六合小廚 (已結業)

剛剛轉工到尖沙咀, 這邊食肆多但找東西吃很難, 幸好讓我用OPENRICE找到一間樓上舖, 午餐多人, 先試試早餐, 想不到一個早餐就讓我飽到下午茶時段了!這間在蘋果店再行前一點, 海威商業中心7樓的店是同事介紹, 說早餐很不錯所以來一下選擇也滿多的, 車仔麵, 腸粉跟粥品也有, 全部都是$40以下~這裡的水餃滿驚喜的, 皮薄而且用料靚, 韮菜跟豬肉的比例剛好, 味道濃郁餡料又多, 玉米比較爽脆跟香甜, 可惜的是沒有白菜, 給了我2隻魚皮餃代替, 吃起來是還好啦如果多付$8 還有胡椒豬肚湯, 真材實料會送你很多酸菜, 豬肚跟排骨, 還有幾條生菜作底, 意想不到的很飽!薑茶在冬天喝最好, 熱辣辣非常醒胃提神!另一份只要$35的就更多了, 番茄湯加雞扒米線超級大碗! 加上堆積如山的薯仔跟西芹, 椰菜, 不是大男生根本吃不完啊! 而且湯底還酸酸的超開胃!點麵類的餐非常大份, 各位小心會飽很久啊~

經過尖沙咀apple 隔離有橦大廈好多人企起樓下，原來有好多間食店，我睇open rice見到六合小廚都幾多好評就試一試。見到人地食個蒜蓉蝦蒸腸粉好吸引，原來係下午茶2點至6點新推出，$56又唔貴喎，平時蒜蓉蝦多數烏冬，陳村粉或粉絲底，腸粉又真係第一次試。個腸粉好滑但又有咬口，唔會過淋散晒，配埋個海鮮豉油，好夾，蒜蓉都好香好味，食完都唔會好口渴。另外點左個六合牛四寶麵，有牛腩、牛根、牛肚、牛腸 $78，都幾貴，唔算太大碗，不過六合牛四寶好好食，特別係牛肚，食到裡面粉粉地。食麵配個郊外油菜最好不過，菜心就煮得淋左少少，但幾岩我。見好多人有食秘制蜜椒土豆牛腩粒 $108，我又試下，個秘制蜜汁好正，蜜糖甜甜地，好似燒野食咁，薯仔外脆，裡面就起沙，好味。反而牛腩粒就無咁出色，如果係牛仔骨或牛柳粒會仲好味。仲叫左2杯飲喎，一杯凍檸茶，一杯熱柚子蜜。總括呢間六合野食好食，有水準，可惜地理位置關係，就唔係太多人認識嚕。

尖沙咀食肆太多，還有大多都係連鎖店想搵平又地道的港式餐廳都好困擾於是我又向樓上發展樓上餐廳其實選擇好多，還有價錢一定比地舖，連鎖店平呢個餐廳係港威商場對面、所以內地朋友坐高鐵也是一個方便之選。選擇有好多，而且全都係好有港式風味，價錢化算一入座就聽到廚房傳來炒菜聲，鑊氣十足職員態度十分有善，環境都好寬闊，又有電視觀看。食物種類好豐富，最後選了以下幾款：雙拼燒味飯，燒腩仔好出色，肥瘦隔層分明，皮好香脆涼瓜炒咸豬手-涼瓜鑊氣十足，流晒口水魚腩啖啖肉👍兩個人食超滿足

同媽咪喺尖沙咀行街行到肚餓，經過廣東道見到呢間六合小廚，主售小炒菜式，啱晒鍾意食中菜嘅媽媽，於是就黎左呢度晚飯啦餐牌嘅選擇都幾多種類，價錢經濟又實惠，有各式飯類選擇，仲有抵食下午茶餐添！行街行到肚餓上來醫肚就啱晒蜜汁叉燒飯半肥瘦叉燒皮光肉滑，入口軟腍，滿口豬肉脂香，好味道！蒜蓉粉絲蒸海蝦海蝦已經切半開邊，所以唔使剝殼咁麻煩，好貼心哦！海蝦肉質不算爽口，鋪左大量蒜蓉去蒸，所以食落特別香口惹味，好鮮味！而粉絲都吸收晒蒜蓉同海蝦嘅精華，爽滑又美味薑蔥鯇魚煲呢個煲加咗好多薑蔥一齊炒香，好有鑊氣！鯇魚好大舊，啖啖肉，外皮仲有少少酥香添，一定要加碗白飯一齊食啊西蘭花炒帶子帶子都有9至10顆，大大粒，爽口又新鮮！西蘭花碧綠又新鮮，炒得好香口！

爸媽最喜愛食中菜小炒，今日放假就帶咗佢地黎到位於尖沙咀廣東道嘅「六合小廚」食晚餐！餐廳就喺Apple shop附近，都幾近尖沙咀地鐵站，地理位置夠晒方便Menu上除左有招牌燒味飯，仲有各類特色海鮮同私房菜系列嘅小炒菜式，選擇豐富海南雞飯呢個餐包左是日例湯，大大碗靚湯好夠味，仲有唔少豬骨！海南雞加咗$10轉雞髀，雞肉同雞皮都幾嫩滑，脂肪比例唔算高，味道唔錯頂級蜜汁叉燒飯叉燒係半肥瘦的所以肉質好香軟，充滿蜜汁香，份量仲好多添！配埋甜豉油同白飯一齊食，簡單又好味西蘭花炒帶子$128有咁大碟都幾抵食，帶子好大粒，新鮮又鮮甜！西蘭花好翠綠，軟硬適中，炒得都幾香口，不過略嫌油膩左一點薑蔥鯇魚煲鯇魚好厚肉，切件後炸香，特別脆口，內裏嘅魚肉依然嫩滑，加入左大量薑蔥所以好香口惹味，送飯食啱哂！一定要趁熱食添啊蒜蓉粉絲蒸海蝦炸蒜嘅蒜味好濃郁，蒜香滲透晒入去海蝦裏面，每隻蝦肉都充滿蒜香，好美味哦！底下嘅粉絲都係重點，因為佢充滿着蒜蓉同海蝦嘅香味，好好食呀

大陸的朋友趁新年假期來香港旅行，佢行完街提議食港式茶餐廳，講真，尖沙咀廣東道一帶雖然揾食容易，但如果要找鑊氣小炒的港式茶餐廳還真系不多。好在今天行經海威大厦見到有人在樓下派宣傳單張，于是上樓試下，又真系很不錯的茶餐廳哦，小炒夠晒鑊氣，朋友都贊好！餐廳在7樓，一開門就是茶餐廳格局的餐廳，中午食飯時間相當旺場。拎過餐牌在研究食d咩，價錢平宜，選擇又十分多，岩晒朋友口胃。一坐低，侍應就送上餐湯，服務態度不錯的。叉燒飯，叉燒份量很滿足，叉燒肉質不錯，不會太硬，肥瘦適中。玫瑰豉油雞飯，斬料夠地道，豉油雞入味，肉質嫩滑晤鞋。來一個苦瓜炒蛋，清清地又有廣東菜特色，好受朋友歡迎。梅菜扣肉煲，香而不膩，梅菜好香，送飯一流。跟餐嘆杯港式奶茶同紅豆冰，又養足精神去行街。

同屋企人做節開年十四大，兩細自訂餐單，菜干豬肺湯潮式凍蟹(六大隻紅花蟹)椒鹽瀨尿蝦(因為過年，沒有大隻)薑蔥爆南非飽(十四隻)辣酒煮蝦球(加豬紅, 牛柏葉, 墨魚鬚，豬腸)干扁四季豆花枝片拼豆腐清蒸大海班上湯豆苗潮式兩面黃(兩塊)潮州地瓜粥綠豆爽清心丸

星期六的早上去尖沙咀碼頭准備搭船去澳門玩，來到碼頭，時間尙早便打算舒舒服服先嘆個早餐，行到中港城對面，我們見到有間叫六合小廚的街召，有早餐供應而且食物款式看上去很是吸引，於是我們決定上六合小廚嘆早餐。入到來間餐廳，看上去很是干淨整潔，我們便在卡位座低，各自叫了食物，餐單款式相當豐富，有車仔面，有自制餃子，有粥粉面，我就叫了生滾雞粥加三絲炒米粉，這配搭現在好多餐廳都已無這款早餐了，我見到有生滾粥供應當然第一時間想食它，數分鐘後，一大碗雞粥來到我面前，見到粥里面有好多蔥及雞件，D粥好綿，食到有雞的鮮甜味，粥咸淡適中，好好味呀！配上三絲炒米粉，哇！兒時的回憶返曬來，似細個在家食阿媽煲的粥及炒米粉，米粉炒得很是松散，有鍋氣，唔怕粘著一舊舊，米粉裡面有些紅羅卜絲，耶菜絲及火腿絲，又香又爽口，令人食唔停口，好味！朋友叫的粟米豬肉餃加胡椒豬肚湯都好吸引，我都忍唔住食了他一粒餃子，餃子皮薄，豬肉香，粟米甜，配上小小辣的胡椒豬肚湯，這配搭真的有創意，但味道又非常夾哦！見到朋友將他那碗餃子加胡椒豬肚連埋湯都掃得一干二淨。真的好味道！估唔到在中港城碼頭附近搵到間好啱食的餐廳，下次我們去開尖沙咀嗰頭，我一定再

私房菜，客人可以自訂菜式滷水鵝(六合自家制作滷水，超入味)潮式凍蟹薑蔥爆南非鮑辣酒煮大蝦球 ( 加豬紅, 牛柏葉, 豬腸)花枝片拼豆腐西芹炒龍躉球啫啫通菜煲芋頭腊味焗煲仔飯綠豆爽清心丸

做乜嘢食肆毛利最大？本小利大當然最好。以前成日覺得果汁店應該幾好賺，不過依家生果都貴左好多。食完呢一餐，我更加覺得賣魚蛋、腸粉最好賺。 上星期中午飯，見到有呢間茶餐廳 feel 的小店「六合」。 除了一般炒粉麵飯，還有「車仔豬腸粉」，即是車仔麵的變奏版，不過沒有湯，麵底變了做豬腸粉。這也不是新鮮事，聽落去好似幾對胃口，可惜事與願違，同埋我事後覺得呢間野好似唔係幾老實。。。 「車仔豬腸粉 - 咖喱魷魚、魚蛋、魚腐」$46 上枱時只有魚蛋，魚腐，漏咗咖喱魷魚，要三催四請先補返。 腸粉是一般雪藏貨，加甜醬、麻醬，完全唔滑唔熱，難食過街邊檔。 餸料好吝嗇，無味魚蛋三粒，魚腐兩小件，似餵貓多啲。。。咖喱魷魚算是入得口，魷魚是啤水那種，咖喱汁也不香： 加 $10，要了一杯薑母茶，該是一包包即沖出來的： 我的選擇，「車仔豬腸粉 - 蘿蔔、豬紅、牛肚加沙嗲汁」$44 吃車仔麵，餸菜我一定揀廚師煮過的。腸粉底不消提，一樣差。牛肚、蘿蔔正常： 豬紅臭的，有怪味，吃了半件已經完成不到： 另一樣唔知係有心定無意。開頭落單時，店員將單放在枱面，總共 $100，我看見是對的： 隔了一陣，侍應無啦啦快手換

星期日放假陪媽咪食早餐，佢話食完想去尖沙咀行街，於是就揀咗呢間位於尖沙咀廣東道嘅六合小廚！餐廳位於某商業中心7樓全層，地方好廣闊10點幾黎到仲有早餐供應，餐牌都幾多選擇，早餐除咗有生滾靚粥、腸粉燒賣，仲有車仔麵同車仔腸粉，同平時一般嘅茶餐廳早餐好唔同港式熱奶茶色澤端好，都幾香滑，但略嫌茶味比較淡自家製水餃(6隻)早餐竟然有水餃供應，可以選配清湯同多款特色醬汁，我地揀咗清湯同雙拼水餃。韭菜豬肉水餃肉餡豐富，充滿韭菜香，水餃外皮滑溜溜的！甜玉米豬肉水餃同樣係好飽滿，粒粒粟米增添口感，好味道！生菜鯪魚球火鴨絲粥生滾粥即叫即滾，粥底好綿滑，帶有米香！鯪魚球同火鴨絲份量剛好，夠晒鮮味另加配$12腸粉兩條腸粉熱騰騰，滑溜溜的，帶點嚼勁，麻醬同甜醬令到腸粉更加好味魚肉燒賣$25有八粒燒賣，貴左少少，但係即叫即蒸，充滿魚肉香，正！

尖沙咀後街上樓小炒風餐廳😆話說同個fd 黎lee 邊幫個iphone 換電🤔一等要等三粒鐘先拎得番😂所以我地就決定係附近搵野食！成間餐廳感覺係好有打泠小炒風情☝🏻同埋好多OL 黎食！午餐人流都好多好多🤪門口重有人等外賣好！一坐低睇menu 😳比想像中多野食！由咖哩到潮州野到海鮮乜都有😂😂😂最後我地決定左川辣口水雞（$52)夠曬辣🤪超惹味！送飯一流！都有成隻脾咁多肉👍🏻帶子炒西蘭花（$128)眼睛咁大粒既帶子😊！抵食好大碟！豬車仔腸粉（$54)估唔到可以係尖沙咀上樓會食到街邊風情！腸粉⚠️叫左4餸（豬紅，豬皮，豬腸，墨魚鬚加腩汁）豬腸係肥厚大條既🤤🤤🤤配埋腩汁i like it☺️豬紅，唔會一夾就散👍🏻口感實而不硬😚冬柑桔百香果特飲（$22)小清新系列👍🏻 解一解口水雞食到興恰恰既感覺hahahahah服務很好的餐廳！哥哥仔重會推介你今日有咩好食👌🏻上菜速度都夠快手👍🏻

今日同女朋友玩足全日，番工無時間陪佢，放假就陪佢玩足一日啦！約佢食早餐，去左一間港式茶餐廳，食個港豬早餐先！一人一杯熱奶茶，夠哂醒神。茶香幼滑，入口好順口。女朋友叫左個蕃茄湯雞排河粉。雞排煎到香口又香嫩，入口唔乾身好滑溜，先煎香夠哂香口呀！蕃茄湯好濃郁，河粉掛湯力高，加埋蔬菜，女朋友好鐘意。我叫左腸粉配燒賣。好耐無食腸粉，特登叫黎回味下。麻醬豉油甜醬，腸粉好香好滑，唔乾唔鞋口，燒賣彈牙熱辣辣！下次想試下生滾粥！

今日岩岩去完澳門翻黎~唔想拎住d野周圍行!諗住求其搵間入去就算但發覺我地都無揀錯啊正宗海南雞套餐平時自己最喜歡食海南雞飯而間雞件都算多~~肉質都好滑唯一美中不足既係佢地油飯賣哂了~車仔麵朋友係車仔麵愛好者見到而間有即刻搶住嗌 hahahaha 我地叫左豬紅，蘿蔔，餃子，墨魚春卷蘿蔔超級甜豬紅平時好少食既我想食左兩三件味道不錯喔~蒜香炸雞翼 岩新鮮熱啦上枱即炸架~~雞翼炸到脆啵啵好好味啊如果有d醬汁點埋就更完美招牌鮮茄魚尾湯🍅🐟🍲而個睇得出好足料一上枱好大條魚尾啊加埋一堆薯仔wow 蕃茄同薯仔絕配啦忍唔住飲左幾碗最後叫埋個生菜同飲品

同朋友去尖沙咀買野，買野之前想食少少野。朋友介紹依家樓上中菜館，話唔錯，所以就一齊去。我點左燒味拼盤，想食下肉，又諗住可以夾下夾下。 雖然燒味只有3款，同餐牌圖片有出入，但味道都算幾好。燒豬皮夠脆，燒鴨又多汁。朋友的小食盛合味道都好好，腸粉、魚皮餃都係充滿香港特色的小吃，充滿著童年回憶，深得我心！餐廳食物選擇多，是典型的港式茶餐廳。無論你想食咩，依度都可以滿足到你！食物質素不錯，考慮到地點、價錢，餐廳係超值之選！