六合小廚 (已結業)

媽媽忙，呢句信義妹成日都講架啦！ 但媽媽都想搵啲時間鬆一鬆，同朋友坐低飲啖茶食個包都好。心動就不如行動。坐言起行約咗John 媽去食番個大早餐！ 信義妹左揀揀右揀揀就一於揀間多選擇架啦！六合小廚，近中港碼頭，又近名店街，食完 shopping 都仲得！ 甜玉米豬肉水餃河粉加$8 可以有胡椒豬肚湯對於嗜辣既信義妹就可以再辣多啲，豬肚排骨都夠淋。鹹度適中。水餃足料，玉米甜，沒有肥豬肉，都唔會韌。河粉滑，屬幼身。 加配了豆漿 (加$7)，有冷熱選擇，甜道適中，但無濃郁豆味。 新鮮滑牛肉粥生滾粥系列都有好幾款選擇。牛肉有不少片，有部份帶筋，喜歡有咬口的信義妹覺得口感不錯。 再加咗炒米粉，呢個炒得夠乾身，喜愛濃味的可以自己再加一點豉油。 餐廳整體味道唔算濃，喜愛清淡健康的朋友都適合。另外亦有味濃的麻辣湯等。種類選擇都算多，唔怕無野食。