初見 (已結業)

好耐之前食過荃灣店，當時見到個名就覺得好特別，今日喺旺角四圍行竟然見到呢間分店，就捉住朋友衝左入去食！點返店舖嘅signature初見香草吉列牛定食，有白飯同溏心蛋，再追加升級套餐，有刺身同湯品，感覺更加滿足！將吉列牛放喺燒熱嘅石板上面，好快就燒熟，綠色香草外層顏色吸睛，邊位脆卜卜，中間軟嫩又有牛肉味！另外一份季節海鮮鍋加少少錢轉烏冬，估唔到烏冬分量十足之餘，仲要本身已經有鮮甜湯底，而海鮮鍋本身配有龍蝦湯，真係雙重滿足！80幾蚊嘅海鮮喎有三文魚，帶子，蝦，青口，仲有什錦海鮮，性價比高！整體感覺同荃灣店差不多，呢間分店更加新淨濶落，坐得舒適！

The photos are really attractive and innovative, especially the herbs cutlet beef. However the taste and favor is really good, just so so. I also ordered the seafood hotpot which I think is better than the beef.The octopus balls are not good, can’t really feel octopus.However the milk tea tastes good and really strong, be careful if you are sensitive to caffeine.

今日收工又過旺角搵食，日式、韓式燒肉就食得多，但吉列牛就唔係到到有！之前係荃灣見過「初見」，好多人幫襯，而家係旺角開咗分店，甘就腳當然要去食下！我哋未夠七點已到坐低，好彩唔洗點等，七點半已經坐滿人。舖頭樓底高感覺幾寬敞舒適，可以因為呢度都有做火鍋，每張枱已經有細電磁爐。初見香草吉列牛（$138）鮮紅色嘅牛扒外面包住綠色香草吉列皮，顏色配搭好靚，上枱時石板已預熱，唔洗等就可以即燒！然後用牛脂均勻石板後就可以放上牛肉，因應喜好燒到適合嘅熟度就食得，定食配溏心蛋、白飯，有得逐塊燒再熱辣辣放入口都幾正。日式咖哩炸魚柳配白飯（$80）炸魚柳幾高質，外面香脆，魚肉結實好味，配埋日式咖哩甜咖哩，唔覺意就食晒成碗飯！另外配菜仲有麻醬沙律，食埋就去除炸物嘅膩！如果覺得唔夠仲可以加$38升級做套餐，有刺身、湯同飲品！

初見（旺角）好耐冇食日本嘢，今日就去咗旺角嘅初見。食物種類好多，環境都好舒適。仲有爐端燒添，不過我今次就食咗一碗拉麵同飯。櫻花蝦海鮮豚肉湯拉麵 $80 材料十分豐富，有蝦、扇貝、青口、魷魚、海鮮筍、粟米粒同埋兩片紫菜。店員話會因季節來貨，而材料有所改變。豚肉味香濃，一上菜香氣就撲鼻而來。拉麵都好掛汁入味。啲海鮮都好新鮮啊，魷魚好彈牙鮮蝦都好爽口！季節海鮮鍋龍蝦湯 配白飯 $88鑊底有菜、豆腐、冬菇、金菇、芋絲同竹輪。勁足料，龍蝦味好濃郁，食落好暖胃。啲蔬菜煮耐咗再食都充滿新鮮嘅海鮮味。呢個鍋加$38仲可以升級做套餐，包埋刺身、湯同埋飲品。我就試咗三文魚加立魚嘅刺身，同埋南瓜湯。刺身好新鮮同埋肥美，切得到夠厚夠鮮味。而南瓜湯就好鮮甜，讚！

《如若初見吉列牛🌞》———————————————-#初見🍀-人生只如初見，個店名好有詩意，連啲野食都好高質～呢間位於旺角上海街嘅吉列牛小店，靜中帶旺，都幾隱世😌-💚 初見香草吉列牛佢個賣相好特別，個樣青BB咁樣，綠色嘅香草吉列外皮香脆🔥 先用粒牛油熱一熱個鐵板，再將一塊塊嘅吉列牛放落去燒，兩邊輕輕燒一陣就食得👍🏻 可以自行控制生熟度，好食又好玩🤣牛肉脂肪分佈平均，牛味濃郁有咬口，加埋溏心蛋同白飯一齊食，好滿足😚-🤍 野菜豆腐鍋食咗咁多肉，我哋就嗌咗個火鍋野菜豆腐鍋balance一下😝 原鍋咁上熱辣辣，湯底清甜，亦相當足料，有香菇、豆腐、芋絲、雜菜同鳴門卷🍥，配埋白飯一齊食都好飽😙-⭐️價錢參考：初見香草吉列牛：$138野菜豆腐鍋：$68🍌抵deal 指數：7/10💰人均消費：$100

📍#老屎忽係旺角#oldszefood #老屎忽 #老屎忽食飯 #老屎忽搵食 #老屎忽都要OT #旺角旺角點比起荃灣相對上細，但係有兩層，而且樓底幾高 坐得好舒服 以後嚟到旺角想食鍋物可以揀初見😌🐮安格斯牛肉鍋 ($88) + 升級套餐 ($38) 依個牛肉鍋真係好抵，有四至五大塊牛肉，而且個鍋好足料: 豆腐, 芋絲,本菇, 娃娃菜, 應有盡有🤣 我仲加$38轉套餐 有刺身同埋南瓜湯 刺身有帶子三文魚同劍魚 確實好抵食唔鍾意食飯嘅人，可以加$8轉讚岐烏冬🥰🐮美國安格斯雪花牛，配白飯野菜 ($168) + 升級套餐($38)店員提醒我哋可以燒咗野菜先跟住先開始燒牛 啲牛大概有八至九細塊 肉質嫩滑，而且有牛味 正😎初見 (旺角)📍旺角上海街511號地舖

抵食旺角の石燒吉列牛🐮雖然睇個樣，應該似就嚟通關可以飛得，不過應該都有段時間。又係時候過去日本癮，突然間醒起喺日本食過嘅石燒牛。見初見喺旺角咁方便嘅地方開咗分店，就梗係去試吓啦🤭一Set定食咁放上枱個感覺番既黎，佢個牛可以自己燒調教個熟嘅程度🔥，香草味唔會太大冚過個牛味。舖頭其實仲有好多嘢揀，仲有鍋物，每個枱上邊仲有個電磁爐，可以一路熱住食，唔會食食吓凍哂。我哋仲嗌左個期間限定嘅磯煮鮑魚，同真係有個好邪惡嘅邪惡粗薯條🍟。超多咸蛋黃，多到可以要嚟撈飯，一流👍🏻推薦度（10👍🏻滿）：7.8👍🏻滴汗度（10😅滿）：不適用衞生（10⭐️滿）：8⭐️環境（10⭐️滿）：8⭐️賣相（10⭐️滿）：8⭐️味道（10⭐️滿）：8⭐️價錢（10⭐️滿）：8⭐️服務（10⭐️滿）：7.5⭐️地點（10⭐️滿）：8⭐️［初見 (旺角)］📍旺角上海街511號地舖#石燒 #鍋物#晚餐 #晚餐吃什麼 #晚餐時間 #食飯 #推介 #美食 #美食推薦 #美食日記 #dinner #dinnerideas #dinnerrecipes #dinnertime #foodgasm #homemade #hkfoodshare #discoverho

旺角新開咗一間日料店，價錢唔貴，夜晚唔好食太多要減肥，咁試試啦。店鋪裝修得幾溫馨，鋪頭唔算大，得10張台左右，估唔到晚市都好FULL，坐咗9成滿。嘢食都幾多選擇，有火鍋，壽司，小食，咖喱等普通日本嘢。今次揀咗安格斯牛肉鍋，炸明太子釀雞翼同三文魚沙律。三文魚沙律好大一份，品種好豐富，有沙律菜，粟米同三文魚。沙律菜好新鮮，沙律醬比得好豪氣，每一啖沙律都FULL哂醬汁，好好味。炸明太子釀雞翼一份有3隻，雞翼燒得啱啱好，雞皮好香口，咬開爆哂汁水TIM。雞翼同明太子真是好夾，唔洗點醬已經好夠味。每張台上面都設置有電磁爐，牛肉鍋送上來可以開始煮，估唔到88HKD牛肉鍋搭配啲牛肉勁大一份，仲大過果隻鍋。一碟牛肉有6件，每件都長過巴掌，電磁爐唔似酒精爐驚冇火，可以慢慢涮黎食。牛肉質素好高，食落好彈牙同埋好重牛味，真係好驚喜。牛肉鍋配料都好豐富，有魚糕，豆腐，魔芋絲，香菇同白菜，仲搭配埋白飯TIM，食完真係飽到唔記得要減肥。最後埋單200幾，晚市價錢黎講真係唔貴，以後可以再encore!

之前喺荃灣食過依間覺得幾好，估唔到喺旺角都開咗分店！野食基本上同荃灣嘅差唔多，選擇都好多，有石燒牛、壽司、拉麵、連意粉burger都有！叫咗個安格斯牛肉豚骨湯拉麵($70)，個牛肉肉質厚實，牛肉味香濃，湯底夠味，好飲得黎飲完又唔會太口渴。本身驚豚骨湯配牛有少少奇怪，但係食落又唔覺！之後叫咗個蟹籽三文魚刺身丼（$88），性價比相當高，三文魚雖然唔算厚切但入口口感都唔錯，夠滑，味道亦唔會腥！嘢飲簡簡單單叫咗英式伯爵果茶($12)同玫瑰花茶($12)，清清地幾好。依間簡簡單單食一餐又得，叫得豐富啲特別啲又得！

平時朗豪坊食lunch食到悶，search下附近有咩餐廳揀，見到呢間新開嘅日本料理就決左行過去食下。午市套餐都好多選擇，價錢都唔貴，環境都寬敞坐得舒服。廚師發板初見壽司盛10件有三文魚，油甘魚，鯖魚，北寄貝，帆立貝，蝦，蟹膏蟹肉，墨魚，三文魚籽，吞拿魚，刺身新鮮無腥味，壽司飯份量好大件，女仔可能要叫少飯先得。板燒美國雪花牛肉配白飯美國雪花牛肉油脂分泌平均，肉味濃郁，係鐵板到燒一燒就食得，好嫩滑，估唔到南瓜燒完出黎好香甜。

呢間好出名嘅餐廳終於開到嚟旺角啦😆睇見Menu發現都幾親民同多選擇👍🍗炸雙拼雞翼 $68雙拼雞翼有4隻，包餃子雞翼同明太子雞翼～新鮮炸好，個人比較鍾意明太子味，辣辣地😋🍣蟹籽三文魚刺身丼 $88呢個三文魚嘅份量比想像中多😍魚生幾新鮮又夠厚身，而且個飯底有d心思，落咗d飯素🥰🍲安格斯牛肉味噌鍋 $88牛肉鍋通常食開壽喜燒湯底，估唔到味噌湯清清地又幾夾牛肉喎🤔特別嘅係配埋有薑味嘅燒汁，可以解肥牛嘅油膩👍牛肉份量好多，鍋物又附一碗白飯，食完好飽🤣

人生若只如初見🫶🏻我就話最重要係活在當下珍惜眼前人～而家旺角都開左🌸初見🌸啦😌我地叫左一個海鮮鍋一個日式咖哩吉列豬扒飯🍱..🍲季節海鮮鍋 - 龍蝦湯配白飯痴線真心有驚喜🥹 成鍋係好鮮好濃郁既龍蝦湯！海鮮料有帆立貝、青口、蜆、三文魚同大蝦；龍蝦湯裡面有菜、豆腐、菇、芋絲等等，好足料！本身配埋白飯，將龍蝦湯倒落白飯，變湯飯又得！超好味🥹..🍱日式咖哩吉列豬扒飯咖哩來講，我個人係偏愛食日式，鍾意佢帶有水果甜味，煮日式咖哩係興擺蘋果或梨落去煮，增加清甜味！吉列豬扒外皮好脆，肉質軟腍，真係唔錯！..最後叫多杯熱柚子蜜就完滿🫶🏻呢度座位好寬敞，坐得好舒服！裝修都以淺木為主，樓底勁高！掛滿植物，有格調🌸 價錢性價比高，唔錯既用餐選擇！

又係朗豪坊後面過條馬路就到，約朋友黎食好方便。初見香草吉列牛（轉烏冬）$146就係為左個呢香草吉列牛而黎，吉列牛外圍有綠色既香草包住炸好左個外皮，但係見列肉質都仲係好紅好靚可以按自己想食既熟度慢慢煎黎食，份量都好足夠，燒好點鹽已經好食～照燒豬軟骨·豚骨拉麵🍜$70不過不失，豬軟骨夠味，合格既拉麵🍜以為佢得日式野食，原來都有漢堡包🍔，沙律個啲。舖內樓底高，裝修都係街溫暖路線，座位又唔會太密，同朋友放工黎傾計食飯真係幾舒服～

初見由荃灣開舖頭去到旺角😎👏🏻旺角鋪頭水準都幾好～ 石燒牛肉的味道如像初見😆第一次食的時候一樣，高質，肉味香。再進化咗少少嘅係石燒托盤🪨 平板之上再加多咗圍邊、咁啲油份就無咁易流走哂，煎野冇咁易癡底。所以，即使去到最尾、就算石燒蘑菇片和南瓜片都一樣無問題👍🏼另外，我哋仲咗四色刺身丼～ 刺身包括：三文魚，珍寶帶子，油甘魚，鮮蝦～ 四款刺身本身其實都夠新鮮好味，不過我自己唔食得太生冷、又貪新鮮，就用石燒爐自己火炙一下三文魚和爐燒下帶子（記得加鹽🧂） 味道可以話係另一個層次😍 刺身飯本身下面有加飯素～ 都好食😋

最近同朋友黎左e間日式小店，之前去日本已經好鐘意食吉列牛，所以趁未有得開關就試下香港嘅味道😊餐廳有2間分店，一間係旺角，一間係荃灣。感覺上旺角新店比較闊落。每一張枱都有一個電子爐😋可以食刷刷鍋。餐牌入面d野食都唔貴，有唔少日式嘅餐點。🌸安格斯牛肉鍋味噌湯配烏冬安枱斯牛肉食落唔肥，牛味燶，入面除左牛之後，仲有好多蔬菜😍配埋烏冬一齊食，好滿足🥰🌸初見香草吉列牛配流心蛋& 白飯餐廳有個小火爐，我哋可以慢慢煎，吉列牛外皮係脆脆嘅吉列外皮，入面係嫩嫩嘅牛，色澤都好靚😋