利寶閣 (已結業)

同阿媽食飯，多數都係食中菜！無計啦，佢鍾意嘛追求健康嘅阿媽，第一樣點嘅就係菜！呢個大澳生啫唐生菜$88，一上枱侍應就起晒咁炒，見到啲生菜由生炒到熟，而且啲香味一路咁散出嚟，好惹味另外我地仲叫左個谷飼豚肉叉燒飯配原盅佛跳牆$188，蛋係我最鍾意嘅太陽蛋，加埋少少豉油、叉燒醬汁，仲有甘香鬆軟嘅叉燒一齊食，正另外佢個佛跳牆超級足料有鮑魚、遼參、魚翅、花膠、瑤柱同冬菇，而且無加味精，真係滴滴皆精華第一次食欖角骨$88，味道都唔錯～口感有啲似生炒骨，但就多左一陣欖角嘅香味，送飯一流最後餐廳好好，仲送咗棗皇糕同綠豆沙俾我哋，兩款甜品都唔會太甜，大人細路都啱食唔錯

聽同事講知道利寶閣做緊20週年promo, 佛跳牆、鮑魚、乳鴿……都好抵食，呢日就特登同屋企人嚟食下。谷飼豚肉叉燒配原盅佛跳牆1客 （$188）- 叉燒咸甜適中，望落瘦的部份比較多，但食落一D都唔嚡口，反而覺得細緻爽口，的確好食！佛跳牆有鮑魚、魚翅、花膠、海蔘、冬菇……等，用料名貴，味道豐富，啖啖滿足！古法扣原隻8頭鮑魚 ($20/隻) - 鮑魚口感爽口彈牙略帶少少嚼勁，炆得夠入味，CP值甚高！潤燒石岐乳鴿 ($28) - 調味得宜，鴿皮好香口，鴿肉入味juicy, 唔洗點嘢已經好好食！蝦子柚皮 ($68) - 柚皮絕對係一道功夫菜，唔係好多地方有提供，見到呢度有就當然要點嚟食下。呢個柚皮處理得好好，既可以完全去除柚皮嘅青澀味又保持到柚皮的質感，再加上個鮮味獻汁及香口蝦子，水準之作！古法琵琶豆腐 ($68) - 豆腐外面煎得香口，裏面就以肉末、冬菇粒、蝦米等帶出鮮味，另一個唔錯嘅選擇！薑蔥魚雲煲 ($88) - 魚雲炸得香脆後再加入薑蔥炆，惹味好食。總括嚟講，呢餐無論味道、食材、環境、服務，我都好滿意，同事果然無介紹錯！👍

上環都係下午lunch 先多人，一去到夜晚放工就無哂人。今日開完會兩口子係商場揾食，哩間真係好正，環境清靜，忙左成日都係想夜晚休息下。哩度d waiter 好好service,可能唔多人，waiter 都好有耐性介紹今晚有咩抵食。Waiter uncle 介紹話今期抵食set,有鮑魚有翅，再加碗叉燒飯，兩個人share 剛剛好。D 叉燒係谷飼豚肉，好juicy, 唔會過肥，亦都無激素！食落好有豬味，無雪味！其實蛋先最好味，同飯同叉燒食，絕配呀！兩個人share 可以食其他，唔係食完都飽左！到個佛跳牆，又翅又鮑魚，都好大梳翅呀，隻鮑魚都好大隻，如果兩個人share 一半都有咬口既，唔會得番好細份！竹笙珍菌上素清清地，份量都夠兩個人，竹笙既份量好多！佢有幾款菜，所以叫哩碟菜就夠！碧綠炒斑球個魚好入味，炒得好入味，有5塊魚，連西籣花都入味。

家人比較喜歡中菜小炒，大多只去酒樓餐館吃飯，下班後到了附近中上環的利寶閣。晚上的中環，人流不多，酒樓亦然，環境清靜，座位寬闊，坐得較為舒適。餐牌上挺多選擇，有挺多海鮮的菜式，而其他小菜價錢算是經濟。金瑤柱花炒花膠：比那名字吸引，那就試試看吧。其實是蛋、脆片、花膠絲及瑤柱炒成，瑤柱跟蛋香口，不過感覺那些較大片的脆片令整體口感變得奇怪。這道菜要併飯吃，不然會有點鹹。南乳素齋煲：其實就是雜菌、雜菜、枝竹、豆卜粉絲煲，醬汁就是南乳汁，不過不失。秘製銅盆雞：可揀選半隻或全隻，半隻都夠了。服務員端上灼熱的銅盆，剪開鋪面的錫紙，香味撲鼻，底部鋪滿薑蔥，雞肉肉質嫩且入味，不錯。谷飼豚肉叉燒飯：叉燒外層微焦，有一層薄薄的蜜糖，甜甜的，偏瘦的肉中間部份夾雜點肥肉，肉質軟腍。一人份量，刺穿太陽蛋的蛋汁混合醬油及飯一起吃，簡直是另一銷魂飯。見到餐牌上的20週年誌慶而推出了$20一隻八頭鮑魚，那當然必叫啦！每人一隻，鮑魚挺大隻，鮑魚的味道出。吃完飯還有蕃薯糖水作甜品，圓滿～

本来諗住去無限極廣場潮江春飲茶點之經過留下見到利寶閣改变主意試下依家。一家坐定後同經理講唔要前茶唔該佢不但無回應，擺位時乒乒乓乓一輪後碗碟筷子只是求其放在枱上心諗不如你放第算吧我自己拎之後叫咗义燒包其中一個好似比人食过冇咗一忽。之後要求換过一籠比我地。我地叫咗一碟芝心龍鬚百花球好似打風咁真係冇下次

飲茶耐唔耐都會飲，因為成班人食可以叫好多唔同類型既點心，小食，炒飯麵飯乜都有， 大家可以share食到好多款。估唔到依家酒樓都做埋lunch set ,可能呢邊太多寫字樓打工仔，呢個lunch set我覺得好岩上班一族：有足料湯，大碗叉燒飯，有隻煎蛋仲搭多條菜，夠曬營養豐富!湯呢樣嘢個人黎講好吸引，因為成日ot 都好少返屋企食飯，湯應該一個月都飲唔到一次，難得個lunch set有湯可以潤一潤喉嚨！另外仲點左海蜇，唔算太濃味但都爽口，不錯！胡椒豬肚同炸雞翼不過不失，胡椒唔會太勁，豬肚淋身，湯底都ok; 脆炸雞翼有5隻，外脆內軟咁，雞翼算係做得幾好；茶錢14蚊位，算係中間價位，另外餐前小吃係18蚊碟，呢個唔要既話可以預先同侍應講^^

係上環返工 有時同同事們一齊飲茶都係必須架啦估唔到利寶都會有午市優惠set就係一個叉燒煎蛋飯配老火湯仲要係68蚊咋飯好多 岩曬打工仔/男士食呀 一定會夠飽而且個湯好正呀 大盅可能因為我平時無乜湯水飲.另外我地叫左蝦餃 奶黃包 牛柏葉 鳳爪最推介係蝦餃同鳳爪好好食流沙奶黃包略嫌佢咸蛋黃唔多做到起沙效果因為我超中意入口有一粒粒咸蛋黃碎果種流沙.整體來說都不錯 服務都還ok不過午餐繁忙時段可能落左單要等耐少少始終太多人

之前去左去過銅鑼灣嘅利寶閣食佛跳牆，因為食過番尋味，點都未再黎食多次，今次揀左上環分店！我地早黎到，所以唔算多人。一黎就叫左原盅佛跳牆，打開熱辣辣，入面有鮑魚、遼參、花膠、瑤柱、花菰、蹄根。鮑魚柔滑、海參口感軟糯、嫩滑，d湯重好好香濃tim !個“谷飼豚肉叉燒飯 ”，叉燒大大隻，肥瘦適中，咬落去有入口即溶既感覺。連埋中間隻流心太陽蛋食就一流！甜品叫左個雪糕楊枝金露，上次去銅鑼灣分店售罄，今次食到大滿足！楊枝金露冰涼清甜，加上雪糕嘅棉軟口感，好Match!

媽媽在上環上班，她和同事吃過利寶閣覺得不錯，這晚帶我去試試！晚上的無限極廣場不算多人，比較易找位置吃晚飯！這裡的小菜有分大小份量，很適合2口子來吃飯，不怕吃不完一碟又可以叫多2款！涼瓜炒安格斯牛肉涼瓜不會很苦，甘甘地，很爽口，安格斯牛肉如嫩滑，很重牛肉味！雜菜煲有粉絲、瑤柱、蝦米、西蘭花、雲耳、小棠菜等等，清淡健康！迷你佛跳牆配穀飼豚肉叉燒飯別看這個佛跳牆小小的，卻十分足料，有鮑魚、魚翅、海蔘、螺肉、雞腳等等，非常滋補，又清甜！豚肉叉燒半肥瘦，燒得不錯，肉質軟稔鬆化！加上荷包蛋，蛋汁混和米飯，真的好滿足！香辣爆蝦球辣辣地，超級惹味，蝦肉爽口彈牙！還有些青紅黃椒，賣相很好！椰汁桂花糕沒吃甜點總是差了點，最後點了椰汁桂花糕，滑滑的，不會很甜，椰汁味好香！

好少去港島區，今次剛好有事要辦，也得找個地方醫肚。一個人可以食咩，飲茶都係唔錯的選擇。但雲雲餐廳，真係要找間坐得舒服又抵食的啦。咁啱經過無極限廣場，見到「利寶閣」有個老火湯加叉燒飯的套餐，價錢不錯，決定去試下。中午時段剛過，人流比較少。酒樓樓面好大，樓底高，坐得舒服。隨了套餐，其實仲有好多點心小食，真係唔飯點心都大把野食。呢個谷飼豚肉叉燒飯加個豐料老火湯，都只係$68。賣相ok 之餘食落都唔錯 ，呢個價錢抵到爛。個老火湯有豬肉、螺片、其他材料煲成，好清甜！咁除左食飯，都試下其他點心。呢個魚腩正呀！$25多肉又入味！綿化雞$25都唔錯，雞件大舊又嫩滑，好有誠意。

之前經已到過尖沙咀利寶閣，個　view 同义燒飯+佛跳牆都令人回味，今次有朋友生日，我提議果度慶生，但佢港島上班，所以選了上環！佛跳牆好夠熱，要辣咀既湯先好飲，無味精，足料！义燒飯雖然偏瘦，但是選用梅頭义燒，鬆軟，醬油+麻油帶出飯﹠义燒香味，不會搶走，很配合！餐牌上有數款特價小菜，友人都好窩心，話吾想我太破肺！＄20　既飽魚實在超超超驚喜！！！溏心，彈牙，大隻，若果個汁能杰一點更好！＄28　即炸乳鴿，不油，我原本好奇點解沒有鹽附上，但味道很夠，配上酸汁, perfect match!琵琶豆腐竟然係新穎，不是一般那種，先炸後忟再加肉碎，這個包好只炸，但魚肉不足，有點淡口！麒麟蒸班片好味，有層次，班片，冬菇，雲腿！伴碟菜心新鮮，爽口，加上班片既汁，非常好味！啫啫生菜煲，偏咸，不辣，水份過多，不夠乾身，但喜歡佢多肉碎，最岩我愛肉人士！最後酒樓送上蕃薯糖水，顔色好靚，唯獨薑味不夠！

本來諗住去三樓嗰間茶樓，但係太多人，呢一間唔洗等就去呢間啦!點心款式唔係好多， 亦都冇一啲特別嘅點心吸引到我。 炒飯應該係炒完先至再放上熱鍋上面嘅,味道一般啦！唔夠熱，阿姐車住遊左好耐先送上枱。 呢個有啲生生地，炸得唔熟， 入面係豆沙餡。 叉燒包個個面有啲濕濕地，個麵包都唔得鬆軟， 有啲乾，入邊嘅蜜汁味道好奇怪，唔似係蜜汁叉燒。鳳爪個賣相都好衰下， 紅辣椒直情跌出咗隻碟外呀! 無驚無喜，平平庸庸咁啦! 燒賣整得好差，冇乜味道咁。 埋單之後仲送咗張coupon， 會唔會再嚟呢?

平日在外用膳，多數都食西餐，今晚心思思想食中菜小炒，便去了利寶閣晚飯。谷飼豚肉叉燒飯配原盅佛跳牆 -見到有這個套餐，十分吸引。佛跳牆很足料，有鮑魚，遼參，花膠，花菇等，燉得夠火喉，平日怎會自己燉，自己買材料已經不便宜了，值得一試。另外的叉蛋飯，叉燒燒得非常香口，肉質在叉燒來說算挺嫩的。金瑤柱花炒花膠 -看似一份平平無奇的炒蛋，其實內有細花膠及瑤柱，整個小菜充滿瑤柱香，送飯一流。雪菜肉崧豆腐煲 -再來一個熱騰騰即製的豆腐煲，豆腐很滑，加了雪菜及肉崧更惹味。佛跳牆套餐CP值高，其他小菜亦有水準。

一套食神電影，令香港飲食界多了個黯然銷魂飯，今日係menu 上見到，谷飼豚肉叉燒配原盅佛跳牆先$188，叉燒我一向勁鐘意食，邊位有d肥肉質會個滑身又唔鞋，再配隻太陽蛋，淋埋甜豉油，真係男人架浪漫啦！個佛跳牆足料到笑，一盅2個人分，有鮑魚，海參，豬肉雞肉等等，好鮮甜呢個價錢超抵食！食湯料大滿足,晚市民個188好意頭優惠一定要叫。$55 官延茄子 小食，切成粒泡油炸加豬肉碎，香跟惹味。我地仲叫左小菜，大魚大肉搵菜食，出街碟頭飯肉多少菜，唔想老了大腸出事菜係唔好缺少。$68 魚湯雲耳泡菜苗來平衡下。$98 三色椒蒸龍躉頭腩，魚皮好厚又彈牙，甜蒜魚豉油好夾食豪又唔代表一定貴，身材好卻價錢真惠，過時過節可以再來。

本人 到上環飲茶 叫做幾個點心 當我食一籠叉燒包 一咬落去 是涼的 再深入叉燒餡 更加 冷凍 之後通知職員 、她說换一籠給我、但其後他將我完整一籠蒸返熱就攞嚟 、這籠叉燒包去的時候她用隻手指摸吓个叉燒包係唔係 冷凍 這樣嘅一間 類似高級食府居然是這樣 、 一來不衛生、 悅來肯定啲叉燒包隔夜 如果唔係 拎嚟凍嘅 就係啲包都係生筋麵粉 何來我一啖 出面涼係冰凍 所以這間酒家真是要經你跟跟進食客要小心啲食隔夜嘅。