六両三 (已結業)

六両三//食物 🌕🌕🌕🌕🌑1️⃣牛肉麵個湯底係藥膳味，有好輕微嘅辣😮麵條非常彈牙，偏硬，仲好掛湯😍啲牛係牛展嚟，都有大約五片，幾腍🙋🏻‍♀️2️⃣滷肉飯啲飯粒粒分明，偏硬身，用嚟撈汁一流😍佢啲肉同汁都好夠，啖啖都有用😛3️⃣皮蛋豆腐佢落左成磚豆腐，加埋啲柴魚片同日式醬，咸咸甜甜好開胃😍4️⃣冬瓜茶見好多食評都推介，所以我地都叫左杯試下🙋🏻‍♀️飲落好香甜，不過佢本身用熱水沖，加完冰都好快融，唔凍唔熱咁😂//價錢 🌕🌕🌕🌑🌑雖然味道唔錯，但份量好細，佢個大滷肉飯只夠細食嘅女仔食😂啲麵都好少，完全食唔飽😂所以呢個價錢變相偏貴😐//位置 🌕🌕🌕🌕🌑尖東L5出口行大約三分鐘就到，好容易揾😛//環境 🌕🌕🌕🌕🌑舖入面座位唔多，大約坐到十個，所以等位都比較耐，lunch去都差唔多等半粒鐘😂//總分 🌕🌕🌕🌗🌑

因為疫情關係去唔到我最愛的台灣，唯有食碗充滿台灣味嘅牛肉麵頂下癮先。行經附近，於是叫左碗外賣 麻辣牛腱牛肋條湯麵，承惠$90。點外賣的話似乎係都會分湯上的，加分！拎住個外賣，番到屋企已經差不多兩個鐘頭後，個湯仲暖的。我直接倒啲湯落個煲度煲番滾佢再加番落啲麵度食等煲湯滾嘅時候，我無聊咁撩下碗麵，我數到足足有7大舊肉！一共3條牛肋條同4塊牛腱！簡直足料到令人髮指😂肉眼睇落麵嘅分量反而唔算好多，但一食我就感覺到事情唔簡單。佢啲麵條係粗身嘅，唔係好滑可以輕輕一𠽌就𠽌入口個種，而係好有份量個種，而且口感頗為紮實。反正唔係我鍾意個款，但的確係食得飽人的😂 私心希望佢啲麵條可以再幼番少少就好了。佢啲肉都好入味。我個人其實唔係特別鍾意食牛腱，但牛腱同牛肋條之間，我比較推呢度嘅牛腱。口感軟稔得黎但又有啲咬口，我食過鹵到霉霉爛爛或者好乾硬嘅牛腱，但呢度嘅牛腱咬落係彈牙，但用小小力就可以輕鬆咬開。舊肉好入味，而且啲肉唔會攝牙罅🌚 牛肋條都好味但比起牛腱就會攝牙罅少少，大概係唔同部位肉質唔同嘅關係掛。一路食我都好滿意，但啲麵實在太紮實食食下好乾，望住個湯我心諗：不如試下⋯⋯？因為我叫嘅係麻辣湯，所以我一開始嘅

台灣菜系列 – 六兩三🇹🇼每日都期待可以再飛上天際✈️去喜愛既地方🇬🇧🇹🇼🇯🇵食當地既食物🍱奈何肺炎不離😷唯有先滿足舌頭吧👅------------------------------環境: 店舖細細,座位大約30個左右坐得唔算好舒服😣但整潔程度唔錯👻有吧枱同一般座位選擇(非繁忙先有得選擇)🤪------------------------------食物: 半筋半肋麵($85)🍲麵既份量算大,一般男士都應該會飽住走😵牛肋肉爽嫰無筋,亦唔會煮到爛哂🐮牛筋稍稍有點太淋,欠缺左部份爽彈口感🤨但整體上都係重牛味,CP值絕對接受👏🏼湯底味濃,調味適中,飲落好舒服,亦唔會口渴👍🏽唯一缺點個湯底唔夠熱,上枱一陣就凍左🥶食得慢既女仔會比較尷尬🤭皮蛋豆腐 ($35)醬汁特別,大量木魚片(小編覺得木魚碎會更好口感)豆腐同皮蛋正常,價錢有丁點進取😅甜不辣 ($10)正常夜市會食到既水準😏------------------------------服務: 午市非常繁忙,非常爆埸😰店員每隔十分鐘都會同排隊既客人講大約既等待時間😁坐座後會派口罩袋同QR CODE 落單🤗疫情期間盡量都減小接觸,以防萬一💯-----

早2日拔兄話途經見到有間食台灣牛肉麵嘅食店，話好多人排隊，仲剛巧生果日報介紹過，提議搵日試吓....今日有幸去TST食LUNCH，即管睇下多吾多人排隊，好彩，等咗10分鐘左右就有位....坐下侍應叫我哋用個QR CODE點菜，我哋在排隊時已諗咗食D咩.....揀咗三寶牛肉麵、滷肉飯、麻辣鴨血、牛大骨清湯，雖然我而家都好少食牛肉，但台灣牛肉麵都想試吓，D麵煙煙靭靭，三寶牛肉都好腍好入味，好味，滷肉飯呢，在台灣雖然好出名，但我每次去好似冇乜點食過，今日就試吓，吾錯啊，好好食，D汁好夠味，麻辣鴨血幾麻辣，不過吾算好辣，我覺得好食都頂得住....牛骨湯就相對清清的，因為其他果3樣都係濃味....呢度地方吾大，枱放得好密，好彩2人限聚就坐得鬆少少....呢度冇加一，價錢都合理，好彩今日試倒，解一解冇得去台灣之渴....

【 必飲冬瓜茶 】真係好掛住台灣的美食，疫情下去唔到台灣旅行，所以我地今日特登去左朋友推介的* 六両三*食飯，食台灣菜回味下，店舖位於尖沙咀宜昌街3號地下，地點都好方便。中午時段都幾多人等位，入座後見到每張枱都有放置消毒酒精搓手液，提供俾客人消毒雙手，幾細心。我哋點了一碗牛肉麵，一碗麻辣鴨血冬粉，另外叫左杯凍冬瓜茶，冬瓜茶非常好飲，唔太甜，好解渴。牛肉麵的牛肉好林好入味，一碗有四大塊，配菜係生菜，份量都算多。麻辣鴨血冬粉辣度啱啱好，鴨血整得非常好味，大大塊好有口感，值得一試。

<台灣的味道🇼🇸>~~🍜紅燒半筋半肉面 $85定價偏高嘅牛肉麵 但真係好好食🤩先講湯底 色澤偏深 飲落非常濃郁嘅牛味😋飲完都唔會覺得口渴👍🏻呢間嘅牛肉真係超級好食❗️非常入味 而且肉質好軟冧🤤 真係差唔多入口即化😆牛筋都好出色 每一件都係啫喱狀態 好重骨膠原😋麵條比較粗身 質感好彈牙👍🏻~~評分📈味道 8/10環境 7/10性價比 7.5/10—Rating 📈Taste 8/10Environment 7/10Worthiness 7.5/10~~🏠六両三📍尖沙咀宜昌街3號地下

推介：⭐️⭐️⭐️💫——————————翻兜第二次食，就係為咗個魯肉飯😋 冇得訂位，所以六點左右嚟就唔洗排，如果唔係都差唔多要等半個鐘🥴 裡面座位唔算多，而且通常都要搭枱😐環境都比較暗⚠️繁忙時間得40分鐘用膳⚠️冇加一——————————滷肉飯 $28（大）喺香港嚟講係我食過最接近台灣個隻味😋有啲肥豬肉嘅香，魯肉同汁都剛剛好同淆咗好耐個隻。珍珠米唔會太冧同太硬.麻辣牛肉麵 $80牛肉好淋好入味😋不過略厭少少多肥膏湯底好濃好香，麻辣唔係好辣，不過唔食得辣嘅人應該覺得佢幾辣，但幾香麵條exactly係台灣個隻粗幼不一嘅麵，幾有咬口又唔會好粉成碗嘢如果少返啲油會好啲.甜不辣 $10 （小）其實係有啲酸甜醬嘅魚糕，煙煙韌韌好好食👍🏻.滷蛋 $10滷水味唔夠，又唔係溏心蛋，好失望☹️.冬瓜檸檬茶 $18好香黑糖冬瓜味😋 酸甜度剛剛好又解渴，推介👍🏻—————————整體來講，掛住台灣美食都可以嚟呢度一試👍🏻個口味都幾接近台灣不過40分鐘真係有啲趕，希望At least都一個鐘

長期都見到六兩三門口大排長龍，今次就趁lunch time早少少去試先😂😂牛筋牛肋條麵 ($90)一碗有兩條牛筋，兩條牛肋條，而麵條就用左粗麵，牛筋牛肋條都炆得夠腍😌，但味道就唔算好出色，正正常常咁啦，價錢偏貴🥺麻辣乾拌麵 ($48)哩個拌麵不得了😱將醬汁拌好後，睇落去雖然唔似好辣，但一食落去就好嗆好辣🌶個人略嫌個辣醬唔夠香，食得辣既朋友先好點哩個啊😆麻辣鴨血 ($46)一碟有三大舊鴨血加兩舊台灣豆腐，鴨血質地都算滑，但就唔算好麻辣🤣而台灣豆腐就似係百頁豆腐咁，豆味較重，同樣麻辣味就唔太重，個人就唔太鐘意呢🤔

今日突然好想食台灣野，知道呢間餐廳好出名一於嚟朝聖下🥰見到好多食評都讚皮蛋豆腐讚不絕口，於是就叫咗一份，仲有牛肉麵同麻辣乾拌麵。  見到皮蛋豆腐嘅賣相都真係忍唔住要食一啖啦🤤食落去好香口，木魚碎同燒汁配上皮蛋同滑滑嘅豆腐真係正到爆💛  牛肉麵嘅湯底好特別，我估計應該係用藥材再加豉油提煉出嚟嘅🤤飲落口唔會覺得好味精feel，個牛肉好淋呀🤤真係抵食！相比起牛肉麵，麻辣乾拌麵就比較遜色。佢嘅麻辣都幾好食，但係就覺得有少少普通，可能因為冇其他餸配搭，感覺上食落去就乾咗少少。  唯一我個人唔太鍾意嘅就係環境太細🙁，坐落去有啲窄，整體嚟講95分！🥰

純粹行過搵食撞入咗呢間台式店，我中意滷肉飯、👦🏻就中意牛肉麵，一人試一款加小食😋 本身有啲可惜冇滷肉飯加鹽酥雞呢類配搭👀 食落就明！因為佢個滷肉飯 $28就咁已經好好食😋 唔駛加其他餸都KO成碗🍚川味紅燒三寶牛肉麵 $88🍜 面底湯頭牛肉味濃，而三寶就指牛腱、牛筋、牛肋條😗 我自己中意牛腱同牛肋條多啲，本身偏向淋身嘅牛筋，而佢就係比較有咬口彈性嗰種😛皮蛋豆腐 $38個皮蛋幾好食，豆腐都正常👀 佢落咗啲木魚碎同燒汁，我覺得呢個口味同章魚燒就夾，唔難食嘅，只係我麻麻呢個配搭😂環境就係一般小店嘅細長方枱，疫情期間兩個人坐四人枱都OK，個飯同麵都會encore😋

呢間餐廳一直都好似好出名咁，成日想去試佢D牛肉麵，但又覺得有D貴，等到疫情外賣自取，去睇下有冇特價先。外賣自取得9折，真係少左D，不過都好過冇，即刻買番碗牛肉麵試下。川式紅燒牛肉麵有牛肉麵牛筋麵牛展麵，湯底可以揀川式紅燒或者麻辣我就揀左川式紅燒牛肉麵外賣既牛肉麵同湯底會分開裝首先個湯底並唔係想像中咁香牛肉味個D唔知係咪因為川式紅燒，都有少少辣，有少少辣喉嚨不過都香牛肉味的個麵就有少少似烏冬，似烏冬撈個種烏冬，而唔係平時食開既台灣麵不過D麵都幾彈牙有口感，還好啦牛肉方面有4舊，望落有D似牛展不過食落好淋，好軟熟，冇筋，好香牛肉味，浸埋D湯仲正個牛肉好味碗牛肉麵睇落唔係好大碗，但估唔到都食得幾飽另外仲叫左個青瓜估唔到又幾好食，酸酸甜甜但又未至於太酸

聖誕節約咗男朋友出街梗係要幫襯返💛店依家六點後冇得堂食所以四點鐘就去咗排隊等咗半個鐘多啲就有得食啦🥳🥳🥳兩個人叫咗兩碗面一齊share一碗係半筋半肉面另一碗係牛腱牛肋條好好味😍😍😍湯底味道濃郁，有少少藥材嘅味道面底唔算太淋，咬落口有韌性，個人鍾意食硬啲所以勁like 牛肉軟淋淋唔痴牙牛筋好彈牙，咬落好似有啲膠質黐住個口咁😂😂牛腱層次分明不過個人最鍾意都係牛肋條😋😋食到差啲連湯都飲晒呀！！！完美晚餐嘅最後最後梗係要加番罐蘋果西打唔知點解就係好鍾意佢酸酸甜甜嘅味道不過呢罐野堅係好多氣飲完滯左成晚😅食完之後我好想去台灣呀🥲🥲🥲

知道佢地牛出名，而且假日會好多人排隊，雖然唔食牛，但佢地都有其他台灣食品可以一試，今次就平日去試下，無旅行去，唯有以食物嚟一解台灣之行吧。防疫都做得好足，因為疫情關係只有大概75分鐘用餐時間。魯肉飯：魯肉肥瘦均勻，飯香氣撲鼻，撈埋嚟食一流。細碗分量岩岩好。素麵：淡淡麵香，加上紫菜，可一解魯肉既香氣，麵好彈牙爽口。皮蛋豆腐：涼伴小食，豆腐滑，皮蛋香，分量足夠2個人食。鴨血配冬粉：必食推介，久違了的台灣鴨血，唔太辣，配上冬粉嚟食真係好好食，而冬粉唔會因為個湯而好辣。

第一次食呢間台灣嘢，味道唔錯，主打冇味精，但冇落味精都仍然好好食，叫咗滷肉飯拌面，同牛肉面，滷肉飯好味，唔會食幾啖就好咸好膩，滷肉好香夠淋，牛肉面個湯底好好味，面質亦剛剛好，整體來說係值得推薦既台灣餐廳。

看这家最近很红所以来试一下，但发现牛肉面汤只有咸味没有牛味，外卖自己加了一汤匙豆瓣酱和一些水好很多，不如茶木的牛肉面。卤肉饭ok但肉有点柴。下次还是吃回茶木比较稳阵呢