影片
附加資料
入座起60分鐘用膳時間。人齊入座。
另設包場服務（星期日至星期四）10位起上限16位，最低消費$250起 (自成一角)，有意可聯絡。
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
有關獎賞計劃
相關文章
兩日前已經through OpenRice book咗枱同女朋友食夜晚，本身睇啲review都唔差，所以先一試。.七點入到去攞位嘅時候場面都好full嘅，一嚟到waitress就叫我哋坐樓上，所以就冇特別再問坐返樓下得唔得喇。結果上到去，個裝修同下面完全唔一樣，非常簡陋，牆又白、燈光又白，好似返大陸啲餐廳樓上閣仔食嘢咁，完全唔係居酒屋應有嘅氛圍。.跟住坐低一揭開menu，個menu上面有兩隻卜泥蟲喺度躝，食慾更大下降，即刻覺得呢度衛生都唔多好。無奈星期六日呢啲鐘數去其他餐廳都要等，我哋都費事轉地方照落order了。女朋友嗌咗個香草吉列牛，我就嗌咗個安格斯牛肉鍋，我哋兩個都係有湯同飯，先唔講本身啲嘢食都遲上，偏偏碗白飯就遲遲都未到，中間waitress都有主動上過嚟講話飯會遲上，但過咗半個鐘之後再催都係冇，結果係由落order後嘅五十分鐘個waitress先嚟同我哋suggest 轉拉麵，因為個飯仲要再等😑.一句講晒，就係經營得唔好所以要靠俾錢上media招客囉😑.食方面其實啲嘢食已經係好普通，香草吉列牛冇大家所講嘅咁好食同特別，牛鍋都係average level，但價錢ok所以都覺得可以嘅。.但最大扣分位真係個環境。其實你地方細，做唔到咁多客就唔好夾硬做。你想做多啲客又求其整樓上位，食客嚟到好難唔失望啦老實講，俾著係其他食客見到要坐樓上都即刻調頭走。更何況係你根本就唔夠人手整咁多客嘅食物，要啲客坐喺咁嘅環境等你咁耐。.香港地俾錢食飯不嬲都係食舖租，只能夠話呢個價位嘅日式嘢喺香港有plenty better options。
繼續閱讀
我地比較早食 6pm就去到一入門口係冇客望住個waitress好似死老豆咁已經冇乜胃口問佢坐邊又唔出聲淨係手指指你成場空位啫 都可以管理下啲人坐邊掛？問佢有冇廁所又好似得罪佢咁唔怪得個個返大陸食嘢，起碼人地服務好嘢食就正常味道冇其它食評講到咁正環境方面，冷氣唔夠，大佬，依家夏天呀，開咁細不如你慳返咪開啦本身想食啲鍋物或者鐵板但咁焗食唔到唔推薦嚟受氣另外如果老細你睇到 建議你請啲人係識笑識講嘢，唔係黑口黑面手指指
繼續閱讀
之前都見唔少人介紹過初見，咁多好評但星期日晚居然唔full，計埋我地得三枱人，夜晚8點起OpenRice訂仲有88折！食物選擇唔算特別多但都有唔同種類，吉列牛係其中一個人氣之選，炸得好簿唔怕太熱氣，牛夠juicy，係好食嘅明太子釀雞冀 - 有少少辣非常惹味帶子Risotto係正常發揮軟殼蟹卷油廿魚刺身 - 厚切夠鮮味好滿足最後叫左個南瓜餅冇影到相，諗住無咩特別點知又幾好食，南瓜好鮮甜好林埋單每人百幾蚊，晚飯真係好抵！可能小店缺乏人手所以無咩服務可言，但以呢個價錢食物味道算好出色，有機會會再黎
繼續閱讀
朋友第一次帶我來這性價比高的日式餐廳，叫左個魚生飯套餐，大大碗好滿足😋魚生多到蓋過哂d飯，勁多吞拿魚蓉，三文魚刺身肥厚多肉，果然好介紹👍🏻朋友叫左個鰻魚飯，好大條鰻魚睇見都流口水🤤未食過咁性格比高的don飯，一定會再黎！
繼續閱讀
【旺角•初見】@ππππππππππππππππππππππππππππππ旺角抵食lunch餐廳 多元化選擇仲有好多後生仔幫襯原條蒲燒鰻魚配前菜及白飯 98$鰻魚的肉質很嫩滑，絲絲入味，並有著豐富的天然油脂，使得每一口都顯得非常潤口且風味絕佳。這樣的蒲燒鰻魚與簡單的白米飯相組合，則能讓人更純粹地體驗到鰻魚的美味，米飯的溫熱與鰻魚的馥郁味道交織在一起，既能彰顯鰻魚的豐饒口感，又能通過米飯吸收多餘的油脂，使整體風味更加平衡。餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 100✨✨✨✨✨✨✨✨✨✨✨✨✨#旺角美食 #初見 #web3旺角初見旺角上海街511號地舖
繼續閱讀