凡高廚房

營業中

休息中

今晚去左一間掛滿Van Gogh 畫作既餐廳食晚餐....吸收藝術氣息！（我不會告訴你以前讀Culture of Art 我要認得晒全部佢既畫作既名）海鮮控既我叫左一個海鮮拼盤、一個Set dinner 同兩杯飲品先黎海鮮拼盤有半隻爆膏既麵包蟹、2隻Creamy 生蠔、2隻爽口翡翠螺、嫩滑既BB藍青口 同 新鮮凍蝦Dinner set 包洋蔥湯，但我地加$要左98%蘑菇湯飲第一啖就知佢既材料除左蘑菇、就係蘑菇！好香好濃郁既蘑菇味😄飲品我叫左橙味梳打配雲呢拿雪糕既Mocktail當雪糕慢慢溶、好似飲緊milk shake咁朋友叫左菠蘿的海 （菠蘿梳打+yogurt) ，佢話酸酸地好開胃Dinner set 既前菜 係意式蛋餅 拼 沙律菜蛋餅都幾滑、不錯望到呢張圖...係咪以為我地叫左墨汁意粉呢其實係火箭菜下....有虎蝦 同 帶子架！首先....蝦同帶子都係新鮮食材、意粉吸收了墨魚汁...加埋好食！最後係甜品....Mini 焦糖燉蛋 同 芝士餅甜品都好有水準！燉蛋好滑～

Having been here for lunch quite a few times, finally got the chance to have dinner here!Arriving before 8pm, we were quickly seated at a quiet concern. It was still early and the restaurant wasnt fully filled. The dinner menu was far more rich than the set lunch. Apart from normal dinner sets you could imagine, it also served some special dishes, such as Swiss Cheese Fondue. However, my friend wasnt fond of cheese and we gave it up... Must try next time... Finally we ordered two dinner sets - l

最近去咗一間好有藝術色彩嘅餐廳食晚餐。嗰度掛咗好多梵高嘅畫作，無論裝修或擺設都很講究和精緻，燈光柔和，入口處還放了一張桌球枱，成個環境很有歐陸情調，一邊食嘢，一邊欣賞名畫，又有柔和嘅音樂相伴，簡直一樂也。澳洲頂級和羊餐和羊 和羊就是澳洲頂級的穀飼羊肉。羊隻係用提煉紅酒的葡萄渣餵飼，所以肉質特別豐富甜美，油脂均匀，而且沒有羶味。和羊是炭燒的，格型焦紋燶燶哋，肉面焦焦哋，但肉裡粉紅色，鮮嫩多汁👍可惜只有兩塊，如果有多一塊就更加滿足了！

成日搭巴士經過軒尼詩道都會見到「梵高廚房」呢個招牌，覺得個名好特別，點解叫做「梵高廚房」呢？有D好奇！係唔係擺咗好多梵高嘅作品俾人一路食一路欣賞呢？成日都想去試吓。今天終於有機會去食嘢。.餐廳係位於2樓，一出𨋢就已經見到一幅由荷蘭印象派畫家梵高嘅「星夜」作頭炮，而木門頂亦有另一幅比較細的「星夜」，而牆身則舖滿紅磚。餐廳唔大，只有十數張枱，入口擺放左一張桌球枱，一入去就有一種relax嘅感覺，餐廳裏面隨處可見到其他梵高的畫作掛在牆上，連廁所也不例外，感覺好似去咗畫展一樣。無論牆身裝修，燈飾或擺設，都好有歐陸的色彩，色調柔和，比人浪漫同溫暖嘅感覺，難怪所有食客都年青人，而且八成以上係情侶呢！雖然所有畫作都是copy品，但感覺重成間餐廳都充滿藝術元素，未食嘢感覺已非常好。.我哋叫咗一個和羊套餐。頭盤是一個三文魚卷配啲酸雜菜，三文魚卷上放了一隻肉質彈牙嘅小蝦，頭盤賣相精緻，食落醒胃。主菜是和羊。和羊係澳洲一種頂級穀飼羊，羊隻係用釀紅酒後的葡萄渣嚟餵飼，所以肉質甜美，而且沒有羶味，肥膏也不多。羊肉表面有燒焦的網紋，食落去有燒焦的味道，燶燶地，脆脆地，好似BBQ 嘅感覺，而且肉質好嫩，仍呈微粉紅色

銅鑼灣向來都好多樓上舖，有好多選擇，今次見到個餐廳名幾特別決定入去一試。呢個海鮮拼盤有好多青口，蠔，同虎蝦。 生蠔鮮甜多汁，啲肉都好厚， 一啲沙都冇!青口雖然唔算大隻，但係都好鮮好好味。另外，虎蝦好彈牙爽口，一百分!飲品方面，小乳牛好有特色，vanilla雪糕好好味呀!羊架意海鹽為調味料， 佢仲問我加唔加薄荷啫喱同黃芥末 ，有好多選擇。我哋叫咗廚師煮五成熟嘅羊架， 啲肉好滑，入口即溶 ，個羊架仲係網燒嘅添! 另外，隔離個薯角好入味，加埋d醬汁真係一流!個甜品真係好正， 個cheese cake一啲都唔膩， 焦糖布甸好滑好有雞蛋味，而啲焦糖個厚度啱啱好!呢度嘅環境同氣氛都好好，啲燈光令到個環境非常浪漫，而且仲有桌球打添，所以好啱情侶或者一家大細嘅人嚟食飯㗎!

最近食多左韓國菜都想食番啲西野平衡一下，男朋友預約左呢間喺銅鑼灣嘅凡高廚房，唔講唔知，去到見到裡面啲介紹先知，我地之前都曾經去過佢地另一間喺銅鑼灣嘅cafe呢。餐廳位於樓上嘅舊式大廈，唔算好當眼，不過黎過都覺得好值得一試啊，特別如果你喜歡有特色、格調嘅裝潢，相信都會喜歡呢度。由門面到裡面嘅擺設都甚有藝術氛圍。近門口位置仲有一張桌球枱，晚上就未見有客人去玩。旁邊就係好多女士，食食下飯都走去打卡嘅吊椅，真心幾靚架，不過環境就暗少少，營造氣氛嘛。餐牌供應西餐為主，有海鮮拼盤、芝士火鍋、小食、沙律、飯、意大利粉、扒類、薄餅、甜品等，同時供應多款套餐，二人、四人，花多眼亂，定價中上。最後我地簡單選擇左兩份set dinner及一份小食，相當滿意晚市套餐包括餐湯、前菜、主食、是日甜品、餐茶，定價$208-$298，主菜方面選擇豐富，有意大利粉、海鮮飯、豬肋骨、煎三文魚、牛柳串燒等。蛋餅：蛋餅鬆軟，蛋味唔算好濃，不過蛋嘅外皮煎到酥微脆，作為開胃前菜，都幾精緻餐包、洋蔥湯：麵包微溫，食落軟熟。洋蔥湯夠熱，暖暖肚，洋蔥都煮到腍哂，男朋友就覺得麵包粒可以再多啲。普羅旺斯式白菌田螺伴薯蓉 $148呢份田螺分

多謝朋友請我食呢一餐飯，慰勞我工作辛苦，幫我舒緩壓力，揀咗銅鑼灣一間樓上嘅餐廳，本來都冇好大嘅期望，但係一入到門口已經被一張snooker嘅枱吸引住。叫凡高廚房，果然牆上擺放了很多梵高的畫作，環境帶有古典色彩。餐牌上面嘅選擇好多，有羊架套餐、海鮮拼盤、瑞士芝士火鍋餐(冬日限定)，仲有各樣嘅晚餐，前菜、沙律等等。此外仲有二人餐、二人海鮮拼盤餐、四人餐等等。二人份龍蝦拼盤B $398波士頓龍蝦全隻、兩隻加拿大翡翠螺、六隻法國藍青口、四隻太平洋虎蝦、同埋兩隻生蠔。呢一個組合賣相已經非常吸引啦。每樣海鮮都好新鮮。特別係生蠔，雖然佢唔算係好肥美，但係美國pacific 生蠔，海水味較淡，肉質creamy ,入口滑溜。餐廳話原來生蠔係冇特定嘅品種，成日都會轉嘅，可以先詢問下餐廳呢凡高頂級和羊餐$398前菜有挪威三文魚選擇菜卷，兩塊三文魚分量唔算多，包住酸雜菜，令人非常醒胃，係一個不錯嘅選擇。餐湯有野菌忌廉湯，個人好鍾意呢一個湯，菌味好濃，亦都好幼滑creamy。主菜有招牌澳洲頂級和羊配蒜蓉香草醬薯角，特別一讚薯角，並不是香脆一類，但係香草醬包裹薯角嘅每一面，而香草醬嘅味道恰到好處。澳洲頂級和羊一直

公司包場收工去，我地一共29人，共收左三皮野，平均每人收左千幾蚊，話就話係buffet形式，但無野食簡，質素極差，似係佢地求期叫到會黎俾我地食，牛扒似地布，咬吾到，青口、凍螺吾新鮮，成口沙，根本食吾到。最後廿幾人食幾盤意粉頂肚。話每人加多90蚊，啤酒，白酒、紅酒任飲，但叫左半個鐘先上兩支紅酒，白酒得兩支飲完就無，紅酒係惠康30蚊支既貨仔，飲到個個又嘔，又頭痛。場地有桌球玩，但地方超窄，每次x波都頂住吾夠位。以後請都吾會再去。

今日約左幾個旅行腳食晚飯，其中一個話帶我地去個神秘地方，咁就由得佢揀餐廳！約左係銅鑼灣地鐵站等，齊人就等佢帶路，原來係去樓上鋪既餐廳，去到都幾驚喜，環境都唔錯我地一坐底就睇餐牌，款式都好多，侍應都有介紹佢地既特色菜，和羊同牛扒，仲介紹埋海鮮拼盤，我地聽到都最後叫左三個套餐share2人海鮮拼盤，法國睡蟹真係冇得頂，好蟹膏，生蠔都好鮮甜兩款套餐頭盤都好精緻，蝦都好彈牙，三文魚卷都好特別雜菌湯同黑松露湯，味道就一般，可以再濃水d 主角上場，香煎和羊，7成熟，超掂！ 唔太蘇，肉質鮮嫩！牛魔王一定會叫牛，安格斯肉眼扒，好重牛味！都好大塊下！蟹肉卡邦尼意粉，好濃好好味！精緻甜品，細件左少少，唔太夠喉！整體黎講都唔錯，侍應好殷切！

收工搵朋友食飯．朋友帶左我去間凡高主題既餐廳食飯．地點算方便但並唔起眼入到餐廳就見到比較歐洲色彩既裝修周圍掛左好多畫同特式吊燈．影相一流仲有一張桌球檯起度．即刻好似去左歐洲D餐廳咁😏餐廳都幾多唔同類既野食．海鮮同肉類既選擇都有．飲品都超多款選擇🍹🍷先黎頭盤．三文魚沙律併蝦特式蛋餅海鮮併盤🦀🦐裡面有隻睡蟹．超級超級多膏．勁肥美鐘意食膏既唔可以錯過！勁勁勁多膏！🦀🦀🦀頭盤食完入正餐啦．．．大菌忌簾湯配熱辣辣飽飽頂級羊架．份量唔多有D唔夠食🤣美國頂級肉眼🐂眼前一亮既卡邦尼．未見過有餐廳會將佢整到咁樣上碟．真係襯返店賈名凡高廚房廚房功力果然唔一樣😌跟餐有附甜品．不過唔夠凍．失色小小喔！

同男朋友拍拖頭幾年，我哋喺銅鑼灣嗰度等車返屋企，見到有一間梵高餐廳，真係有個梵高嘅頭像係個招牌嗰度，覺得好得意。當時已經非常之有興趣去依間餐廳，但係慢慢又遺忘左佢。近排有個中學同學話去過依間餐廳度食，好好食，好高級咁。之後，我就決定去食啦！我哋入到去成個裝修都好似梵高曾經話過個幅畫佢裝修咁，之後聽啲店員介紹，原來店主真係照住凡高個幅畫來設計成間餐廳嘅格局，真係好特別好像真！我地兩個就叫左一個羊扒餐，同埋一個豬仔骨。羊扒佢哋有分兩種嘅，我哋就叫咗比較貴啲嗰隻澳洲羊扒，要食梗係要食最好架啦。但係都值回票價，五成熟嘅羊扒，熱辣辣送到妮，羊扒味道肥美，有濃濃嘅羊肉味，真係食過返尋味，直頭係想叫多一個羊扒餐。掛住講件羊扒有幾好食，都唔記得咗講前菜係啲乜，前菜係有三文魚伴蝦嘅沙律，仲有蛋餅，諗起都想再食，我超鍾意食佢嘅蛋餅。之後就有個湯，有個傳統羅宋湯同埋一個98%嘅雜菌湯，傳統羅宋湯唔同出邊用罐頭開嗰啲，佢唔係杰撻撻個種。而另外嗰個雜菌湯，就有濃郁嘅蘑菇味，我好鍾意食蘑菇啦，如果有幾粒大蘑菇俾我食下就好啦。個豬仔骨，因為整得太好味嘅關係，我仲食緊個羊扒嗰陣時，我男朋友已經食咗一大半，我食得一舊。

呢間餐廳本來裝修就算幾靚同有心思, 所以第一眼望落去都加晒分!餐廳內部好似仲有得玩桌球~ 雖然唔係第一次見~ 但有得食有得玩算係唔錯~!佢地既花茶係咁既樣, 比較大件, 下面係火黎既, 有d似水晶杯~湯好大碗, 十分滿足, 味道好濃, 有落重料,十分香, 基本上無咩不滿.前菜都好有心思, 設計上比較精美, 味道都係唔錯, 蛋既外皮係比較硬身小小所以咬落去時會係有口感!入面有小小香味, 應該係配料d味黎, 蛋身就鬆軟為主!份量唔算多, 為左留肚食主菜所以十分合理的!重頭戲係個和羊, 和牛就聽得多, 和羊真係少聽, 第一次食落去, 主要都係口感上既分別, 口感係相對比較軟身!可能脂肪含量分佈既問題. 羊身多汁, 我覺得佢本身已經幾有味可以唔點個醬黎食都ok! 原汁原味,另外一重點係薯仔方面, 佢地係整到外脆內軟, 相對比較好味!做到外脆內軟既餐廳真係唔多 我食左都有3-5百間餐廳 只有數間可以做到!呢個係火焰牛柳串, 黎個陣仲係著緊火燒緊既, 即場燒完俾我地食!作為菜既一部分算係幾有特色! 可以見餐廳都落足心思!牛柳串係比較juicy既, 咬落去係有汁bi出黎, 水果都可以作為肉既bala

凡高。早前已經有好多朋友介紹過， 如果唔去試下， 同佢哋就冇咁多話題啦電梯門一開就睇到佢嘅氣勢啦餐廳裏面仲有好別緻嘅擺設添！ 最啱情侶喺度放閃啦男朋友叫咗和羊扒餐：前菜有虎蝦三文魚卷， 蝦肉新鮮不在話下， 三文魚卷好有特色， 三文魚卷住嘅係酸蘿蔔， 口感一流好醒胃野菌湯菇味一流，仲有粒粒野菌， 入口既香且滑，仲好有口感添蒜蓉包好新鮮，外脆內軟，蒜蓉味突出， 連個餐包都做到滿分和羊其實就係澳洲嘅穀飼羊， 穀飼羊係用提煉紅酒嘅葡萄渣餵飼嘅， 所以肉汁豐富甜美，肉味唔羶，油蓋位不厚， 入口肉質鬆軟， 男朋友食到舐舐脷我要咗個set dinner， 餐湯都唔弱喎洋蔥湯好香洋蔥味，仲有好多洋蔥㖭前菜係煎蛋餅，好有特色, 睇落好似件cheesecake咁呀帶子，虎蝦，鮮墨汁意粉， 帶子係刺身級嘅帶子嚟㗎 墨汁意粉居然重好味嗰啲主菜， 因為先墨汁打嘅， 所以好香好滑， 份量日好充足，食到捧住個肚呢眼闊肚窄嘅我。。。仲走去加咗個鵝肝添鵝肝煎得外脆內嫩， 夾住多士嚟食一啲都唔膩好彩食甜品係有第二個胃嘅啫今次真係cheesecake啦不過個樣咁靚真係唔捨得食添cheese cake好香滑芝士味又濃焦糖燉蛋

之前我曾經來過，是參加姪仔的歡樂生日 Party，這裏的食品質素甚佳，可容納數十人，所以當時場面好熱閙！今晚我再有機會來品嚐美食之餘，讓我想起很多愉快的回憶吧！紅色牆身掛了很多凡高的畫及裝飾品，火辣辣動感且帶出歐陸風情的設計，佈置中突顯濃厚的藝術氣息，環境優雅舒適。餐牌上很多選擇，款款都各具特色的，非常吸引，Set Dinner、多款套餐、頂級羊架、海鮮拼盤、主菜、意粉、Pizza、小食、沙律、甜點及飲品等，通通都有，所以我看完又看，真的較難選擇呢 ~最後我們點了兩個 Set Dinner - 燒美國豬肋骨配燒烤汁伴蒜蓉香草醬薯角、地中海式火焰牛柳串燒配牛肉燒汁伴蒜蓉香草醬薯角 及 香煎法國鵝肝，Set Dinner 包括 歐陸式小食、餐湯、主菜、甜點及飲品。Set Dinner 先上 歐陸式小食 - 法式田螺酥鬆脆香口，大大粒牛油味的田螺，美味可口！法式洋蔥餐湯，湯裡有很多洋蔥絲，散發著濃濃洋蔥香，鮮甜原味，清香滋味。熱烘烘的芝麻餐包，搽上 cream cheese，美味非凡。主菜  -  燒美國豬肋骨 配 燒烤汁 伴 蒜蓉香草醬薯角 $268豬肋骨表面香脆，內裡嫩滑，肉質腍且濃，配