利寶閣 (已結業)

中環返工食飯選擇少，原因都係太貴，唯有行去上環搵食上環食飯化算得多，選擇及款式都比中環好係中環飲茶全部過$100係上環較親民酒樓有靚靚餐具，見到心情都好d鳳瓜大隻又好味，醬汁吾會一pat pat 有質素叉燒腸皮又薄又滑，望落去仲有光澤，吾會一夾就爛，真係吾錯呢個叉燒蛋飯超抵食$68 又大份又好果叉燒又吾肥但又吾會乾爭爭我最㣺愛桂花糕，好清甜，好香桂花味，糕點又滑，好好味整體環境質素都吾美，價錢仲好親民好合理

媽媽喜歡中菜，2個人又食得吾多，朋友話利寶閣做緊20週年promo ，所以有$20一隻鮑魚，即使咩都吾念，帶埋媽媽去食鮑魚地方好乾淨整齊，完全有別於屋邨酒樓呢個谷飼豚肉叉燒飯做緊特價，好平，$68仲包一個老火湯叉燒好淋，叉燒汁係精華，配少少豬油，又香口又滑老火湯係雞腳湯，無味精，好清，又無油，好正要左一碟菜，竹苼珍菌燴上素，清清地送叉燒飯一流Wawawa~~~呢隻鮑魚$20 咋，碟上仲附上刀叉，完全有賣相有味道鮑魚鮮味彈牙，真係超值之選今晚都係$200左右2個人，真係開心價!!!

今晚我和同事到了上環利寶閣晚飯，一到門口已見到海報中蘇絲黃誠意推介20蚊隻鮑魚果然夠吸引，心裏已打算要享受呢個優惠。酒逢知己，同事帶了紅酒過嚟，服務員見到就幫忙開酒瓶，並將紅酒倒落另外一個玻璃器皿，十分有功架，原來，酒家不用收開瓶費，夠晒驚喜實際。【 20週年誌慶 20蚊隻鮑魚 】餐牌上有很多我喜歡的菜式，當然有我們必叫的20蚊一隻鮑魚，優惠只限於每人一隻，當鮑魚送來檯面的時候，所說的八頭鮑比想像中的大，用刀叉享受先至係食家，高湯煮鮑魚煮到軟身，卻又有啃勁，口感不錯，蠔油芡汁味道適中配搭得宜，20蚊絕對超值！「千頁豆腐」絕對是巧手功夫之作，薄薄的豆腐片，每片也切得厚度一致，像幅藝術雕塑品，豆腐帶清香伴上我喜歡的白果，味不濃，絕對是清澈得像一股清泉。「穀飼豚肉叉燒飯」同時，我們也叫了星爺「食神」中的黯然銷魂叉燒蛋飯， 厚切的豚肉卻絕不硬身，咬落去感覺到一絲一絲的柔軟，當然配上豬油和叉燒醬就更妙，前者愛嚟撈飯香味一流，後者點配叉燒更能提升味道，不錯。「高力豆沙」絕對不錯的甜品， 可媲美一些甜品專門店 ，一啖咬落去，入面有暖暖的香蕉肉和豆沙，甜度是我接受的程度是恰到好處，整體軟熟不錯。上環的

中上環午市多人飲茶就係人都知，要搵間抵食又座得鬆動既就真係唔容易今次黎食既主要目標就係呢個谷飼豚肉叉燒飯👍🏻$68仲有老火靚湯跟，個煎蛋係脆脆既燶邊，蛋黃流心既，另外叉燒半肥瘦剛剛好，肉又稔又重豬味老火靚湯個湯頭都煲得好濃，好足料馬粒糕夠晒鬆軟芝士蝦春卷，雖然芝士味好濃郁，但個人覺得有少少奇怪，我都係鍾意傳統多d彈牙有魚味，落左少少陳皮有回甘炸蝦餃，兩件起，又係新奇野，值得一試我都係最鍾意呢個菜苗餃，熱辣辣即食真係冇得輸蝦腸個賣相都好好😁

利寶閣推出的穀飼豚肉叉燒飯加佛跳牆做promotional offer已有一段時間，姑媽姑丈難得到香港遊玩幾天，在奧海城血拼後，當然攜他們到利寶閣用膳，希望姑丈姑媽在港能享受一頓高級精緻粵菜。酒樓有美味小菜之外，還有新鮮的海鮮供應。 榖飼豚肉叉燒飯，原盎佛跳牆$188，叉燒係用穀飼豚肉製，肉質比一般的梅頭肉，用作整叉燒會令其肉質更加軟腍，叉燒帶有豐富蜜香，容易入口。佛跳牆湯料十足，好清甜甘香，有海參、魚翅等。碧綠炒班球$138（例牌），將新鮮龍躉片泡油，味道鮮味爽口，配翠玉瓜，清新爽甜。韭菜帶子煎蛋角$88（小份），蛋煎至微焦金黄色，夾帶子肉份量多，抵食。菠蘿咕嚕肉$78（小份），酸酸甜甜特別開胃。淳香梅菜扣肉煲$78（小份），7分肥3分瘦，煮成的扣肉，肉質軟腍而不韌，再加上淳香味的梅菜，十分匹配。晚市推出多款懷舊小菜，價錢實惠。

剛去完泰國旅行，除了向各方好友派手信外，當然不能少了最愛的家人一份，今晚就約了老爸俾手信兼吃晚飯。帶老爸吃飯多數揀吃中菜，因為九成都氹到他歡喜，不知今晚又如何？開放式的門口，寬敞闊落，門外放有大型的餐牌，還未走進內裏，老爸已鎖定了目標，哈！一走進內裏便看到一個幾層的大水缸，養着不同種類的生猛海鮮，看來今晚必定大飽口福。大廳環境光猛，鑲上幾排水晶燈，並不俗氣，反而大方典雅。大廳設有多張四至六人的圓枱，亦大有數張十多人的圓枱，還有一間貴賓房，地方寬敞闊落，坐得挺舒適。枱上放了本厚厚的餐簿，內裏還夾着幾張菜單，有推介菜式、懷舊小菜、套餐等等，而餐簿亦分有特色小食、燒味、魚翅靚湯、鮑魚海味、燕窩、海鮮、小菜、時蔬、粉麵、甜品等等，選擇多到令人眼花撩亂，點好？******************************一坐下就有碟色彩豐富的泡菜小吃($18)，三色椒、甘荀 和沙葛 相當爽口，味道辣辣地，刺激味蕾，醒！揀了一壺龍井($15/位)，味道甘香，舒喉解膩。******************************其實說老爸入來之前已鎖定目標，就是正做推廣優惠的谷飼豚肉叉燒飯配原盅佛跳牆

平時返工都係帶飯，今日月尾又星期五，大家一齊出去食餐飯環境幾好，係商場又方便呢個lunch set 好抵食，有飯有湯個冬瓜湯好清甜，無味精，飲完吾會覺得口乾餐具十分精緻，花花茶杯，好歐式田園feel 前菜好爽口，好開胃~~呢個暗然銷魂飯，叉燒軟身多汁，而且厚切大大件，蛋黃香味濃郁，有質素~~~呢碟咕嚕肉真好太好味，肉質鮮味彈牙，外皮不失脆口感覺，仲有菠蘿等多款配菜!!!XO 蘿白快糕，好香XO醬味，好入味

是日我同老公帶嫲嫲飲茶。中上環有好多酒樓，今次試下利寶閣。星期六下午1點餐廳半滿，光猛舒適，有電視睇。樓底雖然唔高，但冷氣夠，唔迫夾。我地叫咗5個點心，1碟叉燒，1碟炒飯。三個人食咗五百蚊有找。北海道十勝紅豆豬仔包。足料，唔會得個樣。唔係死甜嘅豆沙餡醬皇蒸鳳爪。有5細隻，唔辣，不過不失。北菇棉花雞。中規中矩。百花燒賣皇。唔算大粒，但無大粒肥肉，足料。豚肉叉燒。有8舊半肥瘦厚叉燒，夠淋夠味。豉油杰身偏甜，唔怪得係推介春風得意腸。腸粉包春卷，誠意之作。櫻花蝦海皇炒飯。上菜時廚房漏俾櫻花蝦，反映後補返。店員有禮道歉。飯炒得乾身，有大量蝦同小柱，啖啖有料。總結係，食物質素中上，收碟加茶唔駛吹，加上星期六日有7折，食得過。

今日出開中上環做野, 就搵下係附近做野嘅母親大人食午飯母親大人話好耐冇2個人去飲茶, 咁就考起我啦! 突然醒起無限極個度有利寶閣, 而且雖然人多, 不過勝在地方夠大, 會係中環呢 D 超多人嘅地方有位!雖然 Menu 方面同一般酒樓差唔多, 都係一 D 點心同炒粉麵, 不過都唔錯有好多野食揀。佢地嘅谷飼豚肉叉燒飯幅圖實在太吸引啦~已經叫左個 set而酒樓少不免會有小食, 而呢度嘅小食都好惹味, 青瓜好爽口, 岩晒消暑, 豆腐干同豆瓣醬味道都配合得好好啊~😋點心先黎左帶子腸粉, 出面嘅帶子腸粉, D 帶子總會有一陣急凍味, 不過呢度一 D 都冇, 連埋裡面嘅翠肉瓜好好食, 而腸粉皮都夠薄同滑再黎炸古法素鵝, 如果食素嘅人實在好岩食材料十分多, 有紅蘿蔔, 菇, 粉絲等等....再炸到香脆, 好鬆化,好有層次啊！之後就係我期待中嘅谷飼豚肉叉燒飯連老火湯外貌好吸引~而食落口半肥瘦嘅叉燒好好食~上面仲有一隻半熟蛋, 送飯好正😊而且仲會有一碟蜜糖叉燒醬同豬油, 拌埋落去, 香味更加突出~係豬油嘅功效啊！而老火湯係老黃瓜湯, 重點係冇味精~仲好足料😆連湯渣都食埋之後黎個灌湯餃, 餃裡面亦都材料十足

今晚約咗班舊同事，去到上環食晚飯，酒樓裝修十分夠氣派，座位都好寬敞， 這段期間更推出荷包蛋加叉燒飯的優惠價，光顧後覺得這間酒樓，不失為我哋日後聚腳及飯局的好地方。早市同晚市都有叉燒飯加荷包蛋， 不過早市就配老火例湯，而晚市就配原盅燉佛跳牆。我哋晚上食，當然是叫佛跳牆， 湯底味道清甜甘香，湯料十足 ，有雞腳、魚翅、鮑魚等。穀飼豚肉叉燒飯， 見到厚切的叉燒密汁豐盛，肯定十分惹味芙蓉蒸肉餅 $72(小份)， 將豬肉蒸熟在加雞蛋蒸，食落一滑 一軟的口感十分不錯。瑤柱生滾雜菜煲$68(小份)， 這雜菜煲炒得有少少乾身，但材料份量都好足夠。還有其他懷舊的小菜，味道都不錯，價錢都好抵食。

喺度擺酒席兩圍壽宴就送咗一張乳豬券咁我再同屋企人嚟食。 免費乳豬半隻使用乳豬券，叫咗乳鴿28蚊隻，薑汁炒芥蘭，魚雲煲。 而家利寶閣做緊一啲小菜特價，抵過你去大排檔啦。起碼喺酒樓，乾淨企理啲人招呼，服務斯文有禮 。 乳鴿，平時我係唔鍾意食。但係今日見到佢哋食得咁開心，咁咪即管試囉。想追住嚟食好好食唔太鹹，因為待應佢話，冇附加 淮鹽 ，已經好夠味道，淨係附有個喼汁點。因為唔係太鹹，炸到好脆卜卜啲肉又嫩，好好食。 乳豬皮脆肉嫩， 熱辣辣 ，好好味道， 唔太鹹， 附有麵粉做薄片，可以夾在乳豬一起食。 炒芥蘭熱辣辣上枱， 薑米蒜蓉又夠多 68蚊 抵過去 西營盤横行坤記食， 冇冷氣唔使坐出面街邊又臭又污糟又排隊又受氣。 魚雲煲88蚊，加咗好多薑、葱闢腥味，魚雲好肉好食。 心思思再order多一隻乳鴿食。 有時食嘢好得意㗎。 環境，當晚廚師煮得好唔好，你自己心情，呢一晚真係配合得好好食得好開心與家人。感恩！感謝主！

中環既打工仔好多時都唔知食乜特別係一大班人好難搵位十次有九次都會去左飲茶😂今日我同朋友兩個人仔居然冇食文青餐廳 而係黎左利寶閣豪食午餐！原因只有一個⋯就係為左呢碗半肥瘦叉蛋飯💛唔好睇佢其貌不揚呀件件叉燒好厚肉！火喉適中最愛佢揀左半肥瘦黎燒 因為個口肥油咬落去先係叉飯既精髓！蛋黃流心 又可以撈飯 一粒米都唔剩！除此之外仲叫左好幾籠點心呢個係北海道紅豆豬仔包唔會死甜 好適合健康既office lady食！咖哩魷魚同蘿蔔糕～份量足夠 魷魚好入味 而且唔會偷雞淨比魷魚絲有好多塊大大既魷魚肉！蘿蔔糕我鍾意煎脆啲而家咁既樣就冇咁熱氣～啱啱碗飯仲送埋老火湯添飲完冇口渴 相信冇落味精既！

啱啱過完大海，喺上環信德碼頭落船，同屋企人諗住普普通通搵間酒樓食下飯。見到酒樓門口個牌寫住二十週年誌慶，好多餸菜都有優惠 ，仲要有188蚊嘅原盅佛跳牆， 真係一啲都唔普通！坐低之後，見到啲杯杯碟碟都好靚，有曬花紋，好似宮廷嘅感覺。仲要食埋宮廷菜 - 佛跳牆， 仲唔係皇室的享受。仲有好多款菜色都想揀，而且都好抵食 第一碟餐前小食係五香牛，每塊切得大小適中，厚薄均勻，牛滷得相當入味。主打佛跳牆出場啦，一打開個蓋已經迫晒啲香味出黎，材料豐富，有鮑魚、花膠、雞腳、乾瑤柱、冬菇、遼參等等，湯頭清甜，令人想一嚐再嚐。跟佛跳牆餐送叉燒煎蛋飯，唔好以為普通嘅「佬飯」，其實一啲都唔普通，啲叉燒肥美肉嫩，係谷飼豚肉，而且一塊過，之前蘇施黃都有介紹過嘅「等你哋自拿碗碟來外賣$20叉燒飯」，就係呢個啦！秘製銅盆雞： 相信唔係咁多地方有得食， 所以喺餐牌見到，難得梗係要試一試，上碟前先要用個爐熱一熱去先，再用錫紙包住，上檯嘅時候先至打開錫紙，可以完全保留住雞嘅香味同埋醬汁味道喺銅盆之中，雞肉鮮嫩滑溜，加上有乾蔥蒜片等材料，令雞件更加香噴噴。甜品方面，我哋叫咗個鮮忌廉香芒卷，外面係芒果糯米糍嘅質地，上面有椰

公司聚餐要食中菜，同事揀左呢間我未食過既，又可以試新野！好特別既谷飼豚肉叉燒飯拼原盎佛跳牆，都係$188！叉燒肥瘦均勻，連肥位都係好彈牙，一點都不油膩！加個半生熟蛋及甜醬油麻油，撈飯冇得拒絕，好好食！佛跳牆真係原盎燉，有鮑魚、花膠、湯蔘、菇、雞腳等，用料十足，好清甜！由於大家太想飲湯，仲叫左金銀肺燉白菜湯，當然要叫自己在家好少會煲既湯啦！好清甜啊！菜干味好重，白菜又好味！豬肺一上台即俾人掃晒！湯每人有兩大碗！值得一試！上湯白菜仔，好健康，一點都不油，偏清淡，我地都好鐘意。瑤柱荷葉炒飯都唔油，比較難得，炒得干爽，好食。豆沙窩餅好多餡！

同事見到利寶閣新推左谷飼豚肉叉燒飯配原盎佛跳牆，叫在我地一齊去試好野！谷飼豚肉叉燒飯 - 正是食神中的黯然消魂飯！配有甜醬油及芝蔴油，撈埋一齊食好香！叉燒係半肥瘦，燒到味道及肉質都適中！配了請盎佛跳牆，正是食神決戰時對家的菜式，原來咁都夾到！佛跳牆用料十足又上盛，有骨膠原豐富的花膠、半隻手掌咁大隻既鮑魚、冬菇、海參、雞腳等等！好好味，原汁原味！蒜片和牛粒 - 和牛好嫩滑啊！醃得又夠味，炒得香脆，我自己好鐘意呢碟！西檸雞 - 雞塊炸得酥脆，點埋檸檬汁，酸酸甜甜，好夾。瑤柱荷葉飯 - 粒粒飯炒得分明，不失飯香味，加了瑤柱仔的嫩滑及蔥花，再帶有荷葉香味，好好食，值得試！