六合小廚 (已結業)

要在尖沙咀找到又便宜又好吃的中菜原來不難，這次來到apple store旁邊的大廈覓食，地點可算非常方便。先看看餐牌，選擇真的很多，我一度有點選擇困難。最後點了我最愛的魚香茄子煲，咸魚超香，茄子炆得很入味，伴飯一流的，超好食！另一道是秘制口水雞，秘製的醬汁非常美味，辣辣的很開胃，是我沒有嘗過的味道，配上嫩滑的雞也是食慾大增，加上花生很香口，而且份量不少，非常好來了一碗白飯，很大的一碗，很超值。還來了一杯熱豆漿，豆香味濃，不錯不錯。這次只是叫了兩道菜都已經覺得好吃，下次再來嘗嘗其他款式，例如是秘製咖喱，梅菜扣肉等等。

其實我嗰時好鍾意shopping,所以同女朋友經過尖沙咀。當日中午經過廣東道一帶，見到餐廳很多都是西，日，韓國。雖然各有各的特色，但是講到醫肚以及懷舊，永遠都是港式風味，原因始終香港人。第一道菜是胡椒豬肚湯。胡椒豬肚湯有特殊風味，味道各有特色，拼合在一齊就有新嘅口味，豬肚本身也是舅父的最愛，簡直跟媽媽煮的菜一樣。這個豬肚湯配上胡椒有一份清香。第二道菜是沙拉豬扒。豬扒非常新鮮，生熟度剛好，而且做到非常之貼心，唔會太鹹。有少少酸甜的感覺,好像戀愛中。凍檸茶真係唔錯因為真係唔係太甜而且有檸檬味。紅茶是用siri lanka錫錫蘭紅茶。綜合以上各點，必定跟女朋友再來試一次。下次都想試他們的牛油火腿通心粉。😘😊

好耐冇出尖沙咀了，這天跟家人出黎shopping，當晚嚮這間六合小廚。感覺有點像私房菜，又有點像餐廳。剛才說感覺有點像茶記的原因是這裡有齊火鍋、小菜、燒味、鉄板、煲仔、碟頭飯...應有盡有，梗有一款啱口味。近呢個星期天氣涼了很多，打邊爐就最好不過，最終擇了醉雞鍋。喜歡的話可另叫火鍋配菜，選擇也不少。很久沒食過炸蠔餅了，見到有供應，那就叫一客滿足一下慾望。以往食到的，多是沾了大量生粉後拿去炸，所以成品是大大舊又鬆脆的，這裡的出品則鑊氣依然，但蠔仔份量較多，可謂各有等色。亞爸是傳統一輩，無飯不安。那就叫多個咸魚雞粒炒飯給他。陣陣鹹魚梅香，炒得又乾身，很香口呢！

在尖沙咀血拼買完一大輪，帶著一袋袋戰利品去找餐廳，見到樓下有姐姐係度宣傳，上左去試下。本想試下小菜、燒味之類，但時候不早，老闆說廚房部已經下班了😭以為要再找另一家，誰知老闆問我同朋友，要不要試下車仔麵，這家除了小菜、燒味，還有車仔麵類😂恭敬不如從命，我們就坐下左，叫了兩碗麵😂都算是幾多選擇，有幾款餃子、丸類、牛腩牛筋都有👍🏻👍🏻，款式好多。上到枱好大碗好滿足，湯底我同朋友都選了腩汁湯底，唔算好濃、清清地但都有牛肉味，而且最重要的是！不油膩的☺️👍🏻希望下次早啲來到可以再試下小菜，畢竟中菜才是主角嘛。

尖沙咀作為遊客區，都有好多唔同餐廳，各國菜式都食得到，但屋企人比較傳統，都係鍾意食中國菜多，所以係尖沙咀區，都係去茶餐廳食飯點咗好幾道小菜好耐無食過菜脯，就叫咗涼瓜菜脯煎蛋蛋煎得啱啱好，熱辣辣上枱，菜脯口感香脆，媽咪好LIKE，話有家鄉風味第二道菜係沙拉骨豬扒非常新鮮，生熟度剛好，唔會太鹹，仲有少少酸甜感，醒胃，餸飯一流最後有一道涼瓜炆腩肉腩肉唔算太肥，落埋豆豉一齊炆，香口又惹味，又可以減低涼瓜嘅苦味係DADDY嘅最愛，話可以清熱解毒總括而言，小菜都好夠鑊氣，份量亦合理，尖沙咀區嚟講算唔錯，有機會會再幫襯

工作地點位於尖沙咀，有時想搵d價廉物美嘅港式lunch其實都幾難。 同事今日帶左我拎黎呢到，位於apple shop旁嘅工商大廈樓上。 呢度位置闊敞，可以坐得舒服。原來呢度係好多打工仔嘅飯堂。菜嘅選擇非常非常多😍有飯，車仔麵，小菜等等應有盡有👍叉燒煎蛋飯❤️有2大隻荷包蛋，半流心。叉燒肥瘦均等，加埋秘制醬汁，好吃👍六合招牌車仔麵❤️有齊港式嘅招牌配料，蘿白入味清甜，牛腩爽口，魚旦處理得非常彈牙😍😍瑤柱肉碎蒸蛋❤️份量非常多，蛋味突出，每一啖都食得有瑤柱，香口嫩滑，餸飯一流👍蒜蓉西蘭花❤️嫩綠新鮮，夠鑊氣~冬O茶❤️茶味夠濃，配搭埋檸檬嘅苦澀，正宗港式O茶😝柑桔百香果❤️清甜好味，唔會死甜👍👍

禮拜六係廣東道海港城行完街，接住搵野食，估唔到竟然有小炒，唔使想，一於試試。點左 帶子炒西蘭花 $128, 避風塘茄子 $88 ，海南雞套餐加十元要雞比 $70。帶子炒西蘭花，西蘭花同帶子都好新鮮，火候岩岩好，好有鑊氣，好鮮味。避風塘茄子，通常都係避風塘蟹或蝦，避風塘茄子真系第一次食，估唔到又咁夾喔，茄子外脆內軟，椒鹽香口，好食。海南雞套餐，這個海南雞飯是我最喜歡的，雞肉嫩滑，重點係個飯好食到非常，香而且滑，但又唔覺油膩，非常出色。

今天開會，令吃午餐的時間縮短了。由於時間趕急，午飯就只有快快的在茶餐室解決。這家港式茶餐廳在午餐時間水洩不通。也許是他們定價比附近的餐廳稍稍低一點。而餐廳格局雖然有點擠迫，但仍然在可接受範圍以內。招牌海南雞飯$60我就是被這「招牌」的菜名所吸引，結果大失所望。這海南雞的份量唔多，而且大部分都是以骨為主，而海南雞也只是白灼風味，和白切雞無異。沾上黑醬油或薑茸後，稍稍好一點，雞肉仍屬軟腍。而所配的油飯，今天未能供應，換成白飯。其實味道未致太差，只是對「招牌」有期待而有所失望。車仔腸粉$45這車仔腸粉倒是驚喜。這四餸點選了最地道的魚旦、豬紅、豬腸和牛雜。魚旦味道ok, 口感Q彈；豬紅也十分入味；豬腸實在過於肥膩；牛雜的份量唔少，味道也恰如其分。特別一讚的是腸粉。腸粉口感滑溜，配上混醬（秘制豉油、甜醬、麻醬、辣醬和芝麻），味道十分豐富而滋味。油雞燒鴨飯$54這燒味飯真是喜出望外。燒味份量唔少，而且味道唔錯。油雞幾入味又嫩口，燒鴨燒得唔乾身，鴨肉一點也不韌，$54雙拼燒味連餐飲，在尖沙咀而言，實在性價比不錯。餐飲分別選了熱奶茶、熱檸水、柚子蜜。熱奶茶+$5是港式奶茶。奶茶以傳統奶茶厚杯盛裝保持溫

星期六又係出嚟食好嘢嘅時候, 今次同男朋友去開尖沙咀行街見到一啲宣傳易拉架上面嘅精美菜式, 畀佢吸引咗上呢間樓上嘅小廚餐廳. 因為喺樓上嘅關係, 呢間嘢唔係朋友介紹或者喺街見到易拉架宣傳都幾難發現, 不過唔緊要上咗去先講上到去發現舖頭裝修非常乾淨, 環境唔錯員工態度良好, 最緊要食物多元化,有一般茶餐廳及小炒的菜色, 又有特色酒樓食到的小菜. 員工樂力推介之下我哋選咗嘢味雞煲同魚湯! 唔係間間都整得好食, 即管試下好唔好食先嚟咗頭啖湯, 呢個魚湯不得了非常鮮甜, 控制的溫度剛剛好不會燙口, 肉質嫩滑, 值得推介再嚟我哋嘅重點雞煲!!職員即場幫我哋炒炒佢雞煲同個魚湯一樣鮮甜野味, 開頭以為會好辣, 但原來係老闆自己嘅醬汁一啲都唔辣, 不過真係好大煲食唔曬, 建議三四人食, 好味又食唔曬真可惜了去買藍妹啤酒人直一流, 整體嚟講都唔錯, 適合一家大小吹水唔抹嘴共晉晚餐

放工經過尖沙咀去Apple Store看看、順便在附近晚飯。旁邊有棟商業大廈有好幾間小菜茶餐廳、決定上去吃個晚飯小菜。選擇挺多、有車仔麵、潮洲菜、小炒、燒味等。點了個招牌牛四寶、有牛腩、牛根、牛肚、牛腸。牛根幾腍、牛肚夠爽口幾入味、牛腸略嫌太多肥膏了。招牌胡椒豬肚湯 $98熱騰騰的胡椒豬肚湯胡椒味幾重好暖胃、豬肚爽口唔錯、冬天喝這個適合不過。咖喱牛腩飯 $56牛腩、牛根都紋得腍、薯仔吸收左咖喱汁好軟又入味。

今日同男朋友去完海港城行街，本身想喺商場入面搵食，點知間間都大排長龍，咁就出咗廣東道睇下有咩其他嘢食，見到港威對面幢大廈有好多上樓嘅食肆，其中呢間仲有雞煲食添🐔，啱晒宜家天寒地凍嘅天氣去食。一坐定定，我哋就揀咗個雞煲，佢有幾種味，分別係金牌三杯辣辣雞煲、滋味醉雞同埋胡椒豬肚雞，店員介紹最多人食就係金牌三杯辣辣雞煲，咁就一於試呢個啦。上檯啦，雖然我哋只係只咗半隻，但份量好多，我哋仲以為店員聽錯落咗一隻添，點知佢話無錯，半隻已經係咁嘅份量。嘩，咁真係認真抵食夾大件，店員介紹佢哋用上清遠雞，因此皮爽肉勁，雞肉鮮美，鮮香可口。加上少少微辣，食落超過癮。仲有大量嘅配料：大木耳、芫茜、大蔥、洋蔥、芽菜等，全部都索晒啲汁，非常入味。另外我哋仲揀咗個牛四寶🐂粗麵配沙爹汁，材料有牛腩、牛筋、牛肚、牛腸，好足料， 店員仲畀咗啲秘製麻辣醬我哋添，更加惹味。蕃茄湯豬扒米線，個湯底都幾濃，蕃茄味🍅足夠，豬扒都滲晒啲蕃茄味，配菜仲有紅蘿蔔🥕同埋椰菜，感覺成個羅宋湯咁。埋單都係200幾蚊，又唔駛加一，超抵食，仲可以食到美味嘅雞煲添！🤗

今日出左尖沙嘴買野，晚飯時間周圍都係人。因為唔想同人逼就揀左哩度舒舒服服傾下計食餐飯。海南雞套餐，配例湯和油飯。我地加左$10蚊轉雞脾。雞肉很嫰滑。雞皮唔太肥可以連皮食！雞油飯值得一讚！雞油份量剛好唔太油而且很香。避風塘茄子份量很多，侍應姐姐話係成條茄子落曬去整。很夠鑊氣。上檯時熱辣辣香噴噴。色香味俱全。很好味。唔會太鹹。帶點辣。包住茄子的粉皮也不太厚。讚！蒜香雞扒味道不錯！雞皮煎的香脆我最like! 夠蒜亦夠香！蜜椒土豆牛腩粒份量很多。薯仔粒炸過味道香脆帶點蕉糖味。牛腩粒很大粒淡淡肉。帶子炒西蘭花鮮帶子勁大粒，份量亦不吝嗇有8粒咁多。西蘭花炒的很翠綠。好味道。我地叫左一支藍妹$55 同埋一罐忌廉$7飲飽食醉又一餐！

在尖沙咀返工, 返工前先和同事來附近的六合小廚吃一個早餐。這裡的早餐都有幾多款式可以揀。有車仔麵,生滾粥,水餃等等。價錢都是$35-$45一個Set。我揀了一個醒晨車仔麵系列,5餸$45選了沙嗲牛肉,生菜,墨魚春卷,韮菜餃,咖哩魷魚車仔豬腸粉,好豐富。五個餸都只是$45,好抵食。味道也挺不錯的。沙嗲牛肉入味,夠腍。加了$7要了豆漿。熱豆漿豆味不錯, 熱辣辣飲一杯,好醒神。同事叫的魚腩粥$35同事說好味道,粥都幾綿,魚腩有鮮味,不會腥,都幾大塊魚腩。讚!另要了一個xo醬炒腸粉$30嘩, 這個一定要吃, 好惹味!

約朋友到尖沙咀 shopping，朋友介紹上樓六合小廚，茶餐廳格局，但食物種類非常多。一出電梯便見到燒味非常吸引，先點個招牌燒味拼盤飯 $105，再來個特色下午茶餐蒜蓉蝦蒸腸粉 $56，加個聞名的蜜椒土豆牛腩粒 $108 及油菜 $28。 蒜蓉蝦蒸腸粉這個配搭坊間少見，腸粉蘸滿蒜蓉汁，蝦味香濃，非常滋味，還送熱飲，CP值高。 蜜椒土豆牛腩粒，新鮮磨碎黑椒粒跟蜜汁互相輝映，相當惹味，薯仔粒稍炸，外脆內軟，牛腩先炆入味，稍炸乾身後再燴黑椒汁，肉質有咬口而不韌，每啖也有牛肉味，下飯一流。 最後店員端上招牌燒味拼盤飯，燒味分碟上，連一碗白菜豬骨湯，屬港式老火湯，喝後沒有口渴感。叉燒軟腍入味，沒有過多蜜汁，近年坊間多處叉燒偏向濃蜜汁味，早利亞覺得太甜，反而蓋過肉味，我還是喜歡這店做的味道。 店子提供早餐、午餐、茶餐、車仔麵，價錢實惠，還有多款海鮮菜式、客家小菜，咖哩等，近來秋風起，店子推出古法羊腩煲、滋味醉雞煲、香辣蟹煲等，翻看餐牌，甜品亦不遜色，有潮州反沙芋、芋泥、南瓜烙及綠豆爽清心丸。食物種類之多，，總有一款適合你。

媽媽忙，呢句信義妹成日都講架啦！ 但媽媽都想搵啲時間鬆一鬆，同朋友坐低飲啖茶食個包都好。心動就不如行動。坐言起行約咗John 媽去食番個大早餐！ 信義妹左揀揀右揀揀就一於揀間多選擇架啦！六合小廚，近中港碼頭，又近名店街，食完 shopping 都仲得！ 甜玉米豬肉水餃河粉加$8 可以有胡椒豬肚湯對於嗜辣既信義妹就可以再辣多啲，豬肚排骨都夠淋。鹹度適中。水餃足料，玉米甜，沒有肥豬肉，都唔會韌。河粉滑，屬幼身。 加配了豆漿 (加$7)，有冷熱選擇，甜道適中，但無濃郁豆味。 新鮮滑牛肉粥生滾粥系列都有好幾款選擇。牛肉有不少片，有部份帶筋，喜歡有咬口的信義妹覺得口感不錯。 再加咗炒米粉，呢個炒得夠乾身，喜愛濃味的可以自己再加一點豉油。 餐廳整體味道唔算濃，喜愛清淡健康的朋友都適合。另外亦有味濃的麻辣湯等。種類選擇都算多，唔怕無野食。