別府駅前料理 (已結業)

好耐冇來過，星期六晚男友提議在這兒dinner。換了餐牌，多了十數款菜式，但有部份食品加了一至兩元，幸好有很多都依然不變。如常要了燒牛舌串和燒雞軟骨串，另外要了新出的肥牛滋養(手旦)(手旦)窩和一口芝士。牛舌串和雞軟骨串都明顯退步，火喉不夠，而且端來時是凍的>_<；一口芝士和肥牛窩尚算ok，吃完四個菜還未飽，便多要一客燒飯糰，燒飯糰燒得都不錯，但一夾就散晒，唔~~~是時候要重新來一次中期檢討了。

拉麵同壽司都ok, 拉麵仲有得加辣,所以好味d幾日前去食過,因為四個人,所以佢畀左卡位我地,道門仲可以熨開,感覺好得意,而且卡位坐得幾舒服不過人手唔係好夠,叫佢斟茶都叫左幾次先有人斟茶,依方面應該改一下

和民效應!!居酒屋如雨後春筍,本身做開拉麵的別府,開設幾間驛前料理,實行要與同行如敵國來分一杯羹,不過,若論環境舒適度,食物水準,前者似乎稍贏一仗!!那夜,下了幾道菜,但因忘記寫下,以致像被洗腦般,忘掉了所點菜式,只有一道什麼彩虹卷較有印象,只因食味較佳,其他的,味道只屬一般,暫不能有什麼代表作,使之回頭再惠顧,眇此店想加入戰團的同時,也能改善食味,令他朝有機會平反,本人或許擇日再來, 先其有否改之~~

單講碟炸雞軟骨的油, 多到我要再用紙巾吸油. 都知和民好D.侍應寸到死.註: 鄰檯的湯麵由'小辣'變'大辣'

之前去過幾間唔同的別府，野食同裝俢都麻麻地，今次新開的雅蘭別府則煥然一新，裝修同格調都一流。有獨立"卡座"，兩個人的枱會放於一間"小房子"咁，好有私人空間，燈光又夠情調。其他組合的人數也有獨立的"卡座"。吃了個刺身飯，好新鮮好美味，但份量不及在德福廣場吃時那樣足料，那時刺身大大件，好正。

今次和友人同去，發覺水準都keep得住，可喜可賀。這晚試了新菜式︰鐵板牛油燒焗腸伴德國腸(好似係咁)，由於對牛油有敏感，所以不知道味道如何，但友人就覺得ok，但一定要即刻食，否則牛油會凝固。跟著應侍應推介點了黑豚肉鍋，湯底好掂。但略嫌份量少了點。至於串燒同其他食品都尚算不錯，燒得很香口，但串燒味道偏淡，是美中不足的地方。其中枝豆餅同地獄餃子係今次的新驚喜，辣者一定會喜歡。若同<和文>比較，別府真係掂好多！

係呢片洋食居酒屋的熱潮下, 正在淘汰邊緣的別府都搞下改革!!星期日八點,係雅蘭六樓來說唔算多人啦,只係等二張票.一入去,嘩!!落地玻璃四人卡位,勁望nathan road, 重有二人L型sofa密室(密室緊係無view啦),裝修完全唔同晒,幾鬼靚,唯一係路邊gap位,好有機會發生"差錯腳"情況,大家小心!!食物方面,種類更新了,但我決定唔會係度order壽司,所以order了一客血池雞肉湯麵($58),芝士魚餅($28四小件)炸雞軟骨碎($38一碗)燒烏賊($38)軟殼蟹手卷($25)個場都係坐滿,但上菜都重好快,湯麵辣度有1,4,6同8度,我叫4度,諗住無咩料到之際,嘩!竟然都幾辣下,好在無叫6度,料有紫菜,粟米,炸雞件四件,但係個麵都無未煮淋便來,有些麵重係一舊舊貼住......燒烏賊同雞軟骨碎都係一般水準,無咩特別.軟殼蟹比元氣的小,同埋個炸皮好怪,都唔係日本炸皮,似平日個d麵包糠咁.芝士魚餅重怪,都唔係魚餅,好似一舊cream加上芝士再炸咁,毫無魚味同口感,水準太差,唔掂!!service都得,加水快,waiter多及算醒目,都可以一去

拚著一試的心態來吃Dinner，發覺服務同食物都幾好，serve我o地個waitress仲好醒目添。抵讚！個晚點左多款菜式，最好味的是串燒，雖然味道略淡，但師傅的火喉控制得宜。雞軟骨、牛舌、七味燒魷魚筒都係推介，仲有� 揚物(試過野菜卷同芝士魚餅)都不錯，下次會試佢其他食物。