六両三 (已結業)

Search TST 台灣野第一個就出現呢間，睇佢啲相又好似幾吸引，見又多人like，但就好失策地冇睇食評，去到先知限時40分鐘，開頭覺得冇乜所謂，當試下新野所以就入去食，未食前就覺得價錢係正常嘅，但係食黎就覺得唔值呢個價。叫左個滷肉飯，牛肉麵同甜不辣，滷肉飯正常冇話好好食，牛肉麵一啲都唔好食，毫無驚喜，甜不辣有腥味，個醬唔好食。 。。。。由於我食嘢係比較慢，店員提醒就嚟夠鐘意都仲有好多未食完，佢地訂限時40分鐘唔理佢咩理由啦，但對於我嚟講就係完全唔夠架原來，時間仲少過返工放lunch😀完完全全浪費左我食好野嘅機會😩今次教訓就係一定要睇食評！！！！！！！

＊－。－。－。－。－。－。－。－。－。－＊🔸三寶牛肉麵🐮🍜 $105紅燒湯底唔算太濃，無花椒八角味或者任何微辛辣感。🔥餸料有牛肋肉、牛腱、牛筋。大概每樣兩件。肉質軟腍，整體不過不失。😋麵條軟硬適中，無太多口感。🥲加配左溏心蛋🥚，堅做到流心，火口剛好，值得一讚。👍🏻👍🏻✨牛肉麵以$105來評論，價錢偏高。未見表現突出，只能說普通，食一次就夠☺️＊－。－。－。－。－。－。－。－。－。－＊

呢間店最貴重嘅係門外幾張長凳，每次經過嘅時候都見到不少少男少女坐在那裏等候，彷彿此店為人氣熱點，非食不可。今次下午2:30經過此地，"幸運地"看到長凳空空餘額，立馬跑進店內拿位，雖然看見店內仍有位子，但店員着我於門外長凳等候，未幾便吸引不少路人進店拿位，門外幾長凳不一會便又坐得滿滿。造成常常要輪候的假象。店內選擇不多，只有牛筋麵牛腩麵，及鴨血等台式食物。我倆就叫了兩碗麵及麻辣鴨血，另外叫了兩杯台式飲品。麻辣鴨血先來，味淡，麻辣不辣且淡，相當普通，索價$48 ，不合理。接著麵亦來了，先吃一口麵，感覺奇怪，再抬頭一看開放式廚房上堆滿一個個膠兜預先盛著的麵條，便馬上明白。此麵不是人工手拉，而是廉價車仔麵的工廠造法！麵條比759 的廉價台灣麵更廉價。再喝一口湯，只有醬油色水，沒有牛味，唉。再吃牛根牛肉，是雪藏貨。連滷蛋索價$93一碗，中了大伏。食此麵時令我好生懷念荔枝角億利工廈的正宗牛肉麵，可惜工作地點已搬，平時不能常去！

哩間店長期都有條人龍係門口要等到唔洗排個日呀婆也老了🙈其實排隊都唔洗排好耐嘅因為堂食只限40分鐘-🍚大）滷肉飯 HK$28💛滷肉肥瘦參半雖然唔係入口即融但都燉煮得好軟腍唔油膩但油脂香😚啲飯粒粒分明、軟硬適中用嚟撈飯一流🤩😋😋✌🏻我要2碗呀（即刻比人禁住😅因為我仲叫咗其他嘢食👇🏻-🍥皮蛋豆腐 HK$35Umm 就係皮蛋、凍豆腐...豆腐好似百福的味道🤔如果比我order多次🙋🏻我會轉軚，要多碗滷肉飯～ ^_^-🍜麻辣半筋半牛肉麵 HK$107牛肉幾腍幾入味牛筋軟得似啫喱咁🤔但我比較鍾意Q彈的牛筋🙉湯汁香濃但麻辣都幾辣吓😅（利申：我食開bb/小辣）麵條係粗身而且有咬口但唔夠掛湯🙈Btw朋友話食牛肉麵重點係個湯和牛肉🤔

牛肉麵普普通通，湯底太醬油，冇咗靈魂，半筋半肉嘅牛肉OK夠冧，滷蛋就伏伏地。反而冬瓜茶好味，甜度冰量perfect。小食選擇不多，如果有下次嘅話，想試下滷肉飯，唔知掂唔掂。假期夜晚6點半，排隊20分鐘，限堂食40分鐘，記得要先去拎飛再去排隊，見到排中間位置嘅人唔知要拎飛，盡量企近門口仔細聆聽好細聲嘅叫號。BTW，比較意外嘅係連登記個人資料嘅紙仔都冇準備，反而先問有冇安心出行？以為去咗康文署轄下機構。

食物-差。麻辣鴨血，只麻不辣，超市盒裝仲好食過佢。皮蛋豆腐，冇豆腐味冇皮蛋味，只吃到鹹味。麻辣涼麵，只有鹹，沒其他味道。滷肉飯，平常。服務-差過食物。藍色頭髮姐姐仔服務員，應該稱呼佢為員，因沒有任何服務態度。四眼哥哥仔，在食客旁邊大聲講粗口，甚為親切。價錢-平唔係平就老馮咩都差。香港大把地方平靚正，無謂浪費自己時間。總結唔去冇損失，去咗一定係你嘅損失。係都要去既話，唔好有咩期望，不過可增加自己對食物質素和服務態度重要性的了解。

每次經過都大排長龍，今次揀係下午茶時間過黎，等候時間縮短左好多。紅燒牛肉麵湯底夠濃，飲落好順喉；麵條屬於偏硬身，有嚼頭，份量相當多，夠晒飽。一碗麵大約都五塊牛肉，煮得好入味，夠軟身😋😋😋 台灣鴨血價錢同坊間一盒盒鴨血差唔多，不過口感方面梗係新鮮嘅滑啲香口啲！再配埋新鮮芫茜，真係好香😋 不過麻辣味方面可以再辣啲，略嫌唔夠辣。每份鴨血都配有兩舊台式百頁豆腐，蜂巢一樣的豆腐吸滿晒麻辣鴨血的湯汁，輕輕一咬，滿口都係麻辣香味，好正好正🥳😋

疫情嘅關係都差唔多年幾冇去旅行了 就回味下台灣嘅味道😋 星期六嘅兩點去到 排咗大約半個鐘隊先有位🙊 ▫️滷肉飯(小） ($18)滷肉飯都幾接近台灣嘅味道 佢啲肉同汁嘅份量都好夠 仲有少量肥豬肉嘅香 珍珠米唔會太淋或太硬▪️百頁豆腐 ($25)四件豆腐比較實淨 好香豆味 亦都好香滷水汁嘅味 面頭淋上少少酸嘅醬 又幾夾喎🧐▫️麻辣乾拌麵 ($48)個麵睇落唔太辣 不過食落都真係幾辣 啱晒鍾意食辣嘅朋友😌仲有啲青瓜絲拌麵 中和返少少辣度🤣價錢唔算貴 不過份量偏細 啱晒細食嘅朋友☺️

之前每次經過呢家餐廳都大排長龍 前幾日lunch hour大約12:30pm經過 竟然無人排隊 本身唔係plan食呢間餐廳 但見到唔使排隊 即刻改變主意食台灣嘢😋 餐廳入面真係唔係好大 入到去都係得返bar枱有位🤭 呢到落單係自己scan qr code揀嘢食 好方便~黎到當然要試佢地嘅招牌啦 我最後叫左紅燒牛肉麵啦💛💛 一上菜已經聞到好香✨✨ 我首先飲左啖湯先! 真係好鮮甜 牛味都好濃郁 隱隱約約飲到啲藥材味 整體黎講湯底唔錯 忍唔住一啖接一啖飲🤭🤭 牛展份量算多 有5大塊 而且好入味同好腍👍🏼 美中不足嘅係麵條唔係好掛湯😭總括而言真係唔錯 唔怪得知一直都有咁多人排隊啦😂

疫情無旅行去 就去食下台灣嘢 當自己去咗旅行啦🤣呢間係黃店 所以去到都要排一陣隊 排咗大約半個幾鐘 都算好快叫咗個牛肉麵 啲牛肉好香 又唔怕韌 仲有成5塊 好足料 啲麵唔怕煮到腍 時間啱啱好 成碗麵又唔會太咸 好食😋仲叫咗個皮蛋豆腐 皮蛋係溏心 豆腐好滑 試面仲有啲木魚同汁 夾埋好好食🤣🤣仲叫咗個鴨血 辣辣地 好惹味

佢地係主打無添加味精/化學成份🌟令食客食得安心健康啲💛·就算係平日都要大排長龍🤭同埋記得要入去拎飛先😆因為排我地前面個嗰食客以為就咁排隊就得🤣冇拎到飛😥白等左一陣🤭而一入到去就坐低用電話落單先😚然後好快就會有得食😆💫佢嘅牛肉麵湯底係用左10斤牛筒骨熬至少30個鐘🤭所以係好濃郁❗️😍帶藥膳味少少甘香🥰而唔會覺得好鹹！🤤食完唔會好口渴因為佢地係唔會添加任何味精🤤🙅🏻‍♀️ ·成碗嘅份量其實都算多！牛腱有3塊好軟腍😚膠質都好好👍🏻✨入口即化嘅感覺😚牛肋條就有兩條🐮不過就要啲嚼勁啦！韌咗少少咁🤏🏻🤣麵條係粗身啲凹凸不平似烏冬💫掛湯雖然一般🤨但係係煙韌好食嘅麵質！😋 滷水溏心蛋就成隻上😆有流心效果😚但好似冇咩滷水味🤭 成日都好好奇唔同舖頭嘅甜不辣(即係炸魚餅)會係點😆因為好想知每間舖頭會唔會有啲咩唔同呢🤣而呢間嘅口感同味道係未食過嘅！🤣✨ ·呢間嘅甜不辣食落唔似炸過💫口感比起平時個啲更煙煙韌韌🤤個汁係有啲似平時甜酸排骨嘅味😯但係係偏酸嘅🤣·🌟餐廳舖位比較細不過環境幾舒服🥳食物cp值算高其實都幾大份💛雖然座位少出面又排哂長龍😩🔥但絕對係值得去幫襯嘅小店🥰🥰亦都係回頭率高嘅舖頭😋✨

⚠️💛🧡⛑🚃香港美食➡️尖沙咀一個人吃午餐的好處，加上時間未算太晏，完全不用等位，只是坐在bar枱，跟廚師們你眼望我眼，有一點尷尬而已🍜 阿宏蔥油拌麵 $46蔥味十足，吃完口臭臭的，幸好戴上口罩，只跟自己分享蔥味，醬汁惹味，麵條粗度適中

一恢復晚市後，第一時間出去食晚飯，去開尖沙咀行街，想食台灣牛肉麵，未去過呢間，8pm 巳經企滿人，㩒完飛估計要等成個鐘，一於行陣街再返轉頭，40分鐘後返嚟，等了2張就入得。餐廳細細，坐得都密，我哋點了牛肉麵，滷肉飯，鴨血，豆干鴨血幾好味，四十幾蚊碗，同一盒盒啲鴨血差唔多價錢，咁梗係依啲新鮮好食啲啦。滷肉飯（大）$28， 都幾多汁同滷肉粒，晤錯。豆干個味做得最似台灣食到嘅味道，而牛肉麵，做得也唔錯，總括嚟講，呢間店我個人覺得做到八成台灣味道，很不錯。

六両三晚市一向多人排隊等候，加上剛放寬晚市堂食，趁今天星期六早點去排隊等候。時間尚早，等了10分鐘已有座位，全程自助點餐，可按自己喜好選擇飲品少甜，少冰及加配主食之要求。今日點了新推介麻辣鴨血$48，可加錢配冬粉及湯。麻辣鴨血不算太辣，夾起來不會太易碎，豆腐已吸取麻辣湯，很好味道。另一小食皮蛋豆腐$35，豆腐冰冷，拌勻皮蛋食，口感冰涼。反而麻辣乾拌麵$48真的有點辣，青瓜絲拌麵，食起來真的會噴火。幸好點了冬瓜茶$15解辣，清涼。

麵店始終都是麵店，麵質一定要掂，我喜歡川味湯底配上的麵條質感，口感豐富，咬下去已經告訴自己這家店很著重造麵，而且一定是有自己的獨門工藝，至於牛肉或是筋，這個反而未見驚喜，可能是給麵本身比下去了！整碗湯麵總體造詣非凡，是值回票價的！