六両三 (已結業)

今晚有朋友係加拿大回港探親，同屋企人食到飽飽滯滯話想同我食D light 嘅食物我帶佢來呢間出名牛肉麵嘅台灣小店。餐廳出面古色古香咁入到去地方比較細，望下menu睇下食咩先。呢度主打牛肉麵，點都叫碗最無敵嘅三寶牛肉麵，可以試曬牛腱，牛筋，牛肋條最愛牛嘅你，萬物錯過！湯底都好正好香，真材實料，不含味精D麵可選粗或幼，朋友喜歡粗，食落好有口感超鑽魯肉飯D肉好入味，食左一舊立即愛上加了隻滷水溏心蛋，好流心好好味另外又點了切豆干，好香我的至愛非常鐘意！飲品方面叫左冬瓜茶，幾好喎，唔太甜。而番石榴汁朋友表示唔錯總結: 舖頭細細，食物種類不多，但勝在價錢公道，食物質素高，會再幫襯

平時經過呢間鋪, 都會見到長長既人龍, 今日見人龍唔算太長, 又未係好肚餓, 試下係唔係真係咁吸引先!外觀我覺得好似日本料理既裝修, 原來係食台灣野師傅好埋頭苦幹咁下廚入面係一間細細既鋪, 唔算係太迫, 我地安排到角位就座枱面會有橡筋圈俾女孩子紮起頭髮, 好貼心啊~我地叫左一個蕃茄牛肉麵, 湯底有濃濃既蕃茄香, 算係濃湯, 粗麵口感不錯仲叫左一個三寶牛肉麵, 入面有牛腱, 牛筋同牛肋條, 湯底反而比蕃茄啖, 但都很有既牛味, 清清地最後飲品係冬瓜茶下次會再黎試下佢地既小吃~

I have heard about this popular Taiwanese restaurant for a while, and decided to give it a try tonight. We arrived at 8:30pm and there are still three groups of people waiting - this shows how popular the restaurant is haha but the staffs are really nice 👍 politely told us to wait outside and asked if we mind sitting on the bar seats (of course we don’t cause all we care about was the beef noodles hehe) the interior inside looks like the tourist place in Taipei (jiao fun) very Taiwanese interior

好日式嘅台灣牛肉麵！我哋經過尖沙咀亞士厘道附近見到一間”日本野”，因為佢門面嘅裝修成間餐廳嘅裝修好有日式feel，咁我哋就盲中中入咗去，我哋見到點菜只上面唔係寫拉麵，而係牛肉麵，我哋嗰陣時先知道原來係台灣野黎嘅，我自己就對台灣野冇乜興趣，諗住走之際，我男朋友就話個裝修都幾靚，不如食埋佢先走啦，試吓啦試吓啦⋯⋯我男朋友就叫左一個三寶牛肉麵，裏面有牛筋，牛腱同埋牛肋條，我自己就唔係太鍾意食牛肉麵，我男朋友就話好好食，佢話啲面好入味，仲有勁多牛筋，我男朋友好鍾意食牛筋所以就對依碗麵嘅評價非常之高，佢話如果個面好似日本咁樣有得加面就好啦⋯⋯我自己都覺得個面底非常之正，好煙韌，好有質感，我自己都好欣賞！因為男朋友好鍾意食牛筋嘅關係，我就特登叫多碟紅燒牛筋，我覺得性價比都非常之高，男朋友話以咁嘅價錢比咁嘅質素，係A級牛筋！正！我自己就叫咗一個炸醬麵食，我以為渣漿面嘅份量唔會話好多，食咗一半已經食唔晒，如果女仔嘅話一定要同埋男朋友一齊食，因為如果今次唔係我男朋友幫我清左佢，我好有機會就浪費晒啲食物，個炸醬麵份量真係好多。個面可以好入味如果你撈得好，我男朋友狂撈，成個面超好食！下個星期又食過。。。

係尖沙咀返工食lunch，今日想轉下新野平時留意左呢間台式野好耐，次次都有人排隊，攪到同事唔想等今日經過見少左人，好快就有位呢到主打牛肉麵，講明係無味精我要川味紅燒牛肉麵，同事要川味紅燒牛肋麵條麵條有粗幼麵揀紅燒牛肉麵，第一啖當然要先飲湯湯頭味濃得黎而清澈唔油膩牛骨味重帶少少藥材藥，飲完証實真係無味精架喎粗麵幾煙韌，幾有口感原來最普通既牛肉麵就係牛腱，厚切而軟腍，幾好食同事既紅燒牛肋條麵，要幼麵我地交換少少麵食，幼麵好軟身，而且比較吸湯入味，但講口感，我個人覺得粗麵好d，其實粗幼麵，大家都各有各好牛肋條都好入味，好腍小食類share 溏心蛋，午價優惠價抵，蛋又大隻，蛋黃流心，好味豆乾，份量唔多，但滷得好入味，比頑皮豆乾更好食飲品想要古法烏梅汁，但侍應話無，轉左酸梅汁，酸酸甜甜幾解喝

因為同事成日都推介 終於心思思咁黎食一次佢位置比較唔當眼 轉角位而裝修都好日式 門外睇到都似係食日本野入到去 落order 大概等5分鐘就好了我點左 牛筋牛肋條粗面牛肉湯底完全無味精 飲落一啲都唔鹹牛肋條炆得勁林 一咬落去已經化開牛筋又香又軟 但唔會過火 依然有彈性面條爽口彈牙 唯一不足係個面唔夠入味要一啖面一口湯 咁先可以平衝返個感覺就算食晒成碗面 一啲都無口渴gei感覺另外 仲有一啲小配料 有奄菜同埋辣椒醬 佢個奄菜都好台式食落唔太鹹 都無酸 好有台灣感而辣椒醬比較似豆板醬 偏鹹少少而且餐廳非常貼心 枱面有放左一啲橡筋係俾長頭髮女士食面時用黎綁頭髮gei方便唔好整污糟頭髮或者個面

古色古香嘅門面，成為宜昌街嘅亮點。幸好，暫沒入排隊，這樣就可以衝住去食。我是衝著滷肉飯來的，像肉餅一樣，只有肉和飯，就可以吃得滿足，吃得飽。份量還可，特別時豬肉油好香，這樣就扒光一碗。川味紅燒三寶牛肉麵，有牛腱、牛根同牛肋條。一次過可以食匀三款牛確係興奮。最驚喜係個自家製辣醬原來有牛骨髓淆製，有牛蘇香，味道統一和合。另外叫埋台灣小食皮蛋豆腐，豆腐似係平時盒裝豆腐，但食落好冰涼暢快，份量較少，似一人前。而皮蛋有流心感覺，加埋木魚好完美。

今日同老公去左尖沙咀行街，行經過條巷仔，有幾間細餐廳，我哋最支持小商鋪/非連鎖店，所以搵左間好多好評嘅六兩三試下。一入到鋪頭發現地方好細，但好其理，店員好友善，由於係非繁忙時間，等左一陣就有位啦。六兩三係食台灣牛肉麵，餐牌選擇唔多，我叫左川味紅燒三寶牛肉麵（牛腱、牛筋、牛肋條），揀左粗麵，$80。 老公叫左川味紅燒牛肉麵，揀左幼麵，$68。每人加左隻滷水溏蛋，$12。先黎左滷水溏心蛋，好入味，可惜咸左d，所以等埋碗麵先一齊食。d好有咬口，似係自己打嘅麵條，十分高分，牛肉入晒味，唔會煮得太“淋”，如果牛筋可以煮“淋”d會仲好味。老公嘅幼麵冇粗麵咁有咬口，但老公鐘意幼麵多d，因為掛汁多d。最後要讚嘅係d牛肉湯真係超級好飲，我成碗飲晒。

早前同事介紹在尖沙咀一間台灣麵店，頗有水準，佢仲話老闆喺台灣陽明山學師回來，在香港一展所長，佢嘅湯底係用30公斤牛大骨加上72小時落足心機淆製，在香港難得有一間正宗台灣麵店出現，所以我今日同朋友嚟非試不可。我點了一碗三寶牛肉麵，端上枱已經聞到陣陣牛香，滿滿一大碗，材料相當可觀，軟腍嘅肉質，厚切得好有層次又多汁，牛香味濃郁。軟綿綿嘅牛筋柔韌兼備，膠質豐盛，滑捋捋。甘香無比，肉質幼嫩柔軟蜜甜，三寶都各有口感。麵質較幼身鬆軟。另一碗番茄牛肉麵都不遑多讓，厚厚嘅肉質同樣濃香撲鼻，配搭精挑番茄食材，特別鮮甜，令呢碗牛肉麵更加錦上添花，最後 連湯都一飲而盡。此麵條質感較似烏冬。還有自家製飲品提供，其中一款冬瓜檸檬茶，非常特色，清香潤喉，飲過後令你心曠神怡，心情亮麗。

今日見難得假期，就去咗尖沙咀接朋友收工，順便食餐飯，見見面~朋友仔就推薦咗呢間台灣麵，仲話信心保證。比起台式小店，呢度嘅裝修更加似日式居酒屋，掛滿燈籠，燈光微暗，差啲就要叫返杯啤酒泥啤返杯！川味紅燒三寶牛肉麵原本諗住食蕃茄牛肉麵，但可惜去到已經賣哂，唯有同朋友轉戰三寶牛肉麵。三寶有牛腱、牛筋同牛肋條，牛筋好黏口，感受到滿滿嘅膠原！牛腱同牛肋條都好入味，煮到軟腍，牛味重，加上牛肋條厚切上陣，都幾有咬口。就算係幼麵，呢度嘅麵條都係比較粗身，更有口感。餐廳標榜冇味精、冇科學成分，湯底依然好濃郁，難得地仲冇咩油膩感，飲落仲有啲牛肉嘅香味。皮蛋豆腐同朋友仔叫多咗個小食加餸，雖然豆腐係普通嘅盒裝豆腐，但係加埋皮蛋同木魚絲做調味，就輕輕提出咗豆腐嘅鮮甜。

這樣的面門，經過看到很難不被吸引吧？就算要等也決定要試試。店面不大，滿座的話座位真的有點迫，不過裝潢設計很有味道，讓人感覺舒服。冬瓜檸檬茶 $23香甜冬瓜配上酸味十足的檸檬，味道清甜帶微酸，很清爽醒神。皮蛋豆腐 $38碎皮蛋加上濃稠的醬汁，以及滿滿的木魚絲，再配搭豆味濃的豆腐，當然不會難吃，但算不上特別。滷蛋溏心蛋 $16做到流心程度剛好的溏心，且滷得夠入口，蛋亦嫩滑，醬油香加蛋香，十分美味。古草味滷豬腳 $48滷到極軟稔的豬腳，很易脫骨， 皮層啖啖軟綿骨膠原，肉質鬆軟好咬。味道恰到好處，不會太甜或太鹹。三寶牛肉麵 $80所謂三寶，就是包牛𦟌、牛筋和牛腩。牛肉麵的湯底味道香濃，牛肉味重，鮮甜中帶微辛。牛𦟌口感鬆軟中帶彈性；牛筋炆得夠稔，軟彈好咬；牛腩肉質軟稔，入口一咬便鬆口。3者都炆得夠入口又夠香。麵的質地爽滑有彈性，煙韌好咬，而且充分吸收了湯和牛肉的味道。滷肉飯 $28肥豬肉做成的滷肉，聞起來很香，口感油潤而不膩，配白飯是最好的選擇。餐廳全日免加一，食物價錢以同區來說絕對算得上親民，有滿滿的台灣味，而且忙亂中仍然保持不錯的，想台灣的時候可以再去。

今天去左尖沙嘴食台灣牛肉麵，六両三在尖沙咀好有名氣，趁未有人潮，來個逍遙午餐冬瓜檸檬茶$12大大杯手製冬瓜檸檬茶$12～甜度適中，在炎炎夏日喝一口，透心涼冬瓜同檸檸味好夾，台式飲品千變萬化，六襾三的牛肉麵蕃茄牛肉麵$88每天限量麵條是粗麵，煙韌有彈性，掛湯能力強每一口濃濃的蕃茄牛肉湯好好味，超正蕃茄煲至溶化好有口感，牛肉味也好濃郁，蕃茄配牛肉不敗的味道，六両三的蕃茄牛肉麵可謂101分牛肉～根肉分明，入口淋滑，唔un,入口有𡁻頭而且不痴牙，份量足而且煮得好入味濃湯的濃度，真的心藏不露連麵條也看不見好抵食，台灣牛肉麵必選六両三

這間尖沙咀牛肉麵店耳聞時已想試，但總記不到店名，趁今天有空時去試，一人餐就坐吧枱餓底關係除了牛肉麵也叫了細滷肉飯，滷肉飯沒有印象中很鹹的感覺，煮時應該有加入白胡椒，它有餘韻但無礙品嚐滷肉汁的味道，唔會太鹹，份量把飯撈勻剛剛好，很快一飯不剩吃光光！麵叫了清燉半肉半筋麵，湯蠻醇厚的，可以喝清光；牛肉採用牛腱肉，做得淋身，入口會化，所以會容易夾散，但味道不錯；筋部分炆得腍，對於喜愛有咬口的筋我比較無感，總之拼牛肋條；麵的粗度像上海麵，是QQ的有嚼勁，大愛！這間店座位不太多，但可以外賣自取(外賣容器每個加$1，即是如果湯和麵分開裝要加$2，尖咀上班的有福了！但平日Lunch聽聞超多人！下次再訪的目的仍是滷肉飯，真是抵又好食！總評分：8/10回鍋指數：8.5/10

呢排好中意食台灣菜，見到呢間幾多人食又試下。餐廳細細間，裝修古色古香，主要食牛肉麵，我地點左半筋半肉紅燒牛肉麵，滷肉飯同甜不辣。滷肉飯幾大碗，滷肉味道濃郁唔太肥，不過不失。而牛肉麵就好大碗足料，牛肉煮得好淋，而麵質亦彈牙。最喜歡小食甜不辣，其實係魚餅，口感好煙韌，甜甜地好味！同埋點左滷肉青菜，菜份量夠多，不過滷肉就小左d~飲品方面有芭樂汁同冬瓜檸檬。而家同類型既台灣店愈開愈多，要突圍而出可能要花d心思。

上星期係尖沙咀睇完戲，行到宜昌街見到有間啡色小木屋餐廳，起初還以為是日式拉麵店，細看先知原來係台式料理「六両三」🍚🍚依張相係我地食完之後影，好彩不用排隊🙈入到去店內不大，但開房式廚房掛滿黃白燈籠，加上高樓底的天花用了木製，感覺就好似去左古代的台灣夜市～😂😂另一邊牆身又有蔓藤裝飾，簡簡單單幾清新～川味紅燒牛腱牛肋麵條 $75見到餐廳主打無添加味精、任何化學物品的牛骨湯，當然要先來一碗啦！驟眼睇個湯汁都濃而不油，飲落係極香既牛肉味道，岩哂牛肉控！話明川味就是有少少辣，應該加左花椒、豆瓣等材料製成～牛腱是牛腿部的肌肉，炆得好軟腍。而牛肋條就是肋骨間的條狀肉，因為肉塊上方有一層白色的筋膜，所以吃來有點嚼口彈性，兩者都煮得好入味！麵條揀左細麵，咬落都好有彈性，全部都係牛肉湯既精華！滷肉飯 $28 三十蚊不到就吃到台式滷肉飯雖然份量只有一個飯碗，但味道絕用上五花腩肉，肥瘦均勻，油香豐腴，岩哂用來撈飯食加上兩片酸蘿蔔剛好減少油膩感～滷水溏心蛋 $16不便宜呢！好彩滷水味道足，都算值回票價～阿宏蔥油拌麵 $45第一次食既拌麵😅睇到冇咩材料，食落去醬汁掛滿粗麵，味道濃郁，就是簡單用豉油、蔥都夠吸引！而且