六両三 (已結業)

附近工作後特登上網search附近有咩好食。因為掛住台灣既味道就搵咗依間台式餐廳。人唔多，環境乾淨舒服，完來依間店有台灣人打理。食咗碗紅燒牛肉飯湯，湯一d都唔油膩仲好香，牛肉夠淋，只係牛味唔夠出，同係台灣食到既味道一樣，好食!但台灣既牛肉麵本身味濃，做湯飯咁食容易覺得鹹，配番麵會好d。

過來解決午餐，點咗一個川味紅燒牛肉麵加多一個燙青菜。一上到來就畀個香濃嘅牛肉香味吸引嗮，即刻就留嗮口水，面上邊鋪滿大大片嘅牛肉，燜得好淋好好味。面喺粗面，十分有咬口，好Q彈！好食！燙青菜新鮮爽口，幾唔錯。嘢好食價錢又唔貴，下次再來過。

同朋友行過尖沙咀，我承認我哋兩個係完完全全俾佢嘅裝修吸引入咗黎！餐廳嘅感覺真係好似行咗喺台灣一啲小行裏便食台菜咁！價錢亦都幾吸引全部都細細份，好就好在可以揀多幾樣野！先上碟嘅係滷肉飯！份量唔多女仔食就最啱！你可以睇到滷肉係半肥瘦嘅！個汁亦都教得好出色！最抵讚嘅莫過於係嗰隻糖心蛋呀！我自己就叫咗個三寶面，而朋友就叫咗個牛筋牛肋條麵！面係粗面底嘅！配埋個咁香濃嘅牛湯真係好滿足！香港好難得可以食到一間咁有風味嘅台灣菜！滿足滿足！

想食個快飯，都唔係一件容易嘅事，又要揀間啱嘅餐廳，又要無乜人排隊，依家呢個時勢係幾難，但都要堅持，最多先到先攞位。星期五7點到，等4位都要時間，反而兩位快好多，唔駛點等就有位。俾住我地睇餐牌，比我想像價錢有啲貴。難得未有人入黎，即刻影左先，佢有「吧枱」，可能因為咁，少人又唔介意坐高啲就可以快啲入座，可以睇住煮麵。魯肉飯，28元，呢個都ok，size幾好，味道唔錯（我早輪去完台灣，無食過魯肉飯，所以食到加左分）。呢個魯肉肥，好好味，可能太耐無食得咁肥膩，有啲肚不適（個人問題😂）。魯肉拌麵，46元，又唔想食太貴，又要食麵，我揀咗呢個。麵係粗小小，口感還好，有葱有芽菜，拌上黎都fresh啲。見隔離枱男生一人一碗拌麵加魯肉飯，想食得飽啲咁食應該啱男士，亦比較化算。川味紅燒半筋半肉麵粗麵，85元，湯底試左小小，唔算辣。朋友嘅意見係無乜嘢，正常，價錢就略高啲，有啲唔值。皮蛋豆腐，38元，上面放左柴魚，有小小覺得蓋過豆腐味。豆腐係滑嘅，皮蛋少左啲，好味嘅。甜不辣，22元，有啲同我地食過唔同，醬真係少左啲，係台灣係好似韓國年糕咁，浸住啲醬。整體還可以，啱少人啲，至少唔駛等咁耐。

呢間係一直放響口袋名單未試既台菜有朋友外國返來 指定要食亞洲野 一於試下😋可能因為星期五晚既關係 都幾多人下舖頭只限walk In 而且裡面唔多台 所以拎飛之後都等左大半個鐘 2個女仔叫左呢幾樣野share 😋😋川燒三寶面 有牛肋骨 牛筋 同牛肉 開頭以為會好辣 但個湯飲落其實唔算好濃味 係比較清淡既口味 如果可以濃味d會更正 但牛肉同面既份量係幾多 同埋d肉都煮得好淋身 算唔錯 個魯肉飯估唔到都幾大碗 下面既白飯有淋左肉汁 唔會乾爭爭 d肉粒都係肥瘦均勻 碗飯好似係28蚊 呢個幾抵食！ 另外仲叫左甜不辣 之前食過既好似都係炸得好勁 呢個就無炸漿響面頭 反而係濕濕地煙煙韌韌咁既口感 好味 ！ 總括來講呢間都ok 但我希望佢除左主打牛肉面之外 可以出埋其他台式小食 例如蛋餅 台灣腸 咁就更加好嘞 ！

服務同衛生環境好，只是座位比較擠逼，所以吃起來有點辛苦，地段在尖沙咀地舖，這點是可以接受。味道一般⋯⋯牛肉煮得很軟稔，滷蛋及豆干都不入味，白煮蛋只有表面一層有點上到色，根本算不上滷⋯這點幾失望。這間的湯底偏辣，但亦非味精湯因喝過不會口渴，所以辣度這點見仁見智。麵條瀝水應該不足，而且帶點微酸。

粗麵質感煙韌 有咬口 就算食到最後一條都唔會俾湯浸到麵淋左。我唔係好鍾意食麵人都覺得好好食。似係手打麵質感。湯底係有啲中藥味同埋好濃郁胡椒味同埋藥材味道。完全唔同我哋平時食港式嗰啲牛腩麵咁樣嘅湯底。如果要追求好濃濃牛腩味 就可能無咁喜歡。我最俾分係牛肉唔會有太多肥肉 煮得岩岩好 淋得黎 唔會太爛。 牛筋好有骨膠原，食完嘴有黏住嘅感覺。推薦度本人對滷肉飯嘅追求係啲滷水汁鹹鹹地又有炆豬肉嘅香氣。整體係一碗好食滷肉飯不過我覺得佢個胡椒味太重啊。冚過左佢嗰啲滷水汁嘅味道推薦度

之前經過尖沙咀呢間台灣餐廳，見到排晒隊，今日特登早少少，12:00就去，唔使排隊就入得。滷水糖心蛋：蛋黃好creamy，有陣陣滷水味！燙青菜加滷肉汁：麻麻哋，滷肉唔夠多，底嗰啲菜冇乜味。滷肉飯：滷肉好香，有油香，送飯一流，分量剛剛好，唔會食到好膩！川味紅燒半筋半肉面：個面好q，軟硬適中，煮得啱啱好。湯好濃郁。牛肉好腍，好入味。牛筋充滿骨膠原。肉嘅份量算多。但係唔平。總括而言，cp值一般。想食建議早少少嚟排隊。

我本人一直很喜歡台灣，由其台灣美食但我又不是台灣人，又沒有這麼有錢能每個月跑台灣一轉。因此一直想在香港尋找一間台灣正宗好味的台灣美食。剛好最近朋友介紹令一間名叫六兩三的台灣食品店。於是我就帶上我媽去吃六兩三。「卤肉饭」這是我媽叫的超好吃，難得滷肉飯不油膩又有豬肉香。 肉汁又夠台灣當地正宗。超好吃「甜不辣」本人最可愛甜不辣。每一次我到台灣中午午餐就是吃他。這一定，一定要吃「红烧牛肉面」我個人點吃了紅燒牛肉麵牛肉幾入味又但我又要每一口都充滿牛肉汁麵條充滿台灣湯底味的味道。吃完令我想起我在台灣吃到的美食。

看了其他人的食評，慕名來到這間台式餐廳食午飯。中午時份，很多人來食飯，我們都要等一等位，不過很快就有位。 入到店內，發覺店面不是很大，只是坐到十零人左右。不過看得出裝修很用心，簡約原木風格，讓人很舒服。　我們點了一碗川味紅燒牛腱牛肋條麵，一碗鹵肉飯，一份溏心蛋，一份涼拌小青瓜和一杯冬瓜茶。　川味紅燒牛腱牛肋條麵，一開始都怕會不會很辣，但原來只有很微的辣，湯底帶點四川麻香，幾特別。牛腱牛肋炆得很淋，很入味。麵可選粗面或細麵。鹵肉飯看似細碗，但其實好多飯很足料，珍珠米好食，鹵肉夠入味，汁有點微辣開胃。溏心蛋蛋味香一流。涼拌小青瓜和一杯冬瓜茶清涼醒胃，中和濃味的飯麵。總括而言，質素唔錯，特色台式食店在這區算是少數。

今晚約了朋友到尖沙咀吃晚飯他提出去著名的六両三吃台灣牛肉麵去到的時候已經要等位很多人排隊雖然呢度地方比較細但係食物嘅質素非常高我都忍不住都寫篇食評分享一下朋友點了三寶牛肉麵他讚口不絕湯底濃沒有什麼味精而且牛肉非常可囗麵亦有口感現在很難找到少味精既食物真的很難得呀呀呀我就點了紅燒牛肉湯飯對於喜歡吃飯的我就真的太好了份量亦多非常好吃 非常好吃 非常好吃 重要的說話要說三次！另外我們又點了百頁豆腐是百頁豆腐呀！外面也不容易找到這個菜。真的非常高興。我們還點了飲品來自台灣的蘋果西打及冬瓜檸檬茶我炎炎夏日非常解渴。兩個人結帳$223大家都覺得非常超值而且性價比極高會再光顧！

中秋節又返台灣雖然人在香港，但我心繫台灣和男友^^有一晚放工同同事去K-11買去旅行用的斜揹袋，順便當然食晚飯，就近去食六両三勁花心思設計的木質和風風味，有閣樓，完全似足台灣前舖後居的獨特性不是我誇張唷，這小店的確人流爆多，門口持續有人等候設有吧台，怎突然有點似居酒屋，一個人的用餐嘩，落單模式簡直一模一樣，蠟筆一枝，點算完放單，寫完抹走，環保又省功夫先來一人一杯冬瓜茶解解渴，加檸檬特別清新醒神偷偷話你知，我第一次食甜不辣，一直疑惑它的名字，原來是魚漿做成的，加甜辣醬，蠻好吃的欸嘩！我要啜啜啜爆隻腳滷豬腳好考功夫架，時間長會過稔、心急又未入味，六両三家的滷豬腳好正，剛好入味，豬筋位和豬皮仍然彈珍煙韌架我同事最愛牛三寶：牛腱、牛筋、牛肋條無法形容的超入味，成口五香味在迴盪，我最鍾意牛腱啊蔥油拌麵在上年去台灣的必買手信，今日食新鮮的蔥油拌麵，味道完全不同用新鮮蔥段爆開製成蔥油，雖然邪惡，一次半次就放自己一馬吧下次Lunch再黎食先😬

If you fancy some authentic taiwanese noodle at Tsim Sha Tsui, this is one of the cosy and hip spot to go!川味紅燒三寶牛肉麵 $80Very rich flavors and the beef textures were on spot! Pretty tender and luscious! 紅燒牛筋 $75 紅燒牛肋條 $75The tendon were pretty impressive as they were texture-wise!! We devoured with satisfaction! 阿宏蔥油拌麵 $45Very authentic flavors! Quite inviting in fact!

網上睇地圖介紹左呢間小店，之前完全冇印象又要搵野糊口 就黎左呢到dinner亞士厘大家都應該黎過，食肆每每一年半載就 以木為主打門口有一張木嘅長登入面感覺都非常之 轉左，以前有間日本野 成日食，知道佢執左就好耐都冇過黎 直到網上見一個需要大家支持既小店list, 支持小店係保持我地社會多原既其中一個方法，如果唔係成街都得連鎖店。好啦 回歸正題， 小店嘅門口讓你感覺去咗台灣，以木為主打，門口張木質長凳真心正，好有“古早味”.舖頭唔係好大 應該可以坐到十零廿人喇，包括“吧台”.同台灣一樣用支marker喺menu上高寫低要乜嘢， 佢哋滷肉飯只需要28蚊而佢嘅牛肉麵就比較貴需要80蚊或以上。 大家可以揀粗麵或幼面我去嗰晚面買幼曬lu， 唔緊要我本身只係鍾意食粗麵先講講個平到喊嘅滷肉飯 $28, 飯量對女仔嚟講絕對唔細 以佢每一粒飯嘅口感都非常煙韌，平時喺台灣唔係好鍾意食滷肉飯，因為覺得陣味太大 。 呢度嘅鹵肉飯味 加咗少少胡椒粉味感覺上balance得好好.見佢汁唔多 但竟然可以撈哂成碗飯，真係好好食再黎係碗牛肉麵， 啱啱都講咗我唔係好鍾意味道太濃嘅嘢 所以我對碗麵一開始係有啲保留， 湯係濃

朋友介紹食呢間既牛肉麵，黎到餐廳門口感覺裝潢好日系，等位期間過左對面馬路影間餐廳，好有深夜食堂個啲feel啊，我是身處香港嗎？一進去，嘩，裡面的裝修就好有台灣的感覺，點了川味紅燒三寶牛肉麵，湯底 好 好 喝，感覺是熬了很久，有點藥材味，還有一點點辣味，感覺很補身。我選了粗麵，麵條有少少粗度都幾好咬口。三寶即金錢腱、牛筋、牛肋條，全部都好大份！最愛牛肋條，超入味同埋林呀！溏心蛋食得多，滷水就未試過，這裏有滷水溏心蛋，滷水味較重，挺特別的。滷肉飯的份量也不少，滷肉粒是半肥瘦，飯偏企身。滷豬腳，共有四大件，感覺吃下了不少骨膠原呢。甜不辣有好香的魚肉味，肉質煙韌，好好咬口，加上甜甜的汁，像小吃也像甜點。總的來說，這裡的台灣菜挺合胃口，加上這裡的裝潢，好像身處台灣般！