利口福快餐店

營業中

休息中

朋友們係太子街坊，由佢地帶路帶我食好嘢！炒蛋沙嗲牛肉厚多士 - 真係超正！ 炒蛋夠滑，更加要舖滿整塊厚多士！沙嗲汁夠地道濃味！牛肉爆多亦都好新鮮完全沒有醃製那種難食嘅口感！食完一份都好想再encore！星期日下午差唔多4點去到！好在唔駛等位就有得坐定定咁食！唯一唔好嘅係有啲阿哥阿叔會係房仔食煙… 如果怕煙味就可以買外賣食或者坐出面好啲啲！為咗食好嘢要忍耐一吓！下次要再試其他嘅名物！

舊式小食快餐店 港式風味!沙嗲牛肉西多士 $38西多麵面包上面加牛油練奶 切開聞到香濃沙爹汁味放滿沙爹牛肉既西多士原來係呢度既名物 沙牛既咸香,多士既脆口,練奶同牛油既香甜 一件多士,口感味道豐富!真材實料即叫即整，而且價格親民。流心芝士豬扒包等左十分鐘就有得食 上菜仍散發熱氣 非常香脆厚身 脆香既外層包住嫩滑豬扒同流心芝士,芝士味極濃郁!麵包咬落好鬆軟好惹味~最後係炸蝦熱狗,一隻熱狗包將肉腸轉成生菜同炸蝦,一樣咁惹味消費$100太子大埔道14-16號華都大廈地下1號舖

舊式快餐店💥冷氣沒有，只有風扇幫到你雖然身水身汗，但都要食點解…… 因為有非常邪惡嘅沙嗲牛肉西多士$45見相都知美味🤤🤤鮮油多$25嫌佢個牛油太薄 老娘覺得麻麻地👻仲叫咗2杯凍檸樂.. 爽呀

利口福快餐店 (太子)又點只係西多士禁簡單！舊式快餐店座位不多～嚴格來說只有兩張枱4個座位都好耐無試過咁樣下午茶啦😆沙嗲牛肉西多士 $38🎖🎖🎖🎖上枱炸時麵面包上面加牛油&練奶就咁睇點都係件平平無奇既西多士🤔但其實內有乾坤！一切開就會聞到陣好香既沙嗲味！陣香味呢～真係隔離枱都聞到丫！翻開件多士睇睇先見到入面放滿沙嗲牛肉😍沙嗲味濃牛肉嫩滑一d都唔韌👍🏻麵包薄身唔會太厚炸到有微微蛋香～成份比我一個人食哂😂😂一之過又滿足到2個願望～最多之後做返多d運動還債啦😎一般西多士多數會切九格～來到呢到對應返個環境氣氛！大家記住豪氣小小切4格！因為大件小小先夾到牛肉食嫁😂太細有幾格得麵包食，中間又太多牛肉唔夠麵包～記注啦！小貼士要豪氣！未諗到食咩Tea?咁就可以去試下啦！

我地叫左三樣野試1. 沙嗲牛肉包沙嗲牛肉味好正👍🏻🤤 好香花生🥜味肉質唔錯 軟淋淋 好易入口包就甜甜地 同埋係軟包 一開頭以為會焗到好脆點知唔係🤣 但咁既配搭幾好味 可以encore2. 流心豬扒包個豬扒真係有流心🤣 芝士味幾重豬扒又炸得岩岩好 唔會老左好硬豬味幾香 唔係臭豬呢個包就甜甜地 幾得意 同埋係脆皮👍🏻薯條正正常常 總括嚟講份量幾多 一個人食應該會好飽3. 沙嗲牛肉西多士本身係比個名吸引左 覺得幾特別上到望西多士樣🤣🤣🙈食落去就正常西多 係中間餡料變左牛肉姐都唔太需要試佢🤔醬 牛油太多 食落去都幾辛苦熱朱古力👦🏻值得一提，屬於苦味較重既朱古力，唔甜，個人幾鐘意👩🏻好苦 唔好飲凍檸茶👦🏻茶底麻麻👩🏻茶底夠特別唔鍾意飲檸檬茶人都可以一試凍啡👦🏻正常發揮👩🏻麻麻地

收藏咗呢間士多好耐，但因為離屋企都有一段距離，所以一直冇特登出去試，嗰日去一間Cafe途中竟然經過呢間士多，即刻諗都冇諗就坐低試一試佢。喺芝士流心豬扒包同沙嗲牛肉西多士之間掙扎咗好耐，最尾都係揀咗後者。即叫即整，上到枱熱辣辣，包煎炸得香脆，上面淋滿糖漿同牛油，非常邪惡。切開裏面有唔少沙嗲牛肉，但沙嗲牛肉方面我就覺得略為多咗啲筋，味道一般。整體好食嘅，如果再下次我諗我會齋叫西多士或者試吓佢個芝士留心豬扒包。順便一提，老闆娘人幾好，有問我味道如何閑聊兩句，所以先令人特別鍾情呢啲小店。

無意中睇到小肥介紹「利口福」呢間舊式小食店，聽個名就知係7/80年代啦😅，同我以前讀書買嗰啲螢光橙汁飯同出一轍嘅快餐店，小肥推介小店嘅主打除咗沙嗲牛肉西多士同流心芝士豬扒漢堡包之外就係我今日食嘅沙嗲滑蛋厚多士。三樣之中抽籤揀到佢，命中注定我今日要試呢一樣野。坐咗喺店入面高頓嘅位置隱約傳來陣陣嘅街邊牛雜味道唔知係唔係隔離鋪傳過嚟嘅呢嘢食加嘢飲$48好似有啲貴，平時我去開嘅大排檔都係30幾蚊，不過算啦試一試佢。上枱嘅賣相滑蛋真係好嫩滑，完全掩蓋晒下層嘅沙嗲牛肉，只係露咗少少洋蔥出嚟。細心地奉上刀叉方便食用，不過我一邊用刀叉切開，下面墊住果張油紙就因為有沙嗲汁順理成章咁一齊切開埋，仲唔小心一齊放埋入口😅真係唔知係我味覺變咗定係點呢？我真係食唔番以前沙嗲牛肉嘅味道。呢度嘅沙嗲牛肉係偏甜嘅，所以夾埋炒蛋同多士我本人覺得好似有少少唔係好夾咁。可能呢啲舊式快餐店應該真係要食返佢最傳統嘅漢堡包先至得下次俾多次機會佢試吓個留心芝士豬扒漢堡扒先。奶茶就一般啦，真係同大排檔沖嗰啲冇得比。

以前打拳🥊成日係隔離間小食店醫肚，但哩一間又真係未試過。見到咁多人推介哩間良心食店，我就一於黎試下。店舖充滿舊式風味，雖然店面細細，但選擇非常多，完全係一間茶記既餐牌。我就點左佢其中一款好出名既招牌。流心芝士雞扒漢堡 $30拎上手完全係熱辣辣🔥，連個包皮都係辣手，而且聞落好香好吸引。攤涼左一陣，忍唔住要即刻放入口。雞扒🐤外層扑上薄薄一層粉去炸，外表微微香脆，咬開入面既芝士🧀即刻流哂出黎，非常之濃郁。而且雞扒都好Juicy，肉汁隨住芝士相繼不斷流出，而且醃左既雞扒好入味🤤。哩個價錢食到咁高質既包真係值回票價。除左雞扒包，其實仲有好多野想試，下次一定再黎😋！

利口福快餐店的鎮店之寶，除了流心芝士豬扒包，今日打算先試另一名物—珍寶沙嗲牛肉包。必需要提的就是其靈魂—沙嗲汁，個人認為汁太甜，也只吃到大量甜味，當中只帶有 少少極微的辣味，沒有花生醬味，沙嗲汁也過於流質而欠缺口感，可能沒有下花生醬？另外，如可提高一點鹹度，應該可以平衡到其甜味。牛肉方面，份量還好，面的牛肉大多嫰滑，沒有根，但底部的就大多多根。　洋蔥也過生，不能帶出洋蔥甜味。而麫包更沒有可取之處，它只有底部烤得有少少香脆， 可以勉強入口，但整體包的質地一點也不軟熟，再加上大量的沙嗲汁，令其麪包變得太濕太笠。小店位置不算太好，位於小巷旁，店內不多，枱大多放在小巷。當天天氣不算太熱，所以環境還可接受。　但是服務態度則有大大改進空間，不要只催促收錢，當客人還在下單時

香港好多人都鍾意食漢堡，呢家不乏過江龍、本地既餐廳有漢堡食，西式既漢堡一般由幾十蚊至百幾蚊不等，不過其實食好食既漢堡包，港式漢堡都一樣唔會輸，好多都係真材實料即叫即整，而且價格親民。呢間利口福快餐店係一間唔起眼既小店、快餐店，係太子屹立已經有四十年，好有港式感覺，有一啲坐後巷，有啲坐店鋪內，外賣既人都唔小，夠哂地道，主打快餐，特色就係西多士可以自己揀餡料，其中最出名係流心芝士豬扒包、沙嗲牛肉包同沙嗲牛肉西多士，高峰期間沙嗲牛肉包每日可以買100個，如果夜晚去漢堡包可能會賣晒，得返多士。每個包都係新鮮即叫即做，所以外賣或者堂食攞上手都係熱辣辣，絕對係太子既名物。雖然佢係太子界限街，地理上好方便就去到，不過因為坐位小，有時黎到都要等下，甚或要同其他食客搭枱。店舖唔算大，連洗碗嘅地方都幾乎冇，可能因為咁，佢哋嘅嘢飲都係用紙杯裝，而漢堡同埋包上碟時會有一張隔油紙，省卻洗碗碟既工夫。裝潢欠奉，不過夠地道，裝修保留左懷舊香港味道，即使餐牌翻新過，歷史味都無被洗乾淨，歷久常新，廚房係半開放，所以可以睇到老細即叫即做食物。店入邊嘅座位其實得兩張枱四張凳，之後就喺後巷嘅枱櫈，都係兩張枱四張凳。餐廳嘅人手

午餐時間又到啦～～諗來諗去都諗唔到食咩好，走下走下見到呢間舊式快餐店的餐廳～ 睇到有我最鍾意食的野，馬上去食下😍其實平時都有去食開，但成日都係叫流心芝士豬扒包，所以今次叫個特別啲既食物🐮今次叫左份「沙嗲牛肉炒滑蛋厚多士」沙嗲牛肉香濃偏甜，仲有爽口洋蔥🧅炒滑蛋方面蛋味濃郁又夠滑，同重口味嘅沙嗲牛肉夾係嚟食，有中和左嘅感覺最後食埋吸收晒沙嗲牛肉汁的厚多士，爽😊 叫埋杯凍檸茶 不錯不錯👍🏻味道：5/5環境：3/5服務：3.5/5衛生：3/5抵食：4/5

作為沙嗲牛肉控，其中一間好食嘅沙嗲牛肉就係位於太子利口福快餐店，雖然鋪仔細細，在後巷隔離，但係難唔到佢出眾嘅沙嗲牛肉。今日下晝行過，叫咗兩個出名嘅包，流心芝士豬扒包，珍寶沙嗲牛肉包。留心芝士豬扒包因為外賣返到去公司就留心，咬開都仍然有留心嘅啲芝士溶出嚟都幾好睇同幾好食，但係可能凍咗，就冇乜特別比較正常。但係沙嗲牛肉包雖然等咗一陣先食，但係沙嗲牛肉嘅味道真係冇得頂都頭五名之內！沙嗲牛肉絕對唔係就咁溝一啲沙嗲醬出嚟，應該係牛肉同沙嗲醬一齊煮嘅，濃濃嘅味道好好食

太子名物了感覺比一般的沙爹牛高質太多每次都係order咗先即刻炒花生與洋蔥與沙爹的香氣立刻湧現牛肉爽滑翠口有肉味但不像是呢種用奔砂醃製出來的那種乾脆再放入軟綿綿的包裡好值得試試

行完糧街,男人話口痕想搵d 小食咬下,於是就黎左打茶聖地利口福,之前果餐都未落格,齋飲又唔夠皮,比男人發現到有沙嗲牛肉包,同埋天婦羅熱狗,咁搞笑,就試試佢.微暖麵包包住帶甜既沙嗲牛肉,一啖咬落去,醬汁洋蔥同牛肉係咀入面,係好食喎,好港式早餐A既感覺.到天婦羅熱狗啦,原來係炸蝦代替熱狗腸,配以生菜蕃薯同沙律醬,炸蝦香脆,蔬菜平衡油膩,ok 既,係覺得蝦既比例少左d(其實佢係正常size,不過夾埋其他野就感覺上少左XDD)$33蚊一隻包包,唔算好平,不過都幾特別既.下次試下其他.

由細到大都鍾意食茶餐廳嘅下午茶，除左雞翼薯條🍟，食得最多就係西多士🍞但沙嗲牛肉西多士 都係第一次食，估唔到一鹹一甜，味道會咁夾。不過略嫌唔夠脆口。至於流心芝士豬扒包 🍔包有烘過，不過就無乜特別。主角豬扒就整得幾好，外面脆口，內裡肉質仲係好juicy。不錯吃😋