六十六十火鍋 (已結業)

海鮮火鍋都食過幾次，今次來講都真係算係最滿意。今日放工同一班舊同學一齊去食飯，搵到呢間新開嘅海鮮火鍋。湯底海鮮同埋配料嘅選擇都非常多，我哋最後揀咗番茄湯底，係老闆推介嘅，於是就試吓啦！海鮮方便真係每一樣都好新鮮好鮮甜，而且餐牌上例晒每樣海鮮需要煮嘅時間，跟足佢嘅時間就真的啱啱好，唔會太老亦都唔會生😆除咗海鮮好食佢啲肥牛都非常之值得一讚，好新鮮，而且厚度啱啱好唔會太厚又唔會太薄，食落去好有牛肉味。即使用緊蕃茄湯底都唔會蓋時本身嘅牛肉味。打完邊爐之後，老闆幫我地加咗啲脆米同埋飯落去個湯底度，呢個叫做脆米泡飯，成個飯充滿着海鮮嘅香味，而且脆卜卜，好香口，好好味❤️咁近我屋企，又咁好味，下次一定會帶屋企人嚟！