六両三 (已結業)

🙋🏻‍♂️餓底探員今日去咗尖沙咀調查呢間台灣牛肉麵🥩🍜 川味紅燒三寶牛肉麵 $93📸表示見到碗麵嚟到時有啲疑惑，明明嗌咗三寶，但睇嚟睇去好似少咗一寶，之後向店員詢問後先知道最中間俾啲蔥花遮住嘅係牛筋，其餘兩條係牛肋條，店員唔講真係會誤會咗條牛筋係牛肋條😂😂😂🙋🏻‍♂️表示未食已經聞到個湯有淡淡嘅藥膳味，先試飲啖湯，牛骨湯底無味精仲帶有微微辛辣，藥膳味又唔算好重，反而充滿咗濃郁嘅牛味，麵嘅質地軟硬適中，口感煙韌彈牙，至於三寶方面，牛腱軟腍，但唔知係咪腍得滯，一夾起嚟就散咗，牛筋同樣好軟腍，充滿膠質，牛肋條雖然係厚切，但食落口感唔會好硬好實，反而煮得幾腍又有咬口，整體都好滿意，如果連埋啲蔥花一齊食係會令到個湯底更加突出，成碗麵個層次會大大提升，可以媲美喺台灣食嘅牛肉麵📈吃貨指數😋好味度 9/10🔙返啅度 9/10

今日約咗朋友係尖沙咀行街買嘢，於是乎我約咗佢係下午茶時段到「六兩三」食野 食飽然後再行街。下午時分人流比較多需要排隊一段時間才可以進入內，而且必須要等齊人先可以入座，如果想食嘅朋友記得要早啲去到排隊特別係假期。落單係自助落單用電話掃描QR code既方便又環保亦都符合衛生。店舖不算大但係都有好多人光顧，我哋一行兩人叫了一個牛肉麵以及一個滷肉拌麵以及兩杯台式飲品我哋點了兩杯冬瓜茶 。牛肉麵嘅湯底係用牛骨熬制而成並且沒有添加任何味精所以味道不算好濃郁，適合一啲健康嘅人士，食完亦唔會感到好口渴。牛肉嘅份量十分之足夠另外面底亦都可以免費加大適合我呢啲比較大食嘅人士冬瓜茶係我推介大家一定要飲呢個炎熱嘅夏天冬瓜茶嘅可以消暑可以解渴。

星期日大概7:30開始排隊，排半個鐘先入到去座位比較逼，播放嘅音樂好啱我聽但係台式餐廳播英文歌有D搞笑～百頁豆腐好食，甜不辣唔似平時食開個種煙煙韌韌嘅感覺，有D奇怪，無建議叫。滷蛋無咩特別。牛肉麵嘅湯底亦都一般般，但我鍾意佢地嘅三寶，三寶包括有牛腱肉、牛筋、牛肚 - 應該係成餐最好食嘅嘢。滷肉飯都唔錯，不過要食到好食嘅滷肉飯唔需要排咁耐隊自己掃電子碼落單，上菜時間好快，基本上排隊仲耐過你叫野食+食完埋單。順帶一提：店員態度好好，只係覺得地方真心淺窄，坐得好唔舒服，好快就想離開🙈總括而言，都算抵食，但唔會因為咁而再次排咁耐隊來食。都係個句：香港太多正野食，無謂浪費時間排隊食一樣野，為咗一棵樹放棄整個森林

.🍜川味紅燒牛肉麵 - $𝟽𝟾湯底係好正宗嘅台灣藥膳味因為店舖主打唔落味精😍所以飲落去唔會話好重味個麵係手打嘅 係比較硬身嘅質地牛肉份量好多 差啲食唔哂😂🍚滷肉飯 - $𝟸𝟾滷肉飯係細細碗 味道不過不失～🐂牛三寶拼盤(金錢腱、牛筋、牛肋條) - $𝟿𝟶呢個好出色 每樣都好入味🤤有牛味得嚟又唔會好咸金錢肚煮得啱啱好 夠林(利申平時係咬唔郁雞腎/太韌嘅嘢)🥤^_^冬瓜茶(𝙼𝚎𝚍𝚒𝚞𝚖 𝚂𝚒𝚣𝚎) - $𝟷𝟻甜度啱啱好 如果再少啲冰就好啲店鋪裝修好別緻 好多打卡位，留意餐廳比較少位 等位係會耐啲咖

尖沙咀美食，鋪頭細細間，所以位就唔多，午飯時間去確定等幾個字。-魯肉飯 (大)肉碎好好味，可以撈哂成碗飯。呢個份量女仔食就夠飽。價錢仲好抵，如果加多幾塊醃黃瓜就好啦。-皮蛋豆腐有點過咸，而且成磚豆腐都幾大件，可以撈白飯或素麵，如果一個人就唔好輕易嘗試。-葱油拌麵 味道ok，不過成碗麵得葱油醬味，食到飽飽地果陣就會覺得dry.-川味紅燒三寶牛肉麵 好大碗，有牛腱、牛筋、牛筋條，湯味好濃郁。-百頁豆腐呢個好味，食完仲想食多兜👍

住大西北嘅我難得出城見時間尚早 冇乜人排隊 就嗱嗱臨入去試下😚.🍜紅燒三寶牛肉麵🍜 -$88牛肉份量唔少 件件都大大塊噴曬煙😚「三寶」即是牛腱,牛筋,牛筋唔同部位嘅牛肉均被滷至軟腍 絲毫不帶韌🤍唔洗花費牙力就可以輕鬆咬開牛肉🤍牛筋軟得黎仲有少少膠質漿口嘅感覺😚非常出色🤍麵條火喉控制得宜😚每條都滑溜彈牙🤍每啖麵都均匀掛上麵汁湯底牛味香濃😚 調味恰到好處😚主打冇味精 所以飲落好順口🤍.🐟甜不辣 (細)🐟 -$10食開炸甜不辣😗 見佢咁嘅樣 仲以為店員上錯😂味道同普通甜不辣一樣但質地就大有分別😗食落似硬身嘅年糕🤓都可以一試 不過真係食得唔多慣😂_______________店內裝潢以木為主 有居酒屋嘅感覺🏮店員有講有笑 都幾温馨熱鬧😂

是日晚餐:-甜不辣-百頁豆腐-牛肉麵-阿宏蔥油拌麵行過好幾次都排長龍, 今次係突登早D去!!-甜不辣估唔到份甜不辣係咁細份...甜不辣食開都係炸的, 但呢個係唔知係蒸定煮...完全食唔出係裡面係咩, 唔知自己食緊咩...甜不辣其實係"Tempura"的台灣譯音, 已經係魚蓉炸完配醬, 咁樣唔炸好不知所謂-百頁豆腐一樣好細份...就係一份硬豆腐...配醬-牛肉麵裡面有多塊牛𦟌, 好軟淑,一咬就散散地麵彈牙, 無煮過; 湯頭好濃牛肉味, 略略有少少辣-阿宏蔥油拌麵真係淨係得蔥油同蔥...成個麵都好dry, 因為真係得蔥油+蔥+麵; 雖然嗌的時候都預左係素麵，但落單個時會期望個蔥油/拌麵醬會比較惹味 但食的時候完全唔係同一回事!而且食晒成個麵都唔夠飽總結:兩個小食要加$10/份, 份量少, 唔好食, $10俾得好唔抵...而且舖頭真係好迫...最緊要係價錢其實係偏貴, 但野食唔值得相對價錢!

本身抱住食黃店嘅決心，去到見到超級多人排隊，我哋差唔多排咗半個鐘頭至45分鐘(^_^*)入到去其實地方都比較逼夾，而且一坐低就同我哋講得一個鐘頭時限，都可以理解嘅因為好多人排隊，但係個感覺上個Staff都幾Rush, 好似想趕我哋走咁樣。。本身以為咁多人排隊去到會有少少特色嘅招牌菜，睇返其實Menu都非常普通滷肉拌麵/ 飯 —— $46一上枱其實第一個感覺就係份量少，可能係因為隻碗都好細隻(*´Д｀*)因為我哋嗰陣時都幾肚餓，食完係真係唔算飽同其他我食過嘅台灣菜相比，佢個份量到唔算太過分，但係佢又冇任何配菜只係得滷肉而且重點係其實唔係特別好食，甚至乎同其他餐廳的滷肉比較，覺得味道有少少怪添整體來講雖然佢價錢唔算貴，係以排咗咁耐隊來講其實我都幾失望甜不辣——- $22 本人我未食過甜不辣，但係我個朋友好鍾意食呢道菜，佢同我第一句講好難食。。。我自己都覺得唔好食，但因為我自己未食過無得作比較，但係朋友成餐飯都食得唔開心。。推薦值: ⚜️⚜️/5第一個關係係因為佢係黃店，值得支持嘅但係如果要排45分鐘去食，真係完全冇呢個必要，大可以行去船皇或者嗰條街，嗰度都有好多黃店我見到佢仲有其他菜式都有人推

Liu Liang San is a really popular Taiwanese beef noodles restaurant in Tsim Sha Tsui, and I truly understand why after having a delicious lunch there.My friend and I order two different noodles to share, so that we got to try three different types of beef.Mine is the Beef Noodles at the bottom of the picture. The pieces of beef were very, very tender! Almost felt like melting on my tongue! And they were very flavored too.The noodles were quite special, thick, yet very al dente. And the broth was

第一次嚟呢度食午餐，突然間好想食台灣野，所以嚟呢度試吓。 叫咗滷肉飯，滷水蛋，同埋燙青菜🥬。因為呢度冇熱飲，所以就冇叫嘢飲天氣都開始凍啊點解會冇熱嘢飲呢？各樣野都覺得好食，係啲菜唔夠味，其他都幾好，如果滷肉飯可以多番少少肉就好啦。但係個滷肉飯味道係好食嘅，因為佢都落咗好多汁。

六両三 (English name: Liu Liang San) is a popular place serving Taiwanese food. It seemed every time we walked by there was a lengthy line. But on this day, we arrived a bit early and only saw one person in line. So, we decided to give it  a try.The place isn't very big so seating is very cramped. Menu is in English and Chinese. There is no 10% service charge. You order by scanning a QR code and pay on your way out.Boyfriend had the wintermelon and lemon tea ($18) and I had the salty kumquat syrup

滷肉拌麵 $46份量好多！滷肉半肥瘦都有，味道唔算話好有驚喜，偏濃味少少。滷肉飯 $28滷肉同汁偏少，如果冇下面嘅小菜，應該會淨低白飯🍚味道係好嘅只係份量唔多。台式泡菜 $13鍾意食酸嘢嘅朋友，唔可以錯過，不過就淨係得酸味😂切豆干 $10豆干配醬油膏，台灣嘅感覺👍🏻皮蛋豆腐 $35呢個好好食🤤🤤糖心皮蛋加埋清清哋嘅豆腐，上面仲有好多木魚碎，皮蛋嘅綿配豆腐嘅滑，正呀👍🏻👍🏻整體而言，好味嘅地道台灣菜，比平時食到嘅偏重口味，皮蛋豆腐一定要叫！下次可以試吓個牛肉麵。

一人工作; 一人午餐, 小小貪心所以散叫幾款細份量的菜-滷肉飯(小)-肥瘦豬肉分佈平均, 切得不太大不太細,既有油香, 且有豬肉的鮮甜,還有隱約陣陣的香料味,外表雖然平凡,但食了令人驚喜, 味道非常細膩, 齒頰留香, 就算簡單配香飯足以令人回味! -涼拌小黃瓜-小黃瓜非常爽口,並不是普通的青瓜, 是小種的小黃瓜,味道酸辣適中, 清涼可口!-皮蛋豆腐-豆腐不但非常軟滑, 而且豆香清新,皮蛋味道濃郁,但不會有雞蛋腥味,兩者互相配搭, 互相輝映!

到六兩三門前已見到餐廳外圍的特色之黎等左十張票，半小時左右入座入到去好有味道🥰係開放式廚房似拉麵店，但係唔會好勁油煙果啲即刻叫餐，平時去親台式餐廳都食牛肉麵今次見到六兩三居然有牛肉飯湯😍係香港未見過有，即刻試下先而身邊果位就叫左半筋半肉麵再加多個滷肉飯，冬瓜茶隔左5-10分鍾就好快上菜🥰牛肉湯飯 ❣️湯濃又香，啲牛又大塊又入味（70$）加左麻辣嘅半筋半肉麵，好有台灣麻辣火鍋嘅味道😋😋（90$）細細碗，勝在好食，啲味好濃 18$（小）冬瓜茶同台灣都似😋甜甜的六兩三帶比我嘅感覺好有台灣嘅味道

長期排隊台灣菜～當日未夠6點就去到 避過左人龍🦦呢度所有麵都可以免費加麵底🐷川味紅燒牛肉麵主打無味精湯底 飲多幾啖都唔頸渴～我自己就幾鐘意🤤湯底睇落都幾深色 但食落唔會好重味🖐🏻飲落去牛味都幾香 有淡淡嘅藥膳味👍🏻牛肉軟腍帶肉香 份量都足夠(對男仔黎講應該偏細份)但我自己就麻麻地個麵質 麵粉感好重～不過佢都好入味 所以整體都ok🙌🏻滷肉拌麵嘅滷肉都算幾香口 不過個汁如果再多少少就好喇💁🏻‍♀️個麵煮得啱啱好 唔會太硬都唔會爛pat～皮蛋豆腐好食！好食！滑滑嘅豆腐面頭有啲鰹魚乾 皮蛋份量都唔少醬汁較得好好 成個配搭💯冬瓜茶甜度拿掐得啱啱好 夠曬𝚛𝚎𝚏𝚛𝚎𝚜𝚑𝚒𝚗𝚐🖐🏻𝙿.𝚂 用餐時間只有𝟺𝟶分鐘⏱如果諗住坐下傾下計要轉場喇🦦