別府駅前料理 (已結業)

19/11/2005夜晚同老公行完街黎食.叫左5色刺身,手卷,壽司,拉麵,pizza+芝士魚餅.味道唔錯,刺身幾新鮮,熱葷既又夠熱.芝士魚餅真係好正!服務同環境都唔錯,不過鍾意荃灣多d.d位闊d!

一心想在旺角搵個環境不嘈及迫的地方同男友及朋友三人到此飯局,最後揀選此地! 原來要坐那些個室是要訂的,下次都要醒目d~我地坐非吸煙區, 都萛舒服,食物點了兩個拉麵,朋友要了滑蛋豬扒飯,味道唔萛突出, 但也也差, 奧海城店好似好d~小食點了bb蟹同壽司卷,兩者味道普通.........野飲, 朋友點了綠茶紅豆冰,佢話冇乜紅豆,我點了柑桔蜂蜜果酒, 好苦, 好似飲tequila咁....但坐了兩個鐘傾計, 都補番數!

我同個朋友一齊去別府食晚飯，果日唔係weekend，所以都無幾多人。因為我地要非吸煙區，所以要等。等左十分鐘，個侍應就好有禮貌咁問，可唔可以轉吸煙區，因為吸煙區淨得一枱係吸煙既，同埋每張枱都有野隔住，我地話ok。入到去果然張張枱都被三面牆隔住，仲有一面梗係用黎入去啦，入口一面有一道可"倘"既門。雖然就有d迫迫地，不過真係好有私隱。我地兩個人叫左一個滑蛋豬扒飯+ 牛肉火煱 + 薄燒牛肉卷+ 秋刀魚+ 白飯+ 2湯。個滑蛋豬扒飯都幾好味，而牛肉火煱都幾足料，薄燒牛肉卷都好野味，牛肉既質素都唔錯，薄燒牛肉卷(印象中)有成四"大"條，好抵食。除秋刀魚(有d腥)麻麻地外，其他都好好。咁既格局同質素，咁既價錢真係一d都唔貴。

因為舊同學生日, 所以去食, 因為cwb 那間別府不錯, 所以去食. 服務尚算不錯, 我訂6 人, 入了卡位, 豈料臨時多了人, 轉大時經理沒有面黑, 抵讚. 不過,為何食物細碟了那麼多…吃了不少啖還未填滿肚子.. 送給舊同學的蘋果雪很有賣相.

第一次去「別府」，係好多年前到尖咀果間食拉麵，感覺非常良好～跟住好多年都冇再去，直到發現雅蘭果度開左間新分店，唔止有拉麵食，所以決定去食一食。去過幾次，都唔係繁忙時間，侍應招呼、食物質素都係水準，價錢合理，所以對佢好有信心～因為呢個信心，於是岩岩果個Happy Friday（２９／７）舊同事聚會，我就首推左呢間旺地雅蘭別府，點知就"拉"晒野，令我顏面無存！！！早知佢好爆，而且係Happy Friday，我班舊同事又堅持要約晚上７點呢個黃金時間，所以果日day off既我就拍心口話去羅位先～我去到別府，已經６點９，想羅６人枱，門口個小姐話唔比位我，因為我唔夠半數，所以唔比我入。我好明白呢個道理，於是就響門口既長櫈度坐，諗住等我ｄ朋友黎先（有ｄ已在附近，１０分鐘內到）。點知一坐低，企門口果個小姐就同我講：「其實有張枱book左８點半，你如果應承我８點半埋單走，我可以比你入去先。」當時大概係６點１０左右，於是我問佢：「我ｄ朋友黎緊，約好左係７點，到時先羅位得唔得？」佢答我：「７點先羅位，咁你要等多一個鐘啦！」其實，我唔係好想入去，因為得個半鐘，仲衰過去食放題，但奈何轉場又怕搵唔到位，所以就應

今日3點幾同班同事上去雅蘭食下午茶,上到去到食閣都諗住去阿斯馬食特價下午茶,但係一行過別府個門口,就有個男仔係入面行出黎問我地係咪想食野,又問我地幾多位咁,見佢幾靚仔又幾有禮貌,咪入去試下囉。入到去一個客都無...驚驚地重以為係黑店,不過入到去見到佢一間一間和式房仔又望到條街,重有我最鍾意既天空之城同龍貓既音樂,勁正~都幾有品味~不過坐低D冷氣勁凍,又無d下午茶同定食,不過果個靚仔部長仔好親切咁同我地介紹食物同飲品。又同我地傾偈,D野食都唔錯既,不過貴左D,但係食完之後個靚仔部長仔請我地食甜品,都算低返。

約左朋友o係旺角食晚飯, 點知臨時要OT, 叫朋友揀定餐廳坐低等, 佢選擇左別府. 搞掂好晒d野, 入到餐廳已經差唔多9點, 朋友已經餓過飢, 即刻叫野食.1) 胡麻菠菜x 2 -- 我地都好鍾意日式芝麻醬, 所以追加一碟2) 蟹籽沙律x 2 -- 以為好細碟, 所以叫兩份, 黎到至知好大碗, 沙律醬落得好重手, 所以好夠味.3) 炸BB蟹-- 東京直送喎! 炸得好香口, 而且鹹味o岩o岩好, 正!4) 魚肉毛茄卷-- 夏日限定, 魚肉包住日本毛茄後炸香, 無乜味, 麻麻地.5) 炸蝦天婦羅-- 脆漿夠鬆而且無乜油, 另一推介!6) 京都炸菇豆腐-- 個汁好好味, 但係豆腐唔係日本貨, 唔夠滑7) 緑茶紅豆蛋糕-- 又係日本直送, $26一件仲細過件釀豆腐, 面頭只得5粒紅豆! 駛唔駛咁孤寒呀! 張相唔係咁嫁播! 成餐由前菜到主食都好滿意, 本來可以俾4分同笑面, 但係就係甜品上扣晒分!

今日約左班fd食飯因為大家都冇咩所謂最後見雅蘭有好多選擇所以就去左果度睇下勒最後嚮冇bk位既情況下我地一行五人都可以坐卡位而最好既係佢卡位設計係自成一角咁感覺非常寬敞傾計都好舒服好自由唔駛驚住比隔離檯果d聽倒而服務方面都幾好可能日日唔同掛^^因為我見之前d食評都話服務唔太好~但今日就真係幾nice個侍應姐姐仲有話邊d唔太好食比我地知而呢排原來攪緊星期一至四飲品買一送一但係送果杯一定係相同既要同埋壽司半價食物方面都過得去同一般日本菜差不多拉面飯類都係而拉面既辣程度就可以自己揀返一個辣椒既原來係完全唔辣既~^^整體來講都幾好因為環境真係令人幾舒服~

尋晚去左食飯，時間可能夜左少少，不過門口接待都好殷勤，心想這裡都應該唔錯，但最後兩個人嬲爆爆地走!先講食物。刺身併盤不個不失，普通料啦。金龍辣麵唔辣，唔緊要，因為我地食得辣但忘記叫加辣，唔怪得佢；不過叫"金龍"的炸蝦既炸粉唔得，係粉漿的成份問題。火焰露荀算是較好，但最大問題係"燒物" - 我真係未食過燒茄子及燒魷魚筒--係涷的!我地好相信佢係煮定係度等order就攞出來。其實唔緊要，但都俾番d誠意係微波爐叮完先出菜吖!食物普通，但最大問題，係Service/服務!我未試過要任何野要叫少過兩次先有! 先想轉張大枱，叫左一次話幫我check, 行左去後即失蹤! 五分鐘後叫過另一位侍應馬上成事; 問人攞七味粉，等成五分鐘都無人有意圖望下周圍d顧客;想叫多一碟wasabi，答左你好之後又唔見人!又要等成十分鐘食埋成碗金龍辣麵之後叫多一次先至到!最後叫左埋單，足足坐左係度十五分鐘都無人理!最後要大聲叫喝就立即用兩秒鐘時間送上單據!我地嬲到一毫子貼士都唔俾離開，仲馬上打入"永不再幫襯"之列!

昨晚9 點到去食，都幾多人，2人位等0左差不多4個字先有得食。叫完又要等成3個幾字先上到第一道菜，真係等到人都傻。我們叫的其實唔需要好花工夫，只不過是拉麵同豬扒飯加個燒餅，都唔知點解要等咁耐。仲要係等候期間，聽見有位女客大叫有蟑螂，跟住就見卡坐的三位女士吊高腳指著那隻蟑螂給侍應看，經理便拿紙巾去捉。看來別府應該注意下衛生，這次好在是地上發現，如果是在食物內發現，我想無論我幾肚餓我都會走law 。食物ok la，但份量太少了，我同個friend 都唔夠飽，最後都要再叫多個壽司。

係呢間野食過兩次dinner,d 芝麻雞翼仍然係最正,其他就普通,同埋份量少今次因趕時間的關係, 都唔係叫太多野, 兩個人二百有找

我叫左一碗金龍地獄拉面，侍應問我要邊個程度既辣（分１，２，４同６），我只係要２，但碗面我食左第一啖已經辣到個口火咁，仲要係慢慢辣番出黎果種，同食麻辣野冇分别，我隔左多過５分鐘嘗試食第二啖，食完真係唔想再食，但又唔想浪費，於是叫侍應比碗白湯我，終於都係食唔晒，因為我當時已經比佢辣到胃痛，我自問唔係唔食得辣，而且其他别府食過都係要２度辣，但明顯呢間既２真係辣好多，我真係唔知６度有冇人食得入口，果日食完成晚唔舒服，呢次經驗真係好unpleasant，我諗我唔敢再去。

份量細到要死, 連細路都食唔飽, 永不再到!

昨天細佬考完試，答應跟他出去吃晚飯。 在旺角蹓躂了一會，他說想去味千食拉麵，我說不如別府，因為味千勁多人排隊。上到雅蘭六樓，冇乜人，一去到就可以入去坐。翻開餐牌，發覺加了許多冬季食品，兩人先點了些小食，有忌廉粟米餅和木魚燒餅，個人較欣賞粟米忌廉餅，香脆的外皮裹著極稠的忌廉白汁，粟米只是得兩粒，伴碟的卻有一大湯匙，蘸點微辣的千島醬汁，幾好味；木魚燒餅太多粉了，味偏鹹，不過木魚真係鋪滿整個餅面；吃完小吃再叫了一個豆漿野菜鍋和一碗血地獄拉麵，豆漿鍋其實是貪新鮮叫的，發覺都係正正常常湯底好味得多，以豆漿作湯底，感覺有點怪，而且沒有甚麼特別；拉麵不錯，略嫌分量較細和牛肉較韌，但伴菜超多芽菜、海帶和粟米，正！ 其實還有很多冬季菜式想試，但因為人少，試不了那麼多，惟有等下次吧。

平安夜~大概6點幾到...接待個姐姐都幾有禮貌!入到去D裝修都OK!一格格好得意...個design幾好...可以lee埋一邊慢慢食野~傾乜都得...無人聽到...service都可以用''好''黎形容..汁野都幾快...jum茶都幾醒目!個個都好有禮貌...食物standard都ok!D麵唔錯...2人餐都算係咁!!希望食物可以多元化D!!