六合小廚 (已結業)

今日同女朋友玩足全日，番工無時間陪佢，放假就陪佢玩足一日啦！約佢食早餐，去左一間港式茶餐廳，食個港豬早餐先！一人一杯熱奶茶，夠哂醒神。茶香幼滑，入口好順口。女朋友叫左個蕃茄湯雞排河粉。雞排煎到香口又香嫩，入口唔乾身好滑溜，先煎香夠哂香口呀！蕃茄湯好濃郁，河粉掛湯力高，加埋蔬菜，女朋友好鐘意。我叫左腸粉配燒賣。好耐無食腸粉，特登叫黎回味下。麻醬豉油甜醬，腸粉好香好滑，唔乾唔鞋口，燒賣彈牙熱辣辣！下次想試下生滾粥！