利寶閣 (已結業)

這間中菜廳環境不俗，地方寬敞，裝潢挺有排場氣派，完全沒有一般酒樓的嘈吵雜亂，可以好舒適地坐足整個晚上慢慢品嚐美食。想不到除了供應多款名貴上乘食材，還有很多款經濟實惠的小菜，非常大眾化。谷飼豚肉叉燒飯配原盅佛跳牆名貴得來玩味十足，完全是向電影食神致敬，好有噱頭和創意。叉燒飯就像黯然銷魂飯一樣，十分有趣。意想不到是它睇得又食得，而且相當美味，甚有驚喜。叉燒十分大舊厚身，外層烤得夠香口，肉質極嫩，肥瘦比例均勻，惹味甜甜的醬汁令整舊叉燒好入味。加上完整無缺又煎得恰到好處的太陽蛋，配白飯一流。佛跳牆非常足料，有原隻鮑魚、魚翅、遼參、花膠、響螺、瑤柱、雞、花菰、蹄根等等多種上乘材料，豐富得幾乎塞滿整個燉盅，真材實料，燉湯味道濃郁，啖啖精華的感覺，好滋補。古法扣原隻八頭鮑魚，優惠價20元一隻，原以為如此平價可能質素較差，誰知相當有驚喜，鮑魚頗大隻，賣相好吸引，口感嫩滑爽口，一點都不韌不嚡，醬汁更是調較得出色，美味到幾乎想將剩下的所有醬汁都清埋。是日豐料滋潤燉湯是杏汁豬肺湯，湯質好濃又滑，充滿杏仁香，味道濃郁，好有滋潤感覺。脆皮炸子雞果然非常香脆，肉質嫩滑，雞肉入味，但又不會好油膩。帶子賽螃蟹份量十足

今日帶屋企人去食中菜，揀左呢間有幾間分店既高級餐廳食。環境都幾好，幾舒服咁。餐廳介紹左我地食呢個：原盅佛跳牆配谷飼豚肉叉燒飯咁又幾抵喎！平時見到佛跳牆都好貴下。所以好少會叫黎食。見咁多料又咁抵，一於試下先🤤上菜速度好快喇！谷飼豚肉叉燒飯😬黯然銷魂飯，有太陽蛋再配上叉燒。我鐘意將蛋黃撈勻成個飯食，令粒粒米飯都有蛋黃同豉油，更加好味。豚肉叉燒，食落肉質好嫩，帶有少少既脂肪。咬落不會覺得韌，又幾好。足料既佛跳牆：裡面有鮑魚，魚翅，遼參，瑤柱，花菰，蹄根。😳哇！個湯真係足料，令到湯非常濃味好鮮味！餐廳20週年誌慶，可以用$20叫原隻8頭鮑食😍都算大隻架，用易切開。食落好煙韌。但鮑魚汁做得幾好，令到鮑魚夠哂味道又唔會話鹹。上湯龍蝦伊麵🦞好大碟！成隻龍蝦🦞餐廳好好幫我地剪開去。啖啖好多肉！龍蝦食落新鮮好彈牙。個汁做得好味，配上伊麵食就岩哂喇！😃宮保炒蝦仁🍤好開胃有少少既辣味。蝦仁都幾大隻，蝦肉爽口彈牙。連埋d菇，茜芹一齊炒，夠哂香！最後仲送糖水：綠豆沙俾我地。🤩

天氣keep住好凍，最岩就係食返d熱辣辣既小菜，朋友上環返工，上次食過奧海城間利寶閣食過返尋味，念念不忘個暗然銷魂飯，所以就訂左枱黎食晚飯。兩個人叫左：1. 牛油焗大花蝦 $68一隻蝦，叫左一人一隻，好新鮮，好大隻好爽！2. 金菇牛肉粉絲煲 $78鐘意食牛肉既我去到邊都要食牛肉！好岩撈飯食！飯都可以食多幾碗！3. 魚湯雲耳泡菜苗 $68本身想叫雜菜煲，落單既時候經理好細心咁提醒我地金菇牛肉粉絲煲都有好多粉絲，問我地會唔會轉另一個菜～經理的細心好值得加分！可以試多d唔同既食物～白菜仔好鮮甜，份量好多～4. 谷飼叉燒飯配原盅佛跳牆$188雖然只係叉燒飯，但係個秘製既豉油令到佢一d都唔普通，同埋叉燒每一舊都厚切 ，肥瘦適中～同街外既叉燒飯好唔同！原盅佛跳牆好足料，有鮑魚、魚翅、花膠、遼參、瑤柱、冬菇等等，好滋補！食完飯仲送左個綠豆沙俾我地，最近好熱氣，岩哂可以清下熱～職員好好服務會主動幫我地加熱水～服務抵讚！ 2個人都係食左五百幾蚊，好抵食～

今日到上環購物，之後發現隔鄰商場有利寶閣，就想起上次在其他分店吃過的滋味穀飼豚肉叉燒飯，於是就決定再去食美味嘅黯然銷魂飯。可能時間尚早，酒樓未算太多人，我不用等位就可入內。當打開餐牌努力找我最喜愛嘅黯然銷魂飯時，俾我發現原來晚飯有套餐做特價，就係穀飼豚肉叉燒飯加原盅佛跳牆，只賣$188，之後再挑選幾個懷舊小菜，就足夠我和朋友兩人吃飽飽喇！好快我至愛嘅黯然銷魂飯就到喇，厚切大大舊叉燒，加埋一隻太陽蛋，淨係外型就已經夠曬煞食。叉燒肥瘦適中，配埋隻脆邊太陽蛋，再撈埋附送嘅特製醬汁，簡直係天衣無縫， 可以令唔愛吃飯嘅我清曬碟。原盅佛跳牆有雞、鮑魚、鳳爪、瘦肉、冬菇……等， 湯底清甜，配埋叉燒飯食，麒麟蒸斑片甘香火腿片夾住爽滑冬菇同新鮮魚塊，掛上薄薄獻汁，味道比淨吃蒸魚更有層次。橙花蝦球蝦非常巨型，用一層薄薄嘅粉漿包裹，伴有粒粒橙肉和橙皮絲，橙味香濃帶酸甜，好開胃。 竹笙珍菌燴上素近似羅漢齋，竹笙爽口，配上雜菌和珍珠筍，用蠔油燴，清淡得嚟好入味，夠哂健康。食完晚飯，侍應送上懷舊蕃薯糖水，令我這個晚餐更完美。埋單時，見有團年春茗餐牌，豐儉由人，諗緊不如今年同阿媽嚟呢度團年，唔使再煩腦食乜喇

一家人出去食晚飯，人多就梗係去酒樓食中菜最好了。利寶閣都叫聽過人講好多次，但都未來過。打開ＭＥＮＵ，咦，又幾多選擇喎～宜期做緊推廣，佛跳牆＋叉燒飯＄１８８見隔離枱都嗌左幾盅，我地又試下囉ＸＤ（唔記得影個佛跳牆）好足料的，但就無平時飲開的咁濃味。叉燒飯有埋隻煎太陽蛋，即刻覺得正左ＨＡＨＡＤ叉燒都係幾林的～仲想講下個炸豆腐，幾好食嫁喎。一層薄薄地既炸左，入面仲ＫＥＥＰ到滑滑的！ＯＶＥＲＡＬＬ，Ｄ野食都係唔錯的：）不過好有驚喜的係，佢連甜品都多選擇！！叫左個童年回憶，酒樓既芒果布甸！仲有椰汁糕！好味道！

到2019啦! 收工就梗係同FD底同事食個飯講下老細是非!利寶閣已經係我地心中好高評價2019年既FD底同事聚會點可以冇利寶閣呀!近上環站, 又近我地公司, 方便去時又方便閃人前菜唔再局限係花生之類, 係有四季豆, 好味之餘又開胃!蠔皇南非鮑魚-$20D個係近排做緊特價, $20隻鮑魚, 超值, 而且咬口, 味道1D都唔失禮, 好味金菇牛肉粉絲煲-$78D個煲做得超嫩味, 牛肉多得黎又夠嫩口, 重牛味, 有越食越想食既感覺金瑤桂花炒花膠-$78$78有花膠食? 抵呀! D個炒得好夠鑊氣, 又夠乾身, 可見師傅的功力叉燒飯+佛跳牆-$188D個叉燒同出面既一般燒味店真係有分別, D隻叉燒又林又夠香口, 食飯食係一流也佛跳牆超足料, 鮑魚, 翅, 雞腳等等都齊, 啖湯鮮甜無比, 好正呀免費送糖水, 正呀喂!總結利寶閣的食物有信心的保證, 令我地係2019年開左個靚頭!

今日落住毛毛雨，天氣有點涼，最好就係飲碗熱湯，所以選擇今晚要食中菜！喺中上環附近，搵到呢一間有promotion，有我至愛嘅叉燒同埋燉湯，仲要唔係普通燉湯，係”佛跳牆”, 唔使$200一set, 就決定這一間！點菜的時候，店員很細心，就算是一隻雞蛋都問清楚我地係要熟蛋，定係要太陽蛋。呢碗黯然銷魂飯有驚喜，首先我選擇嘅熟蛋，有我最愛嘅「窿」邊, 同埋佢嘅叉燒果然係谷飼，谷飼嘅肉質會比較肥美，因為營養多啲，夠juicy 卻沒有肥膏，好味！叫咗promotion set，所以仲有迷你佛跳牆，其實都唔使講咁多，應該睇相就知道有幾足料，鮑魚、雞腳、魚翅、海參、冬菇，講明係迷你，當然樣樣都係細細件，不過真係全部俾足你囉，同埋個湯都好清甜，呢個set真係非常「平民版」，平時呢個價錢淨係碗佛跳牆都唔止。另外我哋order咗芝士焗蟹蓋同埋小炒王。如果鍾意食濃味嘅應該會鍾意佢嘅小炒王，入面加咗好多蝦干，好香口。至於蟹蓋，𥚃面仲有迷你帶子，個汁OK，如果可以多啲芝士應該會更加好味。最後仲有糖水送，不過因為已經好滿足，所以沒有要了。

親戚補食做冬飯，來到上環利寶閣食飯，貪呢度坐得舒適，食得開心。人少少，冇叫一圍圍菜式，但都有好多2-4人套餐/小菜選擇，仲有信用卡優惠套餐。 是夜菜式：原盅佛跳牆送谷飼豚肉叉燒飯Order左兩盅佛跳牆，湯味唔錯，湯料豐足，有鮑魚 魚翅 海參 光瑤柱 瘦肉等，燉出鮮味湯底，而且不含味精，強烈推介！另外酒樓推出週年優惠，叫佛跳牆有叉燒飯，叉燒肉味道好嫩滑，可能因為豬係食谷飼料關係，肉質比一般市面好。碧綠炒班球本來想叫魚雲煲，可惜售罄。 就叫左個炒石班食，火喉剛剛好，成碟菜唔會油，班片夠厚身，新鮮魚片，沒雪藏味道。青豆夠翠綠，爽口。高原白木耳浸菜苗白木耳第一次食，比起黑木耳厚身少少，都係爽口，但同黑木耳個種爽又有少少唔同感覺，諗唔到形容詞表達~ 菜苗係白菜苗，成碟菜好健康感覺！仲有其他冇影到相。 總體味道唔錯，部長好好人，一人送左碗陳皮紅豆沙，個人好喜歡陳皮味道，所以覺得好好味。

Workshop 完畢，在場地附近找個地方歇歇同埋晚飯-利寶閣。就在無限極廣場二樓，面積大，座位好寬敞舒適。經理熱心款待，安排好位置入座，仲詳細介紹推介菜式。 見經理咁落力介紹，就卑佢發板簡左幾款餸菜：原盅佛跳牆-1位用($188)唔同餐館食過佛跳牆，呢度食材用料上盛，分量十足，有原隻鮑魚、海參仔、花膠、魚翅等，湯味濃郁，物超所值。谷飼豚肉叉燒飯佛跳牆及叉燒飯係同一個套餐，懷舊食碗，叉燒肉半肥瘦，口感一流。肉汁入哂白飯裡面，好香口。麒麟蒸班片($78)好精緻菜式，班片與冬菇片交叉相連，視覺享受，兩種食材間更夾有金華火腿，令魚味更突出。碧綠炒班球($168)雖然都係班片，但另一種烹調，又另一種味道，肉質爽口。高原白木耳浸菜苗($88)一款健康菜或，因為有同事今日要齋戒，特別為佢而設，白木耳好爽口新鮮。菠蘿咕嚕肉($72)咕嚕肉又係半肥瘦豬肉，肉嫩冇骨，易咬又香口，咕嚕汁又唔會太酸/太甜，味道剛剛好！

上環利寶閣已經食咗幾次，以前校會成日在這食飯，性價比合理的地方，今次特別來食谷飼豚肉叉燒飯配原盅佛跳牆，聽講抵食。谷飼豚肉叉燒唔錯，看來不肥但食到肥叉燒的嫩肉，味道香甜，最厲害有豬油配埋，照片內叉燒汁旁邊就是。原盅佛跳牆，飲到真材料味道，有翅、花膠、瑤柱、雞腳及瘦肉，頗有份量，咁嘅價錢值得。另外點了薑蔥花膠滑雞煲，做得夠火喉，薑蔥惹味。豚肉煎藕餅份量剛好適合兩個人，每人兩件，有馬蹄所以爽口。魚湯雲耳泡菜苗清但濃，剛好平衡肉的膩滯。今晚每人兩百幾。

頭痕今年做冬同屋企人去邊度食好。。做冬就多數係中菜嫁喇～諗起之前見過宜間利寶閭，口碑都幾好，就試下打去卜位啦！好彩我地唔係正日食，都唔係好爆棚。坐得幾舒服的～叫左個香芒蝦球超推介的！！　好大粒蝦，仲要啖啖肉！！炸粉又唔會太厚，所以真係GOODGOOD!跟住有半隻雞還好的，中規中矩～另外仲有個上湯浸菜苗唔好睇個樣覺得上面Ｄ花膠好似賣相麻麻ＸＤ因為人地唔係花膠，係白木耳泥嫁這個佛跳牆好足料，唔會好咸，清清地的～甜品中菜泥講，佢都真係有幾多選擇～

看到網路上，知道這裡有一個非常低食套餐，是叉燒飯配佛跳牆，今晚趁著有空，便和家人來到。穀飼豚肉免切叉燒飯加原盅佛跳牆$188。谷飼豚肉叉燒飯-這裡選用的是谷飼豚肉，肉質比較嫩滑，沒有豬羶味，入口軟腍，肥瘦適中，稱得上是好味道的叉燒。佛跳牆內有魚翅、冬菇、排骨、響螺片、雞件、鮑魚、豬肉、海參，材料矜貴豐富，果然是一等一的佛跳牆。碧綠炒斑球，斑球肉爆炒得很香，入口夠爽滑彈牙，鑊氣十足，是我喜愛的味道。上湯豆苗，上湯沒有雞油炒那麼肥膩，吃落感覺更加健康。

今晚友人說要和我吃飯，她提議在這裏，我看過食評，覺得不錯，便來到一試。這裡位於地鐡站附近，地點方便適中，而地方都很寛敞，和一般的酒樓差不多，都是燈光火著，還設有魚缸和貴賓房。咕嚕龍鳳球，看上去有點似咕嚕肉，不過吃落，除了豬肉，還有些蝦膠，外脆內軟，口感特別，我推介這個，可以一試。脆皮燒汁雞半隻，皮脆肉嫩，吃到雞味，廚師掌握火候控制得非常好，味道亦適中，是一個合格的燒雞。杏汁燉白湯，這個用南北杏為材料的豬肺湯，湯料有豬肉，雞腳，而湯內杏仁味道十足，因為杏仁蘑蓉，味道有少少沙沙地口感，十分滋潤。

同係上環番工嘅Mary 食飯，今日想試下同佢飲茶，😊所以就問佢去邊到好，佢就話呢一間利寶閣係商場入面最好味個間。😏講到咁， 咁我就去試下，我地點左佢每次黎都會點嘅⭐️XO醬煎腸粉！好正，😍佢係石窩上，keep 住好熱同好香。🤤之後仲有個⭐️健康竹炭流沙包，上面仲有三橫金色，賣相好高級。👍🏼因為食lunch 好想食飯，所以叫左個⭐️谷飼豚肉叉燒配豐料老火湯套餐。個名改到咁，其實都係一個叉燒蛋飯😂。但又幾好味嘅，燒味幾好，再加上佢隻蛋煎得好靚，所以我幾鐘意。🤤如果想去飲茶，但又唔想叫咁多點心食唔到時，叫個呢d都幾抵食，😆70蚊左右，一個set 有湯有飯。⭐️糯米雞同⭐️燒賣都好好食，真材實料。👍🏼

同屋企人提早做冬，想搵間好吃的中餐館食返餐好。長輩們都比較鐘食中菜，見到這家利寶閣的評價幾好，地點又方便，就決定來這裡做冬了。很多人都說這𥚃的叉燒好吃，我地就點咗個《谷飼豚肉叉燒飯配原盅佛跳牆》套餐，另外亦點了《美味欖角骨》、《竹笙珍菌燴上素》同《燒爽肉珍珠鮑》。叉燒果然名不虛傳，皮脆肉嫩，而且咬下去肉汁很豐富，以至整個飯都很香；佛跳牆用料很足，湯亦很清甜，似係有煲咗一定時間的。欖角骨是個驚喜，皮很脆，很有肉香，配合酸酸甜甜的醬汁，送飯一流。鮑魚配豬頸肉的煲真係第一次食，但原來係好好好食！豬頸肉的爽加上鮑魚的淋口感上是很配合的，鮑魚不用很大隻，但份量頗多，又係另一送飯之選。再加碟素菜平衡一下，這餐非常豐富。最後，我地叫咗個甜品《幸福滿溢》，原來有5款糕點，有：紅豆糕、芝麻榚、蛋散、曲奇、椰汁糕，吃完真的很幸福滿溢喔哈哈！*過時過節的好選擇*