八海山

營業中

休息中

好多好多年前食過一次，早幾日喺對面食lunch突然好想睇下而家變成點，入到去好似裝修都無乜變。lunch set 選擇其實唔多，同事點咗個壽司烏冬，我就點咗個秋刀魚，50-60嘅set lunch 係幾經濟，所以都幾多人食，兩個waiter 似乎唔係好應付倒，set跟燉蛋同沙律，燉蛋其實料係足，除咗有白果、冬菇外仲有魚片，不過魚片好鞋，另外個杯都係磞嘅，同事個壽司烏冬賣相麻麻，我個秋刀魚等好耐，係即燒，不過麻麻，感覺唔多新鮮，飯當然唔係珍珠米，仲要落好多水，所以好淋，食咗一半都無食了，隔離檯投訴wasabi 唔辣，我無食wasabi ,而同事都好認同係唔辣，不過無特別講，好明顯係餐廳本身來貨選料唔靚，waiter 仲同投訴嘅客人爭議其實有啲傻，雖然waiter 之後有同其他檯嘅客人道歉，不過佢地應該要明白問題源頭喺邊

同事話上次見到lunch set唔貴，又幾抵食，所以今次同佢地黎左呢間日式料理食。一入到去，感覺好懷舊，好似80年代既小小日式料理店裝修都比較舊，但係簡單，整潔，令人舒服。餐牌有每日唔同既便當揀，仲有其他海鮮丼同鍋物揀。價錢普遍黎講都唔算太貴，加上另外有一張餐牌仔，有4個set係53-58蚊既選擇，一樣包沙律，茶碗蒸，味噌湯同埋飲品。沙律睇得出唔太新鮮。。。雖然佢既柚子汁好食。茶碗蒸係滑既！我叫左牛肉豆腐鍋。首先，牛肉份量都唔少，口感都ok，底下仲有好多菇，煮林左既洋蔥同埋3舊豆腐。豆腐質素就一般般啦，有丁點酸味，唔太新鮮。同埋佢既飯好似煮得太濕。。。

尖沙咀區搵到超值午餐，仲要係坐得舒服，唔趕你走嘅日本料理。午餐連星期六、日都有。價錢低至$50幾左右！有好多款唔同刺身或熟食定食。叫左鯖魚定食$75，鯖魚新鮮熱騰騰，夠大條，魚皮烤到脆脆地。魚都唔腥，味道唔錯。定食仲包麵豉湯同沙律及蒸蛋，仲有飲品。另外，叫左刺身定食，有三文魚、油甘魚、吞拿魚、帶子、八爪魚及牡丹蝦！都幾多款式。不過質素就普普通通，最好吃是牡丹蝦。飲品揀左橙汁及檸蜜，呢間日本料理真心抵食，味道不錯。

假日路經附近，原定要去在尖東的日本菜大幅加價，不甘當水魚於是聽朋友介紹來到八海山吃一趟。八海山午餐價位喺尖沙咀好難可以搵到，睇睇附圖餐牌，$50幾有沙律有蒸蛋有湯有drinks無得輸啦，仲要係幾好食嘅，加埋一都唔使$60。我地一行十幾人佢地比左裡面間房比我地坐，但出入去洗手間發現大堂坐著幾台的日本人，由此可見呢間係該區較像樣的日本料理。下次有機會一定要來試試晚餐。假日都有午餐定食，唔迫你散叫，幾好幾好滑蛋炸蝦飯定食

炸蘆筍同心卷Deep fried asparagus with seaweed (HK$95)酒盜芝士Cream cheese with salted fish (HK$68)花魚鹽燒Grilled hokke (HK$85)燒淮山明太子Cod Roe on Grilled Yam (HK$65)串燒三味Skewer Mix:- 燒牛舌Ox Tongue (HK$35)- 煙肉蘆筍串Bacon Asparagus Skewer (HK$33)- 梅子大葉免治雞肉捧Minced chicken meat seasoned with plum (HK$28)手打蕎麥麵Homemade soba (HK$80)魷魚絲天婦羅Deep fried dried cuttlefish (HK$65)Rating: 4/5 🌟呢間居酒屋，都有啲創意菜式，值得一試。好似個煙肉蘆筍卷，外面脆口，入面多汁。燒淮山明太子，淮山非常清爽又有爽脆咬口，加上鮮味明太子，味道好濃郁，完美搭配！最後，我都好鍾意個酒盜芝士，係一個日本居酒屋傳統嘅送酒食物，深受日本人愛戴。個「咸魚」其實好似係魚內臟嚟嘅😱但佢整到完全無腥味

禮拜日經開尖沙嘴，見到八海山居酒屋。以前係銅鑼灣有分店的時候，成日都pre-order 鹽燒三文魚鮫食。當佢搬離銅鑼灣的時候，已經好Miss 左佢d嘢食好耐。依家難得經過，一定要拜訪下。入來好熟悉的感覺，遞上熱毛巾，賓至如歸。茶杯上的健康十訓，可以餐前Meditate下，深感日本飲食文化來一杯燉蛋，味道依舊好正，唔少得入邊粒白果。好多日式餐廳已經落少左呢個重要的食材。仲有沙律食嗰魚生飯食材好新鮮，魚生刀功一流，無筋無渣。壽司都好肥美，入口即融。配上生磨Wasabi，真係好似去左日本🇯🇵 好有誠意。

估唔到星期六尖沙咀旺區都會有啲咁抵食嘅日本料理午餐星期六下午時間去到得幾枱客人 ，餐廳稍為冷清，但係餐廳裝修富有日本懷舊風味，我估佢嘅 食物應該都幾地道午市套餐選擇非常多，餐牌大概有三版可供選擇。有熟食、有刺身、有壽司定食等，基本上唔會揀唔到我地就揀咗壽司定食配烏冬$85壽司定食有六件壽司同埋三件卷物配烏冬，壽司係高質非常肥美新鮮，甜蝦大大隻又甜，帶子亦都係厚切同鮮甜其他都好新鮮。另外叫咗牛肉豆腐鍋定食$65啲豆腐好滑，個湯味道都唔錯所有午市定食都包沙律、麵豉湯、蒸蛋同埋嘢飲!會再黎

My friend took me here for lunch one day! Entree:- salad and steamed egg! 😍 didn’t expect to have the Japanese style steamed egg! Good surprise! Love this place already 😂 👉🏻small cut raw fish on sushi rice $75 With this price the presentation is surprisingly good! The raw fish is fresh and it tastes good! We love it! Worth it! .+.+.+.+.+.+.👉🏻 cooked pork cutlet with egg set $70This tastes good also! The egg is softly tasted! The portion is quite a lot! $70 and with drink and entree also! we will

餐廳裝修是典型的日本風格，來幫襯的幾乎都是地道的日本人。刺身水準中規中矩，串燒款式比較多，味道還不錯，八海山的清酒味道比較濃烈。價錢是中等偏上。一行五個女人，叫了刺身上，串燒雜錦，兩串牛舌，銀鱈魚西京燒，豆腐沙律，一瓶八海山清酒，一瓶啤酒，吃了雪糕等甜品，總單價一千七百多。本人覺得價錢不算特別划算，但是從體驗正宗日本居酒屋的角度來看，這是最大的賣點和吸引人的。座位不算太逼，尚算舒適，適合把酒歡顏的老友們談心。

最近真的太忙，和兩個損友忙到十二點多才吃東西。不過還是會獎勵自己吃一頓豐盛的，巧合在尖沙咀比較少去的地方，就到處走走看看，好多想試的，最後還是走進了最愛的日本居酒屋。餓壞了，馬上就點牛油燒帶子，還試了特別調製的麵豉醬煮鯖魚。平時吃的都是煎的，這是煮好了上面再放麵豉醬的，新嘗試，白飯當然是免不了的。不過有點失望，調味料比較淡，還是香煎的更有味道，更能帶出鯖魚的口感。帶子有配上檸檬片，不錯，不過醬油放太多，少了燒出來的入肉的香味，而且帶子太貼著鐵板，得用力點拉起來，就濺得桌子都是調料，整體就算是Ok 拉

發現這間餐廳是一個巧合本來只想找一個靜靜的地方和友人談天看看餐牌 普通刺身和碎切魚生都係100元內對於想食日本菜又不想咁貴的我是一個好選擇Encore 了幾次 今次試了角切魚生飯盛惠$75元 實惠之選 包前菜沙律 燉蛋 面豉湯 還有飲品 十分豐盛 大滿足前菜沙律 - 用了柚子汁 開貴醒神燉蛋 - 雖然不是十分滑 也不會過老 不過不失吧面豉湯- 因本人不愛吃 不作評論魚生飯 - 剌身尚算新鮮 要有的材料都有了不能預期是十分新鮮甜美的貨色 閒時食到些筋 但整體而言也不錯飲品 -咖啡 明顯不是日本的咖啡機沖個普通齋咖 整體而言 是打工仔的快食又好味之選會再encore

之前同事介紹話要去寶勒巷既一間食日本野既餐廳，話好多日本人都會去🤣🤣結果就同男朋友book枱去食🤤成間餐廳都好整潔，餐廳一半滿，大家傾計得黎都好安靜。坐我地後面個枱係真日本人🤣🤣🤣感覺真係去左日本咁😂😂我地嗌完野食就黎前菜，似係d麵豉醬豆干/豆腐。個汁sok晒入個豆腐到👍🏽👍🏽👍🏽而且個味好夾，兩三舊已經嗒著左我個胃🤣🤣日本一定有既蛋捲！甜甜地，好香蛋味，佢有d蘿蔔泥配埋，但我就鐘意就咁食個蛋啦😆😆平時真係好唔捨得食三文魚子軍鑑。黎到呢到！豁出去要試下！結果係完全值回票價！佢三文魚子量勁多，而且個醬油唔會蓋過個三文魚子，仲要係即整，紫菜仲脆既！牛油果🥑加軟殼蟹真係最佳配搭！加左沙律醬，放入口個陣會冇咁dry, 而且佢好多件，真係好抵食！冷麵都係必食item!!d麵好夠凍好彈牙！佢個冷麵汁個味岩岩好，個蛋加埋落去，令d冷麵滑好多👍🏽👍🏽呢個同男朋友share黎食，但好食到自己一個想食晒去呀🤣🤣

登登登登！終於可以一試尖沙咀出名既八海山啦！😍對於高級日本菜餐廳 我真係有極高既要求🔥吾係真係會對吾住自己條👅👅言歸正傳!呢一間日本野聽就聽得多！真正黎食都係第一次😍成日都覺得香港放題咁多何必要食高級日本餐廳呢😂呢度既環境有日式居酒屋既感覺😋招呼嘅侍應大部份都係日本人！搞到我好似真係去左日本咁😘裝修黎講，對於中意影相既我！真係絕對吾可以錯過😆平時黎講！我對於食具其實都有相當高既要求！特別係食呢一個level既日式餐廳🍴佢地既餐具顏色特別！圖案又充滿日式風味❤令每件食物都徒添左幾分既美味😆賞心樂事🤘🏻就連佢地既menu都充滿特色！絕不馬虎🤩🤩去到食物部分😬我點左一個鰻魚牛油果卷物😆哇！一送到上黎果一刻我完全o哂咀 o我發現每舊卷物上面都有一大舊既鰻魚鋪係上面😍同出面既完全吾同！牛油果🥑熱既程度岩岩好！又夠creamy👅我又叫左個刺身拼盤！新鮮都不在話下😋海膽嘅鮮甜味絕對係稱得上係頂級！甚至比我係東京當地食既海膽更加鮮甜😍勁想Encore❤❤軟殼蟹卷物絕對能夠考驗一間日式餐廳師傅既功力！因為軟殻蟹要鬆軟得又夠脆口！沙律醬又吾可以太多！再配埋牛油果🥑我完全係停吾到口🤤🤤

上一次來晚饍，感覺是不錯的日本餐廳。今晚第二次來晚饍，卻有新驚喜!!鮟康魚肝$120。繼上次之後，再點的菜式。肝味濃郁，喜歡鴨肝雞肝魚肝的話，值得一試再試。魚肝切好成圓片上碟，和hokka 原件魚肝切片略有不同。so far 個人喜好 hokka > 八海山八角刺身$380 。是日飛機貨。白肉魚，口感清爽，背部煙韌有咬口，腩部清新略帶油香。好味。份量比預想的大。八角應該是飛魚吧？未展開的魚鰭已經很寬大特上刺身拼盤$530。高度推介，物有所值的特上刺身拼盤，料靚，比特上壽司更抵食。赤身吞拿魚出乎意外地甘香非常，比拖羅更出色。鰝鰺和油甘魚俱肉厚甘甜。牡丹蝦頭熬煮的湯料足鮮美鯖魚箱押壽司 $120。店長推介菜式，不錯吃。昆布覆蓋表面，中間夾著的紫蘇葉味道很突出，鯖魚稍酸，米粒煙韌雪糕(店家贈送)。不要錯過喔！無論綠茶或芝麻味都比其他地方提供的味道要濃郁。芝麻香滑，綠茶甜度剛好又不苦今晚真是大滿足p.s. 打包每盒收10元

工作OT，同事大班一起到尖沙咀吃宵夜，有同事推薦這間，所以來試試我們點了好幾款來share，餐廳都有很多選擇，不乏米食，多款燒物卷物，甚至也有多款酒類提供。明太子蛋卷，明太子和雜菜夾在蛋卷中間，蛋卷微微濕潤，味道微鹹，好香的蛋味，超愛吃蛋的我很喜歡這個明太子蛋卷吉列黑豚咖哩飯，同事說餓了，點了咖哩飯，黑豚炸得很香，咖哩汁份量很多，與白飯的比例剛好自家制忌廉薯餅，薯餅裡面非常creamy，裡面基本上是打蓉了的薯仔肉加上忌廉，但吃下一點都不膩，非常好吃燒日式魚餅，雖然是燒的，但還是很juicy，濃濃的魚餅汁在裡面，不會很dry，吃宵夜配酒一流鵝肝卷，是外層微焦的飯包著鵝肝，裡面鵝肝香軟濃郁，不過不能吃多，吃多了有點膩，但還是很好吃咖哩飯的套餐還送了麵豉湯，麵豉湯味道很濃很好喝，而且還很多料