利寶閣 (已結業)

之前在這𥚃喝過中午茶，覺得環境、價錢和質素都不錯，今晚便來吃晚飯。這裡的環境舒適，燈光適中，是晚飯聚會另一選擇。碧綠炒斑球，斑球炒得很香，肉質爽脆，而沒有腥味，有濃濃的魚味，鑊氣十足。杏汁燉白湯，即是杏汁燉豬肺湯，豬肺洗得很乾淨，沒有任何豬騷味，杏仁味道濃郁，喝完感覺很舒服。這個白湯份量不少，可以裝到四碗以上。脆皮燒汁雞半隻，皮脆肉嫩，吃到雞味，廚師掌握火候控制得非常好，味道亦適中，是一個合格的燒雞。

同事話想LUNCH飲茶，就去左附近既商場搵搵有咩食，之後佢話之前食過利寶閣既暗然銷魂飯覺得好正就決定帶我去食。一睇門面就知係好中式既茶樓，好彩早早12點到左，如果唔係好難拎位呀~一坐低見到D餐具好SURPRISE ，因為係花花底既杯好似要飲八婆下午茶既杯咁因為得兩個人，決定每人叫左一個暗然銷魂飯先，之後再叫點心SHARE。係味黎個飯之前竟然係有小食送，係青瓜同齊雞粒，味道唔錯，青瓜好脆身而且有點點辣油，好香呀。主角暗然銷魂飯到左，一望落去成排CHAR SIU ，好可觀，而且顏色方面好吸引呀~ 味食已經流口水!佢隻炸蛋整破之後撈落D飯都食好好味，唔講以為自己去左日本食生蛋拌飯 (TKG)咁，好美味呀，蛋味濃!嘩，D CHAR SIU好正呀，肥瘦得宜，而且係我最愛既蜜汁叉燒，咬落去又唔會有油滴出黎，而且配送一條菜，好正呀好似健康左另外，我地叫左個沙嗲金錢肚，好焧身同入味，呀婆冇牙都食到呀，而且佢加埋豆腐卜，吸曬D 日月精華! 好感動既沙嗲味，唔會死咸!因為暗然銷魂飯係一個餐，所以係有老火湯配送，都係加埋HKD 68仲叫左個灌湯餃，因為太耐無食過啦，好足料，而且入面有好多蝦粒，用高湯做底真係

上網見到很多人說這𥚃的叉燒好食，而我自己亦好鐘意食叉燒的，就一定要嚟會一會佢哈哈！來到原來有個套餐：谷飼豚肉叉燒飯配原盅佛跳牆。叉燒係用谷飼豬，怪不知咁有肉香，加上師傅本身都燒得好好，能鎖住肉汁之餘，肉不會太老，相反能做到很鬆化，真的非常不錯佛跳牆好足料，吃得出來的真材實料，湯非常之清甜，好正我們也點了另外三道菜：美味欖角骨、竹笙珍菌燴上素、燒爽肉珍珠鮑。因為呢個組合，我食咗兩碗飯燒爽肉珍珠鮑其實是豬頸肉+珍珠鮑魚煲，鮑魚細細粒，但數量頗多，豬頸肉很爽口彈牙，加上用醬油炆燒完好入味，送飯一流欖角骨又係送飯之選，外面有甜酸汁包着脆皮，咬下去是鬆軟的排骨，好正當然，豐富之餘都需要有蔬菜，竹笙珍菌燴上素是比較清淡的，不錯！甜品最有驚喜：幸福滿溢，有5款糕點 - 紅豆糕、芝麻榚、蛋散、曲奇、椰汁糕，為今晚寫上完美的句號

上次和屋企人食過奧海城間利寶閣，好懷念佢個谷飼豚肉叉燒飯！尋日同媽媽黎左上環，發現原來無限極廣場都有間利寶閣。我地就即刻決定係到食午餐谷飼豚肉叉燒飯配豐料老火湯套餐叉燒好嫩，配上太陽蛋和鼓油撈飯，同上次係奧運間分店一樣正！份量仲好足添。$68真心抵。連媽媽都讚不絕口。我地另外仲叫左幾款未試過的點心一齊share荔蓉蜂巢帶子聽落好特別，味道亦十分驚喜。講真真係未食過咁樣烹調帶子的方式，口感好豐富。竹炭流沙包中間有熱辣辣的流沙涌出黎，超好味！瑶柱灌湯餃冬天的好選擇。因為天氣凍所以就冇叫平時叫開的蝦餃，試下呢款灌湯餃。湯汁好鮮，食落肚好暖胃。整體都好滿意

《利寶閣》 #食在上環📍上環德輔道中199號無限極廣場2樓-之前同屋企人飲茶 味道同環境不錯所以今次同朋友黎試下晚市 -🔸谷飼豚肉叉燒煎蛋飯配原盅足料佛跳牆 $188佛跳牆非常足料 有鮑魚 魚翅 冬菇 豬肉 花膠原汁原味 飲完唔會好口喝叉燒煎蛋飯 配叉燒汁同豬油(另上)煎蛋煎得半生熟  叉燒半肥半瘦 很惹味🔸瑤柱生滾雜菜煲(小) $68份量都幾多 面頭鋪上粉絲煲內有西蘭花 菜心 雲耳 瑤柱 鮑片菇 冬菇 蝦米🔸薑蔥海參豚肉煲 $88份量較小 海參只有3塊 但味道很濃郁薑蔥較多 爆香後再炒 豚肉非常入味🔸雙果黑醋豚肉 $88排骨炸後 再加上腰果同果仁以黑醋炒香 黑醋去油膩外 提升了豚肉的層次還有小許蕃薯 外脆內軟 入口很軟熟 酸酸甜甜的感覺值得一試的小菜-整體食物質素算是不錯 服務員禮貌良好地方鄰近港澳碼頭和地鐵站 -題外話 : 🔸中國傳統冬大過年 餐廳新的餐單以<冬大過年>為題一家人過冬做節可以訂一圍或半圍供應由12月8日至24日🍴8/10

午餐和朋友來利寶閣飲茶，茶位居然是$1X，還有不能拒絕的小菜也要收費，已經有點心知不妙haha我點了素粉果、黃金豆腐粒和棉花糖小兔，朋友也點了個豚肉叉燒飯（不得不提，這菜名真是夠爆笑的）和金錢肚，2人盛惠$330，哇，這價錢呢……素粉果晶瑩剔透，可看到色彩繽紛的內餡，但夾不起，大概是不夠煙韌，內餡又太多，結果散落一地，有點失望最期待是棉花糖小兔，沒辦法啦，我就是個愛吃甜愛打卡的港女呀～那是傳統法式棉花糖，撒上椰絲，光是看著都感到療癒！至於味道呢……光是看著都感到療癒了，還要問味道嗎？黃金豆腐粒最後上，簡直顛覆了我對這家酒樓的想法，非常好吃！炸得新鮮香口，外脆內嫩，好吃得停不下來，超邪惡呀～嗯，不過它實在太貴了，假如真的再去利寶閣，應該只叫黃金豆腐粒外賣吧？

又係happy friday啦 今日下午茶就同同事出去飲茶 去到上環無限極嘅呢間利寶閣 同一個商場有成三間唔同嘅酒樓真係花多眼亂 不過有人就話呢間價錢唔錯 味道仲幾好 於是就入去下午茶時間嚟到 人數真係唔太多 但勝在上菜快 而且大中小點劃一25蚊 以港島區嚟講都算幾抵食裝修同杯碟都幾靚 俾人感覺好豪華之餘 又舒服谷飼豚肉叉燒飯配老火湯 叉燒飯上面有條菜心同埋煎蛋 同暗然銷魂飯有幾分相似 哈哈谷飼豚肉叉燒整得夠曬入味 而且肉質軟淋 確係唔錯 上面放滿好多嘅蜜汁 送飯一流 隻煎蛋唔係太陽蛋有啲失望 不過都幾香口 用嚟撈飯唔錯仲有麻油 同埋類似海南雞飯嘅黑醬油 一齊食又有另外一番風味燒賣 牛肉球同埋蝦餃 飲茶點可以唔叫 全部都有番咁上下質素 特別係粒蝦餃 隻蝦彈牙之餘仲大大粒 入面仲有筍絲 食落爽口有層次

早排先知朋友係上環返工，今日就約左佢兩個人嚟飲下茶見好多人介紹佢個谷飼豚肉叉燒飯($68)，就嗌左個嚟試$68一大碗飯，再加碗老火湯原本以為又係語言偽術，將舊叉燒加上”谷飼”同”豚肉”就高級左咁依碗雖然都只係叉燒飯，但舊叉燒好軟好好食配埋燶邊既太陽蛋同豉油撈飯，係好典型既港式美食難怪要叫佢做谷飼豚肉，因為佢同普通酒樓既叉燒飯真係好大分別真係好好食老火湯老好足料米網沙律蝦春卷($42)食落口感幾得意食落咬咬下又真係有成隻蝦係入面棉花白兔仔($20.8)見到依啲兔仔食物，例牌都要講句：怎麼可以吃兔兔外面鋪左滿滿既椰絲，咬落好軟，啱晒我個港女朋友欖仁上素水晶餃($38)入面好多餡八味孜然豆腐($54)炸得好好食，外脆內軟口腐仲keep到好滑點住啲喼汁，一路食一路吹水，真係唔覺意就可以啪左成碟仲嗌左個沙嗲金錢肚($38)今次仲好好彩有房坐，可以靜啲咁同朋友傾下計

今晚開OT，同同事去公司附近食晚餐公司樓下有利寶閣，同事極度推介！可能7點，所以唔駛等位就入得去坐👍🏻我都見好多人book咗位見menu推薦《谷飼叉燒飯配原盅佛跳牆》$188，即刻諗起食神嘅暗然銷魂飯😂🥢谷飼豚肉叉燒飯 配 原盅佛跳牆（$188）叉燒每一舊都厚切 肥瘦適中嫩口同普通燒味鋪嘅叉燒不一樣叉燒有濃濃的蜜糖味 配上流心煎蛋 仲有獨家製嘅豉油和豬油，撈埋一起吃 有驚喜，根本就係神級黯然銷魂飯👍🏻第一次食佛跳牆佛跳牆係由有鮑魚、遼參、魚翅、花膠、瑤柱、花菇、蹄根去煲好多個鐘而成，所以好濃好足料飲完好暖胃，好鮮甜，因為湯底好鮮而且每樣材料都好林，可以食晒全部湯的材料🥢金菇牛肉粉絲煲(小)$78好足料，好入味，而且係新鮮滾熱辣上菜，用嚟撈飯一流！🥢魚湯云耳泡菜苗(小)$68每餐必定要食菜，菜苗浸係魚湯度，好鮮甜，份量好多，性價比高！🥢豚肉煎蓮藕餅(4件)$68超級有驚喜！用日本豚肉，加上蓮藕，令到煎得好香口，好足料！點少少豉油，絕對想食多幾件🥢高力豆沙一件$18朋友最愛，入面勁多豆沙，好甜🥢脆麻花炸得好脆，加上糖漿真係好好味🥢最後仲有免費糖水送🥰紅豆紫米，甜甜地，好岩用來完結辛苦

見利寶閣邁向20年有大量優惠, 所以就同屋企人去左上環利寶閣食晚飯. 19:00準時到達, 因為BOOK左枱所以好快就入到去.初初以為唔會有好多人, 點知都有7,8成FULL. 睇黎大家都係俾D優惠吸引.呢度食中菜黎講都唔算貴, 因為阿媽想試下個佛跳牆,所以我地就叫左個優惠價$188既谷飼豚肉叉燒飯+佛跳牆.估唔到都有D驚喜, 個叉燒飯D厚切叉燒肥瘦適中, 又淋又香, 真係幾好食.加埋隻半生熟蛋撈飯, 堅正.個佛跳牆都唔錯, 好鬼足料, 有鮑魚,海參,魚翅, 花膠等等, 個湯好濃好正, 我地最後食到連湯渣都冇得淨XD.另外我地又叫左$98半隻既香酥雞, 隻雞都炸得幾香, 個皮都幾脆, D雞肉都KEEP到幾滑, 係略為淡左少少, 要配少少薑蓉食先夠味 我地仲叫左個碧綠炒斑球, D斑球都幾厚身, 魚既份量都算多, 食落都好有魚味, 值得一試.下一個餸係爽肉珍珠鮑, D爽肉同D葱好香好野味, 好啱餸飯, 不過D珍珠鮑就較為失色, SIZE略細.最後仲有個免費蕃薯糖水送, 大滿足!整体食物質素唔錯, 服務不俗, 環境優靜, 適合一家聚會.

有睇過食神嘅都知道星爺最後用一碗黯然銷魂飯打敗咗佛跳牆，估唔到利寶閣都有星粉，將呢兩樣野變成一個套餐。睇星爺長大嘅我當然要去試一試呢個套餐啦。上環分店地方都算大，平日夜晚去食都估唔到都有七八成入座率，還好我地早黎到，唔需要等位。今晚係為咗呢個叉燒飯佛跳牆套餐而嚟，所以就叫咗一份。周年優惠嘅香酥雞半隻都係98，再加多一個欖仁蟹肉桂花炒瑤柱。黯然銷魂飯，如果你覺得佢係一個普通嘅叉燒飯，咁你就大錯特錯啦。碗飯嘅叉燒好掂，係我最愛既半肥瘦。瘦叉嘅部份好冧，入口即溶，唔似出面嘅瘦叉又硬又柴，非常好味。可惜飯入面無加入洋蔥，無辦法感動到喊，哈哈哈哈。佛跳牆用料好足，湯嘅味道好濃好鮮甜，睇黎廚師用咗佢嘅內功將食材嘅鮮味迫晒出嚟。佛跳牆入邊有鮑魚，花膠，魚翅，花菇等等。鮑魚好大隻，好彈牙，花膠好大好黏好多骨膠原，魚翅一絲絲好彈牙，花菇好香。香酥雞唔同平時食嘅炸子雞，佢嘅雞皮係沾左粉去炸，所以係更加香口同脆，但又保持到雞肉嘅嫩滑，非常好味。欖仁蟹肉桂花炒瑤柱，呢個餸有啲似螞蟻上樹，啲蛋碎欖仁同蟹肉沾咗係啲芽菜上面，口感好豐富，而且味道好鮮甜，唔會好重好濃，食落去感覺好舒服。呢個食神套餐真係無得輸，非常抵

同朋友去咗上環利寶閣，係食中菜為主，價錢唔貴，當然要試吓啦。BTW, 呢度嘅佛跳牆真係唔話得，勁足料，下次都要嚟食。前菜：$18 好開胃做緊推廣嘅係谷飼豚肉叉燒飯配上原盅佛跳牆（$188），佛跳牆有鮑魚、魚翅、螺片、花膠等等，材料好豐富，加上秋冬進補，好到不得了，湯好甜，肉味都重，我地食哂d湯渣。谷飼豚肉叉燒飯，生雞蛋配上白飯，口感非常香滑。叉燒屬於半肥瘦，食落去唔會話好乾柴或者太肥，剛剛好！雙果黑醋豚肉（小）肉質和脂肪比較平均分布，食落去好彈牙，唔會話好肥好油膩好濟咁，加上酸甜的醋汁，超好食，無得頂，腰果都幾脆喔。豆腐好滑身的雪菜肉鬆豆腐煲$68，送飯一流，唔太鹹，有驚喜，嘿嘿。甜品叫左生磨杏汁蛋白 $36，同埋脆脆，好食呢！加上送的紅豆沙，非常滿足的一餐。

男朋友近排身體唔好，要食得清淡D，中菜相對起黎多D清淡 GE選擇，於是我地就近近地去左男朋友返工附近GE無限極廣場食利寶閣，一黎佢D野我覺得性價比高，二來味道又唔錯，最緊要係就腳，食完飯就可以直接搭地鐵走人！XD 入到去上環GE利寶閣，場地雖然唔大，但係桌同桌之間有一定距離，食客同食客之間保留住一定GE私穩度。餐廳經理安排坐係近電視機GE位置，方便我地可以電視機撈飯，認真體貼！叫左 穀飼豚肉叉燒飯 配 原盅佛跳牆，穀飼豚肉叉燒飯，GE穀飼豚肉係自製GE，而佢GE肉無落好多蜜糖，反而帶少少脆身，肉好軟綿，肥瘦均勻，食落口唔覺得有罪惡感，配埋甜鼓油同只半生熟蛋系拌飯，好好食！瑤柱扒菜苗，菜苗上面覆蓋住厚厚GE醬汁，每夾一口菜，芡都恰到好處咁掛係D菜上面，味道調得剛剛好，令到要戒緊口GE男朋友味道有返D新鮮感同味道。另外，仲叫左個蜜糖欖角骨，用蜜糖煎封過GE欖角骨，佢嘅甜味剛剛好，欖角骨用嘅半肥瘦嘅位置去做，入口又嫩，又好有咬口，而且脆脆香香，好好食。 原盅佛跳牆熱氣騰騰上檯，用湯匙一撈，非常足料，用新鮮雞腳、魚翅、花膠、海參、原隻鮑魚等嘅材料去熬湯，呢個湯集各樣食材嘅精華所在，飲起黎好鮮甜

同屋企人食飯，就揀返佢地最愛既中餐前排媽咪同朋友黎食過，覺得食物質素幾好，就帶埋我地試試晚市有個抵食套餐穀飼豚肉叉燒飯 配原宗佛跳牆 都只係188佛跳牆入面有好多海味，價錢一向唔平今次188套餐既佛跳牆仲好足料，有鮑魚、海參、魚翅、花膠、瑤柱、花菇 ，同埋雞腳、雞肉、瘦肉等煲出肉味穀飼豚肉叉燒飯 未見豚肉，先見流心太陽蛋，與醬油一起伴入飯中，更有滋味豚肉叉燒有兩大件，不像燒味店切的size也不會太瘦，所以有油脂香和嫩滑的質感除左188套餐，我地仲叫左幾款小炒蜜糖欖角骨好香口，超熱氣的說骨肉鬆軟，配上蜜糖甜甜的更滋味而且加上欖角，令我覺得有種食緊西洋菜蜜糖既味道，幾特別菠蘿咕嚕肉又是炒功很好的一碟，咕嚕肉的分量很滿意，也是啖啖肉，無多餘粉漿調味酸甜得宜蔬菜配料也炒得很香和爽薑汁生炒芥蘭 簡單一碟菜，考驗的又是炒功芥蘭十分翠綠，亦爽脆，打上甜的醬汁，有鑊氣又有蔬菜原味

利寶閣一直都行飲茶中菜高檔路線，來呢度飲茶環境都相當不錯，野食方面點心特別吸引我，今日同媽媽在中環買野，午餐諗住休息下揾個地方坐下，就諗到利寶閣了。入門口見到推介午市套餐，谷飼豚肉叉燒飯配豐料老火湯，決定試下。餐具還是一如既往的新淨，睇到都舒服。中午可以飲茶食點心也可以點小菜。我地一人一份叉燒套餐蜜汁厚切叉燒好juice,口感䯳軟，好似入口即溶咁，仲要勁厚切，燒味汁淋飯，我最鐘意！叉燒飯的飯，也是好味的關鍵，米好先至煮到好飯，好飯又要有味，就靠燒味汁，特別的甜蜜醬汁，真系忍晤住食多幾啖飯。豐料靚湯系椰子煲瘦肉，椰子味濃郁，很滋潤。香草燒排骨，食肉獸的午餐，也不放過食肉，因為很想試下香草燒的味道，香草特殊的香味滲透在肉質入面，排骨燒得比較乾，很有咬頭，似一款小食，比我地過曬口癮。肉，全部都系肉。好好味，同叉燒系完全唔同的風格。水晶鮮蝦菜苗餃，特點，賣相已經好吸引，漲卜卜，d餡好飽滿。一籠三件。水晶皮Q彈，口感好正，菜苗很冧，蝦仁爽脆，配搭得很好。