八海山

營業中

休息中

這間尖沙咀八海山日本朋友介紹不錯的正宗日式餐廳，食完都感到質素的確不錯幾新鮮 2人來叫這個雜錦魚生剛好，每款時令刺身都有，而且好鮮甜。海膽的味濃又鮮甜一食就感覺十分新鮮，赤身味道濃帶軟熟，三文魚和帆立貝好厚肉又鮮甜，油甘魚厚身味道濃又香，甘海老和八爪魚就正常新鮮 雜錦天婦羅推介，價錢不貴之餘，皮好薄又脆口而且不油身，入面的材料好新鮮，蝦有3隻都好爽口 帶子牛油燒勁大隻帶子，而且質素高好鮮甜多肉，帶點牛油和黑椒味道增加不少 來到當然叫了串燒 : 燒牛舌，碳燒豬腩肉和安格斯牛柳串，3款都好惹味，牛好軟熟，而豬燒得好香口帶脆口 叫了不少肉類當然想清清腸胃，這個豆腐沙律幾開胃而且豆腐勁滑，菜都新鮮，蕃茄夠甜帶微酸 我們差不多八點來到都差不多滿座，食到一半再細問下原來這裡已開了廿多年，一直都有不少捧場客，而這裡材料都是日本飛機貨，怪不得材料比出面新鮮美味

呢間八海山已經開業超過19年啦，疫情期間仲係屹立不倒😌可想而知佢地嘅食物係幾咁高質，仍然有咁多人會訂座光顧😽佢地嘅價錢算係中等價錢，但係野食嘅分量都非常大份😙真係好抵食😽😽坐低仲已經準備好餐前小食，等野食嘅同時都可以有野落肚😌😌🥢自家制忌廉薯餅 $68忌廉薯餅炸到外脆內軟😌😌係新鮮炸起，仲有餡料塞到脹卜卜🤩🤩裡面仲有粟米粒，好有層次感😝😝🥢刺身沙律 $95刺身沙律份量真係十足，材料包括左三文魚、三文魚籽🍣、拖羅、吞拿魚等等😍所有嘅刺身都切到一粒粒咁，好方便撈埋沙律菜一啖放入口一齊食呀😙😙價錢嚟講真係好抵食🤩🤩🥢宮崎南蠻雞肉 $85炸好咗既雞肉上面鋪左一層厚厚既甜酸南蠻醬🥺🥺🥺食落去好開胃😙雞肉仲好大塊，口感嫩滑🤩🤩肉汁仲係鎖住左係雞肉到，真係好鐘意食呢個呀😜🥢花魚鹽燒 $85一上菜已經聞到香噴噴嘅魚香味🤤🤤唧完檸檬汁之後，食落完全冇魚腥味😜魚骨仲係成條完整痴住，蚊開就可以成條魚骨拉出😝超級方便進食😙🥢海鮮炒烏冬 $98食到咁上下，我地再想試埋呢到嘅主食，就order咗一份烏冬😎烏冬好煙韌，入面材料仲有蜆肉，椰菜同埋魷魚🦑蜆肉份量都好多😋真係食每一啖都有一粒咗制😆😆去到結尾，我地仲叫咗2

日本餐廳在寶勒巷經營二十多年，佈置有懷舊簡樸感覺 ，製作保持傳統日式口味，吸引本地粉絲支持，亦擁有不少日本人愛戴。雜錦魚生 (上) $420拼盤相當豐富有：▪三文魚▪油甘魚▪吞拿魚▪帶子▪海膽▪牡丹甜蝦▪帶子▪三文魚▪油甘魚▪吞拿魚▪魷魚 每款壽刺身新鮮肥美，顏色亮麗，三文魚、油甘魚、吞拿魚，魚脂肪豐盛，鮮甜柔滑，鮮味衝擊味蕾，吃完滿嘴魚香。雪白圓潤的帶子，貝身飽滿，鮮甜柔軟。牡丹甜蝦及海膽，口感黏稠，軟嫩滑溜，咀嚼時啖啖鮮甜，滋味大滿足。魷魚鮮味帶嚼勁，口感一流。明太子玉子燒 $65玉子燒口嫩滑濕潤，誘人的蛋香，看似簡單，時間拿捏適當，加上明太子及木魚碎提鮮，出色之作。帶子牛油燒 $100肥美大隻的帶子在迷你鐵板上，熱燙燙，香氣十足，口感鮮味軟嫩，啖啖牛油香氣充滿口腔 ，令人著迷。日式清湯牛肉火鍋 $458熱燙燙的牛肉火鍋，香氣十足，湯底鮮甜美味，牛肉軟嫩，牛味濃郁，娃娃菜、新鮮冬菇及豆腐，吸收了湯底的精華， 份外滋味 。自家製牛肉薯餅68即叫即製牛肉薯餅，薄脆的外皮，金黃香脆，中心填滿惹味的牛肉粒、滑溜的薯蓉，令人停不了口。明太子蘆筍炒飯 $98炒至粒粒分明， 米飯充滿蘆筍的爽脆、

趁疫情減輕左，陪媽媽出黎九龍食下日本菜，媽媽好鐘意日本文化，專登搵左間正宗日本菜同媽媽一試尖東呢頭特別多日本公司，舊同事話好多日本人都會放工黎八海山食晚飯，夠晒正宗，有日本風格一坐底店員就擺底前菜，前菜係帶子綑邊，媽媽一見到就好開心咁夾黎食雜錦魚生（上） 有三文魚腩，帶子，海膽，油甘魚，吞拿魚，八爪魚，甜蝦媽媽對個帶子大讚不絕！非常新鮮，而且厚厚一片甜蝦亦都好鮮甜，份量亦唔少油甘魚厚切，刀口順著魚紋口感更好元氣豆腐睇見好多人都推介呢款小菜，決定一試呢個健康之選有納豆，吞拿魚蓉，溫泉蛋，三文魚籽鋪係豆腐上面豆腐比一般出面食弓既更硬身，亦都比較有豆味，幾特別香港唔係好多地方有納豆食，雖然唔係個個人都鐘意食納豆，但其實納豆對身體非常好！ 黃豆味非常突出，係純正日本產既納豆黎，真係好有日本既味道牛肉薯餅食完健康既納豆，可以減輕以下落黎炸物既油膩感牛肉薯餅勁厚！ 而且唔會炸到好乾身，入面既薯蓉亦都好幼滑，大讚明太子玉子燒同出面既玉子燒既分別係，唔會好似其他餐廳咁用醬汁去掩蓋玉子燒既味道，亦都有較健康既感覺入面明太子好足料好食帶子牛油燒中大粒既帶子！ 超級吸引牛油味亦好突出，2個人食實在大滿足！！

原本三人小聚 打算和知己一起晚飯打算清酒摸摸杯底開懷小吃開心共聚當日19:00到達現場只有另外兩枱客人看到報道 很多日本人光顧相信食物質素及環境應該不差食物質素及味道 也符合埋單$2300可惜 當我們大約把酒談心到20:30左右竟然看到餐廳天花 大約有2-4隻老鼠周圍跑尤其在 近後門及壽司枱天花 自由自在地跑步我馬上嚇得大叫 怎也吃不下去😰😰😰希望餐廳馬上改善衛生環境但本人見過這麼多老鼠 應該必定不會再光顧😅

呢間餐廳喺尖沙咀已經開咗超過20年， 店面好大而且充滿時代感 ，每晚都一定有日本熟客幫襯， 而且好多店員都識得講日文 ， 能夠同客人打成一片，令我都覺得好似去咗日本旅行咁🤭。 ❤前菜前菜係一細碟嘅中華沙律，沙律入邊啲芝麻味好香。 ❤雜錦魚生（上）個拼盤擺盤真係冇得輸，擺得非常之靚，好適合打卡🤩 。 刺身嘅種類亦都好多，有三文魚、吞拿魚、油甘魚、 帶子 、魷魚、海膽同甜蝦 。 所有刺身都好鮮甜，聽講全部都係日本飛機貨嚟嘅😮。吞拿魚刺身特別好味，同平時果d唔一樣，質感比三文魚柔軟好多， 令我終於明白點解日本人係中意食吞拿魚刺身多過三文魚😆。帶子刺身肉質飽滿，刺身中間夾住青檸片， 青檸片 令到帶子刺身嘅味道更加清新。而油甘魚刺身一樣係咁軟熟鮮味。另外，海膽亦都好大舊好份量好足。 ❤ 雞泡魚乾雞泡魚乾咬落去煙煙韌韌， 點埋蛋黃醬令到味道更加豐富，加上上面有少少七味粉， 少少辣咁樣更加 開胃，係一款好適合送酒嘅小食。 ❤ 洋蔥沙律 呢個洋蔥沙律喺其他餐廳真係未食過 。沙律係滿滿一碗，上面鋪滿咗木魚，d木魚好似唔洗錢咁， 全部都好大塊， 而且比一般餐廳嘅木魚片厚好多。 木魚下面就係大量嘅洋蔥， 冰

明太子煎蛋卷($75)，煎蛋既時間掌握得好好，蛋好滑一d都唔老，加左明太子，食落有粒粒咬口。元氣豆腐($90)，第一次見既菜式，上層係吞拿魚蓉和三文魚籽和納豆和溫泉蛋，下層係超嫩滑“震下震下”質感既豆腐，這樣食材既匹搭好創新而且好夾，相信納豆既味道唔係人人可接受，但其實真係好有益，我都好鐘意食，最秘密武器係個醬汁，偏向辣味多d仲同時帶有少少酸甜味道，好醒胃。牛肉薯餅($68)，外層既炸麵包糠非常脆，筷子輕輕夾起，糠粒已散落，所以要小心注意，入口好酥脆，餡料軟綿綿，有種外脆內軟感覺，醬汁類似梅子醬，酸酸甜甜味道。雜錦刺身，共有7款刺身，所有刺身色澤鮮豔，而且肥美，三文魚左紋視覺好美觀，海膽清甜幼滑。牛腸鍋($180)，同樣係一道比較少地方食到既菜式，牛腸一邊係軟綿綿入口即溶，應該係牛既脂肪，另一邊腸部位，食落煙煙韌韌口感，最重要係腸內臟處理得乾淨。

之前都聽人講呢頭有間地道居酒屋，所以專登過黎睇下。點知就係門口條斜路見到YouTuber大島，順便影左張相。入到去，又有幾枱日本人。所以我地專登試下地道野食。.海鮮什錦沙律同油甘魚赤身刺身都好新鮮！.呢個能量豆腐上面有納豆、吞拿魚、魚子同蛋黃，加埋醬汁好開胃，食唔到有好重納豆味道，好食！.另外特別嘅係牛腸鍋，第一次試，香港都唔多地方有得食。牛腸食落爽口，表面有油香。但係個湯又好清，飲落小小椒味。·我最鍾意係呢個忌廉薯餅，內脆外軟，牛油香味又濃又滑。

Book左8:30等左成半個鐘都無得入🤦🏽‍♀️，個光頭部長👼🏼同我地對完資料走咗去🤣，好忙咁好明顯避開我哋，由得我哋戇居居係門口等👍🏻！最搞笑我地2個人等左半個鐘⏱，就快有枱既時候。有3個人👨‍👩‍👧‍👧嚟到話book左8:30 3位，個光頭佬部長竟然話，佢哋先，原因係佢哋多一個人，所以佢哋多人佢哋先🤣我地準時佢哋遲到入先，因為多我哋一個人。呢個收費咁既服務態度⋯唔唔幫襯囉

看到youtuber介紹說是很正宗的日本餐廳。也見到網民話大部分lunch排隊的都是日本人，所以決定去試一試。入到餐廳後，環境比較舊式，被帶入的餐檯位置在最埋邊角落頭，但有浸莫名舊式酒店房內傳出的發霉味道，不知是否餐廳環境比較舊也比較潮濕的原因。不過因見評論話非常正宗就考慮試咗食物先。首先點了基本的串燒，味道還可以，食物上嚟溫度都非常熱所以滿意，份量也偏大份。唐揚雞感覺味道就很普通，沒有太出眾，出面好多地方都可以搵到好味好多的唐揚雞塊。不過剛炸完就即上，也是趁熱食的，所以味道正常好味。油甘魚鮫燒得唔錯，很香口。元氣豆腐是廚師推介menu，也是youtuber特別介紹，所以點來試一試。很特別，這道菜非常之高蛋白質。一磚豆腐配埋wasabi納豆京蔥拌吞拿魚碎再加隻溫泉蛋，味道配搭都幾特別，不過醬汁偏多，食到最後非常之鹹。刺身真心失望。賣相都正常，不過刺身拼盤並不便宜，這個價錢在其他地方可以食到好好味好新鮮的刺身，又或者今日唔好彩，真係冇撞正新鮮刺身的時間段。赤身吞拿是冰片硬塊上的，還未完全解凍，咬落去似咬緊沙冰，最後吞拿魚解凍後啲自帶血水也流出。另外海膽偏黑，擺盤也是散的，入口仲有浸off

呢間喺尖東寶勒巷附近嘅八海山日式居酒屋記得細細個屋企人帶我去依頭行街時已經喺度上網睇返原來已經開咗二十年都有而且餐廳入面都有幾位日本人喺度食嘢感覺係非常正宗嘅日本餐廳呢依度食物同酒類嘅選擇都非常豐富都係好經典嘅日本料理餐前小食叫做牛舌醬汁醃到好入味 而且好厚身有嚼勁店員推介我哋試吓今日嘅飛機貨日本直送黑鯛平時我哋食開嘅刺身種類都係好大路依款其實連名稱都未聽過但一上菜就發現非常吸引師傅好刀工 切得超級透薄蟹籽沙律 雖然好簡單嘅沙律但喺其他餐廳實在中過太多次伏呢度值得我特別稱讚就係沙律菜超級新鮮燒雞泡魚乾都好有驚喜完全唔乾身咬落去食度濕潤感牛肉薯餅超厚切食半份都好飽啦最後仲試咗牛油帶子醬汁好香濃重牛油味最後想講吓同舖頭同名嘅八海山清酒雖然有15.5%濃度但飲落好香諄清爽原來係自家品牌清酒嚟 日本進口個人認為係好值得推介大家嚟呢度食嘢都可以試吓

好耐冇出尖沙咀諗住星期六會人多就book定位係open rice 搵呀搵搵左好幾間最後決定去呢間因為知呢間野都好多年下同埋見啲comments 都好似唔差咁多好評，咪試下啦～6點幾去到仲大把位入到去仲可以揀位坐啲野食係貴同唔好食不過因為太普通都冇影相但係員工態度好好不過都唔會再有下次

諗住食生日飯睇到咁多正評見話好地道既居酒屋，咁就一試，但描述同想像中係有出入環境氣氛還好，的而且確成個場的確係好多日本人，算唔算叫地道食物質素就好一般，相都廢事影，叫左d天婦羅，魚生，炒飯，串燒，啤酒等，串燒的確幾好食，其他就麻麻地，唔值呢個價服務一般，成晚得2個廚師，d野食叫完等好耐，服務態度都係麻麻最後7人食左$2500左右結論：價錢同服務食物質素同想像好大落差，呢個價錢既居酒屋其實會有好多選擇，唔會再去

自從疫情之後，就無再去旅行。老公知我掛住日本，所以佢就話帶我黎呢間日式餐廳，感受吓返鄉下感覺。一入門口就見到櫃好多酒，職員話除左呢度，裡面仲有兩個櫃比客人存酒，可見呢度好多熟客棒場。日式裝修，燈光淡黃，覺得似日本居酒屋。坐低後，就聽到隔黎枱係度用日文傾計，原來連日本人都黎呢度，老公無講錯，真係正宗日式餐廳喎。職員推介左條薄切魚，然後老公打開餐牌叫左清酒配小食，另外再叫左沙律、炸物、一品料理同炒飯。前菜：蓮藕漬物，超爽口，似鹹又似甜，味道特別，都ok。薄切：職員推介左條鬚鯛，係每日由日本空運黎嘅飛機貨，原條鬚鯛切成薄片，腩部分就切成厚粒，薄切有清新柚子味道，而厚粒就更有口感，超正👍龍蝦沙律：龍蝦蓉好大舊，好冰凍，味道甜甜，下面係沙律菜，新鮮乾淨兼爽口，呢款沙律又幾唔錯。八海山清酒：自家品牌清酒，日本進口，老公話入口清純，無雜質味道，唔怪得我飲左一杯仔就覺得wing wing地啦🙈！雞泡魚乾：老公指定送酒之選，入口暖暖，有咬感，鹹鹹甜甜，點埋沙律醬，好味道。牛油帶子燒：帶子超大粒，煎到好香，用鐵板上keep住熱度，食到滿口牛油味道，仲有黑椒味添，加左幾滴檸檬汁好fresh，同埋d菇菇一齊食

琴晚同朋友去咗依間非常正宗嘅日本餐廳食飯，入邊已經好有日本嘅氣氛，佢嘅佈置擺設完全有喺日本食飯嘅感覺，坐低之後睇一睇餐牌，發現佢有好多唔同嘅刺身壽司同日本炸物或者料理，首先係佢嘅前菜，呢個金菇鮮甜美味，佢嘅汁有啲似冷麵嘅醬汁，食完前菜之後，就到非常好食嘅池魚刺身，佢有一個酸汁，用普通豉油Wasabi俾你選擇，好襯呢個池魚刺身，完全可以帶出個魚既鮮味，之後佢嘅刺身沙律，刺身嘅比例好高，絕對都唔會吝嗇佢嘅食材，至於燒物方面，佢嘅芝麻雞翼，燒得外脆內軟，非常好食，佢嘅醬汁燒魷魚筒，個醬汁好好食，而且個魷魚燒得好彈牙啱啱好，到到最後佢嘅日式雪菜炒飯，聽佢介紹佢嘅日式雪菜一啲都唔鹹， 果然食落一啲都唔鹹，拎嚟炒飯簡直一流，整體而言，佢嘅餐廳比我有一個日本食飯嘅感覺，因為除咗佢嘅佈置方便，仲見到一啲日本人喺度食飯添。