別府駅前料理 (已結業)

一餐滿意的晚飯, 除了食物的味道, 仲有要服務都好緊要, 相反, 一餐失望的晚飯, 就係因為食物唔好食而服務都唔好而做成的別府係一間日本的食店, 但食物就好港式了, 今次食一份壽司盛(松), 火地獄拉麵, 芝麻雞翼, 水準未如理想, 壽司盛的壽司好港式味道, 壽司飯lin得唔實, 味道唔夠酸, 魚生都切得好薄, 可能係因為價錢set得低, 將貨就價之結果吧, 味道比元綠的仲差少少地獄拉麵好辣, 要食辣的人都會覺夠辣, 不過味道偏咸了, 算係一碗很一般的拉麵雞翼的味道都幾單調, 雖說秘製, 但不是太可口一間好普通的食店, 沒有驚喜, 一個ok就係最好的形容

之前同朋友試過係屯門間「別府」食過一次下午茶...感覺就ok...因為每個人都係30幾蚊...而且唔錯稼...無試到sushi...但清酒煮蜆真係唔錯......所以今次到mk..見到有「別府」滿心諗住ok啦....就決定試一試啦...點知....好失望..同屯門個一間「別府」爭好遠....mk個間真係.....d味普通到好似茶餐廳.....我寧願去食大家樂都好過...d壽司又細件..又唔抵食...見到2杯飲品更加驚...巨峰提子..又貴又唔好飲.....如果真係想食日本野一定唔好黎呢一間呀....我以後唔會再去呀...

今晚約咗朋友去朗豪坊睇戲,睇戲之前有啲肚餓就去食d嘢,見朋友話別府三文魚刺身買一送一,咁就決定去食(因為我超鍾意食三文魚)。六點幾上到去都唔係好多人仲有卡位坐。點知入到去原來今日冇買一送一,(星期一至四先有,真係激死我喇)。不過冇辦法都坐低咗..................最後叫咗:chopstick ::三文腩刺身 (超正) : 三文魚刺身 : 炸雞拉麵(2辣) 原來2辣都好辣,不過辣得幾好味,可惜d雞乾咗少少 : 吉列芝士白魚棒 (一定要試) : 炒菜 (一般) : 燒三文魚頭 (好大個,抵食,仲要做緊特價) : 火炙三文魚壽司、甜蝦壽司、三色曼魚壽司 : 石頭飯 (正)雖然三文魚冇買一送一,但今餐都幾好,服務又唔差(加水都幾密,幾好禮貌)下次會再上去食,不過一定會係星期一至四(因為有三文魚刺身買一送一

屋企裝修﹐黎到旺角買牆紙﹐順便係附近食埋晚飯。上到樓見到別府做Promotion: 魚生買一送一! 壽司全部八折! (只限星期日至四)開頭比個超級窄既位我地﹐媽咪吾鐘意﹐所以換位! D侍應態度都OK﹐吾話俾面色我地睇! 2個人叫左以下呢D野食: 三文魚魚生(買一個Order送一個Order﹐都幾新鮮) 豆腐沙律 (清清地﹐個醬最好味) 穴子卷 (其實係饅魚卷﹐但係舊饅魚超細﹐最離譜係竟然加左D差吾多色既冬菇係入面﹐簡直係混水模魚! ) 野菌焗帶子 (一個Order三只﹐都幾大只﹐上面個汁好味) 蕃茄雞肉炒手打烏冬(見好多人都叫﹐所以試下﹐吾錯﹐酸酸甜天﹐幾開胃﹐份量足)除左個穴子卷外﹐其他都尚算滿意! 魚生買一送一﹐壽司8折﹐所以賣單200都吾使﹐算可以接受﹐不過D座位確實細左D... 如果要客人返轉頭再幫襯﹐可能要改善下D座位空間。

星期五又係假期前, 所以八點幾都仲好多人等位 ... 不過都吾係等左好耐, 店員帶我倆去了好細好窄既坐位 真係肥一點都入吾到個位 ...本來想點鰤魚刺身, 可惜賣哂了, 想點的清酒都沒有 .. 只好改了帶子同甜蝦刺身同另一支清酒. 另外點了 清酒煮蜆, 蝦天婦羅, 炸軟殼蟹.刺身很新鮮, 不錯. 蜆有點老, 味道普通. 天婦羅的粉太厚. 軟殼蟹被伴碟的生菜整到淋哂, 吾夠脆. 大吟嚷清酒不錯, 幾抵飲. 服務 OK, 但坐位真的要改善下 還有坐位同坐位間的間隔應加多點遮掩, 吾洗對望住陌生人食飯呢 ...

8:15pm 未入去個接待員已經講只準食到 9:45pm，入去坐好就Order，D份量好少，服務員又唔夠，叫2個服務員拿碗都無人彩好地，壽司勁細，炸物勁薄，牛肉勁細粒，甜品勁細，薄餅唔知咩味，只食到一團粉，份量好似比小童食，麵鼓湯和甜品都未黎，待應就密密加茶收我地的碗碟催我地埋單，服務勁差，叫埋單就勁快，有個 FD外賣食物要分單，竟然無通知就收加一，我地查單才發現同經理講，經理咩都唔知戇下戇下，擺明客人唔會查單，最後攪左一陣才退回加一的錢，埋單時我地 $1元小費都唔比佢地‧服務咁差點比得落呀？

家姐雖然唔食生野，但就好喜歡食日本菜，所以今年生日都揀左黎呢度。怕冇位，一早book左四位。黎到被安排坐係望彌敦道既望窗卡位，唔錯！今次都係叫左唔少野食：1)火炙沙律醬三文魚壽司(三文魚略為燒過，呈半生熟，魚味唔濃，亦食唔出沙律醬味，一般)2)吉列芝士白魚棒(外脆內軟，芝士味濃，必食之選)3)鹿兒島洋葱汁粟米片蟹柳沙律(清清地，仲有愛吃既粟米片，幾好)4)鹽燒三文魚腩(賣相唔錯，但個人唔太喜歡佢太淋既質感)5)滑蛋蟹籽蟹柳撈讚崎手打烏冬(烏冬煙刃，但味道很淡)6)土佐豆腐(似乎炸燶了，很乾，味道都唔係好夠，如果有醬點會好啲)7)雞軟骨棒棒餃子(一咬開皮同饀就分離了，味道尚可)8)蟹膏海鮮炒飯(又係偏淡，同埋碟頭略嫌較細）9)茄汁pizza(mini size既pizza好新鮮，脆卜卜，茄汁亦夠味）10)笨兔(士多啤梨+香蕉+忌廉打成既飲料，質感細滑，味道就好似細個時食既棉花糖，香甜味美）總括黎講食物唔算好標青，一般般啦，如果鍾意清淡既人可以一試。值得一讚係呢度侍應既態度真係唔錯，好耐都冇見過咁有禮貌既侍應喇，所以俾佢加分。不過想唔到星期日晚生意都咁淡，只得幾枱客，真係令人深深感受到金融

新一年第一日,同男友食別府我們叫了二人套餐:豆腐沙律 刺身(三文魚,xx,蝦)忘記 蝦卷 火焰牛柳(等了很久) 叫個男經理幫我追,一追無回覆,要再追) 南瓜,番薯天婦羅(很好食) 味曾湯(好咸囉) 慢魚炒飯(好多油) 雪糕(綠茶味)經常搵人加茶很難呢!!!!!不過侍應們很有禮貌.

三人睇戲前的晚飯, 六時許來到仍未見多人; 被編到廂房位, 氣氛不錯, 只是那道格仔趟門比較難搞。二人套餐 ($248)豆腐胡麻沙律 - 食味還可以, 不過份量偏少, 而且胡麻醬有點像中式冷麵汁三點刺身 (三文魚、吞拿魚、甜蝦) - 吞拿魚麻麻地, 其實兩款也是淡出個烏來金龍卷 - 即炸蝦卷, 蝦身自然是沒有味道的, 可幸壽司飯也未至於散哂炸芝士魚餅 - 魚餅都無味的, 而且芝士不多, 也是麻麻天婦羅北海道南瓜蕃薯 - 炸得算乾身, 甜甜的, 但蘸汁無味三文魚石狩鍋 或 火焰牛油陶板牛柳粒 - 友人揀了後者, 陶板上放了一團牛油, 侍應在牛油上點火, 瞬間燃起一團藍色火焰, 煞是有氣勢 (可惜我拍不到這精彩的一刻); 放下牛肉煎兩煎, 不消一會, 牛肉就熟了。至於我, 其實比較享受燒肉的過程, 而吃到放在一起燒的蘑菇, 充滿牛油的香味, 也很滿意了。鰻魚炒飯 或 豬軟骨拉麵 - 為方便分吃便點了鰻魚炒飯 (不過相信拉麵也會是分開兩碗上的), 鰻魚粒已混在飯中, 加入蒲燒汁一起炒, 幾惹味, 也不算多油麵豉湯 - 好淡喎甜品 - 綠茶雪糕 或 tiramisu: 前者普通, 後者雪的太實

今次叫左：三文魚炒飯 - 無（火農）味，夠乾身，有D雜菜粒，三文魚份量都夠，味道但我覺得普普通通！豬軟骨拉麵 - 湯唔濃，但好過味x拉麵好多鐵板焗帶子 - 唔油（利），但乾得濟，無在D肉汁燒餅 - 唔夠熱，唔通整定好耐？？好粉，椰菜都不夠多，除了椰菜，吃不出有其他材料牛肉金菇卷 - 少妹戒了牛，所以無食上菜速度快每食完一碟就立刻收碟，好有趕客既感覺不過食完都無乜口乾，都ok

星期日晚和女朋友到雅蘭別府食dinner女朋友見到餐牌有牛肉煱食，加10蚊有飯、湯等，向侍塵落左單後，侍應轉頭先話「公司」規定無得加10蚊換飯，於是我地便叫佢轉落雜錦魚生飯。我叫既石頭煱飯好快到，而買一送一的挪威三文魚刺身，當中有些黑色粒粒，淡而無三文魚味，這都算la，最過份魚生飯等極都未黎，等左成差丕多40分鐘，等到把鬼火這間別府要按鐘叫待應，按極又無人黎serve，搞到我要行出去叫取消個魚生飯和埋單走算個待應和經理跟住仲好無禮貌咁話我地都無落單叫魚生飯，話依家落番單未試過d日本餐廳服務咁差既，當著面落單都可以無落到單既花錢食到成肚氣!絕對唔會再幫襯!

去別府呢到試下佢個「冬之料理」三文魚係厚切一碟有5件...抵?現在又有買一送一,壽司又有八折鹽燒3文魚最正,波菜餅好食,地獄餃子辣辣地幾好味食野得---服務就yaap d 女店員埋0黎佢0地會扮睇你唔到, 埋到0黎的落單女店員會眼啤啤, serve 0野女店員雞手鴨腳, 叫佢幫你埋單的女店員就無0左回事, 等了5 分鐘發覺唔對路, 結果要yaap 過另一個店員再埋多次. 整理黎講,食物質素OK不過D服務就差D埋單連加一.見佢service 質素都咁低, 一毫子tips 都無俾到. 唉………

有日走上雅蘭搵食,經過別府,最後被那個"四人同行一人免費(或九折)的牌吸引了進去.首先要讚讚環境不錯,我們坐卡位很舒服,如能坐近窗就更正... 看看餐牌,有趣的是每種食物名稱都起碼有十個字;我決定點了個豬軟骨餃子乜乜手打烏冬窩(中間兩個字忘記了).這個午餐配有兩件壽司,味道OK,那舊壽司飯"實"了些少. 至於主菜烏冬窩則不俗; 烏冬軟綿綿,帶點煙韌之餘又夠彈牙. 豬軟骨很入味且很腍,腍到不似軟骨了,可惜只有三件... 餃子都不錯,不過放進窩裡有點怪,因為餃子被湯浸著,外皮變腍了...有別於其他日本店的午餐,這個餐並沒有麵豉湯;相反有一件西式甜品,而是日蛋糕是Tiramiu, 味道都幾好. 至於餐飲揀了柑桔檸檬; 飲了一啖,有點後悔,因為好明顯溝了水...對於這一餐很滿意,價錢方面$54加一; 一人免費後每人平均約四十元.

8點幾....上到黎....原本要我等位....萬般不願意下諗住走...點知又話有位....仲要係卡位....但係要求我十點還檯.....奇怪....兩個人....食左:XX 三文魚刺身.....XX = 唔知邊個國家...做緊 promote....只賣 $38...見咁抵..叫黎試下...但係個人覺得魚太瘦....冇食慣中間果D白色脂肪.....麻麻地唧.....三文魚炒飯.....上檯時仲冒緊煙.....味道OK吉列豬扒拉麵......估唔到個湯底又幾好味喎.....以後想食平拉麵可以揀呢間.....豬扒OK....食物整體 OK.....價錢算平.....即使唔係卡位個環境都好OK.....起碼乾淨企理.....埋單 $140....P.S. 侍應們勁有禮貌.....估唔到旺角區食肆都可以有咁高質素的服務...讚!!!

夜晚8點左右去到, 要等位.. about 40 mins拉..我同朋友2個人, 坐左D二人檔, 好得意, 因為好似好有PRIVATE :]叫左唔算太多既野食, 但都巳經飽lu..吉到豬扒拉麵, 個湯底唔錯豬軟骨拉麵.. sushi 2碟.. 蟹子 + 魷魚一個三拼既刺身 (甜蝦 + 三文魚 + 吞拿魚) 夠凍!炸BB蟹, 辣辣地幾好食~ 好似係咁多o野.. 埋單二百三.. 都ok :]service好快... d 服務生既態度好好.. 值得一讚一開頭等位等左好耐, 一有位個男經理就講左句 "唔好意思要你地等咁耐"所以都覺得好好~ ^^