林有些食物偏貴, 有些食物價錢比較相宜, 素菜用料變化不大, 如果只係睇雜誌介紹去叫嘢食都會幾唔抵, 我哋都係選擇一些自己愛吃的食物, 7 個人叫咗:雲耳旦白豆苗:纖維素高，蛋白美肌, 很有益, 清清哋, 爽口好吃.炸脆鱔: 醬汁甜中帶鹹, 味道很好, 但吃落很實. 絲瓜魚片: 魚片是冬菇, 加咗白色的汁, 望吓真係幾似.豆腐餃子:waiter見我哋7個人, 提議我哋加多一隻, 都幾細心. 豆腐易爛, 餡料不能太多, 不過我覺得餡料多D, 口感會好食D炒素翅: 唔油, 很有咬口, 味道唔錯. 雪菜冬筍炒年糕: 年糕煙韌, 味道不俗高力豆沙香蕉: 其中一道我最愛上海甜品, 熱辣辣, 鬆軟, 好食, 不過細粒咗少少. 棗泥鍋餅:功夫多, 這個比較少見, 必吃!食物唔油, 味道唔會好濃, 加上服務不俗, 地方舒服, 獅子銀行信用咭有9折, 將來沙田開分店都會繼續幫襯!

上星期一共食了兩次功德林 一次在TST, 另一次在CWB, 兩次都點了三絲素翅及(蛋白木耳炒菜苗), 因為實在太好食啦 另外, 豆腐餃子都唔錯, 炒年糕就完全冇味, 好難食 整體食物質素唔錯, 味滿好濃, 唔覺得好齋. 但係佢上菜一次過上哂 叫人點食呀, 最後等係整到d餸凍哂啦....在場好多中年女士, 老人家及family, 家庭聚會都係一個唔錯ge選擇 而家食滿二百元以上有九折及送上海餃子(好重lor米味, 唔掂), 但係每位都要大約$180, 貴左d lor...

功德林老火湯 -- 真係老火湯, 全晚最正的一味. 節瓜炒生魚片 -- 賣相不錯, 生魚片是菇, 味似但質感不似, 而且太油了. 功德林豆腐 -- 辣的, 豆腐好滑, 味道開胃. 小籠包 -- 可以用難食形容...皮厚味怪.

朋友不怕赤口，話帶同婆婆一齊聚舊，ok；難得冇食用獸，我地就揀選了功德林，希望婆婆見到海景開心ｄ下午一點半多的時間，還有不少客人，很旺場呢，好彩有訂枱！有素食專家在場，又有婆婆孫女話事，我和其男友決定封嘴〔始終係赤口ma〕，等食〔我倒堅持要求素鵝！^o^〕食物火速運到：　拼盤：可以由廚師挑選，或自己選，我地選擇香脆鱔糊，素鵝，軟棉棉的粉皮，片片豆腐，以及香菇“考夫”〔sorry忘了如何寫〕；第一次食鱔糊，很特別，外面香脆，內裡chewy　〔煙刄〕　三絲炒飯：有粟米，素鹹肉絲，菜絲，香菇絲；畢竟是炒飯，很難完全冇油，婆婆都吃了２碗，油份程度，可以接受　素菜包4個：外形得意，好似水滴咁，入面有碎菜及香菇，味道清新　擔擔麵：似乎極受歡迎，因身邊幾枱客人也有要；朋友雖然註明要辣，但辣味未夠，但整體味道還可以；一碗仔都可以分２個人份量　春卷：皮薄，不會炸到“界”損咀仔　煎窩貼4件：略嫌太油，下次可以“索”“索”油才上碟　麵豉炒菜芯苗：　味道較鹹，配白飯較好　豆沙窩餅：有紅豆及青豆餡〔可能是綠豆製／枝豆製，不肯定〕；安全起見，當然係要紅豆，甜味適中，可以多吃數件埋單：五位茶，加一〔另有九折券〕，加

如何安靜歡度平安夜？朋友好有心思，一直預訂功德林，既有海景，又不怕同人迫〔始終西方節日好少吃中菜吧！〕　好食素鵝，必吃　牛肝菌炒翡翠苗，好新鮮，少少辣　砂鍋素火腿炒菜飯，還可以，如果知係咁大塊假肉，不會叫　豆腐皮素餃子，食手工同心機埋單：約400多，三人吃環境：在窗邊位，看海景，當然好服務：實在係麻麻，有位侍應仲九唔答八〔在北京道一號晚膳，要求會高ｄ law,　所以當晚還有不少吉枱〕；但我地遲到了一小時，佢地都肯留枱俾我地