公和荳品廠

營業中

休息中

一直聽同事講，深水埗一定買到好平嘅嘢，無論衫褲鞋襪，都非常超值。今次係深水埗亦都由於同事介紹，往外地旅行前買電話卡一定要來深水埗鐵皮屋買（D1 出口）！一於放工過嚟睇吓！嘩！真係好平喎，比市面售價起碼平一成左右，買完晒野好肚餓，但又要回家吃飯，就揀一些小吃吧。見到附近一間豆腐舖（B1出口），排晒長龍，有好多放工人士過嚟買煎豆腐及其他豆腐製品，我都唔執輸坐低食飯碗熱辣辣嘅豆腐花和熱豆漿；這裏地方雖小，但食客個個都吃得很滋味，埋單＄16真係平到笑啦，等營養好蛋白質高真係人見人愛啊。

黎到深水埗，唔少得要去呢間老字號荳品店飲返杯豆漿。香港地豆漿店唔少，有連鎖加盟、用心經營小店都有，但公和豆製品不但喝落香濃硬係有一種獨特淡淡的焦味！如果未試過呢種焦香可能會以為平時食既甜甜地豆漿就係好正。豆漿 $6細/$9大豆漿不但喝落香濃、還有一股獨特淡淡的焦味！熱豆漿既焦香豆味更香濃。可選正常/少糖/去糖，適合香港人健康口味。豆花$8用石磨既豆花真係好滑，加埋佢獨特既焦香豆味，真係無幾多間做到呢般香氣。我唔中意落糖漿，但會加好多既黃糖粒粒食落有口感好正。三拼(釀豆腐、釀豆卜、魚腐) $14 六件水準普普通通，可以食到豆腐不同形態。講真又唔算話係非食不可，但價錢算抵食既。

早前公和發生牌照問題和會暫停營業事件，今日黃昏經過，現場報道人山人海熱鬧情況:上圖是右邊小舖，負責煎炸，供排隊買外賣。特別是有黃金魚腐，蘿蔔糕，芋頭糕。試了魚腐，質素一般；一向覺得其他兩寶（煎釀豆腐，豆朴）亦平平無奇，很多人來是食感情，不是食豆腐，所以棄用古碗盛豆腐花，怨聲載道。蘿蔔糕，芋頭糕有驚喜，前者臘味很香，後者芋粉多，可能出自老人家之手。上圖是左邊主舖。很久沒有來了，發覺老舖有轉變:有清晰價錢牌，附日文。現場有4個日人在參觀豆腐檔，可見此招有效。我曾撰文的許記便差勁得多，欠彩圖和以顏色標示文字。原有煎豆腐檔口在當眼處擺放凍櫃，賣素鴨，素雞等，接收樹記客源。賣桶裝豆腐花。細桶150元，有生意頭腦。總言之，現在不只是豆腐店，亦是小食店和腐製品店。今日所見，買小食的人最擠擁，其次是腐製品。

本來和朋友來這裡試試推薦的煎釀豆腐買咗兩個，卻發現其實豆腐表現無功無過很平常，口感雖滑嫩，但是不是很吸引人咯但是我們意外被蘿蔔糕和芋頭糕吸引了芋頭糕裡面芋頭味很重，粉粉的，能夠清晰感受到芋頭在口中融化的感覺，超贊！而蘿蔔糕臘味很香，加上店家的甜辣醬，簡直不能再讚了好嗎？！不過這裡本身就是豆製品廠，今次怕飽肚食不下其他嘢，所以下次再來可以同朋友試多炸豆腐同豆漿豆腐花那些，反正煎豆腐我是不會再試了嘻嘻

想起以前朋友來香港玩，提出要試地道小食，我成日會向他們推薦公和荳品。甜滑的荳腐花，煎香的豆腐荳卜，一路都是我的心頭好。只是近日再食，卻找不回從前的味道。認真，豆品係好多地方都可以食到，好味的也不止一兩間。幫襯公和，大部分因素係情懷在做怪。自從轉咗膠杯膠碗，除開情懷，味道似乎也跟著悄悄溜走了。荳花變成膠碗後，風味少咗不突止，直觀份量都少埋。豆花本身有糖，再加黃糖就甜味蓋過豆味。要咗三樣食物，幾乎無一個可以達到過去的水準。無糖豆漿就對荳製品味道的評判最直觀，可惜，雖然無甜，但豆味好淡，兌水多咗。煎釀豆腐竟然唔熱，得底部微溫，不是記憶中那剛煎起，燙口的感覺。好彩炸魚餅都算係熱辣，未叫我完全失望。煎炸食物同泰式醬簡直係無雙搭配。食物就供不應求，但忽略品質，就真係幫襯一次少一次。

2017.01.15公和叁寶 $14 荳漿 $6三寶包括豆腐 魚腐 豆卜各2件啲間舖頭係深水埗最出名的特色小店我以前都行過好多次但真係幫襯今次係第一次先講環境😞不太喜歡 人迫不在話下而且衛生問題也不太好😕味道也不見得特別出色同媽媽在街市買煎出來的差不多😅如果價錢平就能拎到"雪糕人"一席位我實在挺失望的公和荳品廠 💌深水埗北河街118號地下Mon-Fri: 0700-2100

在大街小巷穿梳，不知不覺，去了「公和豆荳品廠」。只見店內座無虛席，我們去了人較少的冷巷。「公和」的阿姐，雖然忙，但待客親切有禮，值得一讚。煎釀豆腐$10/4件，大件夾抵食，豆腐煎得外層金黃微脆，內裏香滑富豆香，果然不錯。荳花$10/大碗，加上黃糖和糖水，也不錯。只是，並不是我們吃過最好吃和最香滑的豆腐花。不過，最教我們驚喜的，則是以生熟薏米、無花果、蜜棗和薑煲製而作的薏米水$10/枝。薏米水足料之餘，淺出淡淡的薑味，清香不甜，健康美味之選。

有60年歷史嘅老店，舖頭嘅裝修好舊，好逼同未必好講究，不過佢地嘅豆腐花係我食過最滑最好味嘅，豆漿亦好重豆味，甜度適中，就算飲到底都無黃豆渣。另外，我其實係超級豆腐粉絲，豆腐豆漿，由細到大都超鍾意食，今次當然會叫其他小食啦，有乾蒸牛肉，中規中矩，無咩特別，另外叫咗個三拼，煎魚腐、魚肉豆腐同豆卜，煎得好好味，金黃色，無過火，無搞到乾爭爭，而且好濃豆味，好滑，真係平靚正，不過由於環境太逼，去嘅話要有心理準備會坐到背貼背，但係我亦會再去嘅，因為真心覺得好好味

咦間老字號相信大家都唔陌生嫁啦！對👅都唔例外！因為佢真係陪伴我成長😢細個個時，因為要上興趣班，每星期都起碼去兩次深水埗順便食公和😁每次老細都會自動幫我落單，大叫一句一個雙拼、一杯堂二😂.諗翻起都成十五年啦！十幾年前比我跌崩左個隻玻璃杯，已經被即用即棄嘅膠杯取代左。但味道始終如一☺️.仲要多左好好食嘅魚腐😍所以今次唔再係雙拼而係三拼啦！👅最鍾意係加大量辣椒醬黎食😏然後辣到hihi就灌啖超冰涼荳漿！正😋其實佢算唔話得啦！價錢一直都咁親民，咁多年黎都唔係加左好多價！

My cousin was visiting Hong Kong from the US, and she wanted to buy some beads for jewelry-making from Sham Shui Po.  Since it was Boxing Day and my brother didn't have to work, he drove the three of us to Sham Shui Po.  After buying the beads, we decided to grab a bite before leaving the area.I was going to bring my cousin to the famous cheung fun shop, so I was looking on the map on my phone and saw that Kung Wo is in the area.  I asked my cousin if she'd rather have sweet tofu, and she said y

人生第一次食公和，只係因為咁啱要去深水埗之前有留意新聞都知道公和因為某種原因而要改用膠碗，雖然係有d唔環保，而且少咁d風味，但都唔影響豆腐花同其他食物嘅質素。第一次黎，環境地方雖細，坐得無咁舒服，但好有60-70年代嘅感覺，坐得辛苦d都無咩所謂~男朋友幫我叫左個香煎豆腐，雖然入口都幾油，不過都煎得好香口。豆腐面上面係魚肉，食個時要小心有些少短幼骨，不過就好好食，再配合埋個豆瓣醬夠晒惹味~~而個豆腐就算煎完都唔散，仲好有豆香味好滑，真心要推介嘅另外豆腐花原來有幾款，要叫order 時要講明無糖少糖定係正常，我就叫左個正常糖，雖然甜但好潤，豆腐花入口非常滑溜，仲有豆香味，比起出面有d得個滑字，有d得個香字，呢到算係平衡嘅，呢個我都會推介，因為食完仲想食多碗呀~~下次仲想試下豆漿同其他野食呢~

同同事晌深水埗上完堂肚餓就去搵食。於是就去咗呢間老字號嘅香港公和荳品廠。我都曾經聽過有好多朋友講過話好食。下晝5點半左右，舖頭已經好多人。第一次去到，梗係睇下個餐牌啦！見啲嘢都幾平！就晌我同同事諗緊食乜嘅時候，收銀嘅呀姐用唔耐煩嘅語氣講左句：「你地要諗嘅企過少少，後面有仲有好多人要買。」我哋聽到都企埋一邊睇。睇睇吓，個呀姐又燥底咁話我哋：「你哋一係就坐晌度睇！一係就企埋少少！後面好多人！唔好阻住！」同事都有講唔好意思。然後再行入少少。(講真...位置係得咁多，唔係坐就企㗎啦！唔睇餐牌點知有咩食呀！洗唔洗1分鐘話我哋兩次？！)好啦，睇完餐牌就晌收銀落單。我地叫左荳花、煎釀荳腐同黃金魚腐。落單之後都唔洗等好耐，好快就有食物。荳花荳花本身已經有糖水，甜甜地。口感十分軟滑，有淡淡的荳香味。(讚！)加埋黃糖更正!煎釀豆腐煎釀豆腐嘅味道較清淡。質感嫩滑！加上鼓油同辣醬，唔錯。黃金魚腐一般嘅魚腐都係彈牙，像魚蛋似嘅彈牙口感。但公和嘅魚腐完全唔一樣。表面香脆，入面係軟軟嘅豆腐。總結食物方面嘅味道同口感算唔錯。但服務態度同衛生方面就無咁好。收銀員的態度上面一開始都已經講過，就連店員叔叔都對其他客人都無乜

豆漿未算太突出，略嫌唔夠濃，但勝在新鮮製造，有無糖豆漿，尚算貼心。豆品廠嘅老字號

地方超级小，坐的十分辛苦。建议多人一起去就外卖带走吧。东西还没吃完，稍微见底了，就有人收走你的东西。豆花十分的滑，黄糖的搭配十分和谐，豆香黄糖香让人停不了口。炸料有惊喜！选了四拼，件件都好吃，搭配他们家的腐乳辣椒酱。最后还是意犹未尽，可是那个狭窄的空间让人不想再待了。只好再点一份外卖带走，边走边吃。豆浆也是十分顺口！好喝！只是稍微甜了一点，但是还是很好喝的。主要环境不好，而食物是值得的！下次再来香港一定会再去

公和食物的味道不在話下，都唔洗講太多，始終d豆製品的豆味真是贏九條街，無得頂!!!雖然味道仍在，但風味不再~當無得用雞公碗轉晒用膠後，先發現原來豆腐花用雞公碗裝個風味真是唔一樣。