六両三 (已結業)

今次同朋友去左食依家好有台灣味道的飯店🏨一入到餐廳裡面需然説是台灣味道，但比我感覺有些日本feel，感覺好舒服係有d位會比較窄左小小。川味紅燒牛肉麵 $68這碗紅燒牛肉，d牛係好淋好薄👍🏽湯底都帶有小小牛肉味唔太濃，麵我選擇了幼麵都非常好😋滷肉飯套餐 $48他的套餐就只有飯、蛋同青瓜，左上角係甜不辣😋甜不辣個口感非常不錯有種似咬緊d軟糖的感覺👍🏽滷肉飯我就覺得都可以，可以多小小d汁咁就更好味☺️冬瓜茶 $9芭樂汁 $10大至上我都覺得抵食唔太貴在市區裡都可以食到有台灣味道的嘢食。值得一試👍🏽😋

今日去左尖沙咀行街 行到好熱又累就不如去食個飯先啦 見到呢間六兩三個名咁特別同埋食惹味台灣野 就不如入去食啦首先叫左一個前菜 有牛筋 牛腩同牛展 牛筋唔太硬而且膠質幾重 貪靚人士最岩 牛腩鮮嫩彈牙 肉味香濃 牛展都幾爽口 香料味道完全滲入肉裡面 非常可口之後叫左一碗牛腩麵 牛腩係香濃既肉湯入面既味道更上一層樓 而且麵既質感非常彈牙 簡直令人食到上癮呀到最後不得不提既就係杯凍檸茶 呢杯茶既特別之處係個茶底 香茶味得黎完全唔澀 岩哂我呢啲怕苦人士

工作一整天放工幾個同事一齊食飯傾訴呢間台灣店係絕對係一間抵食好味之選！次次經過都好多人排隊今次因為早到 等一陣已經有位食物味道不錯 而且服務態度好個人最喜歡滷肉飯滷肉肥瘦均勻 味道濃郁牛三寶拼盤肉質嫩滑滷肉飯 $28淋上煮熟肥美的碎豬肉和滷汁油亮色美 濃郁醬香滑嫩飄香口感！推介！阿宏蔥油拌麵(幼麵) $45個人比較喜歡幼麵麵身軟腍滑嫩 配上滋味乾蔥口感十足！草山炸醬麵(粗麵) $45牛三寶拼盤 $78有金錢肚、牛筋及牛肋條每款都juicy肉味十足肉質嫩腍入味 容易入口！推介！滷豬腳 $48豬腳 份量多豬腳大大件煮得腍而入味滿滿的骨膠原肉質腍滑唔會煮到硬崩崩豬皮表面光滑去毛亦做足功夫令人食得放心皮蛋豆腐 $38涼拌小黃瓜 $22切豆干 $18台式泡菜 $25

得閒無事落尖沙咀逛逛，行到咁上下又係揾食時間，見到呢間舖名幾特別《六両三》，咁就推門入去試試。原來主打係台式美食，舖仔細細，但佈置格局都幾别緻有心思。川味紅燒牛筋麵 ($70)上枱，賣相不俗，呢度開宗明義話唔用味精。呷一口湯試試味，湯色清澈淡淡滲出牛肉香，麵身煙煙韌韌滿有嚼勁，牛筋入味之餘，唔會太腍或太硬，火候掌握得啱啱好，絶對值得一試。食台灣嘢又點可以唔叫滷肉飯 ($28)，小小一碗上枱已聞到香甜嘅滷肉汁味，D滷肉選料有肥有瘦，食落唔會乾食，加埋飯味香濃嘅珍珠米，一絕。小食揀咗個切豆干 (午市優惠 $10)，澆上醬油膏同少少胡椒粉嘅豆干，食落別有滋味。燙青菜+滷肉 ($26)，鮮嫩爽口嘅台灣A菜，配上香甜嘅滷肉醬汁，味道剛剛好。芭樂汁 (午市優惠 $10) / 熱薑母茶 ($20)，配埋2杯飲品，埋單160蚊左右，食得飽飽，又食得清清哋夠健康，喺尖沙咀呢區嚟講，絕對係性價比高嘅揾食選擇。

每次經過尖沙咀都見到呢間 六両三 既裝修有啲特別，感覺似古代既風味，是台灣的古早味，讓人覺得回到古時。所以今日決定黎呢間古早味既 六両三 感受台灣的古早味！外表的裝潢吸晴之外，內裡都同樣吸晴。以開放式廚房作設計，掛滿了燈籠，放滿了湯碗，有種懷舊感，場內都非常多客人，店員既態度無因此而變差，有台灣的感覺。甜不辣由魚肉或蝦肉打成漿，再落油炸起，做成條狀底餅狀。呢間店既甜不辣係切到細細條，好似手指般大細，食起上黎可以斯文d。甜不辣上面淋左特色醬汁，味道上以微咸為主，小小甜又有小小辣，風味十足。甜不辣最特別既地方就係佢既嚼勁，放入口之後可以咬番一段時間而不必太快下嚥，咬得好有滿足感。滷水溏心蛋要整好食既溏心蛋其實唔難，但花費既時間好長，而且要整到剛剛好的溏心效果，時間要調節控制得好好先做得好。呢間店會將溏心多切半，睇到中間既溏心效果好治癮，味道剛好，唔會太咸。滷肉飯台灣著名食物之一，將五花腩切粒，加上自家制既醬汁烹調，淋上熱騰騰的白飯上。細食既我都食得上兩碗，油脂流落白飯上，唔會太油膩又唔會太多肉，小小醬汁禁配白飯，正！紅燒牛肉牛根麵牛腱不但少油脂仲有啲根位，有啲咬口，更令人喜歡，唔會太軟又唔

作為上班族既我未有假可以飛台灣快閃唯有約埋啲朋友仔黎呢間小店食台灣美食 時間約晚上8點鐘門口都好多人等位啦古早味滷豬腳$48 豬腳滷得好入味夠曬冧連平時唔太鍾意食豬腳既我都覺得好好味 真心推薦牛三寶拼盤$78 包括有金錢腱、牛筋、牛肋條 牛筋幾冧 金錢腱同牛肋條味道夠曬濃郁好入味滷蛋溏心蛋$16 涼拌小黃瓜$22黃金泡菜$25豆干$18炸醬麵$45 滷肉飯$28 必食之選用左半肥瘦肉做味道香濃而入口唔會膩 果然冇令我失望 好味皮蛋豆腐$38 豆腐入口清新涼快加埋皮蛋同木魚配上醬汁幾開胃阿宏蔥油拌麵$45 有得揀要粗麵定幼麵 我地就揀左幼麵 店員上菜時好細心叫我地趁熱快啲撈黎食加左蔥花入口好香 麵質軟硬度適中 咸道剛剛好芭樂汁$20

今日約咗朋友在尖沙咀做facial，做完之後plan咗去吃韓燒，正當我地行去搵食嘅時候，突然朋友嘅boy friend 打電話畀佢，於是一個電話就把朋友撬走，只好嘆一句「重色輕友」。無法啦，得番一個人，唯有自己在附近逛逛搵食啦。唔想去商場d食肆，又唔想去food court，於是就係尖沙咀嘅橫街小巷左穿右插，忽然見到一間裝修古樸的台式麵店，門前仲有好多人排隊添，心諗應該差極有譜啦，反正有時間就去排埋一份。真係幸運指數爆燈呀，前面排隊嘅都係三五成群，只有我係一枝公，啱啱店內仲有一張兩人枱的吉位，於是等咗幾分鐘就可以入座，有食神啊！店內面積雖然不是很大，但裝修雅緻，座位安排唔迫夾之餘，而且仲好整潔，店主還在牆上安裝不少掛鈎，方便客人將物品掛起，咁就坐得更加舒服啦，真係好細心啊！採用開放式的廚房，前面有吧枱位可看到廚師煮食嘅過程，下次再嚟一定要坐。看到點餐紙上「台式小吃」有成10款咁多，其實樣樣都想試，不過今日只得一個人，就先點4款嚟試吓先。涼拌小黃瓜黃瓜咬落爽脆，醋味濃，酸酸地，非常開胃，而且有很多蒜粒，充滿蒜味，正！滷水溏心蛋半凝固的蛋黃加上嫩滑的蛋白，還帶有淡淡的滷水鹹香，空口食或拌麵

豬血糕-無味，好似風乾左3日3夜嘅白烚糯米飯 牛筋幼麵-我絕對相信個湯底無落味精，因為個湯連味都無。今日，我第一次品嚐到無味嘅牛筋。公道d講句，我諗牛筋本身應該真係無味，但係我真係冇食過咁原汁原味嘅牛筋，第一次食到真係比佢嚇親。而d麵無乜咬口，腍多少少就好似上海煨麵咁。溏心蛋-溏心嘅雞蛋🥚ok👌🏻總結-試過一次都嫌多，但係想試下冇味嘅牛筋，同時又有錢無「訂」駛嘅話不妨一試。推介比仇人一流👍🏻

放lunch時段, 周圍都很多人。經過這間台灣小店, 看到很多人在排隊, 看似不錯, 所以我們也跟著排隊。我們被安排坐在吧檯, 可以看到師傅煮食物，我們點了燙青菜、滷水蛋、一個滷肉飯午市套餐和川味紅燒三寶牛肉麵。枱上有橡筋，讓長頭髮的女士在吃牛肉麵之前可以紮起頭髮，是貼心的表現。滷肉飯套餐會跟上滷水溏心蛋和涼拌小黃瓜。 滷肉飯一小碗, 肉碎有很多, 肉碎配飯很好吃。溏心蛋是凍食, 蛋黃是半熟的, 是一個豐富兼滿足的午餐。還很抵吃呢~川味紅燒三寶牛肉麵會配上牛筋、牛腱、牛肋條。 選擇了要幼身的麵條, 麵條充分吸收到湯汁的味道, 麵條質感彈牙、有嚼勁。

因太座要求，隻身做先行部隊來這「六両三」試菜。本身很愛另一台灣大集團的「紅燒牛肉麵」，來這裏也試她的「川味紅燒半肉半筋麵(細麵)」(見圖)。落單後，等了差不多15分鐘麵才上桌，原來細麵要等耐一點。牛肉牛筋都很軟及鬆化，但份量少了一點。麵很彈牙。必須一提係個湯，餐牌已寫明用牛骨及蔬果製成，不含任何味精或牛骨粉。這湯真的很好味，最終把所有湯飲到一滴不剩。在其他地方吃拉麵都會飲點湯，但不會整碗飲下去。可想而知這湯幾好飲。這店的麵比很多日式拉麵好吃，且價錢也平一點。一有機會必定就會再來！

同大家講個小小小秘密🤫因小肥媽係台灣人☺️👩🏻而且小肥小時候喺台灣生活過五年🤪所以其實小肥算係半個台灣人🤪🙌🏻仲記得細個喺高雄左營果貿住既時候樓下有間煮出香噴噴麵食既地道麵館☺️雖然唔太出名做街坊生意但卻煮出童年到宜家都仲記得既回味記憶🍜☺️💭回到香港之後想搵到一間具風味既台灣牛肉麵已經好難🤥想食返童年回味記憶更難上加難🙊適逢今日假期黎尖沙咀閒逛買野經過見到以日式全木居酒屋門面示人既六両三🏮🍴雖然係一間台灣食店🇹🇼但裝潢格局設計都仿如進入日本某角落居酒屋🤪再配合柔和既烏絲燈光同仿居酒屋內既燈籠🏮💡台式地道既小食 日式環境既化身🤪如果喺牆上標埋各款野食同價格就更特色了😆抅起小肥童年喺台灣既回憶🙇🏻‍♂️☺️位於尖沙咀宜昌街既六両三帶出無限台風內涵風味☺️煮出具台灣風式食材☺️🍜🇹🇼而午餐除左基本主食之外🍜🍛可折價加配小食及飲品更為經濟實惠☺️同埋午餐時段都幾多人黎捧場🙊🙊如果想黎食既朋友們🙇🏻‍♂️記得預多啲時間排隊啦🙊🙌🏻川味紅燒半筋半肉麵兒時食牛肉麵好鍾意叫多啲牛筋🐮😆🙌🏻個人比較喜好牛筋軟滑既口感☺️所以呢間「木店」有半筋半肉亦十分驚喜😆🏮而店內亦採用牛展部位更加爽口🤤牛展牛筋同樣地煮得嫩腍夠哂入味😋

話說，某週三的晚上，和美女朋友終於來了試六両三! 閒日七點半到達，人竟然挺多的，要排隊，幸好排了十分鐘，就可以進去了。餐廳裝修感覺古色古香，桌椅都偏小，挺有台灣的感覺。點餐後食物很快就被陸續送上來了，最先來的是滷肉飯($28)，滷肉肥膏挺多，好邪惡。燙青菜+滷肉 ($26)的青菜不錯啊，挺新鮮，汁不會太咸好適合我。另外，蛋控當然要吃滷水溏心蛋 ($16)，蛋黃好流心啊，味也夠濃阿宏葱油拌麵 ($45) 絕對有驚喜！本來是衝著牛肉麵而來的，但這碗反而更得我歡心。$45來說，份量算多，葱油咸咸甜甜的好香口，而且麵夠粗身，最重要的是好煙韌🤤，整體不會覺得太油膩。這張是吃了一半後覺得值得補多一張照片😝，沾滿葱油好好吃。最後我們要了川味紅燒三寶牛肉麵 ($80)，三寶即是牛腱、牛筋和牛肋條。牛腱不錯吃的煮得夠冧夠味，湯底中規中矩啊，麵都夠是煙韌。整體來說，在尖沙咀地段這頓晚飯性價比算高，我下次來會點拌麵、滷水飯和青菜啊！

今日突然好想食台灣麵，就揾到呢間位於尖沙咀有居酒式格局既"六両三", 講真吾知個名點解，過見係新食推介應該都吾錯呱今晚雖然係weekday星期三，但7點幾黎到仍見有小人龍，好彩都係排咗十幾分鐘已經有位。店員細心地係排隊時已比點餐紙我地選擇，所以一坐低已可入單，可以快啲就有得食我同男友分別點左魯肉飯同川味三寶( 牛腱, 牛筋, 牛肋骨)牛肉麵。前者飯很香軟，魯肉吾太多肥肉，正啱我口味者，而後者份量好大，牛腱食落幾爽口，吾會韌, 而最有驚喜係牛肋骨，炆得好淋好入味，好係食緊牛腩咁，所以忍吾住叫多碟牛肋骨送飯另外最like係有我男友最愛的冬瓜茶，呢樣吾係好多香港台灣食店有，所以男友未食完已話可再翻桌

啱啱喺台灣返嚟，就已經掛住台灣美食嘅味道！咁啱經過六両三門口，見到好多人等位，就即刻排隊試下！門面裝修好古風嘅感覺味道好出色嘅魯肉飯，肉燥肥瘦平均，非常香口，同台灣食過嘅有得揮😋滷豬腳好腍好入味，食落唔會好漏。皮蛋豆腐凍凍地，食落又惹味又清爽！牛三寶拼盤，牛筋好腍牛肉肉味香濃☺️蔥油拌麵，我地揀咗幼麵，令蔥油香更加易滲入麵入面。蔥油唔會太油膩，咸度亦剛剛好。糖心蛋糖心部分質感好好，但可以再咸少少😆店裡面裝修都好有風味！

尖沙咀近排有間好多人推介既台灣料理 早排就同朋友去左試 餐廳店舖不大 座位不多 裝修以簡約為主 平日七點左右去已經有人龍了😋首先叫左招牌紅燒牛肉麵😍可選粗麵同幼麵，我就揀咗粗麵🤭牛肉都有好多舊同比較淰身 麵質彈牙☺️湯底非常濃郁 唔講唔知呢個湯底可以話大有來頭 係小有嘅無味精用牛骨炮製嘅超濃湯底☺️另外仲叫咗平時好鍾意食嘅糖心蛋 同埋碗麵一齊食真係非常之夾 🙈食完梗係要飲返杯野 見到旁邊啲人好多都叫咗杯冬瓜茶 所以自己就叫咗杯檸檬冬瓜茶試下☺️甜度適中 飲落去都幾潤喉👍🏻👍🏻 -