初見 (已結業)

💕初見之前聽朋友提過呢個咁有意境嘅餐廳名，一直好有印象，最近留意到佢地在旺角開咗分店，夠晒方便我呢個九龍區嘅朋友🤗午餐餐牌有日式定食🍱、咖喱飯🍛石燒牛，亦有意粉🍝選擇幾豐富.🌈特選海皇蟹刺身丼💁🏾‍♀️帶子 松葉蟹肉 吞拿魚蓉 蟹膏 海膽 午市時段以$98嘅價錢食到咁豐富嘅刺身丼，性價比唔錯🥰松葉蟹肉份量慷慨，一絲絲鮮甜蟹肉襯托黃金色嘅海膽，賣相吸引🦀帶子厚肉鮮甜，吞拿魚蓉加上蔥粒，一啖食到兩種香味，配合得好好👍🏽 最鍾意嘅通常留待最尾至食🤣蟹膏鮮味十足，再加上粒粒蟹子，啖啖都係幸福嘅味道🥰

今日放工過咗嚟旺角試呢間裝修新穎嘅日式餐廳。一行入間餐廳感覺已經好舒服同乾淨，侍應服務都好好，好有禮貌。自己一個只係叫咗一個飯，食完都好有驚喜。北海道帶子黑松露意大利飯有兩大大粒帶子，好鮮甜，質感爽口彈牙，完全唔靭，黑松露味超級濃，意大利飯既質感都好好，絕對做到意大利飯應有嘅飯質！估唔到一間日式餐廳都做到意大利餐廳水準！餐牌都有好多其他選擇，有火鍋、石燒、壽司刺身、烏冬，下次有機會約埋朋友一齊嚟，試更多菜式

經濟實惠, 價錢合理, 質素幾好魚生夠凍, 一個lunch set 夠飽肚 大大份有埋野飲 👍🏻 拉面好大碗 料又足 先68元服務態度好好 會再光顧🥰店面雖小，但坐得舒服 最仲要夠乾淨

之前一直見唔同嘅Foodie 都有推介過呢間位於荃灣嘅日本餐廳，初見🎌但因為真係好遠嘅關係，一直都的唔起心肝去食🫠最近有一日睇Openrice 嘅時候意外發現到佢哋喺旺角都開咗分店🍱🐂初見香草吉列牛 今次+ $8 要烏冬係一個正確嘅決定🫡，有豬骨濃湯之餘，烏冬仲要係彈牙嘅，同白飯比，呢個一定冇咁Dry✔️ 吉列牛味道偏淡，薄切，份量大概有11 小片，一啖一塊🍲安格斯牛肉鍋配飯如果想食得健康啲，清淡啲，呢個鍋都幾適合你🙂湯底以味噌湯作底味，有唔同嘅蔬菜同嗚門卷作為配料🌱而呢度嘅主食都係自己放落去，咁就唔使擔心牛肉呈上嚟嘅時候已經過熟

最近發現荃灣好出名既日本餐廳初見，響旺角開左新分店。以前響荃灣返工時已經成日食，野食又平又好味，新店都keep到水準，晚市客人唔太多，坐到好舒服。>安格斯牛肉鍋：我數過有6大塊安格斯牛肉，牛肉脂肪分佈分明，冇乜雪味，其餘配料都幾多，有名門卷、獅子狗卷、芋絲、豆腐&超多椰菜，另外可揀配飯定轉配烏冬（+$8）烏冬彈牙又滑溜，好味！>日式鐵板煎餃子：餃子煎到微微金黃色，食落香脆多汁。>櫻花蝦海鮮豚骨湯拉麵：豚骨湯湯汁呈乳白色，味道鮮美，材料好豐富，有青口、原隻海蝦、蝦仁、帆立貝、煎三文魚&櫻花蝦，好開心有好多櫻花蝦，補鈣一流，食到好飽，大滿足。拉麵+$38升級套餐，會有埋湯+刺身，好抵食！>刺身：有三文魚&油甘魚，三文魚肉質細嫩冇腥味；油甘魚肥美，魚身脂肪多。>日式麵豉湯：食日本菜會有既湯，味道正正常常。>熱茶：玫瑰花茶好香，味道甘甜，有美容養顏既功效🥰

今日去左旺角行街，發現呢間小店，初見。個名都幾特別，人生若只如初見，會好珍惜第一刻既見面或者第一刻多數都係最美好～門口裝修得幾靚，有少少似台灣咁，睇埋個Menu都幾抵食🤓呢度都幾多種類，除咗有自己燒吉列牛之外，仲有鍋物、壽司、等等…-初見香草吉列牛（配白飯）$138通常喺出邊見到都係普通炸粉喺外面，但呢個係綠色，覺得幾特別就叫咗，其實佢外層係香草整嘅炸粉，有少少香草味，牛嘅質素都唔錯，都算幾嫩，冇筋😋自己燒保持住每一啖食嘅都係最熱辣辣既整咁好食🥰佢仲有啲醬同鹽可以點，我自己都係最鍾意係鹽，可以帶出牛嘅鮮味😚仲有佢隻溏心蛋，醃得超入味勁好食😍-安格斯牛肉鍋(味噌湯配白飯轉讚岐烏冬）$96我覺得牛肉鍋梗係要配讚岐烏冬㗎啦🤣所以加咗錢轉烏冬😛佢哋用咗味噌湯做湯底，所以連啲湯都可以飲埋😆入面都算幾多料，有豆腐、娃娃菜、金菇、冬菇、鳴門片、蒟蒻、獅子狗～本身就咁打邊爐咁食啲牛肉都已經好好食，因為我朋友叫咗個吉列牛有個爐喺度，所以我用埋黎煎牛肉鍋嘅牛肉，咁就有兩種食法啦😆😆

好耐之前係荃灣食過佢嘅漢堡得知初見係旺角開咗新分店就嚟到試下佢嘅<招牌>初見香草吉列牛🥩初見香草吉列牛(配白飯) ($138)吉列牛油脂均勻 由一層厚厚嘅香草包裹住香草味淡淡地 唔太食得出 點佢嘅醬汁同鹽 味道會更出牛嘅份量都幾多下㗎 食曬啲飯都仲有剩另外亦有一隻溏心蛋🥚 唔會食到好寡🍲安格斯牛肉鍋(味噌湯配白飯) ($88)牛肉鍋材料都幾多種類仲有名門卷 獅子狗 芋絲豆腐 金菇 白菜 🥬🍄2個餐都追加咗刺身&日式麵豉湯&飲品(+$38)刺身有三文魚吞拿魚同帶子🍣食落都幾新鮮 完全滿足曬我哋一次過想食曬刺身燒肉邊爐的心😋飲品： 英式伯爵果茶, 熱柚子蜜

今日去左呢間新開既餐廳食午飯，位於旺角上海街，個名叫初見，好詩情畫意！呢間係做日本菜，午市餐牌有洋風/漢堡，和風/咖喱飯，鍋物，日式豚骨湯麵，刺身/壽司，同燒物。價錢大部分都係$100樓下，包熱茶/凍飲。另收加一。今日每人揀左一個餐。廚師發板初見壽司盛10件 $108 另收加一廚師發板初見壽司盛10件上枱時居然用乾冰製造烟霧效果，好驚喜！10件壽司有帶子，甜蝦，赤貝，北寄貝，油甘魚，立魚，三文魚，鯖魚，蔥花吞拿魚蓉軍艦同三文魚籽軍艦。刺身質素普遍及格，赤貝脆口，吞拿魚蓉滑溜，鯖魚就酸酸哋又多汁。仲有兩片玉子同青瓜。飯握得夠實，質感偏濕潤同黏，飯量夠飽。伴有酸薑片，檸檬同wasabi。呢個壽司盛都好有誠意。三文魚蟹籽刺身飯 $68 另收加一三文魚蟹籽刺身飯有6片三文魚，好多脆口蟹籽，蟹柳一條同玉子兩片，仲有青瓜。飯上面已經加左飯素，都夠味。伴有酸薑片，檸檬同wasabi。呢個刺身飯都抵食！凍柚子蜜，忌廉（跟餐）凍柚子蜜甜度適中，夠解渴。忌廉係罐裝。自動送上飲管。座位舒適，位置方便，午市套餐價錢唔貴，可以一試。

平時食開荃灣店，呢間旺角店係新開嘅，裝修格局餐牌同荃灣店都差唔多，好似闊落啲，但呢間有加一荃灣店好似冇，之前嚟通常都食吉列牛，今次試吓其他嘢~🔘初見特上豚骨湯拉麵 $88一嚟到賣相麻麻地靚，但食落就覺得佢好有內涵，好多餸，非常多肉肉，有兩大塊叉燒，薄切半肥瘦好食，仲有份量唔少嘅牛肉同軟腍腍嘅豬軟骨，配菜有紫菜、蔥、筍、粟米、海帶同蛋，湯底同拉麵都啱我心水，唔錯唔錯!! 🔘日式咖喱吉列豬扒配白飯 $80 豬扒肉質軟熟唔會炸到好乾，脆卜卜炸粉唔太厚，咖喱係日式甜甜地，有紅蘿蔔薯仔粒粒，好多咖喱汁一定夠撈飯!! 食物質素一如以往地唔錯，拉麵有驚喜~

黎左一間日本餐廳叫初見，環境都幾靚，牆上有植物風格，食物選擇都幾多，落單方便用qr code落，打邊爐同燒牛肉為主打，我同朋友叫左一個石燒香草牛肉，一條條好多片既牛肉片俾綠色香草外層包圍住，先放牛油落石燒，之後再放牛肉片落去燒黎食，味道外脆牛肉肉味都幾濃，點埋d醬，有得玩又有得燒，配埋溏心蛋好流心，跟餐仲有麵豉湯同帶子刺身三文魚刺身加埋檸檬汁幾fresh,都係$38，再叫左碟三文魚六片厚切都幾抵，仲有飲品跟餐。

好耐冇寫食評，今日經過旺角，咁啱見到佢，令我想起當初第一次見到佢嘅時候。。。佢就係‘’初見‘’記得佢開嘅時候喺荃灣好入，一個不起眼的地方。味道已經記不清楚。。。之前都有想去荃灣食，但每次都排曬大隊，今次見旺角冇人，即刻入去回憶下。原來只系啱啱開張幾日， 咁就要大大力支持下！！講番食物先 ，叫咗個青瓜蟹籽沙律，好爽脆，唔似食緊青瓜幾好味。仙氣刺身拼盤， 打卡一流！！味道正常。D小食就正正常常，即叫即炸好熱！！原本諗住叫人氣No.1 香草吉列牛，但話咗要大大力支持，梗係要叫返啲最正嘅牛肉！！極上澳洲和牛西冷$288。一個字，抵！！！比預期中大塊，肉質幾好。自己燒到比較熟都好淋！ 自我感覺良好日本A4和牛西冷$458。油花靚，也是比預期中大塊， 性價比幾高，包括配菜南瓜同雜菇，仲有碗白飯。兩個大男孩非常滿足十分飽肚。整體感覺良好，只是人不夠多沒有什麼氣氛，但又怕人多好似荃灣咁排曬隊 矛盾只因深愛著😅😅地點比荃灣方便，值得一去。 但留意返，店員說旺角收加一服務費！荃灣就冇

星期五在旺角交收完，在上海街路過一間日式火鍋店，「初見」原來是洋日fusion 餐廳 ,有洋風，和風，煱物，燒物，刺身壽司拉麵等多款選擇..於是決定入去一試😜「初見」店舖不大，但地方都寛闊，而且裝修帶大自然feel, 坐得舒服😁初見特上拉麵，有叉燒，牛肉，豬軟骨…叉燒豬軟骨好軟諗，好入味！拉麵有咬感！加$5轉地獄湯底，夠惹味😁雜錦海鮮，龍蝦湯底配白飯…轉讚岐烏冬加$6，龍蝦湯越滾越濃郁，龍蝦味好香..海鮮有鮮蝦，青口，扇貝，墨魚，蜆肉等，份量足！讚岐烏冬夠煙靭！

荃灣有間幾受歡迎嘅日本fusion餐廳，最近終於開咗嚟旺角，大胃可以再回味一下喇喺荃灣食過呢間兩次，都冇正式食過佢地嘅刺身，升級至套餐有四片刺身送，塊塊都勁厚切，鮮味超濃郁除咗刺身，仲有味道溫和嘅西式湯同埋一杯熱飲，柚子蜜都唔錯大胃作為刺身控，齋食刺身當然未夠喉，海膽三文魚丼，唔係就咁撻啲刺身喺白飯就算裡面嘅係飯素，啖啖飯都好滋味，三文魚同樣係厚切，油香滿口，海膽幾新鮮，果然係季節性胃民未試過呢間，大胃都係推介佢食返招牌嘅香草吉列牛肉質嫩口，外面包上脆身香草吉列皮，夠晒特別開頭可以用牛油脂搽吓塊石板，然後燒到熟熟地又唔好太老，就會滿口幸福，仲有溏心蛋跟餐，更加幸福