利寶閣 (已結業)

岩岩去完澳門，落船既時候，朋友提議一齊去食飯，咁我地上OpenRice 睇下上環附近有乜食，就比我地搵到呢間中菜啦！利寶閣係上環無極限商場2樓，裝潢非常大氣，侍應服務周到，一坐低就即刻奉上茶水我地首先叫左個燒乳鴿，價錢十分相宜只係$28@1隻，乳鴿燒到金黃香脆，雖然唔大隻都啖啖肉，最重要係肉質juicy鬆軟，呢度既乳鴿令我好滿意，連乳鴿頭我都無放過 一流！五香牛展，牛展好香，入口好綿滑 完全無渣，醬油入味 十分不錯！清蒸沙巴仔，魚肉嫩滑又無乜骨，啖啖魚肉，用埋魚汁撈飯，正！荷香帶子炒飯去到每間中菜我都好期待佢地既炒飯，因為每間都自己獨特既做法，帶子粒粒都有手指公咁大粒，又爽口，飯粒炒到粒粒金黃，帶有荷葉既幽香，正。最後餐廳仲送左碗紅豆沙比我地做甜品，紅豆沙非常濃郁，唔會過甜！

某周圍食的所謂KOL聲稱中菜樸實花款少。區區不以為然，適逢公司附近利寶閣做推廣，找晚過來一試。商業區平日晚上人客稀少，環境寬敞舒適。不過侍者溝通一般，需要改善。佛跳牆出齊鮑參肚，用料足，湯底清甜不油膩，毫不樸實。穀飼燒表面微焦，肉質軟稔鬆化，肉味濃郁，偏瘦但留有一點肥膏，風味十足。之後點了些小菜，碟碟$78-88，精緻又實惠。桂花炒花膠少油，加入銀芽瑤柱增添爽脆口感。橙香蝦球酸甜開胃，蝦肉結實彈牙，鮮味不俗。勝瓜炒牛肉家常味十足，牛肉沒有以鬆肉粉處理過，且肉味濃郁又不韌，十分滿意。餐後更附送紫米露、椰汁桂花糕和水果，且都新鮮不是行貨，誠意十足，值得推薦。

老友生日，佢又喜歡食中菜，難得一聚梗係順佢意啦，聽人講呢間餐廳唔錯，為左遷就朋友下班，特意來到上環利寶閣。點左好幾道菜，包括谷飼豚肉叉燒飯+鮑參佛跳牆套餐。佛跳牆好足料有鮑魚、花膠、冬菇等等，至於叉燒飯味道好比黯然銷魂飯！！口感鬆化，肉質軟腍，唔肥唔瘦，烤得岩岩好。再加上白飯飯香配上半生荷包蛋，以後食唔到點算！？荷香極品醬帶子粒炒飯炒飯好靚，炒得好乾身，份量好多，尢其係帶子好多粒，唔似一般茶餐廳咁少蝦籽柚皮+清蒸沙巴仔柚皮好特別，好香而且食落好似薯蓉，汁亦相當惹味，值得推薦。沙巴仔好新鮮，份量好大！最後甜品有紅豆沙整體而言，質素唔錯，而且價錢合理！

良朋共聚，經一輪商議，最後選址上環利寶閣。門面堂皇，人流不多，座位舒適，餐具雅緻。最吸引的還是佛跳牆套餐 😂😂，當然要點來嘆一嘆。原盅佛跳牆 + 谷飼豚肉叉燒飯 $188 鮑魚、海參、魚翅、花膠、冬菇、瑤柱、雞腳上肉等等，應有盡有；隨湯還附上鮑汁配湯料。飽汁味道很好，伴飯也不錯。看得見的魚翅！！谷飼豚肉叉燒飯原以為瘦叉會差一點，不料這幾片瘦叉尚算鬆化；白飯夠熱辣辣，到飯局尾聲仍能保持溫暖，有驚喜。超濃稠醬汁甜豉油，味道很好，可惜太興奮的拍照，到尾段才發現有靚豉油的存在。碧綠炒班球 $168（例牌）班片新鮮肥美有油花，魚肉咬落鬆開成一片片的；西蘭花軟硬適中，另外要求的蝦醬大大碟，有調過味，不太鹹。美味欖角骨$88（小）外皮香脆，肉嫩鬆化，欖角醬的甜酸味調得很好，令人停不了口。薑汁生炒芥蘭$68（小）蘭芥軟硬適中，應該是經過精心篩選吧！完全沒有渣沒老莢，如果薑味重一點更好！是夜得到幸運之神的眷顧，每道菜都超出預期，待應亦貼心招待，稱心如意的一晚 😂😍😂

平時同屋企人食飯，多數就係去酒樓食小菜，第一次黎利寶閣，印象唔錯。環境闊落，枱與枱之間保持一定距離，空間感充足。見佢有個谷飼豚肉叉燒煎蛋飯配原盎佛跳牆餐做緊推廣 $188，叫左一份黎試試。谷飼豚肉叉燒煎蛋飯配原盎佛跳牆餐 $188叉燒望落比較少，但咬落其實肉質鬆化。太陽蛋煎到少少脆邊，將蛋黃撈落白飯度，再加少少點豉油點綴。呢個黯然銷魂飯合格！佛跳牆係原盎燉既，入面湯料都冇欺場，有齊：鮑魚、花膠、海蔘、冬菇同瘦肉等。飲落非常足料；原汁原味。脆皮香芒蝦球 $148蝦球輕微拉過油，外層脆脆地，肉質厚實彈牙，配埋香甜芒果同沙律醬，大人細路都好鐘意食，唔洗幾分鐘就比人清曬~芝士焗蟹蓋 $98蟹蓋入面既蟹肉釀得滿滿的！同埋啖啖小貝柱、甜洋蔥，大滿足。小小蟹蓋入面包含咁多海鮮，同埋火侯啱啱好，因為小貝柱稍為煮得太熟都會變到好韌，但呢個蟹蓋熟既程度掌握剛好。大澳生啫唐生菜 $88食啫啫煲最過癮就係上菜時"炸炸聲"，唐生菜青翠嫩綠；肉碎等炒得好香口，用黎送飯一流！麥米粥食完飯仲有糖水送，本身我好鐘意食麥米粥的，鐘意佢韌韌地又脆卜卜既口感，但呢度既麥米粥稍為淡左一點。餐牌

今日放工去了上環的百貨公司看電器，空手而回，但飯還要吃的，就去百貨公司對面的商場看看，最後去了利寳閣。選利寳閣的原因，是這個谷飼豚肉叉燒飯送原盅佛跳牆的海報好吸引。坐位寛敞，環境清幽。原盅佛跳牆，湯料陪鲍魚汁同食。佛跳牆的湯料有鲍魚，海参，魚翅，花膠，大花菇，雞脚，雞，精肉，鲍参翅肚樣樣齊好豐富。豉蒜凉瓜安格斯牛肉，味道對版，牛肉捻滑，凉瓜入味。蜜糖欖角骨，熱辣辣好燙口，嚐到蜜糖和欖角的味道，有驚喜。谷飼豚肉叉燒飯好大碗，肉雖然不是肥叉燒，但够捻調味適中没有猪骚味，飯食到底都仍然好熱。薑葱花膠滑雞煲，惹味菜式，送飯一流。

放完假又要回復打工仔生活, 所以都好習慣第一日上班日去食好野去平復心情今次比利寶閣既D個叉燒飯+佛跳牆SET吸引左入黎順便可以試埋其他小菜上環利寶閣位於無限極廣場, 出左地鐵站冇耐就到, 特別岩晒係港島區返工既朋友仔叉燒飯+佛跳牆SET-$188先講D個叉燒飯, 選用左谷飼豚肉, 肉質上乘, 而且係厚切, 特別有口感, 配埋飯食好一流, 估唔到平時好容易食到既叉燒飯都咁有驚喜。再飲佛跳牆。點解佛跳牆會叫佛跳牆呢? 因為古時有一家人, 用左好多靚既名貴料去煲一個靚湯, 陣香味深深吸引到係隔離一個平時連肉都唔食既和尚都要跳牆去偷飲, 可想而知個湯有幾咁正! 而利寶閣既D個佛跳牆都有D陣古風, 名貴靚料如鮑魚, 花膠, 海參全部齊晒, 鮑魚彈牙鮮甜, 花膠厚肉而富彈性, 煲出黎啖湯係完全唔需要用味精, 超級清甜! 而且只係D個價錢! 抵呀!八味豆腐-$55真正做到外脆內嫩, 唔會死咸, 而且份量都有唔少, D個送啤酒好岩!碧綠炒斑球(細)-$108D個炒得好有鑊氣, 令到不但只魚, 瓜同菇都超級好味, 而且D斑球, 又多, 又厚肉, 超多骨膠原, 啖啖肉又好味又可以令皮膚好!乳鴿-$28/隻

飲茶其實不外乎都係食蝦餃、燒賣、叉燒包、鳳爪、雞扎……利寶閣改咗佢嘅作風， 點心紙多咗好多新款嘅點心。 所以我點左啲平時比較少食到嘅點心。 百花球好油膩， 但係入面嘅蝦膠都幾彈牙，蝦膠包藏咗小小嘅芝士，我覺得芝士分量可以多返少少。 呢個一上枱嘅時候，我仲以為侍應俾錯左， 原來佢係芒果沙律卷，個賣相真係好差，食落去都唔覺得係芒果沙律卷， 究竟我食咗啲乜? 本以為呢個會好似黃金糕咁，佢上枱嘅時候我心諗死火啦!都唔方好食㗎喇! 點知出奇不意地 覺得佢幾好食喎! 呢個米糕有少少甜，又有少少咬口，而佢又有少少好似煎燶咗咁嘅味道， 好啱我。 呢兩款係孖寶， 其實我係想食上湯龍蝦伊麵 配唐生菜，但係同事想食呢款。 其實賣相就唔差嘅，但雞有雪藏味，雞胸嘅位好鞋，扣左好多分， 醬汁又冇乜味。而櫻花蝦炒飯，一啲油分都冇， 並唔係指佢 炒得好，係乾到好難先可以吞得落。食物質素就真係好普通呀! 服務更加係劣質， 明明睇到個茶壺冇水都扮睇唔到， 伙記都幾多下，但真係做只有2，3個囉!

適逢今日星期五Happy Friday 加上靚女同事May May 生日，佢話想食中菜，於是，叮叮叮.......夠鐘放工起身攞手袋走人lu，一於落公司樓下利寶閣食飯啦，因為有同事話佢哋而家做緊promotion 原盅佛跳牆＋谷飼豚肉义燒煎蛋飯。晚飯好多選擇，我哋點咗原盅佛跳牆＋谷飼豚肉义燒煎蛋飯。個👍🏻d义燒好入味，自問自己唔係咁鐘意食肉嘅我，都覺得呢個义燒好味道，好juice ，仲要2樣加埋都係$188咋，個佛跳牆好足料，有鮑魚海參，又入味，May May 都贊！跟住一人一煲濃湯雞煲鮑趐，嘩，好多料吖😋再跟住叫咗個芝士焗蟹蓋，芝士味夠濃，蟹肉又多，$98 超值！手打順德魚腐煲，呢個都0k，湯底用魚湯，魚腐淋淋地似食緊豆腐嘅感覺跟住，女仔當然要甜品啦，食個番薯糖水潤一潤先😜

朋友係港島返工 約食飯永遠都係 韓國菜 日本菜 又或者西式pizza 意粉 etc 從來無試過食酒樓於是今日兩個人諗住挑戰下叫左一個叉燒飯+佛跳牆dinner set 再叫左幾個小食原本諗住叫埋甜品 好彩店員提我地 甜品係即叫即整 可以臨食完先叫 咁就唔驚叫左但又太飽食唔落又或者等到凍哂特別推薦既係佛跳牆同沙律醬炸蝦球佛跳牆足料夠味 有齊花膠海參雞腳瑤柱 啖湯相當濃郁之於沙律醬蝦球 外面薄薄一層炸醬 包住一大粒蝦球 外皮夠脆 蝦肉彈牙 再加上酸酸甜甜既沙律醬 係一啖接一啖

Star of Canton used to my regular place for dimsum when they had a branch at East Point City in 2009.Since it closed I haven't been for decades.The branch at Infinitus Plaza is really convenient so went here for dinner.I was really impressed with the modern tea cups but funnily enough, you still have to wash them!!Tea and appetizers are charged.Appetizers:I was excited to see apple fritters but sadly they have stopped doing it.In the end, tried the new BBQ pork dish which was really good as they

我屋企附近有一間好傳統美味嘅潮州粉麵專門賣豬什，以前經常食，都感染了其他人一齊食。特別喜歡食豬肺，所以經常都叫媽咪要煮，可惜媽咪話豬肺太麻煩啊！可能一年都未必煮到一次。今日嚟到利寶閣，餐牌嘅食物好多都好吸引。偏偏我就比呢個金銀菜煲豬肺所吸引，叫咗兩至三位份量才＄100，身旁嘅媽媽都話抵啊你叫我洗工錢都唔止100。剛嚟到嘅係清湯三碗，立即有一種好傷心嘅感覺！！我啲豬肺呢？？？以為豬肺湯只有湯，幸好幾分鐘之後謝謝捧上了一碗大湯渣。裏邊見到真材實料，煲到林晒嘅雞腳，仲有瘦肉，金銀菜以及我最喜歡嘅豬肺。呢個湯渣10分美味，湯亦都好清甜，飲咗兩碗完全唔確喉，媽媽都話佢係真材實料！$98 絕對超值。另外重點左波士頓龍蝦配上湯伊面底，一大碟菜＄298，伊面底份量十分之多，最亮眼的是原隻前臂咁長嘅波士頓龍蝦。肉質彈牙，鮮味十足！一啖咬落去就知道係新鮮得很。甜品點選了即叫即製的蛋白杏仁露，喺旁邊你面前整，一碗$28 而已，杏仁味香濃蛋白順滑。相比某某大集團茶樓的晚餐，呢度裝修華麗，食物質素高仲要係枱同枱之間唔會太迫，的感覺舒服開揚。我一定食呢間。望望下先發現原來佢哋係上市公司，希望佢哋嘅質素能夠繼續保持

今天下午去了中環德輔道中無限極廣場二199號利寳閣🏢飲茶☕吃午飯😋🍛和點心🥢🍤🥟這裡交通方便，港鐵🚇E出口，地鐵上蓋。入到去環境佈置燈飾給人很舒適的感覺☺，坐下便點了寶利茶☕，茶味濃滑好飲，枱前一小碟野味豆角，香口爽甜😋肚空空，好肚餓，第一道菜就叫了一個谷飼豚肉叉燒飯麵🍲，送一個老火湯🥘。68元算價錢合宜，叉燒肉又滑又淋，超級好味👍， 有機會一定會返轉頭食多次！😀第二個餸係古法鮑汁鳳爪🐔🐤🐣🐥，／花生🥜大粒香囗，炆得好淋．鳯爪大大隻又厚肉，配上鮑汁，味道濃郁，食落去肉質又滑又淋，口感十足，值得向你推介一試👍第三個是大點鮮蝦香芒沙律卷，鮮蝦🍤爽甜新鮮蝦味濃，外脆內軟🌯，入囗香芒滑，配搭吾錯，但份量較少...😿第四個大點是欖仁上素餃🥟， 皮薄餡靚，餡不油膩，有點似潮州粉菓，是健康之選😃最後是甜品中點，棉花白兔仔🐰🐇，一碟三隻造型精緻的可愛小白兔，小朋友長者最啱食，不單外表吸引，入口軟綿綿，甜絲絲，好別緻，使人心甜😍不得不提，還有免茶後免費甜品送，我們那天是蕃薯🍠糖水想食要趁早，因為週年紀念，所以逢星期六日有七折優惠😃

又貴又差服務又唔好食，叫左埋單等極都唔黎。d人好似發緊夢咁，意外既中區週末食店。意外差。8元一只特價燒賣就唔好叫特價啦。叉燒腸又話特價，原來系平時既一半，所以又系呃人

好耐冇飲啖茶，食個包！星期三的中午跟同樣在上環工作的朋友去左利寶閣飲茶午市點心選擇頗多的，更設有谷飼豚肉叉燒飯送豐料老火湯於是我地點左個叉燒飯餐同幾款點心餐前涼菜係素雞併翠肉瓜粒，香辣美味谷飼豚肉叉燒飯面上的太陽蛋流心誘人，厚切半肥瘦叉燒肉嫩軟林，豬味香濃，沾上叉燒汁的香軟白飯好味道哦是日豐料老火湯係粉葛湯火候足，且足料味濃，冇加味精，好好飲！晶瑩鮮蝦餃皮薄餡靚！外皮帶點煙韌，內裡鮮蝦爽彈韭菜帶子餃晶凝通透！韭菜味濃郁，味道不錯百花燒賣皇燒賣爽口彈牙，很足料！內裡釀有冬菇，增添了香菇味！質素很不錯的燒賣上湯蟲草花鮮竹卷鮮竹外皮非常薄且嫩滑，內裡釀了滿滿的羅漢素餡料，感覺健康而且很有口感