初見 (已結業)

新一年對自己好D，餐廳係上海街，都近旺角朗豪坊，午餐款式有好多，如洋風/漢堡、和風/咖哩、煱物、燒物、刺身壽司拉麵，價錢都係70-100左右。點餐係自助手機掃code，叫左個原條蒲燒鰻魚轉烏冬，配前菜(中華沙律)，同埋麵豉湯。上菜時見到好興奮呀，好大條，燒得好香好靚之餘，仲切好晒，方便進食。肉質軟綿，鲜嫩肥美，醬汁令到鰻魚好香甜。烏冬有種煙韌嚼感，入口滑溜，配埋個清清地既湯，濃味既鰻魚配淡味既烏冬，非常夾同合適。我見隔離枱既煱物都非常唔錯，都係靚雪花紋既牛肉，下次都好想試下。

食物質素唔錯旺角美食多，今晚就去左朋友推介，位於#上海街 呢間#初見， 品嘗一下美食。餐廳裝修簡潔清新，食物的選擇有火窩、刺身、湯拉麵麵同小食等等…, 跟友人各點所好，便乖乖等食Lu☺️。我點左🍜大蝦🍤櫻花蝦雜錦海鮮拉麵，海鮮有有彈牙大蝦🍤、小蝦🦐、魷魚仔、青口同蜆肉，很多的櫻花蝦仔鋪在上面，仲有紫茶、筍、娃娃菜同粟米粒，湯底呈奶白色，飲落很濃郁鮮甜，拉麵都很可口。老友點的日式叉燒豚骨湯拉麵🍜，有3塊肥瘦適中的叉燒，咬落有好香炭燒味，肉質淋又有油香味，配料有流心蛋、蔥同筍，我哋都飲晒成碗湯😀。+$38可加配油甘魚同三文魚各2件、南瓜湯同玫瑰花茶，超抵啊！🎈初見旺角上海街511號地下

不起眼的驚喜《初見》餐廳係朗豪坊後既上海街，門面雖然唔太起眼，但估唔到有驚喜，餐廳唔算大，但乾淨企理，Lunch時間都有d人氣，證明應該都幾好食，Lunch menu都幾多選擇，我叫左個原條蒲燒鰻魚配前菜、白飯(可轉拉麵或讚歧烏冬)，餐本身有湯同飲品，賣相非常靚仔同份量大，鰻魚燒得唔乾身，好juicy，重點係鰻魚無骨，咬落啖啖肉，燒汁配合得非常好，燒汁唔會過多蓋過左鰻魚既魚香，讚歧烏冬不嬲好食，配上原條蒲燒鰻魚，令人食肉大增，讚！

之前同朋友嚟咗呢度試佢地個吉列牛，性價比幾高🥰🥰🥰 加咗錢轉佢個烏冬，不過烏冬就麻麻哋。我覺得食返白飯都夠👍🏻👍🏻👍🏻另外我哋仲嗌咗個黃金薯條，佢呢度啲薯條係用嗰啲好粗身嘅薯條，鹹蛋黃都好足夠，每一條薯條都有

前幾日約左朋友食飯，佢話旺角有間餐廳氣氛同環境都幾好，於是我地就去試吓順便傾吓計敘舊 🫶🏻炸芝士餃子釀雞翼雞翼俾餡料釀到脹卜卜，一啖咬落去好 juicy，個皮又夠脆，勁惹味 👍🏻日式鐵板煎雞軟骨餃子餃子皮薄餡多，煎到香香脆脆，一啖咬落去啲汁必晒出嚟，好滿足 😍初見邪惡炸薯條勁大碟 😍 厚身嘅薯條又香又脆，再加上大量嘅鹹蛋黃，每一啖都係邪惡嘅味道 🤤日式咖喱吉列豬扒配白飯日式咖喱夠香濃，豬扒又厚又 juicy，口感好正，炸得啱啱好 👍🏻

餐廳位於旺角，鄰近地鐵站，地理還算方便快捷，餐廳主打的就是日本料理，還有不同的選擇，而我這天最喜愛的就是吉列香草牛還有章魚小丸子。章魚小丸子，份量不錯，粉與椰菜的比例剛剛好，配搭章魚，味道更為鮮味，喜愛的就是他的醬汁，燒汁配搭沙律醬，絕對是一個美味的選擇，一口一粒絕對不過分，但是新鮮製作，送到枱時，熱辣辣，令我無法即時享用，哈哈。吉列香草牛，吉列的外皮香脆可口，內裏肉質鮮嫩，最重要當然就是可以挑選自己喜愛的生熟度，加上口感上盛，證明挑選上品。

.😗同朋友仔放學就落咗去旺角食飯，見到有間食日本嘢嘅餐廳平平哋就入咗去試吓，估唔到嘢食抵食得來都幾高質。🤪真係要同大家介紹吓。.🐷板燒美國雪花牛肉配白飯 (lunch) $100 👅8.5/10😋因為呢個係午市套餐所以係免費包埋嘢飲，我哋就叫咗普通可樂。🙆🏻‍♀️上碟嘅時候店員叫我哋燒咗側邊嘅菇先，之後先再燒牛肉。🐮牛肉嘅份量都幾多有成10塊，呢個份量配一碗飯真係啱啱好。😚牛味都幾香濃，就算有陣時唔小心燒耐咗都唔會覺得好鞋。🤪牛肉本身冇調味，大家可以根據自己嘅喜好點佢配埋嘅汁或者鹽，🤣小編自己就最鍾意淨係點鹽！.味道👅：8.5/10賣相👀：8/10扺食💰：9/10.

前非同朋友一齊去旺角食飯，發現咗一間好抵食嘅日本餐廳，大部份午餐幾十蚊就有交易，😙想食貴少少都係百零蚊，日本嘢同埋喺旺角來講都真係幾平，食物嘅質素都好唔錯。👍🏻👍🏻特選海皇蟹刺身丼 $98入面有帶子，松葉蟹肉，吞享魚蓉，蟹膏、海膽同埋兩舊玉子燒。所有嘢食都好新鮮份量仲要好多，色材完全冇怪味。👍🏻加埋暖暖哋嘅壽司飯豉油同埋Wasabi，完全係一個超級滿足同埋好飽肚嘅午餐。另外午市套餐仲會包埋嘢飲㗎，我就揀咗無糖可樂，🙈即刻好似覺得自己健康咗。整體推薦指數 ：4.5/5👍🏻餐廳資料：初見 (旺角)旺角上海街511號地舖

喺朗豪坊睇完戲 見有啲肚餓search下附近有咩食 見到呢間好似唔錯同埋之前有朋友喺荃灣食過話幾好食 所以就去咗試😆初見香草吉列牛 轉讚岐烏冬$138+8入到舖頭見到每枱都有嗌呢個吉列牛 當然都要試吓啦 店員放低後有提醒我哋要先用牛脂燒燒塊板先 吉列牛細細件一口一件啱啱好 自己燒嘅好處就係可以自己決定要幾成熟 想要生啲又得 想要全熟都得 我就最鍾意5成熟 之後點少少鹽 咁樣食最有牛味😋讚岐烏冬好大碗 食完已經飽咗一半😂加配套餐(刺身 南瓜湯 飲品)$38 可樂+$5南瓜湯熱辣辣 幾香南瓜味🎃嗰日食嘅刺身係三文魚同油甘魚 幾厚身呢個價錢可以淺嘗到刺身不錯～北海道帶子黑松露意大利飯$98呢個絕對有驚喜 無諗過咁多日式嘢食嘅餐廳會煮意大利飯煮得咁好食 完全做到意大利飯嘅口感仲有黑松露嘅加持 簡直係完美嘅配搭 有大帶子同蘑菇唔會好寡 推介👍🏻

成日聽朋友介紹荃灣嘅初見 旺角終於開左分店啦🥰初見主打日本菜式 有各款食物 有剌身 鍋物 石燒 拉麵🍜 漢堡 小食等等 初見香草吉列牛 配白飯同溏心蛋🥚 $138係石燒牛🔥🔥 一上枱就覺得好吸引😍配上清香好正嘅香草😋放係鐵板上烤到自己最喜歡嘅生熟度😍配埋熱辣辣嘅飯一齊食✨簡直係完美🤤 配埋超香滑嘅溏心蛋👍🏻成個更豐富更正😎季節海鮮鍋🦞 $88湯底係好香濃嘅龍蝦湯呀😍😍😍仲有好多海鮮同配料✨有日式魚片 獅子狗 豆腐 蔬菜 冬菇 芋絲 蒟蒻等等好大隻生蠔🦪 帆立貝 新鮮大蝦 青口 魷魚 蜆肉 同三文魚肉真係好豐富😋 樣樣都好新鮮🤓配埋白飯一齊食😎 好夠飽升級套餐 $38刺身+西式南瓜湯+飲品 (零系可樂) 刺身都幾新鮮😘

最近天氣凍左好多，最岩食啲暖笠笠嘅東西。初見有燒肉又有鍋物，食完一定夠哂溫暖啦。 初見香草吉列牛配白飯溏心蛋招牌嘅吉列牛外層有香草包圍，切到薄薄一片。先將牛脂放到熱石上燒到出油，再放吉列牛到熱石上面燒。薄薄一片燒幾下就食得，而且唔韌。吉列牛點埋鹽同醬汁，味道更出，一塊肉一啖飯，暖哂～ 另外溏心蛋都好入味。季節海鮮鍋 龍蝦湯配白飯鍋物入面有菜菇豆腐等配料，望落非常豐富，而湯底就係龍蝦湯。 海鮮拼盤分開上碟，當日有蜆三文魚蝦蠔青口等海鮮。跟一碗白飯，食到最後撈埋龍蝦湯做湯飯，食完非常暖胃。

荃灣有間「初見」大家都知道， 最近他們開了分店在旺角上海街同樣是主打各式各樣的日本料理， 拉麵、刺身、熟食、1丼飯每樣都有。每張枱都有一個小小的爐可以燒肉。網上看見很多人都食個燒肉所以要來點不一樣，我要試試他們的 日式小食特色小食拼盤 :紫薯餅，明太子雞翼，一口芝士，雞軟骨餃子🤪 一次過品嚐 不同的小食， 有選擇困難症的你 選擇這個沒有錯。鍾意吃芝士的您不要錯過這個一口芝士， 流心熱辣辣香濃的芝士咬下去立即溶化在口中， 記得吃的時候千萬要小心唷每隻雞翼都是去骨的在釀入明太子再炸香<⁠(⁠￣⁠︶⁠￣⁠)⁠>口感有別於一般傳統雞翼邪惡炸薯條牛油煮香鹹蛋黃後再快速炒勻， 熱辣辣上 菜吃的時候更加美味和風章魚燒韻兒最喜歡吃章魚燒(⁠≧⁠▽⁠≦⁠)大大粒又有 八爪魚仔在入面(⁠≧⁠▽⁠≦⁠)(原隻軟殼蟹反捲採用原隻軟殼蟹用天婦羅醬咋再把整隻蟹卷入 紫菜壽司飯中… 面頭舖上粒粒蟹籽令口感更加豐富(⁠ﾉ⁠◕⁠ヮ⁠◕⁠)⁠ﾉ⁠*⁠.⁠✧ 一啖一口不過份我和朋友一致覺得食物整體不錯勝在平均，餐廳環境乾淨企理坐位又舒適，店員可以服務態度再加以友善#852#hkig#foodies

鐡板燒牛越黎越受歡迎，今次朋友帶我去旺角-初見用餐。老闆介紹依家日本A4和牛西冷餐做緊半價$229，睇相好吸引，就忍唔住點咗一份。和牛雪花超靚，油脂豐富均勻，份量都算多，有十幾塊，在鐡板上輕輕燒一燒，灑少少鹽花，和牛入口即溶，牛味勁濃郁，口感超滿足，真系靚牛，仲配有菇及南瓜一齊燒。季節海鮮鍋(龍蝦湯配白飯) $88鍋裏蔬菜包括芋絲、大白菜、香菇、金針菇、豆腐等。海鮮鍋配料有生蠔、青口、虎蝦、三文魚、魷魚條、帶子等等，很豐盛，淨食鍋料都好飽，真系好抵食，最後用湯撈飯，好好味。餐廳環境乾淨，選擇多，價錢合理，收取加一服務費，出餐快，職員友善，性價比真系不錯。

阿仔尤其鍾意日本菜，今晚星期五第二放假 ，可以 Happy Friday ，於是約左仔仔出旺角撐台腳。揀咗呢間性價幾高嘅「初見」，餐廳位於上海街地鋪，座位約廿多個左右。未夠七點去到拎位，餐廳已經有一枱客，入座後不久便已經陸續有更多人客入座。七點半左右已經滿座，的確頗受歡迎。所以繁忙時間建議早少少去。食物選擇方面，有招牌石燒香草吉列牛、各款鍋物，亦有拉麵、壽司、剌身及炸物等等，種類不少。此外，更有限時優惠，讚好餐廳Fracebook 專頁，即可享以半價食到日本A4和牛西冷。喜歡和牛嘅朋友真係吾好錯過。阿仔揀咗《季節海鮮鍋》（$88）配有白飯，以龍蝦湯作鍋湯底，鍋底本身並已配有豆腐、蔬菜、冬菇、芋絲及蒟蒻等，配料已經十分豐富。主角季節海鮮，有超厚肉大隻凡立貝、新鮮大蝦、青口、魷魚及三文魚肉等，份量十足，果然性價比十分高。《初見香草吉列牛》（$138），配有白飯及溏心蛋一隻。餐廳提供石爐，客人再自行燒烤吉列牛，生熟程度自行決定。吉列牛份量亦相當足。配有燒肉汁及海盬調味。吉列牛肉油花均勻，入口外脆肉嫩，的確不錯。另外，更可加$38可追加刺生、麵豉湯及飯品。追加嘅刺生，共有兩款魚及各有兩片，湯夠

今日午飯去左旺角上海街初見食日本菜。午市餐牌有洋風/漢堡，和風/咖喱飯，鍋物，日式豚骨湯麵，刺身/壽司，同燒物。價錢大部分都係$100樓下，包熱茶/凍飲。另收加一。今日凍冰冰，一於一人叫一個鍋。雜錦海鮮龍蝦湯鍋配白飯 $70 另收加一雜錦海鮮成盤上，有兩隻有殼全蝦，一隻去殼蝦，一隻連殼生蠔，一隻連殼青口，一片三文魚，同埋唔少迷你青口，蜆，同蝦，仲有爽口魷魚碎。呢個價錢有呢個份量，質素算係咁。蔬菜豐富，有娃娃菜一大條，椰菜大量，冬菇，芋絲，金菇，白蘿蔔，魔芋，同豆腐。質素唔差。仲有日式魚蛋同獅子狗。個龍蝦湯味道唔錯，完全唔假，唔覺有味精。轉讚岐烏冬 $6 另收加一白飯可以加錢轉讚岐烏冬。讚岐烏冬大大碗，湯底似日式豬骨湯底，味道唔錯，暖笠笠上枱，烏冬粗身，夠滑溜又腍，加有少少粟米粒同昆布添口感。個人覺得加$6抵轉讚岐烏冬。半殼生蠔泡菜味噌湯鍋配白飯 $68 另收加一呢個半殼生蠔泡菜味噌湯鍋係餐牌無，要掃QR Code先有。個餐包5隻生蠔，我唔小心生食咗一隻，質感都唔錯，味道就淡少少。另外我追加多兩隻半殼生蠔，就只需加$28，一共收$96。蔬菜份量同雜錦海鮮龍蝦湯鍋一樣，只係多少少泡菜。個味