六両三 (已結業)

心血來潮想食牛肉麵又冇可能即飛台灣去食好彩係香港都唔難搵到啲有質素既牛肉麵呢間鋪係台灣老闆打理聽到係當地人已經係一個信心保證另一個賣點係佢地個湯底係用10斤牛筒骨熬最少30個鐘 冇添加任何味精間鋪一到晚飯已經坐滿人咁濟首先叫左一份牛筋麵肉既量好多 好足料食之前習慣先試下個湯湯底既牛肉味好濃郁 有小小辣飲落去唔覺油膩 忍唔住係咁飲停唔到啲麵好入味 有咬口有少量蔬菜同蔥做配襯視覺效果滿分另一個阿宏蔥油拌麵都係吸引我地黎食既原因蔥同油香令人食指大動 好香好惹味而個口感唔會好油另外仲叫兩個小食豆干好入味 如果配飯食會仲正個百頁豆腐就淡味左小小呢個價錢黎講個分量少左啲但整體黎講值得再幫襯

今日同朋友黎到呢間台式既餐廳食台灣菜餐廳既門口同裡面都係以木為主，仲掛滿哂紙燈籠，充滿古色古香既味道餐牌既食物款式唔算好多，主打都係牛肉麵、魯肉飯同一d特色小食，不過勝在價錢合理先黎一碗魯肉飯，賣相幾靚，魯肉份量岩岩好，夠撈成碗飯，而且肥瘦適中，飯夠煙韌，唔錯甜不辣都係第一次食，有d似魚餅、口感軟林林，味道清清地，幾得意古早烏梅汁，酸甜、清涼、開胃，女士們必定啱飲檸檬冬瓜茶，本身冬瓜茶偏甜，加埋檸檬，中左返個甜味，都幾消暑解渴三寶牛肉麵，個麵好豐富,有牛展、牛肋肉同埋牛筋，而麵就有粗麵同幼麵揀,我哋就揀咗粗麵，粗麵好煙韌，索哂d湯汁。牛個方面，個人最中意牛肋肉，肉質好腍得黎，帶點脂肪既香味。牛筋就好爽口q彈。而牛展好有咬勁，都幾好食。湯底就好濃郁，係成個麵嘅精華最後仲叫埋個百頁豆腐,百頁豆腐好林身,配埋旁邊嘅醬汁,非常野味

工作左五日，終於可以同男朋友周圍係獵食啦！行過尖沙咀，發現呢間古式古香既鋪頭，立即吸引左我地去八下有咩食！呢間鋪頭聲稱係冇味精既牛肉麵，所以我地抱著懷疑既心態入左去試。一入到去就嗅到好香既食物味！我叫左牛筋牛肋條麵，個麵一黎到，我立即飲左一啖湯。真係完全冇味精！飲得到係用大量牛骨同加上好多蔬果去煲個湯底！不同其他鋪頭，係完全冇藥材味！牛筋都好爽好有咬勁，牛肋條就肥瘦適中，油脂味濃！係我食過係最鐘意既牛肉麵之一！

亞士厘道轉入宜昌街，見到有間店名好有風格，睇睇餐牌係台灣小店！環境裝潢傳統風，吧檯位睇住師傅響度烹調，別有一番風味！店員國語、廣東話都ok！川味紅燒三寶牛肉麵，聽聞過湯底係每日用最少三十公斤牛大骨來熬製，無落味精，唔怪得個味濃郁得黎又唔會膩！有牛腱、牛肋，牛筋質感有花膠既煙靭口感，半稔！蕃茄牛肉麵，麵條有口感， 大量蕃茄熬製，令整碗麵提鮮惹味，這款每天限量啊！冬瓜檸檬茶清而不甜，好耐無飲到過呢種台灣味道！旁邊加有加上了檸檬的清水！果然好足料，夠斤両，明白叫六両三

好想食台灣野, 今日約朋友食呢間要排隊既台灣麵放工時間黎到, 大概都有10個人係門口排緊隊, 門口裝修到好台灣FEEL~ 好似真係去左台灣咁.雖然前面有10個人 但入面既人都還枱還得快既~好似15分鐘左右都入得。2個人叫左2個麵，我叫左個半筋半肉川味既，朋友叫左個蕃茄牛肉味～係每日限量，話試一試有咩唔同仲叫左個百頁豆腐小食...我地坐左係吧枱果邊，可以一邊望住廚房出麵，一邊等，生意太好既關係，佢無停過咁煮，一路等佢煮我地果碗，真係好餓呀。等左10分鐘，我地既野食到啦!個蕃茄麵好多牛肉，勁足料，用新鮮蕃茄去煮既關係，酸酸甜甜好開胃，牛肉煮到好淋，勁正。我既半筋半肉，肉既份量都唔少，筋煮到好淋入口即溶，湯底勁濃，但唔會好鹹，啱啱好既！百頁豆腐好滑不過好似無乜味，加埋佢枱面既豆瓣醬會更好。都明白點解出面要排隊，因為真係幾好味

每個星期日都會去尖沙咀搵下有乜好食，見好耐都無食過台灣野就搵左呢一間好似幾正宗既台灣人小店啦點餐紙開係尖沙咀地段 價錢都算幾便宜一碗魯肉飯都係$28 香港唔係好多地方做得到！店內裝潢都好有台灣風味魯肉飯 $28如果要評分既話 10/10 首先真係同我係台灣食過既一樣，魯肉肥瘦適中 入味 加埋飯 每淡都好滿足！份量就肯定唔夠啦，不過咁平仲想點？滷蛋糖心蛋 $16呢一個蛋必試，緊緊熟之餘 熱日炎炎食一隻凍而重蛋黃味既蛋入口！古早味滷豬腳 $48 大大件 入味 不過唔知咩係古早味好怕d豬腳有毛，又硬，呢個係無呢個問題！讚呀豆干 $18上面提到魯肉飯唔夠食，將豆干同蛋加落個飯到係完美呀 大家可以試下咬下咬下好快清哂！三寶牛肉麵 $80三寶係牛腱，牛筋同牛肋條牛肉麵當然要試下個湯先啦，湯濃郁浸出小小甜豉油味，同埋重藥材味回甘（個人覺得好正）成碟麵好香，令人流哂口水麵條簡左粗，佢係似拉麵同烏冬中間 幾特別勁足料 牛味好重 $80絕對抵總結，無論環境同食物都比我感覺滿滿的台灣味道

餐廳門面跟內部裝潢有居酒屋的感覺, 既簡潔又舒適。食物的選擇貴精不貴多, 餐牌標明"本店牛骨湯, 用天然食材, 並使用大量蔬果以文火熬煮。過程中不添加味精、牛骨粉及任何化學物品, 請安心享用。"深感此店對客人負責, 製作認真與堅持的態度, 單是這份心意, 已值得加分。川味紅燒牛腱牛肋條麵 (粗麵) $75粗麵煙韌, 牛骨湯味道算濃。牛肋條與牛一厚一薄十分搭配, 可享不同口感。兩者都炆煮至軟腍, 牛味濃郁。滷水溏心蛋 $16蛋黃綿綿, 蛋白軟滑, 頗有幸福感。滷肉飯 (小) $15見食評曾有客人單點小滷肉飯, 但餐牌並沒有此項, 一問之下, 餐牌確實沒有此項目, 但仍可落單。米飯頗有咬口, 滷肉有肥有瘦, 不會過膩。小小一碗, 既可滿足一嚐滷肉飯的欲望, 又可多試其他食物, 抵讚。

平曰同朋友吃牛肉麵，多數會去鐵牛，然而她發現一家唔錯的牛肉麵，今天相約去試試看。原來她是指位於尖沙咀宜昌街的那一間-六両三。這家台式麵店開了大約半年多，但食客不絕，不時看見人龍在店外等候。店子裝修古樸，懸著印有店名的舊式紙燈籠，設有吧座和枱座，幾有台灣麵店的氣氛。餐點主打牛肉麵，還有乾拌麵、湯和滷水飯，牛肉麵的定價比一般的貴少少。川味紅燒三寶麵$80這三寶麵可以一次過滿足哂心多多的人，配料有齊牛腱、牛筋和牛肋條。牛腱帶一點厚度，口感唔錯，但味道唔係咁突出；牛筋炆得夠軟身，又唔會太腍，充滿骨膠原；牛肋條肉味濃厚，滿有肉汁，還帶一點口感。而湯底是深深的棕褐色，味道濃郁而深穩，牛骨味中透出淡淡的紅燒味，而且一點也不辣。加上粗身又彈牙的麵條，真係幾滋味。蕃茄牛肉麵$88這蕃笳牛肉麵是限量供應。牛肉大大件厚切，用的是筋腩部分。牛肉肉質比較挺身，牛肉味濃厚，加上這部位附有筋的部分，口感挺實中又帶一點嚼勁，肉的感覺強烈。這湯底以大量鮮蕃茄熬製，味道酸酸地，蕃茄味濃郁，應該沒有加入茄茸，所以是比較天然的蕃茄味。即使飲了半碗湯，也沒有口渴的感覺，應該沒有味精。加上麵條粗身，口感彈牙又QQ, 是一碗不錯的

非常喜歡到台灣旅行的我，當然都試過很多家台灣的牛肉麵和滷肉飯。這家的味道超級台灣風味，味道絕對是超讚，令人一試難忘。店內地方不大，有一點點迫，不過感覺好溫馨~~整個感覺都是柔和得令人放鬆的~我點了一碗川味紅燒半筋半肉麵，湯頭好甜，充滿牛香味，牛筋爽軟，口感控制得非常好，而麵條都是合乎我最愛的不太硬口感，把湯汁都吸在一起，能品嚐到湯的清甜香味。老公點了滷肉飯，這個飯的重點就是在於肉香!!!不是油膩感，但就有著濃濃的豬肉香氣，每一口都是一份幸福的味道~~~!!!雖然看起來只是小小的一碗，但吃起來份量真的一點也不算少。另外點配了的一份溏心蛋，蛋很軟Q，蛋香十足~非常喜歡台灣和日本的食店都有這樣的蛋在賣，一顆就能滿足心靈~~!再點選了牛三寶拼盤作為小食，內容分別是：金錢腱、牛筋、牛肋條，三款都很入味，口感軟嫩，咬起來不費勁~飲品只點了簡單的可樂~~總結，這家真的很有台灣風味，如果喜歡食台灣味道的人，這間絕對不會失望~!!

台式餐廳這兩三年在香港大行其道，風風火火，台式飲品店開到成行成市，台式火鍋，台式麵店也是。 今次食呢一間係某飲食雜誌介紹， 見佢menu太貴精不貴多，主打牛肉麵 ，滷肉飯。 牛肉麵唔貴，滷肉飯更加係街坊價。店主居港的台灣基隆人， 但為咗開鋪 佢都特地回台灣陽明山麵店學師，主打是湯底冇加味精，由牛骨，香科，藥材炒製而成，落足心機時間。去到見到店面不大， 有小日式居酒屋風格， 餐單亦只有一頁紙，簡簡單單。我們叫了碗川味紅燒牛筋細麵， 一碗川味紅燒牛三寶粗麵， 溏心蛋， 百頁豆腐紅燒牛筋麵 ，細麵非常幼滑， 湯底清甜 有淡淡嘅藥材味，雖叫川味但並不辣 ， 牛筋很多，很入味。川味紅燒牛三寶粗麵，三寶為牛腱，牛筋，牛筋條，牛筋條似是牛筋腩，肉中帶筋，牛味重，非常美味。粗麵比幼麵彈牙，傳統上亦更多用於配搭牛肉麵。溏心蛋見有評價話太鹹，我覺得就配面，或飯就剛剛好，半熟鹵蛋對我來太吸引，自己獨。吞了。百頁豆腐係豆腐加壓再切成片，片狀中見到干絲，因為有多層干絲，很吸味，所以只加了一點滷水汁就足夠。總括黎講性價比高，抵食。

之前見好多facebook post 推介呢間新新地的台灣小店，個個都推佢細細碗嘅肉燥飯，見唔係咁肚餓，就去試下﹗我同友人叫左一個細肉燥飯，清燉牛肉麵，加支冬瓜茶。清燉牛肉麵，我地叫左牛展，瘦得黎又唔會好硬，而且D 麵都有咬口，小小似烏冬texture。成碗麵味道，我自己食覺得OK, 不過友人食慣重口味就覺得偏淡。至於重點的肉燥飯，真係有D細，每人食兩啖已經無左，當下午茶的話還可以。至於味道，其實真係幾唔錯，唔覺油膩，而且好入味。推介!兩個人share當下午茶，$101食到台灣的家庭味都抵吖!

本身無特別話黎呢間但話食台灣野就配起呢間小店位置方面都比較難搵而且鋪位裝修樸素 行過左都未必發覺必食嘅牛肉麵牛肉好軟身好稔而且麵身好滑 仲有個湯好正呀魯肉飯，本身以為會好肥，但食落又好ok wor !! 好好味呀小黃瓜好脆 好味 但份量太少，得幾舊仔甜不辣，完全係台灣嘅味道，好好食呀不可不飲嘅冬瓜茶唔太甜 又有冬瓜味 出面買果啲多數甜耶耶 但呢個好清甜不得不讚店家嘅細心為方便長髮女士食麵特別準備左橡膠加分位呀完全係下次一齊要再黎食

一直經過呢間鋪頭，都以為係日本餐廳，因為裝璜十分日式。今日第一次初嚐，先發現原來係台式牛肉麵專門店😍川味紅燒牛肉麵❤️牛湯好足料濃味，牛肉半肥瘦，嫩滑淋身😋麵可自行選擇粗麵或細麵。我就叫左粗麵，彈牙好qq..川味紅燒三寶牛肉麵❤️牛腱 - 厚身嫩滑牛筋 - 無渣彈牙牛肋骨 - 入味唸身涼拌小黃瓜❤️酸酸甜甜好開胃，爽口新鮮。感覺好清新😋😋皮蛋豆腐❤️必叫!!豆腐超滑滑滑滑! 皮蛋同醬汁木魚超配搭，凍冰冰甜甜的，一流！ 高水準之作。好後悔咁遲先嚟呢度潮聖😋裝修特別之餘，食物味道正宗，價錢亦相當親民，可以成為lunch or dinner 飯堂😋😋😃

上網睇呢間六両三標榜沒用味精，身邊都有好幾個朋友叫我試下呢間，今日同女朋友出尖沙咀行街，就決定去試一試門面整得幾靚，咁岩影完一分鐘出面就排哂長龍，好好彩我地排第1個好快入得，都幾多人食入去坐低，成間鋪都係牛肉麵既香氣，無論食物、小食，到飲料都係台式既風味，不過主食就以牛肉麵為主。而佢亦放住一d流行既台灣音樂，好多我都好鐘意聽haha我同女朋友就叫左2個麵同d小食牛肋條牛肉麵 (粗麵)半筋半肉牛肉麵 (幼麵)兩個面既湯底睇得出落左心機去煲，食落的確味濃但不是味精既味道牛肉蚊得好淋，而且唔同既牛既部位都煮得好入味，成舊都吸收哂d精華我哋一個食幼麵一個粗麵，兩隻面嘅麵質都好好食，不過兩隻食落嘅口感都唔同，粗麵硬身有口感，幼麵比較爽滑，不過兩隻都好食冬瓜茶有台灣既水準，甜度ok，不咼檸檬如果用青檸就perfect ~一望落就覺得似係台灣食既燙青菜，再淋上滷肉汁，好味總括黎講，都幾值得大家黎試下，200蚊有找仲食到好飽，性價比幾高~

行經尖沙咀 俾六両三個招牌吸引左 細心一睇 完來係台灣菜 二話不說拉左b先生入去食裝修走文青風格 open kitchen 設計 令人感到更衞生 仲播住台灣歌手流行歌曲 一路聽歌一路食飯 感覺好舒服餐廳好細心 枱面有橡筋 俾客人使用野食選擇貴精不貴多主要係食面 有湯同乾面 另外 仲有湯，滷肉飯同一d小食最後叫左川味紅燒三寶牛肉麵草山炸醬麵切豆干冬瓜茶切豆干份量更少 但非常入味 好有口感 越食越有味草山炸醬麵一上枱 呆左 點解好似白烚咁 原來係寶物尋碗底 碗㡳有滷肉加秘制炸醬 撈勻後 味道岩岩好 好香好惹味川味紅燒三寶牛肉麵三寶係 牛筋 牛展 牛肋條 牛筋淋 牛展爽 牛肋條正 湯底濃而不膩 面好有咬口 配合得岩岩好冬瓜茶唔會過甜 味道岩岩好唔洗一百一個人 性價比高