利口福快餐店

營業中

休息中

細個喺附近讀幼稚園，公公婆婆成日帶我嚟食嘢，到大個一直都搵唔到機會嚟，終於今日可以帶埋我個仔嚟食🥰星期日早上9:30，已經有幾個人排隊，收銀姨姨超親切。珍寶沙爹牛肉飽 即叫即整，十分鐘左右。份量比我想像中細咗（又或者只係兒時覺得個飽好大😂），麵包夾住牛肉，好易會變腍，但呢個絕對冇，個包又熱又鬆軟，啲牛肉厚且大塊，但一啲都唔韌，仲好juicy 🤤今次嚟食嘅係味道，亦都係回憶❤️❤️❤️下次試埋沙嗲牛肉西多士先。