再興燒臘飯店

營業中

休息中

已隔一段時間沒去過這裏吃,以前的質量又好吃又大碟,不知是否通賬關係,份量好像少了,味道也好像沒那麼好。當天叫了燒肉鴨飯,還叫了鮑汁炆豬手,伙記說有細碟和大碟,細碟16,大碟25, 等了一會豬手來了,又說30元,我說不是25元嗎伙記說份量多了,最後還是要了,當離開店舖時,回頭再望門口的食物價錢牌,鮑汁炆豬手的價錢是25元,真是覺得有被人欺騙的感覺。

正月十一‧陰天加炭的一天，跑之前又正好吃碗燒臘米。六時這裡人已多，米粉幼身帶爽，但不大好吃，好像是吃粉絲似的。但個湯底又不錯，至少沒味精，有誠意。叉燒直頭得，肥肉帶筋爽口，而豬肉的部分鬆化，蜜味不過甜有肉味。覺得這裡的燒臘做來做去水準也保持一貫的不錯，難的。老細多謝前多謝後的，店員快手醒目，服務非常好！

想要吃再興很久了, 他們的叉燒真的很有名呀, 連外國著名食家Anthony Bourdain到香港拍節目也來這裡吃他們的燒臘飯某天買了外帶跟上班中的男友一起吃. 這邊的飯單雙拼也是$24, 12點多很多人排隊但排了3分鐘跟店員下單, 不到10秒就能拿走了, 非常快叉燒油雞飯我選的飯. 叉燒真的做得好! 我喜歡厚切的叉燒, 這裡都做得到了吃起來叉燒肉很好咬, 一點都不會柴身. 外面醬料味道很好, 甜味也恰到好處但油雞很多骨, 不好吃呀沒什麼肉. 配油雞的油蔥配飯很香很好吃叉燒燒肉飯男友選的, 燒肉皮脆肉也做得很剛好, 不會太柴太鹹, 也沒有肥肉的那一層叉燒也是好吃, 如果想要吃瘦一點肥一點或是焦的叉燒就跟他們說, 他們會給的雞肝看到雞肝$10一份不貴, 就買一份試試看. 雞肝其實燒得有點太乾但味道很好, 雞肝的香味很足, 醬汁入味而不死鹹, 帶點甜甜的很下飯不過我還是喜歡沒有那麼乾的雞肝很喜歡再興的叉燒, 厚身肉質好味道也好. 看到也有其他的例如牛展, 海蜇等都很想試下次會再來堂食呢

我最初諗就算唔覺得好好食但應該有普通叉燒既水準…但買左返屋企食…直情係唔好食我好同意某位的食評：硬、乾、瘦叉燒下面個一層層，真係好乾我唔知係咪唔係塊塊係咁，最少我塊同那個都是硬、乾、瘦我細路都有食，佢覺得普通唔貴既，不過買左發覺唔好食咯，我媽係街市買十幾蚊都好食過佢好多

見到咁多人like佢.尋日晚上放工去買了一斤半肥瘦燶邊义燒.半隻燒鵝.半隻油雞.真係好好味.夠四個人食.全部都好好味.我一返到屋企就係咁食.义燒好甜好多汁.油雞有陣好香既茶葉味.燒鵝又肥美.太令人滿足了.連我屋企人都係同我一樣第一次食都話好好味.無相係因為係咁食.食完才醒起無相.下次一定影比你地睇.除了佢d飯=口="

[ 再興 ] 一直都係人頭湧湧 , 門外等外賣的人常常都有一條龍 ,這夜經過剛好有少少攝位 , 便坐下吃了一碟叉燒燒鴨飯 , 人多要搭枱又很擠迫 , 你要快快趣趣咁食完碟飯 , 今次既叉燒和燒鴨都不算肥 , 夠香稔 , 很明顯肉地有口感 , 而味道亦有鮮肉味 , 感受到師傅燒的火喉恰到好處 ,食完都會有種令人回味的感覺 , 一想起燒味就會想起 [ 再興 ] 不過仍然係個句 : 坐得好唔舒服 , 成日催催趕趕咁 , 不能慢慢享受美食 ~

這日午餐到再興吃很久沒吃的叉燒，實在掛念叫了叉燒拼燒肉飯。叉燒和燒肉的水準依舊，十分美味！雖然我要的是瘦叉燒，但叉燒的肉質仍是很軟又多汁，不愧為招牌。燒肉皮脆，肉入口會化，現在想起已想再去吃了。這份美食才$24，超值！亞姐的服務算有禮反應快。

好多時同家姐去飲咖啡經過，家姐都會話下次去再興試吓啦。唉次次都係得個講字。今日有朋友係澳洲梨玩住Novoltel, yeah~ 7pm check in, 正好肚餓，太好啦! 又就腳又可以俾朋友(同自己)試香港地道美食!入到去先發覺我係唔知佢地有D咩好食。姐姐見我帶住兩個老外好心同我講: 叫三寶啦，佢地可以咩都試D。好!三個三寶啦! 三寶有叉燒、油雞及燒鴨。叉燒同燒鴨都好好食! 蜜汁好香好甜有小小焦焦地, 好食。 美中不足...油雞就幹咗D...叉燒汁係台面要幾多自己倒! 好食!

一間外表平凡嘅燒臘店，要搭枱又唔坐得耐，如果唔係好食到連住喺杭州嘅小克都會掛住，真係無諗過去食。只係傍晚6點左右，門口已經排晒長龍，佢地係買外賣嘅，應該係放工買番屋企加餸的。好彩入面都唔係好多人。叫左個半肥瘦叉燒飯，個fd就食叉燒燒肉瀨粉，雙併都係同價。轉個頭，整齊排列嘅叉燒放喺白飯上面用好飯堂feel嘅大膠碟裝住擺喺我面前。而個fd嘅湯瀨同叉燒燒肉就用膠碗同碟仔分開上，唔會浸林晒，簡陋得黎都算講究。枱面大大枝豉油任你加，不過都唔落咁多，因為想專注試真d叉燒。果然無失望，淨係叉燒同白飯已經好好味。一路食一路望住d員工一個裝飯，一個係咁斬燒味，純熟迅速流水作業咁其實都係一件賞心樂事。仲有，遇到抄牌，門口阿姐會溫馨提示tim~埋單都係每人廿四蚊，又抵又好食去邊度搵。食叉燒好怕食完之後成個嘴都係橙色，但係呢間完全無事喎，真好！叉燒係又肥又無乜益，但quota留俾好食嘅野係值得的。

零晨去盧押道的喜喜吃雞飯, 忽然想起養肥了的小肚腩, 跟師傅說:「雞飯去皮!」 師傅:「呢啲野你自己去啦.」我不爭辯了, 只輕輕說一句:「再興會幫我去.」像魔法一樣, 喜喜師傅馬上義無反顧幫我碟雞飯去皮. 原來有一段時間沒吃再興叉燒, 幾天後特意開車去買, 門外永遠有一條人龍. 這裡買叉燒的好處, 是永遠可以提出各種怪要求.要了 1 斤叉燒, 要半肥瘦, 燶邊的------ 叉燒燒烤時, 角位和邊位通常會燒焦, 而且味道帶苦, 師傅會將焦角切走, 但如果不把焦位完全切走, 而是切去90% , 餘下的就是燶邊, 略為香口, 叉燒變得微脆, 增加口感複雜度. 我說:「要燶邊啊!」再興的人會專業地重覆叫:「1 斤叉燒半肥瘦要燶邊!」對要求多多的麻煩食客 , 顯得經驗老到. 我忽然想買雞胸, 心血來潮, 加了個要求:「去皮喎.....阿..順手去埋骨啦.」再興老闆當時話:「非繁忙時間就做畀你啦! 不過起骨之後, 會好細塊喎. 」果然是細塊了, 但餘下的骨也給我拿回家煲湯. 這塊去皮起骨雞胸, 成為我近幾個月健身時必吃的東西. 減肥, 低脂, 高蛋白, 有助增肌, 而且吃得太方便.

最近本少爺看到一項網上調查，調查了香港人食燒味的習慣，在此與大家分享一下：1. 結果：99%受訪者有食燒味的習慣 ；男士平均每 3.4 天吃一次，女士則每 4.5 天吃一次。龍少爺：平均一星期吃兩次，的確頗誇張！難怪午飯時間中環的燒味店不論堂食與外賣都大排長龍啦。2. 結果：港人五大最愛燒味依次為叉燒（ 71%）、燒肉/燒腩（ 48%）、燒鵝（ 32%）、豉油雞（ 29%）及乳豬（ 27%）。龍少爺：靚油雞竟然大比數落後，有點兒跌眼鏡！3. 結果：58%人喜歡吃半肥瘦燒味，67%會添加燒味汁、酸梅醬或薑蓉， 44%會連皮吃，26%愛吃燒焦部份。龍少爺：本人中哂！若要食瘦叉燒兼走汁或燒鵝走皮走醬，不如唔好食好過喇！言歸正傳，若要本少爺選全港三大最美味的叉燒，一定會是「西苑」的大哥叉燒、「利苑」及灣仔平民茶餐廳「再興」。一件稱得上是上品的靚叉燒，當真要肉質佳，色澤好，味道焦香肥美，缺一不可。是日路過「再興」，禁不住半肥叉的誘惑呼喚，雙腿像不受控制地乖乖入內向肚皮進貢。一入到去人都未坐低，樓面阿姐已咄咄逼人地問 :「例湯 ? 例湯 ? ... 例湯?」Okok，幾大就幾大，燒賣就燒賣，一於「

Yesterday I went to this restaurant to eat BBQ (roasted) pork rice.The service is good and the restaurant was full of people (it was already 2:XX pm ) Once I stepped in, the staff already welcomed me and offered seat to me.I have ordered the BBQ pork rice. I think maybe most of the customer always go there and I looked new to the staff. Once they offered me my order, they told me there was a bottle of soya sauce on the table which I could use.Though the BBQ pork is very lean, it is very tender

上黎呢度，見到有食評話呢間野叉燒好食，經過咪入黎食囉。呀姐好招呼，可惜，就好似標題咁，叫肥焦叉，變左全瘦叉！仲有就係，又燒凍既，又碎濕濕。可能你地會問，點解唔叫佢地換過？我不嬲都唔會(或者唔敢)向食堂投訴更換，怕有人加料。結論：第一次去，亦係最後一次。最好佢地上黎回應一下。

響澳洲讀書冇野做就成日睇openricexd難得放假返香港就突登約埋同學去再興食lunch做下食家去到見到門口好多人,,以為冇位xd原來d人好多都係外賣xd其實堂食既人唔係真係咁多xd其實我本身就中意食燒鴨,,而家再興又出名叉燒所以就叫左個叉鴨飯黎滿足一下自己xd順便加埋例湯試下啦xd叫完先醒起唔記得要求半肥瘦orz叉鴨飯好快就黎左xd燒鴨相比起澳洲食開就比較厚肉xd但就唔太肥所以肉汁就唔算太豐富xd而主角叉燒就一流表面燒得翠翠地咬落去好香口xd食落去蜜糖味甜甜地好開胃xd雖然唔記得叫半肥瘦但我o個碟就真係岩岩好有肥有瘦xd但我個fd就冇咁好彩啦haha佢碟叉燒就瘦左dxd食完飲埋碗例湯就閃人xd埋單都係$30

剛到過靠得住食粥,馬上又來到另一間想試很久的餐廳--再興.這間餐廳被我朋友稱為全港島最正燒臘鋪,重點係我朋友住太子,食開永合隆,連佢都話再興掂,我無理由懷疑.一坐低睇吓餐牌,單拼燒味飯24蚊,雙拼又係24蚊,唔駛加錢咁好?一於整碟叉鴨飯多汁!好快叉鴨飯上枱,一滴汁都無嘅?阿姐好客氣咁話我知,豉油成支擺係枱面任加,味道仲較得唔錯添.用嚟點燒鴨嘅酸梅醬又係任加,喺呢方面再興實在非常大方,抵讚!叉燒比較乾身,只要不是帶肥位置就會有點硬.麥芽糖水上得足,表面略呈焦脆.未必人人會喜歡這種吃法,因為少了坊間大部份叉燒的脂香和軟熟口感.個人比較鍾情利苑,西苑乃至太興的叉燒.但若果大家都只能賣瘦叉燒,再興就不比任何一間名店遜色,可惜瘦叉燒我平日只會用作炒蛋之用.燒鴨方面,鴨皮燒得香脆,鴨味也濃郁,難得是鴨身不會過肥.醃料也下得剛好,不會過鹹.而且以24蚊一碟雙併飯來說,飯餸份量十分豐富.屬抵食飽肚之選.臨走見到有燒雞肝,買了廿蚊和女朋友分享.回家後打開才發現份量實在驚人,廿元雞肝竟將一個飯盒裝得滿滿.味道方面,沒有一味下太量蜜汁去燒,因此肝香甚出,倆口子不知不覺間就把一整盒清掉.埋單一盒飯連外賣雞肝H