利口福快餐店

營業中

休息中

流心芝心豬扒漢堡成日經過都太早未開，今日終於夾到時間食到，雖然等得耐，但絕對值得。新鮮即炸拎到手記住一定唔好即時放落口，非常非常熱，厚切豬扒中間入滿芝士，豬扒彈牙有肉味，芝士一咬流晒出嚟。

🐻朋友話突然想食西多士，當然要搵下有邊度好推介啦 😏 揀左尼間出名流心芝士豬扒包既小店，原來佢哋既沙嗲牛肉西多士都好馳名喎 😳 當然試埋佢有咩咁正先 😝 小店好有懷舊feel，位置唔多，但🐻幾鍾意坐係鬧市中享受美食既感覺 😎⁡🐻の試食‼️✨沙嗲牛肉西多士餐加配凍飲 $50✨流心芝士豬扒包配薯條餐配凍飲 $52✨常餐配凍飲 $52⁡尼間小店即叫即整，上菜時間好快，而且熱辣辣 😌 西多士好靚仔，正方形牛油好耐無見過，切開發現沙嗲牛肉份量很足，配埋煉奶西多一齊食意想不到咁夾 🤤 仲要非常邪惡 😈 流心芝士豬扒包幾好切，分享夠方便 👍🏻 爽脆吉豬內裡芝士真係一切流曬出來，唔乾好好味 😎 常餐就有少見既牛角包 🥐 滑蛋炒得唔錯，個麵就正常發揮啦 😌 值得一提，佢凍奶茶既茶同奶比例都很好😁

沙嗲牛hunter又出動啦(๑•̀ㅂ•́)و✧今次唔試公仔麵 試間搞搞新意思既懷舊快餐店—利口福.ᐟ‪‪‬我地第一次去 試左佢最出名既兩樣野◦流心芝士豬扒包超級新鮮熱辣.ᐟ‪‪‬一黎啲芝士已經急不及待咁滴緊一切就直情湧出黎豬扒炸得香脆 肉質唔鞋但係成個配搭有少少單調加番兩片菜會好好多 而家太鹹( -᷄ -᷅ )薯條都係新鮮炸起 好耐無食呢種波浪形～◦沙嗲牛肉西多士主要為左佢而黎 有少少失望( •︠-•︡ )牛肉份量的確好多 多到件西多士都包唔實但唔知點解就無乜沙嗲味又無乜汁成件事就有啲各有各咁同埋 又係有啲鹹得濟|ω・）一去呢類茶記/快餐店就一定要叫杯奶茶佢都係正正常常咁啦✿#lastbitematters#lastbitematters_princeedward✿

《利口福快餐店》呢一間快餐店，我老公以前成日食，佢話個沙嗲牛肉包好正，一定要帶我去試吓，而我第一次聽呢間快餐店，唔知係咪佢所講咁好食呢😗。去到舖頭門口餐廳位置唔算多，旁邊巷仔都有位坐，舖頭冷氣唔算好大，不過好彩最近天氣都比較凍，唔會係餐廳到坐到流汗。沙嗲牛肉包一嚟到好香嘅沙嗲味，麵包係用咗熱狗麵包嗰種，而且烘咗底個麵包外脆內軟，沙嗲味好濃郁，牛肉好淋份量都幾多片，一咬個包啲汁流晒出嚟超正，加上仲有啲洋蔥食落好香口，好邪惡🤤。

利口福 ｜ 太子上網成日見到好多人會排隊去試依間今日終於經過 一於又去試下😋😋一去到見到好多附近既街坊 都應該同員工好熟絡我見到餐牌好多款都想叫但係得二個人 胃得二個😂就叫左2款試下先馳名既珍寶沙嗲牛肉包店主以鐵板炒香牛肉，再加入洋蔥和秘製沙嗲醬一併煮，在等候的過程已經嗅到很香的沙嗲味🐮🐮🐮另一個叫左 流心芝士豬扒包漢堡包鬆軟不乾，豬扒份量十足，且炸得脆口，肉質嫩滑且有肉汁，裏面有流心芝士，配搭沙律醬，飽肚得來不會過膩🐷

流心芝士豬扒包($40)沙嗲牛肉西多士以外既另一名物, 漢堡包size正常, 可惜豬扒雪藏味較重, 就算配上芝士夾心同沙律醬都未能夠掩蓋, 感覺上比較失望沙嗲牛肉西多士($47)外表金黃, 淨講賣相都非常吸引, 切開見到沙嗲牛肉份量都唔少, 本身覺得呢個配搭係gimmick, 但估唔到配上糖漿一咸一甜其實又幾好食😋如果一定要挑剔既就係沙嗲醬未算濃郁, 花生香味欠奉, 如果係一心追求好食既沙嗲牛肉既朋友可能會失望🧐

Lee Hou Fuk was liked an old-style cafe or dai pai dong in Prince Edward. They were popular with satay beef French toast and pork chop burger. Just like other dai pai dong in Hong Kong, the environment is not the greatest, but you can taste the best comfort food here! I chose the satay beef burger and fish burger which was served piping hot with the fries. The food was same old delicious and it was relatively cheap, highly recommend to whoever likes Hong Kong style burger.利口福好似舊式茶檔或者大牌檔，喺太子開左

🐽沙嗲牛肉西多士 $42即叫即整嘅金黃色爆餡西多士，一大舊牛油放係熱辣辣嘅西多士面，可以跟番自己喜好落煉奶或者糖漿。外層炸得好香脆，由其係邊邊位，再切開兩塊較簿身嘅西多，入面夾左超多沙茶醬味好濃嘅沙嗲牛肉，又咸又甜，出奇地夾，邪惡指數爆登。🐽流心芝士豬扒漢堡包 $35即叫即炸嘅厚身吉烈豬扒，炸衣好簿身，所以食落去啖啖肉，鬆軟嘅漢堡包配埋沙律醬，好有港式漢堡包嘅風味。唯獨芝士味唔夠濃，而且當日切開嘅時候其無流心嘅效果。

每日朝早行過都會見到好多人坐係到食早餐，係適合上班💼快閃一族嘅小店🥰🥪🍜小店位置唔大，得幾張細枱！佢地嘅西多士好好味😋又夠香～食物嘅價錢同一般茶餐廳都差唔多

太子 有間利口褔快餐店 入面有不少驚喜食物，今次就食咗 #流心芝士豬扒漢堡包 配飲品$40，唔好似為細細個幾飽肚好味道個漢堡包來到好香，亞姐溫馨我叫入面芝士幾熱小心點。麵包入面都有薄薄牛油同微脆抵讚，豬扒煎得好香，2層肉應是一片豬扒對摺中間有 流心芝士 加上 豬扒 面有沙律醬，一齊食真心好味。芝士因太流心關係不少倒了落底部就有一點失望，如果一來就平放芝士凍少少就會痴住多啲豬扒會仲好我最鐘意快餐店的熱檸檬茶，茶底夠味之餘檸檬味又足，不落糖都不會覺得苦澀其實包餐加薯條都係$10，見到人哋果碟都幾靚仔，但因約咗人去第二間飲嘢就唯有下次餐廳入面都有幾個位和巷都有位置，餐廳入面的都幾乾淨，不過因沒有冷氣關係就熱咗少少。而隔離的春潤堂成日都想食豬油渣麵，但似外賣多，唯有看有沒有機會再試，因不少人都話好食

西多士就食得多 但係加埋沙嗲牛肉做餡就真係比較少見！西多士嘅賣相好吸引 炸到金黃色 再淋滿煉奶同牛油🧈切開就見到入面包住好多沙嗲牛肉 肉質好彈牙 鹹鹹地 再加埋西多士甜甜地 出奇地夾！

encore再encore既包🥙盛惠$35一個足料好味仲好肥🐷<流心芝士豬扒包>第一次去食個張相都仲係到😗個日食 芝士爆多(可能影相都未係好出眾)豬扒好香脆但就唔及今次食呢個厚👇🏻芝士仲依然係咁澎湃🧀🧀🧀不過可能豬扒厚身左 冇左啖啖脆卜卜既感覺依然非常推薦👐🏻<珍寶沙嗲牛肉包>本身冇咩期望 諗住都係沙嗲牛肉加包啫但佢勁juicy 完全冇後悔食佢🤤珍寶冇呃人 啲肉多到跌哂出黎🤡原本以為得面個層肉但因為個包切得好深 好多肉係底食落真係啖啖肉🤰🏻推薦too!!💁🏻‍♀️

第五波疫情持續左好一陣子，好耐冇出街覓食，好掛住薯條西多，外賣始終係差D… 今天終於忍唔住要解放一下，嚟享受一下邪惡嘅美味~一到步就迫不及待order左signature沙嗲牛肉西多士配熱奶茶，再嚟流心芝士豬排包配薯條同熱鴛鴦。門面唔係好大嘅利口福快餐店原來內有乾坤，有另一邊供堂食，啱曬唔想咁exposed嘅食客~等左陣熱辣辣嘅流心芝士豬排包配薯條就登場，滿心期待地用刀一切開當真有芝士慢慢流出嚟，豬排非常高質，唔似用鬆肉粉，淋得來有彈性，炸得啱啱好唔太油膩，正~ 炸薯條分量唔多但兩個人share食可以止到口痕又可以留quota食更邪惡嘅小食~沙嗲牛肉西多士終於到了~ 沙嗲牛肉左餡料真係第一次食，一切開沙嗲牛肉香氣爆出來，視覺效果都相當震撼。原來除左甜食，鹹嘅沙嗲牛肉餡料真係不得了，味道好rich，牛肉又嫩，一試愛上，沙嗲牛肉控一定要試試！奶茶鴛鴦都好到位，呢個下午茶好滿足，真心唔錯~Menu-

細個喺附近讀幼稚園，公公婆婆成日帶我嚟食嘢，到大個一直都搵唔到機會嚟，終於今日可以帶埋我個仔嚟食🥰星期日早上9:30，已經有幾個人排隊，收銀姨姨超親切。珍寶沙爹牛肉飽 即叫即整，十分鐘左右。份量比我想像中細咗（又或者只係兒時覺得個飽好大😂），麵包夾住牛肉，好易會變腍，但呢個絕對冇，個包又熱又鬆軟，啲牛肉厚且大塊，但一啲都唔韌，仲好juicy 🤤今次嚟食嘅係味道，亦都係回憶❤️❤️❤️下次試埋沙嗲牛肉西多士先。

第一次嚟食下午茶，試咗沙嗲牛肉西多士，送到過嚟嘅西多士上面有牛油煉奶，切開嚟有足料嘅沙爹牛肉，食落去有鹹甜鹹甜嘅味道。另外叫咗雞髀薯條，雞髀炸得酥脆，肉質滑溜唔「鞋」。平民嘅價錢但有高水準食物質素的店唔多，推介俾大家！