再興燒臘飯店

營業中

休息中

成日上網睇吓有咩好嘢食，尤其係我個friend勁鍾意食燒臘，所以我成日都去睇吓邊度有好嘅燒臘，等我可以介紹比佢試吓 ٩(˃̶͈̀௰˂̶͈́)و呢間灣仔嘅燒臘，我媽咪成日都去(不過佢只會買叉燒)，因為佢話喎，呢間嘢又好食，又唔算貴。正宗係師奶嘅格價╮(￣▽￣"")╭今日下晝經過，我專登買咗個飯盒返屋企試吓。結果我買咗個燒肉飯($34)，啲燒肉份量唔算多，但係都好夠食。燒肉啲皮好脆，好新鮮又唔硬(乾爭爭)，唔似有啲舖頭，啲燒臘好似擺咗好耐咁，朝晒。呢間可以再encore，我下次要買佢嘅燒鴨飯╭(╯3╰)╮

十多年前，會專登坐車去再興買燒味食，但今日決定同再興說永別！ 今天買了半隻燒鴨，回家後發現全個盒都是血水，因為鴨胸未熟，唯有用鑊返熱，但食落口全部皮跟肉都是又韌又冇味🤮🤮其實斬料師傅見到隻鴨未熟，都唔應該斬俾客人。 還有燒肉，起碼要買$100 ，但都係得細細碟，燒肉皮又韌，肉又冇味。最差係燻蹄，倒在碟中，全部爛蓉蓉，都係未煮冧嘅豬皮，附送豬毛，完全不能入口。 難得再興真係上下一心，由燒味師傅到斬料師傅，都係求求其其，敷衍了事！

再興燒味呀，幫襯咗你20年，你最出名嘅义燒，一年衰過一年。。。依家又乾身又老柴，又斬得衰，街市30舊义燒都斬得靚過你，幾十年老字號，到2020年真係唔值得特登走去買。。。

嚟到再興，嗰種感覺真係完全感受到店舖嘅節奏有幾咁緊張，我奉勸有心去再興光顧嘅人一句(尤其係堂食)，食完飯真係唔好諗住閒坐吹水，因為呢度坐位嘅供應真係相當緊張，講番食品方面～燒味及滷味嘅款式都好多，我原本諗住叫肥叉牛飯，但發現如果要雙拼係貴好多，於是到最後就只係叫咗個牛飯，牛味道OK，飯粒亦都煲得幾靚，但好味汁嘅味道比較偏淡，同時～唯一失色嘅係冇蒜頭醋用嚟點牛，至於例湯方面～的確係滾熱辣，我個人建議，如果嚟食飯嗰陣時有叫例湯嘅，就應該第一時間將碗湯完全飲完先至好食飯，因為當等到食完飯先至飲嘅話，碗湯就會凍哂，例湯一定係要滾到燙喉先至係最好飲！

再興啲嘢真係好好食。最常食嘅有叉燒 肉質淋甜 肥瘦均勻。今次試咗佢嘅燒雞潤 又香又creamy 。雞潤唔會燒得太乾身食落去有汁。環境非常之差 服務亦都好差 但係絕對係外賣嘅首選。

今日黎到灣仔食區內出名既燒味飯，如果住灣仔再興燒味呢個名你一定聽過，但住係附近咁耐又真係冇咩食過😂叫左叉燒燒肉飯，都只係需要$36叉燒肥瘦適中，又燒得好香，蜜汁味多，外表燶燶地好香口，好好食👍🏻👍🏻燒肉又好脆，唔會太干身，肉又簿，又唔會太肥❗️❗️好食而重點係張枱度佢有支叫好味汁既祕制汁，好食，撈飯食一流，有得加飯一定加😂😂但要留意加野飲要加錢😂但杯奶茶都算幾好飲😂😂整體黎講幾高質👍🏻👍🏻

作為一個打工仔, 燒味飯絕對係窮人恩物, 抵食夾大件, 而再興作為香港燒味鋪當中能佔一席位當然係有佢嘅能耐. 而本人最中意食佢嘅叉燒, 伴上薑蓉, 真係能夠扒到幾碗飯呢今日作為國慶暨中秋節假期後嘅第一日, 忙於清理堆積如山直到下午3點才能夠食到第一餐, 餓得頭昏腦脹下向落單阿姐要求多飯多薑蓉再回到公司快快扒下飯, 比疫情之前好, 疫情之前嘅飯落水太好, 煮到溶爛, 現在飯乾身, 加上燒味本身嘅油及薑蓉就恰到好處叉燒就保持一貫水準, 就係瘦叉燒都做得鬆化, 但難得今次唔洗特別要求都比肥叉燒, 顯得更加順心豉油雞就差了不少, 舊時再興嘅豉油雞上色均衡, 雞皮爽口又入味, 但內裏又有白切雞嘅滑, 但現在似滷水雞多過似豉油雞, 而且今次比嘅係雞全翼, 骨多過肉, 肉少又滷到實哂, 比較失望不過再興作為一個馳名中外嘅燒味老字號, 食嘅係佢嘅地道以及佢嘅人情味

五年前光顧過再興，大家可翻查我的食評，當時我給劣評。五年後絕對係偶然機會再次光顧，結果我無法不再給劣評，請大家聽我細說這段經歷。當天肚太餓，路經此地身體能量幾乎耗盡，就是這麼簡單一個理由，就進去了。環境讓我覺得有點熟悉，但沒想太多就叫了醫肚的叉燒飯。後來翻查自己寫過的食評才知道這是五年前曾光顧過的再興。再興是裝修過了，換上了比較光鮮的枱櫈，牆上也掛了擺設，改善了五年前那種髒亂的感覺。只可惜食客仍要與那深啡色的廁所大門共處，試想食飯時廁所門一開一關，那股味道那份感覺真讓人嘔心！算罷還是談回食物。經典叉燒之所以經典，唯一原因可能是再興的歷史悠久。論質數，不敢恭維。查看網上資料，再興叉燒曾經揚威海外，CNN曾给予再興叉燒高度評價。我個人認為是CNN的問題。坦白講若論叉燒我會較相信《人民日報》的報道及評論，因為始終是中國人叉燒才會從小吃到大，才會較清楚叉燒應該是怎樣才算高質素。再興做的是南乳味叉燒，下了南乳醬腌製，完全沒有豬肉味，有幾塊放進嘴裏也竟然品嚐到乾與硬的感覺。我沒有探究過CNN那位是什麼級數的食家，但若然各位喜歡食南乳花生、雞仔餅之類的食物，大概也會喜歡再興叉燒的，那你就不妨去試一試

嗌左兩盒飯外賣。叉燒飯啲飯基本上填滿左個飯盒，叉燒得幾舊搭條菜都無。叉鴨飯啲鴨皺曬皮、又咬唔開，又係得幾舊肉，菜都無條。啲汁係完全無味。唔知自己食緊啲咩。搵食艱難都唔係攞啲咁既嘢hea我...

再興燒臘飯店 － 於清朝光緒年間開始經營，二戰前已於灣仔開業，雖然飯店曾經歷停業及搬遷，不過依然在灣仔屹立不倒，所以命名「再興」👍🏻 ，並於80年代搬遷到現址。 叉燒、燒鵝、油雞、乳豬等都是飯店的招牌，可配飯或粉麵，極力推介叉燒燒鵝飯👍🏻💕叉燒唔硬，半肥瘦剛剛好，燒鵝夠香，皮酥肉嫩！！而朋友叫左叉燒油雞粉，雞肉香滑，配上秘製薑蓉，簡直無得彈！由於最近政府實施左晚上六點後禁堂食，我等朋友五點放工後，立刻到飯店醫肚，食到五點九，時間剛剛好👍🏻早食早享受，五點幾食晚餐真係好少可😆

今日早上請左半日假去灣仔處理一些私事，之後就搵下附近有乜好食，食完先返工。最後去咗「再興燒臘飯店」，這間餐廳曾經是「米芝蓮車胎人美食推介」其中一間推介嘅餐廳！餐廳最受歡迎嘅食品應該係「叉燒」，見差不多每枱客都會叫，今次我叫雙拼飯 -「叉燒燒肉飯 $36」，主因係雙拼和單拚都係同價，所以識叫一定會叫雙拼飯，另外，叉燒一定要肥叉先好食。以這個價錢，係灣仔來說，算非常抵食！價格💰：$36 (免收加一服務費)味道😋： OK

十年前喺灣仔返工成日去再興食燒味, 果時經常排哂長龍,  但好多人都話佢而家走哂樣無咁好食啦....咁啱好耐無食燒味飯, 而行過竟然無人排隊(係因為疫情關係定佢真係而家無人排就唔知啦) ,  不過我都係唔敢堂食住, 始終果度衞生好似一般, 然後再見到外賣個飯只要$34, 所以決定外賣自取. 我叫咗個叉燒燒鴨飯. 先睇份量都算多, 夠舖平成個飯盒唔會見白飯多過餸. 燒鴨表皮算乾身, 醃得夠入味, 食得出有奄料同燒烤香味,  唯鴨肉部分比較嚡口, 叉燒比較出色,  瘦叉係我至愛, 肉質鬆軟, 蜜糖唔太多, 較乾身, 但反而就係咁係最好唯獨個飯真係好唔得....好硬又太乾身, 無飯香,  不過係唔係將價就貨就不得而知啦

🇭🇰再興燒臘飯店·又係一間有表達支持既小黃店💛呢間簡直就係男人既浪漫 我地個日去食 我好似係唯二既女客人 大家食飯都唔講野 超安靜😂😂不過D燒味哥哥講野個tone勁好笑 我地係咁偷聽😂😂·叉燒飯 $36 (雙拼同價)佢係真係超大碟 如果女仔食唔曬記住嗌少飯阿🥰佢D叉燒係口感比較扎實個種 不過個調味做得好好 幾好味 尤其係個外皮既部分🤤🤤個燒肉我自己就覺得鹹左少少 不過個皮做得好脆 係一碟好樸實既燒味飯😋大家去到記住要薑蓉 佢個薑蓉撈飯超好味 我自己好鍾意keke·#rbyeat#rby港式#rby小黃店#rby灣仔·📍灣仔軒尼詩道265-267號地下C座

曾被CNN曾形容「再興是叉燒的同義詞」，加上幾次榮獲米芝蓮美食推薦，再興係叉燒界王者代表地位真係無庸置疑！平時繁忙時間真係唔洗止意堂食，等位都下下講到要等成半個鐘先有位入，於是今晚經過見到有得wall-in就決定入去懷緬下兒時回憶地點：位處於灣仔中心地帶，英皇中心同埋灣仔油站附近，距離灣仔地鐵站約十分鐘步行時間環境：餐廳好易搵到，門口有個大大塊嘅傳統港式招牌，無論招牌以至餐廳入面嘅格局，都係一間好傳統嘅港式燒味店格局，半開放式廚房，燒味掛晒係櫥窗，等大家可以睇到既新鮮又肥美嘅燒味，望住啲醬料肉汁慢慢咁滴落黎，見到都好想快啲食！食物質素：叉燒油雞飯（$36）再興嘅出左名大碟又平民價，單併雙併一律$36，招牌貨當然係叉燒啦，肥瘦程度任意選擇，佢嘅叉燒同口感扎實，外層表皮微微焦燻，甜甜嘅醬汁（聽聞用左麥芽糖）已經滲透入肉內，入味軟嫩嘅肉質略帶油脂而且又不柴不膩叉燒界王者果然名不虛傳！相對之下，油雞就無叉燒咁出色，畢竟唔係名物，但都係中上，如果想食多幾舊叉燒嘅，不妨叫單併！叉燒燒鵝飯（店員所稱呼嘅黑毛叉飯）配例湯（$66）每次黎食燒鵝叉燒飯嘅時候都會聽到店員叫「一碟黑毛叉飯」初初就咁聽落去仲以

近半年比較多大形活動， 過開灣仔都小左去食。 今日開完會一個人又係附近一於去食下煎。 咁耐冇食豪啲啲， 燒腩鴨肶飯， 西洋菜， 例湯。 😁 伙記個個都做左好耐， 我話食咁耐第一次食飯時可以一個人一張枱， 姐姐就話現在很多都是外賣， 堂食小左， 仲多謝晒我地啲熟客特登過來食。 （ 平時啲伙記很忙， 冇咩機會吹水） 都係講番野食， 由於大部分燒味都係每日只做限量， 賣晒就算， 所以機本上冇隔夜嘅你食， 同老火湯日日新鮮。 所以如果要做節買就先打個電話早2日訂左先。 我果日食完個西洋菜（走汁）， 再食個有咩邪惡架燒腩鴨肶飯， 燒味仲有火炭味， 就像細個冇電爐架時侯架風味， 個皮仲脆卜卜tim. 由於冇咩人坐左陣先起身走人。 埋單果時， 幾個伙記都話多謝幫襯， 平平安安呀。 真是很溫暖， 本來每日咁多人架飯店， 完來伙記哥哥姐姐都是應得啲熟客的。 加油呀💪🏻