再興燒臘飯店

營業中

休息中

一間外表平凡嘅燒臘店，要搭枱又唔坐得耐，如果唔係好食到連住喺杭州嘅小克都會掛住，真係無諗過去食。只係傍晚6點左右，門口已經排晒長龍，佢地係買外賣嘅，應該係放工買番屋企加餸的。好彩入面都唔係好多人。叫左個半肥瘦叉燒飯，個fd就食叉燒燒肉瀨粉，雙併都係同價。轉個頭，整齊排列嘅叉燒放喺白飯上面用好飯堂feel嘅大膠碟裝住擺喺我面前。而個fd嘅湯瀨同叉燒燒肉就用膠碗同碟仔分開上，唔會浸林晒，簡陋得黎都算講究。枱面大大枝豉油任你加，不過都唔落咁多，因為想專注試真d叉燒。果然無失望，淨係叉燒同白飯已經好好味。一路食一路望住d員工一個裝飯，一個係咁斬燒味，純熟迅速流水作業咁其實都係一件賞心樂事。仲有，遇到抄牌，門口阿姐會溫馨提示tim~埋單都係每人廿四蚊，又抵又好食去邊度搵。食叉燒好怕食完之後成個嘴都係橙色，但係呢間完全無事喎，真好！叉燒係又肥又無乜益，但quota留俾好食嘅野係值得的。