初見 (已結業)

新一年對自己好D，餐廳係上海街，都近旺角朗豪坊，午餐款式有好多，如洋風/漢堡、和風/咖哩、煱物、燒物、刺身壽司拉麵，價錢都係70-100左右。點餐係自助手機掃code，叫左個原條蒲燒鰻魚轉烏冬，配前菜(中華沙律)，同埋麵豉湯。上菜時見到好興奮呀，好大條，燒得好香好靚之餘，仲切好晒，方便進食。肉質軟綿，鲜嫩肥美，醬汁令到鰻魚好香甜。烏冬有種煙韌嚼感，入口滑溜，配埋個清清地既湯，濃味既鰻魚配淡味既烏冬，非常夾同合適。我見隔離枱既煱物都非常唔錯，都係靚雪花紋既牛肉，下次都好想試下。