八海山

營業中

休息中

我好鐘意食日本菜，朋友話佢食開一間傳統老字號，平時做開日本客，係尖沙咀開咗成25年，菜單由開業到依家咁多年都冇轉，聽落好吸引梗係要去食🇯🇵雞泡魚乾份量比想像多，整得超級好食，調味一流，唔會太咸或者太乾，質感唔錯好咬口，點埋七味粉同沙律醬好食到停唔到口😋豆腐沙律有好多種類嘅新鮮沙律菜，啲菜嘅size切得啱啱好，個汁少少帶酸極開胃，豆腐夠清涼又滑，第一次食豆腐沙律真心好鍾意❤️牛肉薯餅薯餅炸得非常金黃，外脆內軟，薯餅同牛肉比例好，食落唔會好heavy又唔會好粉好油，食得出廚師火候控制嘅功力👨🏻‍🍳雜錦魚生食日本菜又點少得魚生，首先值得一提係擺碟極有心機，全部魚生片都切得好厚，仲要非常新鮮，而且海膽嘅份量都唔少，仲要係傳統嘅食法同青瓜一齊上，好耐冇食過啦，真心驚喜😆花魚鹽燒呢種魚香港比較少有，問下店員果然係日本空運到港，鹽燒又係好傳統嘅日式烹調手法，條魚燒得啱啱好，魚嘅質感仲係好滑溜嘅，雖然鹽燒但唔會過咸，仍然食到魚嘅鮮味，鐘意食花魚因為佢幾乎冇骨，完全係啖啖肉🐟日式雪菜炒飯炒飯好足料，有好多白飯魚，日式雪菜食落好爽口，味道唔似平時一般嘅嘅雪菜，果飯炒得好好，調味應該有落沙拉油，出奇制勝非常好

喺尖沙咀想食日本菜今次揀左間居酒屋試下😋去到門口已經覺得好有日本feel(((順帶一提💕之前睇呢間餐廳既簡介&食評 先知道原來疫情前有唔少日本人會去食 可能佢地搵到「家」既感覺（？）哈哈❣️)))一入座服務員就即刻沖茶+拎前菜俾我地感覺服務周到😚同埋⋯本身真係好肚餓！有前菜（中華沙律）食可以止住餓先😂💕龍蝦沙律💕龍蝦非常有鮮味，同沙律既味道好夾，咬落去時好有口感（軟綿綿+龍蝦肉既感覺），作為前菜好開胃啊😊💕雞泡魚乾💕喺服務員推介之下，叫左雞泡魚乾🧡（如果諗唔到食乜，可以問下服務員意見😝）哇！比想像中好味啊！佢厚身得黎唔會好乾，食落口仲非常惹味（好想知道烹調方法😋）加埋沙律醬，真係💯分！💕雜錦刺身💕叫左雜錦刺身黎一次大滿足😋包括有：三文魚、甜蝦、帆立貝、吞拿魚、海膽、油甘魚等等⋯一食落去就感覺到係高質刺身，全部都好新鮮，而且好厚身、大大件，食落去好有口感❤️特別impress既係海膽，好少餐廳既雜錦刺身會包埋海膽，份量仲要唔少，味道鮮甜有質感！💕和風蒜片牛柳粒💕牛柳粒好高質厚身，咬落去唔會un，加埋黑椒汁&蒜片，感覺非常惹味& juicy😋另外，好欣賞佢份量充足👍👍💕日式雪菜炒飯💕令人驚喜！

疫情下未能前往日本，但總是想着日本正宗的味道🇯🇵在尖沙咀的這間老式日本店，令人有置身於日本居酒屋的味道⛩而且店內職員服務態度十分好，餐桌禮儀亦依照日本傳統文化，上菜前會給予熱毛巾餐前小食，仲螺肉汁調製的帶子裙邊雞泡魚乾採用頂級的食材，不會全乾，仍然保留魚香，而且十分甜👍🏻😆龍蝦沙律🥗🦞龍蝦肉質十分多，性價比很高沙律清新而帶甜味🥗雜錦魚生 （上)包括赤身、海膽青瓜、三文魚、甘海老、帆立貝、拖羅、油甘魚，魚片等十分推介，味道超新鮮，食材頂級🤤所有魚生味道都很鮮甜，入口口感十分正👍🏻依家仲要有優惠，滿五百會半價以上魚生，滿一千會免費送，真係超值自家製牛肉可樂餅配製自家製甜醋，牛肉🐮味道香濃👍🏻好少餐廳有得吃這個地道美食雪菜小魚仔炒飯，超正🇯🇵令人一試再試餐廳食物質素和員工質素也十分滿意，座位多坐得舒服😌

經常行過寶勒巷都會見到呢間日本餐廳, 不過一直都無試過, 前排黎食過LUNCH覺得幾抵食, 所以今次就黎試下晚餐~一坐低店員就會提供暖毛巾同前菜, 好日本!!!!前菜係帶子裙邊, 好食!聽經理講呢到開左好耐, 食材仲要係今日落單聽日就送到, 所以好新鮮! 疫情之前都係做日本人生意多, 所以食物都好正宗!!聽佢咁講我地就叫左個刺身拚盤試下, 有海膽/帶子/三文魚等等, 海膽睇個色水都知新鮮, 好鮮甜, 唔會覺得腥, 而擺盤都好靚!朋友飲酒所以叫左雞泡魚乾, 甜甜地唔太乾, 好食!龍蝦沙律真係有淡淡龍蝦, 唔會覺得沙律醬好HEAVY, 好開胃好正!熟食方面叫左炸雞, 炸粉好薄脆, 唔會覺得熱氣, 好LIKE!最後佢推介雪菜炒飯, 本身覺得好奇怪, 點知出奇地好好食!!! 雪菜同白飯魚仔帶起左咸香味, 配埋日本米真係好驚喜!

今日同朋友去左八海山日式餐廳😋餐廳空間好大，枱與枱之間既距離好足夠！咁岩隔離枱有日本客人，感覺好似去左日本咁😂餐廳既服務好好，提供熱毛巾抹手，食到中間，侍應又會主動換碟。1.帶子裙邊：冷盤，爽口！2.雞泡魚乾：呢種雞泡魚乾加熱完香噴噴，係軟身既，保留左雞泡魚少許肉汁既感覺，愈咬愈香！齒頰留香！👍🏻👍🏻 有別於我過往食既乾身果種。3.龍蝦沙律：果然有唔少既龍蝦肉！好creamy，nice！😋4.雜錦魚生(上)：每款刺身都好新鮮、質素不錯！切得厚薄均勻適中。5.牛肉薯餅：熱辣辣，香噴噴！炸得好脆口，但不油膩！餡料都好足！😋6.和風蒜片牛柳粒：份量好足，味道正常。7.味增拉麵：有韭菜同叉燒粒，同不少既拉麵，食埋就飽哂了😀

同朋友嚟咗呢間居酒屋食晚飯，入到裏面感覺好有空間感，因為佢呢間餐廳面積都唔算大，但係就冇乜柱位，所以夠晒空間感，入到餐廳已經聽到啲笑聲同埋啲日本人喺度傾偈，我諗平時呢度都係日本人聚腳嘅地方，既然啲日本人嚟呢度聚腳，咁即係話呢度啲嘢食都會幾正宗!坐低睇完Menu之後，發覺呢間居酒屋啲價錢其實都好平民化，唔算貴！我哋最後叫咗雞泡魚乾(入口是熱辣辣夠野味)龍蝦沙律🥗(沙律裏面口感非常豐富因為有好多龍蝦肉）Sapporo生啤（夠晒凍，正！ ）牛油帶子（好香嘅牛油味！ ）燒鯖魚（原本我好怕食鯖魚，因為通常會有一陣魚腥味，但係呢間居酒屋嘅燒鯖魚完全冇魚腥味，仲有好多肉汁，應該係夠晒新鮮😋）海鮮炒烏冬刺身拼盤(哈哈！侍應同我哋講呢度而家做緊promotion，食滿$500，呢個刺身拼盤就半價，如果食滿$1000，就會免費🆓)!

星期日同屋企人喺尖沙咀行完街，我哋就嚟咗八海山食晚餐行上條樓梯就入到餐廳餐廳嘅裝修好有日本居酒屋嘅感覺，仲要有唔少日本人幫襯一坐低店員就會擺好熱茶、熱毛巾同埋餐前小食俾我哋。個餐前小食係日本芋頭仔，咬落去粉粉地，加埋佢個鹹鹹地嘅醬汁非常特別食完芋頭仔先記得要睇menu，呢度嘅食物種類都好豐富，刺身、天婦羅、炸物、鍋物等等乜都有龍蝦沙律($88+1)：啖啖都食到好厚實嘅龍蝦肉雞泡魚乾($95+1)：真係好好食，非常推介！雞泡魚乾燒得夠乾身，但係咬落去又會幾juicy唔會話乾爭爭，趁熱食有啲炭燒嘅味道，加埋個沙律醬真係冇得輸雜錦魚生(上)($420+1)：啲魚生全部都好新鮮，店員話佢哋全部都係喺日本直送過嚟嘅帶子牛油燒($100+1)：啲帶子大大隻，咬落去啖啖肉，牛油味都濃郁自家製忌廉薯餅($68+1)：雖然佢個名係叫薯餅，但係其實佢係日式嘅可樂餅。炸到鬆脆嘅麵包糠包住粟米薯蓉，完全就係日本地道嘅味道日式雪菜炒飯($90+1)：之前喺日本食過高菜飯糰，今日見到個日中對照嘅menu先知道原來高菜就係雪菜！雪菜同炒飯意外地夾，炒飯入面仲有白飯魚乾，成個配搭得意得嚟味道都唔錯除咗食物高質之外，呢

今日去咗朋友介紹嘅呢間日本餐廳，寶勒巷呢邊好靜，如果唔係朋友介紹應該都唔會發現呢間隱世高質日本餐廳😋前菜方面揀咗日本凍蕃茄（$70）厚薄適中，作為前菜非常開胃！飲品方面揀咗札幌啤酒（$68/中），入口的味道比起其他生啤較柔和偏甜，容易入口，而且泡沫綿密，值得一試👍刺身拼盤（$420）呢個就非常抵食，店舖做緊優惠有半價，刺身非常新鮮，特別係海膽，無腥味仲有少少甘甜，而且滑膩爽口。帶子牛油燒（$100）帶子粒粒都又大又鮮甜，無得彈👍自家製牛肉薯餅（$68）最驚喜嘅一道菜，完全係之前喺日本食嘅味道👍😋😋😋另外仲叫咗雞泡魚乾（$95）掛住食唔記得影相，雞泡魚乾唔係外面一般好硬嘅口感，而係軟身又甜嘅味道，配啤酒一流。整體而言，晚餐人均大約$350，但食物非常高質素（聽老闆講食材係由日本每日新鮮運到），餐廳環境好好，大部分都係日本人，呢間餐廳好似係日本人嘅圈中非常有名，可能因為非常貼近日本嘅味道，老闆好nice，好有耐心介紹菜式同埋分享資訊，誠意推介比去唔到日本又掛念日本味道嘅您！

近年西日、韓日、中日fusion 菜周街都有，要搵返原汁原味的日本正宗菜需要做d搜集🤓，八海山日本料理位於尖沙咀寶勒巷，已有18年歷史並被譽為日本人的飯堂。老闆員工們都會講日文、英文、廣東話及普通話。 所以進餐期間除了播放著日本背景歌曲，旁邊就是日本人同老闆用日語傾談落單。餐廳標榜用日本空運新鮮海魚，無論食物品質至店內環境都還原日本家庭料理店的親切舒適感，難怪疫情之前有8成以上都是日本客。落單前有一客似薯仔咬口嘅餐前小食，每人有兩粒涼拌芋頭球微甜開胃，精緻餐具還原傳統地道日本餐廳特式。=̶ 雜錦魚生(上) =̶ $420推介:⭐️⭐️⭐️⭐️⭐️赤身、油甘魚、三文魚、帆立貝、甘海老、鯛魚及海膽全部有三件。優質新鮮甜美，賣相又好，高質空運貨，絕無雪味信心保證，難怪老闆話幾位大廚都係日本人親自操刀。=̶ 龍蝦沙律 =̶ $88推介:⭐️⭐️⭐️⭐️粒粒小龍蝦仁、魚肉及沙律汁混合而成，有少許甜美口感，Juicy 又醒胃。= 雞泡魚干 =̶ $95推介:⭐️⭐️⭐️⭐️⭐️必點嘅一客小食! 完全食返當年在京都市居酒屋的口感味道!咸香的調味加上咬落去果種懷念的煙韌感，而且切片份量亦唔少，值得用呢個價錢點上👍= 帶子牛油燒 =̶ $

最近又有好事發生，為了慶祝一番，我地簡左間係尖沙咀歷史悠久，在香港已經有超過二十多年歷史嘅傳統日式餐廳<八海山>，為的就是尋找回到日本旅遊時的那種感覺，品嘗比較正宗的日式料理。餐廳位於尖沙咀寶勒巷，地點方便易找。進入餐廳，感覺就是非常傳統的日本風格，用上深色木系設計。餐廳地方非常寬敞，餐桌和坐位都讓人覺得舒適。旁邊的食客，除了本地客外，大部分主要是日本人，原來呢間日式餐廳都幾受日本客人歡迎，感覺有如置身於日本的傳統日式料理居酒屋。客人坐下後，服務員便會奉上熱毛巾，之後便會送上前菜及熱茶。前菜是日式芋頭丸子，配埋日式醬汁，咬下去滑滑的，然後又是粉粉的，微鹹味道，非常特別。<雞泡魚乾 $95>雞泡魚乾同一般喺外面嘅日式餐廳吃到的有點不同，它的質感比較厚，而且味道帶點點煙薰的味道，再加上七味粉同沙律醬，烤得乾身而不鞋口，非常好食。<雜錦刺身 上$420>雜錦刺身有赤身吞拿魚、三文魚、帆立貝、金海老、海膽、季節魚、油甘魚等，魚生質素非常高，全部都肉厚鮮甜，完全是因為用上最新鮮的食材，每星期都空運到港，絕非粗製濫造，保正新鮮。餐廳亦正在做優惠，如惠

今晚去一間日本人愛幫襯的正宗日式餐廳。身處典型日本風格的環境，聽到的都是日語，就如置身在日本一樣。地方寛躺，有包廂，座位間隔闊落。一來就遞上熱毛巾，抹抹手準備來享受美食最安心。薯仔沙律，$65不要以為只有薯仔，其實還有很多材料，洋蔥、青瓜、蛋、黑椒粒、沙律菜，口感味道超豐富。雞泡魚乾，$95咬一口已經讓人眼前一亮。和坊間那種硬硬的雞泡魚乾不同，這個柔軟得來有嚼勁，不會吃到牙骹痛。甜中有咸，味道不會過濃，吃得好滋味。雜錦魚生（上），平時$420，但現在抗疫價半價！所有食材都是在日本魚市場取貨後當日空運到港。所以每一款刺身都很肥美柔嫩，而且有著濃稠鮮，在口腔裏久久不散，要好似食家一樣每吃一款刺身就用茶來清清口腔。帶子更是特別，已帶有檸檬的酸來提升了它的鮮味，不用自己動手添加。再配上生磨Wasabi，更凸顯刺身的美味。這麼便宜就能吃到如此多的奢華美味，真的很超值。宮崎南蠻雞肉，$85雞肉鮮嫩有肉汁。不過面頭的醬汁太多，蓋過了南蠻雞肉的美味。而沙律菜的醋汁又滲入到某些雞肉裏而變得有點咸。意大利蔥吞拿魚法包，$85原來正宗日本菜都會有創新的食法。這個蔥吞拿魚法包細細件好方便。牙齒咬下法包時酥脆的

由於友人冇卜位，只好祈求搵間餐廳入去，不過有驚喜上菜有少少慢，不過服務很好。先黎左條燒魚，就咁點豉油食已經好好味。皮都脆卜卜！之後黎雞軟骨，都係熱辣辣既，唔錯。軟殼蟹沙律，都幾多軟殼蟹，不過嫌沙律菜少左dd。千呼萬喚既刺身終於到！我地三個人，每款有三件剛剛好。1. 吞拿魚赤身：有驚喜，以為會好瘦好乾，但係食落唔會，好有魚味。2. 油甘魚有六件，油香味正，唔會腥，好味。3. 蝦，夠大隻，冇雪藏味，正。4. 海膽，連青瓜食，不錯。5. 赤貝，唔腥，不錯。6. 大拖羅： 一流，冇筋，油香味超正，入口溶化。整體：價錢貴╴但係好有質素。明太子蛋卷：完全冇明太子味，失望。最失色係牛油帶子，拜拜。下次會再黎試埋壽司！！！

好耐冇食過日本野🇯🇵今次就同朋友去食佢推介嘅八海山~我哋叫咗吉列蠔🦪、雜錦魚生飯、天婦羅🍤配冷烏冬🍲、牛油果🥑軟殼蟹🦀卷、牛油帶子🧈等等當中吉列蠔表現亮眼🤩又大又juicy 熱辣辣炸起🔥好難唔好食🤪

居酒屋門口唔多起眼，一入到去卻好多人，等左成20分鐘先有位。睇餐牌選擇都好多，飯麵壽司沙律小食日本酒樣樣齊。1.燒豚肉飯豚肉飯睇落冇咩特別，除了豚肉就係飯，但竟然非常好食！豚肉肉質唔錯，肥瘦適中，配上特製燒汁鹹中帶甜好好食。而最正係d飯！黏黏地有少少煙韌，質感超級好食。細心品嚐更會食到米飯有種淡淡的米香。應該真係用日本米。2.味噌湯湯也是鹹了一點。味道較平時食到的突出，因除了落昆布外，還放了一些生蔥、日本豆苗等材料，明顯更惹味，係好野。3.軟殼蟹牛油果卷牛油果卷亦好好食。一口放入口中品嚐，會覺得牛油果好清香，中和同軟殼蟹的鹹味，恰到好處。軟殼蟹唔會太鹹，非常難得，令蟹味更加突出。4.前菜唔係好知係咩野，但幾好食，唔識形容。醬油亦好清新。整體食物絕對有驚喜。兩個菜式比出面一般的食店弄的明顯更好吃。然而，食物價錢也稍高一些，勝價比的評價真係見仁見智。餐牌：

話說平時以往去居酒屋都係晚餐時間，今次想早小小去，早去早散先發現原來大部份居酒屋係6點先開門，今次又發現新大陸，長知識了由於我同友人一踏正6點鐘就入店，我地係第一台客，一坐低先叫清酒，爽吓先點咗，清酒，梅酒，刺身沙津乾杯梅酒不錯燒明太子，我覺得有d煋仲有個泡菜炒䐁肉，枝豆，泡菜鍋，牛肉鍋冇影相整體來說叫咗甘多野食，叫咗2枝酒，又五會被人騷擾到你傾計,都幾好,價錢又親民,埋單1700蚊左右，算係幾抵食居酒,下次如果想同朋友傾計坐耐啲，黎呢到都係一個五错選擇